نهاية الفزعه

[back2]

السلام عليكم
وشخباركم يا جماعه الخير المكشاتيه
انا موتري جديد 2013 ما عمري سحبت فيه احد وحصلت شخصين مغرزين وهالموقف مر علي قلت افزع لهم
المهم قالو معك واير واشوف التغريزه مايبيلها الاا تنسيم وسواقه وتمشي
المهم عطيته الوطايات ومشت موترهم قدام شوي مسافة متر تقريبا ولا قدر يرقصلها قال خويه بدق علي خويي يجيب واير قلت وشدعوه وشبك انا الواير بموتري وعطي اخر الواير لخويه وشبكه
وسحبته يوم جيت بوقف الموتر قالي قدم شوي يمين وسمع طققققققق بالسيارة يبدو ان الرجال مدري موتره طافي او ضارب فرامل مدري عنه وسمع الثانيه ووقف قلت له وشفيك قال الموتر مايعشق
المهم نزلت وفكيت الواير من موتري وقلت له الله لايهينك اللي هو السواق فكه من موترك حاول قال مقدرت انت فكه وفقكيته اخر شي قال الله يجزاك خير وقالها وهو يضحك شكلها ضحكت استهتار
وشوف خوياه كلهم اغلبهم يطالعوني ويضحكون بعدها حرمت اني افزع لشباب خصوصا لا صارو اكثر من شخص افزع لعايله ولا لشخص بلحاله وباين انه متورط مب بمكان عام

بينما وانا على طريق الرياض لقيت واحد معه خيام ومتعطل قال بس ناقصني مفك ورفاعه قلت ابشر قلت انت من وين قال انا(( **** )) يوم قالي *****بغيت ادوير وخليه المهم قال انا محتاج رفاعه ومفك للكفر قلت ابشر
ويفك ويركب هو منحاله ويعطيني عدتي ويقولي لا تسوي شي يوم خلص قالي الله يجزاك خير وقليل اللي مثلك بهالزمن ويمدح فيني ويدعيلي وانا بلاساس ما سويت شي

ابي
رايكم ياجماعه

[شاق النفد]

جزاك الله خير
ونصيحة لاتفزع لاحد الا اذا طلب منك وماله الا انت بعد الله

قد لقيت وراعين على هايلكس مغرزين ويشرون لي بغترهم من الحاجة ويصايحون يا راعي الشاص يا راعي الشاص
واجيهم قلت اشبكو الواير في شاص الموتر من ورى قال اخاف يعفط الصدام قلت لاتخاف لانه قدامه طعس ولايمديه
المهم يوم بغيت اسحبه ويصايح علي وقف وقف قللت عسى ماشر قال سمعت صوت قوي مع طقه قلت طيب لاني ابسحبك
قال اسحبه من قدام لاتسحبه من ورى قلت يالحبيب تدري فك الواير ضحك قال ليش قلت دورولكم احد يسحبكم من قدام
ويفكه وامشي واخليهم طبعا كان فيه ناس واجد حولهم ولا كان ما خليتهم

[ابوسند9]

وعليكم السلام
شكلك يا الغالي ساحب والسياره بالدبل الثقيل ,,وايش نوع السياره

[ابوسند9]

تصحيح الدبل الخفيف

[سحب ممطرة]

فعلا فيه ناس ماتستاهل

أذكر واحد من الاخوان حصل شباب مقطوعين وهو لحاله وشالهم معه و للأسف يوم نزلهم أكتشف أنهم سرقوا الجوال !!


ومر علي موقف محرج شوي هههههه

أذكر مرة أمطرت علينا المهم شغلت الهايلكس و اخذت العزبة وعلى البر إلا واشوف رجال كبار بالسن مغرزين داخل البر بس وانا أحول عليهم قلت جتكم الفزعة إلا وأنا أغرز قبل ما أوصلهم ههههههههههه دخلت بتغريزة و الكفرات معباه بالحيل ..

المهم ونطلع الهلي ونسحب سيارتهم بسيارتي وبعدها رجعت بالليل و أنا منهك القوى ههههههههههه

[ابوشاهه]

اذا شفت عائلة فقط ...فقط...فقط...افزع معهم ...اما ماعدا ذلك ..اتركهم ترى الرجال ماعليه خوف .. الخوف على الحريم الضعيفات والاطفال..هذا رأي الخاص ..

