إستفسار من أصحاب الخبره في التجهيز .. و المكشاتيين .. "تلفزيون في البر" !!

[قناص سدير 20]

السلام عليكم و رحمة الله و بركاته ..

حيا الله أخواني المكشاتيين في هالصرح الرائع ..

الله يجزاكم خير على ما قدمتوه و لا تزالون تقدمونه من نصايح و تناقل تجارب يستفيد منها أي زائر للمنتدى ..

عموما ، أنا عندي إستفسار .. دايم نكشت و تلقى فيه برنامج ولا مباراة ولا أي شي في ذا التلفزيون ما ودك يفوتك (:
((طبعا الإخوان اللي يقولون ما طلعنا البر إلا نبي الفكة (: نقول الله يجزاكم خير بس بعضنا ما قدر يصير مثلكم (: )) ;)

عاد فكرت إني أشيل معي شغل المخيمات ، صحن صغير و كذا و أقعد أوزن فيه بس إذا صرت في البر موب مثل الديرة تدري وين القمر الصناعي معه .. ولا أشتري ذا الجاهز اللي يجيب القنوات من نفسه بس عيبه ما يطلع كل شي :D

عطونا إقتراحاتكم لا هنتوا ، تجاربكم ، و خلونا نستفيد و يستفيد من بعدنا الزوار ..


الله يسعدكم و يحفظكم ..

[((ابوملاك))]

اذا تبي التلفزيون اقعد وشفه ببيتكم الصراحه بر وتلفزيون ما ينفع ابد

[مهاجرالديار]

السلام عليكم و رحمة الله و بركاته ..

حيا الله أخواني المكشاتيين في هالصرح الرائع ..

الله يجزاكم خير على ما قدمتوه و لا تزالون تقدمونه من نصايح و تناقل تجارب يستفيد منها أي زائر للمنتدى ..

عموما ، أنا عندي إستفسار .. دايم نكشت و تلقى فيه برنامج ولا مباراة ولا أي شي في ذا التلفزيون ما ودك يفوتك (:
((طبعا الإخوان اللي يقولون ما طلعنا البر إلا نبي الفكة (: نقول الله يجزاكم خير بس بعضنا ما قدر يصير مثلكم (: )) ;)

عاد فكرت إني أشيل معي شغل المخيمات ، صحن صغير و كذا و أقعد أوزن فيه بس إذا صرت في البر موب مثل الديرة تدري وين القمر الصناعي معه .. ولا أشتري ذا الجاهز اللي يجيب القنوات من نفسه بس عيبه ما يطلع كل شي :D

عطونا إقتراحاتكم لا هنتوا ، تجاربكم ، و خلونا نستفيد و يستفيد من بعدنا الزوار ..


الله يسعدكم و يحفظكم ..

وعليكم السلام ورحمة الله وبركاته

استخدم الدش في البر لي اكثر من سبع سنوات

وسويت اكثر من شاشة بداخلها رسيفر بكرت

مقاس 19 ومقاس 20 بلازما بنفسي في البيت

وصحن مقاس 30 براس واحد يجيبلي عرب سات ونايل سات

واستخدم برنامج في جوالي يعطينى اتجاه القمر ولا عانيت من اي مشكلة


اذا تبي تفك نفسك وجع الراس من ناحية الوزنية

فية محل بالغرابي عنده صحن يوزن حالة شف سعره واحكم بنفسك

[السارب]

قبل شهر كنت في السوق الصيني بدبي
ولقيت مجموعة متكاملة
صحن ورس يفر وشاشة ب بحدود 1200
السعر ماني متاكد منه
وكنت مسافر بالطيارة ومعي أغراض كثيرة ولا كان شريته
الصحن من المعدن الخفيف جدا
والقاعدة فيبر

[tmdmgm]

وعليكم السلام ورحمة الله وبركاته
سبحان الله

من اسبوعين كانت هوشتنا بسبب دش وتلفزيون
كشتنا للخشيبي واصر صديق على احضار دش وتلفزيون
نصحته لانه بيخرب طلعتنا ماسمع كلامي
انصك فريقه ب 4 وبرطم طول رحلتنا

