ابي محل يبيع عدد اصليه

[a7md]

السلام عليكم و رحمة الله و بركاته

كيف حالكم يا اخوان ؟

حبيت اسألكم عن محل بالرياض يبيع عدد اصليه من مفكات و مفاتيح ...
المحل اللي كنت متوقع القى عنده ساكو ، رحت لهم و ما لقيت الا صيني و تايواني
و شريت منهم مفك مربع واحد بـ 18 ريال ، والله ان مغناطيسه راح مع اول استعمال :no:
فاذا تخبرون لي محل عنده عدد صناعتها ممتازه سواء تجي كامله او مفرقه يا ليت توصفونه لي

اخوكم احمد

[خياله]

اخي رح شارع الريل في البطحاء فيه محل اسمها الفانوس يبيع العده الاصليه والعده التجاريه

[أبوناصر]

صدقت اخوي خياله

وراح تلقا محلات بالكوم خذلك لفه فيه وأنت فاضي

ولا تستعجل بالشراء اسأل وشاور أهل الخبرة

[imksa]

اخوي

زي ما ذكرو لك الشباب ،،، لكن مو كل اللي موجود في شارع الريل اصلي ومو كل شي مكتوب عليه الماني الماني :)


اهم شي تاخذ الضمان ( شريت دينمو وخرب علي بعد شهر البودي حقه ما يواجه مكسر ،، ومع ذلك غيروه لي بجديد ) والكلام هذا يسري على السكاريب والمفاتيح والحبه .


طبعا الفانوس مميز ولكن فيه غيره متخصص بادوات معينه .

مجداف اللي مقابل العروبه بلازا على طريق الملك فهد عنده عدد عالية الجوده لكنها محدوده بحكم تخصصه في الالكترونيات .

فمان الله

اخيرا

[ابوطاقية]

لاتبعد عن شارع الريل