شراء تاهو 2014 من الوكالة أم من المعارض

[al_6weeel]

السلام عليكم و رحمة الله وبركاته




اخواني الأعزاء :



أرغب بمشورتكم لشراء تاهو LT دبل موديل 2014



الوكالة:



1- الجميح : 135.900 ريال ( شامل اللوحة و الاستمارة و التأمين ضد الغير)



2- التوكيلات 135.000 ريال ( شامل اللوحة و الاستمارة و التأمين ضد الغير)








المعارض:



لفيت معارض الرياض ( الشفا و النسيم ) حصلت معرض في الشفا يبع السيارة ب 131.500 ( شامل اللوحة و الاستمارة و التأمين ضد الغير) ، ضمان الجميح ، ماشية 20 كيلو ( عشرون كيلو فقط لاغير ) ، و جميع الألوان متوفرة ماعدا الأبيض...








سؤالي:



هل يوجد فرق ، اذا شريتها من الوكالة أو من المعارض








ملاحظة:



جميع سيارات ( الشفروليه و الجمس ) في المعارض تكون باسم المعرض ، بمعني آخر : انت المالك الثاني ( لقد تحققت من هذا الموضوع من أكثر من شخص )








جزاكم الله خير ، وبانتظار آرائكم و مشوراتكم

[al_6weeel]

39 مشاهدة ، ولا رد..


مساء الخير للجميع

[لسان الحقيقة]

خذ من المعارض ارخص بس تأكد من نظافة السيارة من الخدوش وخلافها واكتمال اغراضها (دواسات-طفاية ..الخ)
واما مسألة ماشيه (20) كيلو فهذي طبيعية مافيه سيارة جديدة عدادها صفر.!!

= الغريبة تقول انك المالك الثاني!! مع ان العادة تكون المالك الاول لانك تعتبر شاري بطاقة جمركية

[السارب]

الله يوفقك اخوي
انصحك بعدم شراء سيارة جديدة من المملكة اذا كانت يابانية او امريكية
اشترها من الخليج افضل
تاكد من سعر السيارة لدى وكيل قطر

[السنع كله]

ولاتستعجل تحصل في المعارض ارخص من هذا بكثير

وتراه مافيه فرق كلها ضمان الوكيل بل ضمان الشركة الام

[حان الرحيل]

السلام عليكم........
سواءا من المعرض او الوكيل لا خلاف في ذلك....حتى لو انك المالك رقم 100 طالما السياره جديده.....والضمان هو نفس ضمان الوكيل..
الشي الثاني الاسعار هذي مرتفعه وخصوصا اللي في المعارض....الان الوكالات يصفون ال2014 اللي هي اصلا نسخه طبق الاصل من 2013 وتحت.....
ونازل بعد كم شهر 2015 بالشكل الجديد والمحركات المطوره والداخليه الجديده (نفس الونيت سييرا 2014)....
وعند نزول الشكل الجديد اتوقع نزول قوي للموديلات القديمه....لان شكل ال2007 هو نفس شكل ال2014...
شكرا لتصفحكم ....

[راعي العشــه]

اخوي الطويل
اذا تكرمت اي معرض في الشفاء اللي يبيع ١٣١ الف
لاني ابي واحد وحصلته بالحفر ١٣٤٥٠٠ ريال