لذا نصيحتي لي طلعتوا لسعة صدر اتركوا ضيقات الصدر في المدينة

[يزيد 999]

قبل 5 شهور فيه واحد نزل موضوع عن تلفزيونات للكشاته تجي بشنطة صغير فيها شاشة ورسيفر وصحن بس ما أذكر السعر زين لكن رقمه موجود عندي إذا تبيه وهو من أهل بريدة

[قناص سدير 20]

اذا تبي التلفزيون اقعد وشفه ببيتكم الصراحه بر وتلفزيون ما ينفع ابد

يا بعد راسي والله يا أهل حايل :)

شكلك ما قريت الجزء اللي قلت فيه (( اللي بيقول تلفزيون في البر ما ينفع )) :p

الله يجزاك خير على نصيحتك و أنا أخوك ..

[قناص سدير 20]

وعليكم السلام ورحمة الله وبركاته

استخدم الدش في البر لي اكثر من سبع سنوات

وسويت اكثر من شاشة بداخلها رسيفر بكرت

مقاس 19 ومقاس 20 بلازما بنفسي في البيت

وصحن مقاس 30 براس واحد يجيبلي عرب سات ونايل سات

واستخدم برنامج في جوالي يعطينى اتجاه القمر ولا عانيت من اي مشكلة


اذا تبي تفك نفسك وجع الراس من ناحية الوزنية

فية محل بالغرابي عنده صحن يوزن حالة شف سعره واحكم بنفسك


له يبيض وجهك يالغالي .. معلومات جدا قيمة بالنسبة لي و أفادتني كثير :good2: ..

إذا ممكن يا غالي و لا فيه كلافة تعطيني إسم البرنامج اللي يعلمك عن مكان القمر .. و نوع اللمبي اللي يجيب عرب سات ونايل سات سوى ..!؟

آسف جدا يا بعدي إني ثقلت عليك :D

[قناص سدير 20]

قبل شهر كنت في السوق الصيني بدبي
ولقيت مجموعة متكاملة
صحن ورس يفر وشاشة ب بحدود 1200
السعر ماني متاكد منه
وكنت مسافر بالطيارة ومعي أغراض كثيرة ولا كان شريته
الصحن من المعدن الخفيف جدا
والقاعدة فيبر

أشكرك جدا يالسارب .. أبيض وجه و علمك غانم .. ما قصرت .. :D

مشاركتك أفادتني .. و وسعت خياراتي ..

أشكرك يا بعدي :good2:

[قناص سدير 20]

قبل 5 شهور فيه واحد نزل موضوع عن تلفزيونات للكشاته تجي بشنطة صغير فيها شاشة ورسيفر وصحن بس ما أذكر السعر زين لكن رقمه موجود عندي إذا تبيه وهو من أهل بريدة


الله يسعدك و يخليك يا بعدي ...
فكرة جيده ..
إذا ما عليك كلافة يالغالي .. ليتك ترسله .. ;)

[قناص سدير 20]

وعليكم السلام ورحمة الله وبركاته
سبحان الله

من اسبوعين كانت هوشتنا بسبب دش وتلفزيون
كشتنا للخشيبي واصر صديق على احضار دش وتلفزيون
نصحته لانه بيخرب طلعتنا ماسمع كلامي
انصك فريقه ب 4 وبرطم طول رحلتنا

لذا نصيحتي لي طلعتوا لسعة صدر اتركوا ضيقات الصدر في المدينة

الله يسدكم و يوسع صدوركم بالعافية ولا يجيب لكم ضيقة الصدر ..

المسألة عندنا ما فيها تعصب يا ربي لك الحمد .. نشوف و إذا خلصت فليناها
وسواليف :good2:

فالمسألة تعتمد على نوعية الربع و ميولهم و لا فيكم قصور يا بعد راسي ..

