مشكلة صوت الديزل في الهايلوكس 2006 بنزين مع المكيف

[تــــوني]

بسم الله الرحمن الرحيم



ظهرت مشكلة من فترة طويلة بس ما حبيت استعجل في حلها لين أتأكد من مدى ضررها أو أني اشوف وش حلها ..



المشكلة هي صوت كأنه صوت ديزل في هايلوكس 2006 بشكل عام وخصوصاً مع تشغيل المكيف ..



في احد المواضيع الي نشرت في المنتدى عن الهايلوكس 2006 ومدى قوتها وأدائها ذكر احد الأخوان في المنتدى صوت كأنه صوت ديزل عن تشغيل التكييف وبالطبع ضميت صوتي لصوته ...



في الردود حصلت أحد الأخوان قال غير الزيت ويروح الصوت ...

ارسلت له رسالة خاصة وقلت له هل انت متأكد من المعلومة ....

فنقل المعلومة الى أحد المنتديات ...بحثت عن المنتدى وحصلته ...



ولقيت فعلاً كلام اخونا صحيح وجلست أتابع الردود ....الين لقيت ناس غيروا الزيت حق القير ...



ووصلت ردودهم بأنه فعلاً راح الصوت ....



قلت يا ولد ما فيها كلام لازم اروح اغير الزيت واشوف وأتأكد بنفسي ...

طلعت لمحل غيار الزيوت وقلت له غير لي زيت القير ...



غيرت زيت القير (قير عادي) بزيت فوكس 90 تقنية ألمانيه ...

والحمد لله راح الصوت ..



فـ قلت لازم أنقل المعلومة لحبايبي في منتدى مكشات ...



والسلام عليكم ورحمة الله وبركاته ...



اخوكم توني

[الهايلوكزز]

السلام عليكم ورحمة الله وبركاته
اخوي انا معي هايلوكس 2008 وفيه الصوت الي هو صوت الديزل اذا شغلة المكيف
ورحة لكم واحد يقوللي الفحمه حقة الكلتش وناس قالولي غير زيت القير وانا ابي استشيرك
مدامنك مغير الزيت حق القير هو راح الصوت لين الحين مافيه صوت ام رجع مره ثانيه الصوت.............
معليش على الاطاله في الاسئله ........
بس برضوه عند اخوي هلي 2007 وفيه نفس الصوت وصوت ثاني الي هو مثل الصفيره
عند تشغيل المكيف واذا ضغط علي الكلتش راح الصوت .......
.............ياليت تفيدوني يااهل الخبره ومعليش علي الاطاله..............

[faris2006]

شي غريب كان عندي سيارة فيه صوت كانها مكينه ديزل وعند تشغيل المكيف يزيد الصوت وبعد الفحص طلعة المشكله من طرنبة الدركسون واستبدلتها بجديدة واختفى الصوت
طبعا فكينا السيور واحد واحد وكبنا واحد ثم شغلنا المكينه اذا مافيه صوت فكبناه وركبنا الثاني وشغلنا المكينه والثالث نفس الطريقة الاول والثانية طلع معنا الطرنبة الدركسون
السيارة كرسيدا