[أبو الوليد 14]

لا تفزع إذا معك عائلة
إذا انتم شباب افزع للي تبي عوايل شباب
مرة نتمشى بالنفود على آخر العصر ونمر من عند ناس مغرزين وياشرون يبون فزعة
خوينا السواق مشى كنه ما شافهم ....وقفنا نصلي المغرب وغرزنا ولا طلعنا الا قبل الفجر
اثناء الغراز لاشفنا نور سيارة ناشر له ويشطف كنه ما شافنا ههههههه
عقبها السواق نفسه لو يشوف اي موتر يوقف له

[sgl2002]

والله بالنسبه لي ما اساعد الا اللي منقطع ماحوله احد

[back2]

تصحيح الدبل الخفيف

اي نعم ساحب بالدبل الخفيف بس الطقه هذي من صوت الهوك ;) مع شدة الواير

[back2]

الواحد يحتار من الردود وكلن له وجه نضر اللي يقول لا تفزع الاا لعايله واللي يقول لا تفزع الاا للي يشرلك والله الواحد يحتار صراحه والي يقول افزع لا صار معك شباب انا يالخوان ما فزعت للرجال الاا وان موقفه مر علي وابي الخير ولو داري ان هذي اخرتها ما فزعت والله يوفق الجميع واعيد واكرر هذا صار درس لي لا تفزعون الاا لعايله او واحد منقطع ويشر وباين انه ناشب ومتوهق

مب واحد ماخذها فله ووناسه وهواية

[back2]

والله بالنسبه لي ما اساعد الا اللي منقطع ماحوله احد

وزود عليها واحد يشر ,, كفو يشنب افضل رد عجبني ولا يهنون المكشاتيه :good2:

[back2]

لا تفزع إذا معك عائلة
إذا انتم شباب افزع للي تبي عوايل شباب
مرة نتمشى بالنفود على آخر العصر ونمر من عند ناس مغرزين وياشرون يبون فزعة
خوينا السواق مشى كنه ما شافهم ....وقفنا نصلي المغرب وغرزنا ولا طلعنا الا قبل الفجر
اثناء الغراز لاشفنا نور سيارة ناشر له ويشطف كنه ما شافنا ههههههه
عقبها السواق نفسه لو يشوف اي موتر يوقف له

هذي يمكن صدفت بس شكل سواككم شككاك :D

ويمكن انطبقت عليه مقولة كما تدين تدان

[اسبيدر مان]

قبل كم سنه كنت انا ومعي ولد اختي طالعين للبر عقب مطر المهم لقينا ثلاثة شباب معهم هايلوكس غماره متعلقين قلت في نفسي شكر لله على هل مطر ابساعدهم رقيت لمهم ونزلت ومعي الواير المهم ولا واحد منهم ساعدني بتركيب الواير ركبته انا وولد اختي المهم الموتر قيره تماتيك حطيته بدي واحد ومع الدبل الثقيل
استغربت الموتر ياالله يمشي مهب عوايده تفاجئت انه ماساعد معي راكب بس بالسياره والسياره طافيه قلت يمكن مافيها بنزين كافي وازود الدوسه شوي واطلع السياره الا يوم غرز موتري شبه تعلق المهم فكينا الواير حق السحب واشوف واحد منهم نازل يصور وطلعت الهايلوكس من التعليقه وتفاجئت من راعي الهايلوكس يقولي ان فيه راعي جيب شاص تبي ندق عليه على شان يجي يسحبك ويطلع موترك من التغريزه قلت لهم مايحتاج يبي يطلع ان شاء الله بدون سحب المهم راحو يطاعسون بالنفود الى حولي وانا كلي دهشه ماني مستوعب الي يدور حولي قمت ونسمت الكفرات بزياده وشلت الرمل الى بطريق الكفرات والحمد لله شوي قدام وشوي وراء وطلع الموتر لكن تفاجئت ان ولد اختي الى كان نازل يقول انهم وانت تسحبهم يمسكون فرامل بسياره ويضحكون وان السواق قال لواحد منهم انزل على شان تصور
الى فهمته انا انهم عندهم تعصب مفرط بسبب ان معهم سياره من تايوتا وانا سياره من نيسان وهدفهم يبوني اغرز على شان يدقون على جيب من تايوتا الى هو الشاص على شان يسحب موتري وهم يصورون وباكر تلقاها باليوتيوب