[مفضخ الشري]

ودي افيدك ياراعي سدير بس ماعندي اي خلفيه لكن اغديك تنشد في قسم عدد و ادوات الرحلات بيعطونك العلم الوكاد

[السارب]

حياك الله
ابشر
انا عندي صورتين للجهازان حصلتها ابرفقها هنا
الشاشة صغير ة 12 فولت
والرسيفر كبر كف اليد
والصحن خفيف وصغير
وفيه ميزه
القاعدة موزونه للعربسات والنايل سات
كل ماعليك انك تثبت المسمار فقط
والسعر كان بحدود ال800 ريال
ذكرت سابقا انه ب1200

[مهاجرالديار]

له يبيض وجهك يالغالي .. معلومات جدا قيمة بالنسبة لي و أفادتني كثير :good2: ..

إذا ممكن يا غالي و لا فيه كلافة تعطيني إسم البرنامج اللي يعلمك عن مكان القمر .. و نوع اللمبي اللي يجيب عرب سات ونايل سات سوى ..!؟

آسف جدا يا بعدي إني ثقلت عليك :D

البرنامج لجهاز الجالكسي في سوق play اسمه "SatFinder"


http://www.mekshat.com/pix/upload06/images/2014/03/mk114940_001.jpg

ما فيه راس يجيب قمرين في وقت واحد

وهذي صورة الشاشة والصحن

http://www.mekshat.com/pix/upload06/images/2014/03/mk114940_123.jpg



http://www.mekshat.com/pix/upload06/images/2014/03/mk114940_456.jpg

وتقبل مني فائق التحية


:):heart:

[السارب]

الصحن اللي شفته فيه راس واحد فقط
لكن الميزة ان القاعدة فيها ماصوره صغيرة وفيها علامتين
الاولى للعربسات
والثانيه بعد تعديل الزاوية نايل سات

[قناص سدير 20]

ودي افيدك ياراعي سدير بس ماعندي اي خلفيه لكن اغديك تنشد في قسم عدد و ادوات الرحلات بيعطونك العلم الوكاد

الله يبيض وجهك و يجزاك خير يا بعدي ..

ردك ذا يسوى عندي الشي الكثير ، لا هنت و أنا أخوك :D

[قناص سدير 20]

حياك الله
ابشر
انا عندي صورتين للجهازان حصلتها ابرفقها هنا
الشاشة صغير ة 12 فولت
والرسيفر كبر كف اليد
والصحن خفيف وصغير
وفيه ميزه
القاعدة موزونه للعربسات والنايل سات
كل ماعليك انك تثبت المسمار فقط
والسعر كان بحدود ال800 ريال
ذكرت سابقا انه ب1200


الله يبيض وجهك و يجزاك خير و أنا أخوك ..
و ميزه حلوة و تريحك لما تكون القاعدة موزونة :good2:

[قناص سدير 20]

البرنامج لجهاز الجالكسي في سوق play اسمه "SatFinder"


http://www.mekshat.com/pix/upload06/images/2014/03/mk114940_001.jpg

ما فيه راس يجيب قمرين في وقت واحد

وهذي صورة الشاشة والصحن

http://www.mekshat.com/pix/upload06/images/2014/03/mk114940_123.jpg


http://www.mekshat.com/pix/upload06/images/2014/03/mk114940_456.jpg

وتقبل مني فائق التحية


:):heart:


الله يجزاك خير يا مهاجر و يبيض وجهك .. تعبتك معي و بس !
الله لا يهينك ، و أبشرك البرنامج حصلته موجود بالآب ستور حق الآيفون ، و كويس بعد ..

و طريقة القاعدة حقت الصحن جازت لي و تراني أستسمحك إني أطبقها مثلك (:

أبيض وجه و عسانا نرد لك معروفك و أنا أخوك ..

[مطر وسم]

http://www.mekshat.com/pix/upload06/images/2014/03/mk114940_456.jpg

^^^^^^^^^^^^^^^^^
اخوي مهاجر الديار وين احصل الدش هذا اللي في الصوره وكم سعره وهل يشتغل على محول السياره ؟

تقبل تحياتي