بعدها اذا تعطل قريب او معرفه فزعت له وغيره من فوقه العذر

[back2]

اذا شفت عائلة فقط ...فقط...فقط...افزع معهم ...اما ماعدا ذلك ..اتركهم ترى الرجال ماعليه خوف .. الخوف على الحريم الضعيفات والاطفال..هذا رأي الخاص ..

اغلبيه المكشاتيه نفس وجه نضرك عوائل غيرهها لاتوقف الاا لواحد منقطع ولحاله ويشر وباين انه متوهق وناشب

الله يبيض وجهك

[back2]

قبل كم سنه كنت انا ومعي ولد اختي طالعين للبر عقب مطر المهم لقينا ثلاثة شباب معهم هايلوكس غماره متعلقين قلت في نفسي شكر لله على هل مطر ابساعدهم رقيت لمهم ونزلت ومعي الواير المهم ولا واحد منهم ساعدتي بتركيب الواير ركبته انا وولد اختي المهم الموتر قيره تماتيك حطيته بدي واحد ومع الدبل الثقيل
استغربت الموتر ياالله يمشي مهب عوايده تفاجئت انه ماساعد معي راكب بس بالسياره والسياره طافيه قلت يمكن مافيها بنزين كافي وازود الدوسه شوي واطلع السياره الا يوم غرز موتري شبه تعلق المهم فكينا الواير حق السحب واشوف واحد منهم نازل يصور وطلعت الهايلوكس من التعليقه وتفاجئت من راعي الهايلوكس يقولي ان فيه راعي جيب شاص تبي تدق عليه على شان يجي يسحبك ويطلع موترك من الغريزه قلت لهم مايحتاج يبي يطلع ان شاء الله بدون سحب المهم راحو يطاعسون بالنفود الى حولي وانا كلي دهشه ماني مستوعب والي يدور حولي قمت ونسمت الكفرات بزياده وشلت الرمل الى بطريق الكفرات والحمد لله شوي قدام وشوي وراء وطلع الموتر لكن تفاجئت ان ولد اختي يقول انهم وانت تسحبهم يمسكون فرامل بسياره ويضحكون وان السواق قال لواحد منهم انزل على شان تصور
الى فهمته انا انهم عندهم تعصب مفرط بسبب ان معهم سياره من تايوتا وانا سياره من نيسان وهدفهم يبوني اغرز على شان يدقون على جيب من تايوتا الى هو الشاص على شان يسحب موتري وهم يصورون وباكر تلقاها باليوتيوب

بعدها اذا تعطل قريب او معرفه فزعت له وغيره من فوقه العذر

لا يغالي العايله اهم من هذول كلهم يالغالي خصوصا لا صارو بمقطعه :)

[back2]

جزاك الله خير
ونصيحة لاتفزع لاحد الا اذا طلب منك وماله الا انت بعد الله

قد لقيت وراعين على هايلكس مغرزين ويشرون لي بغترهم من الحاجة ويصايحون يا راعي الشاص يا راعي الشاص
واجيهم قلت اشبكو الواير في شاص الموتر من ورى قال اخاف يعفط الصدام قلت لاتخاف لانه قدامه طعس ولايمديه
المهم يوم بغيت اسحبه ويصايح علي وقف وقف قللت عسى ماشر قال سمعت صوت قوي مع طقه قلت طيب لاني ابسحبك
قال اسحبه من قدام لاتسحبه من ورى قلت يالحبيب تدري فك الواير ضحك قال ليش قلت دورولكم احد يسحبكم من قدام
ويفكه وامشي واخليهم طبعا كان فيه ناس واجد حولهم ولا كان ما خليتهم

وفعلا المفروض اني ما اوقف الاا لواحد يشر + منقطع + واضح انه متوهق وناشب لأن حالات الغدر زادت بهالزمن

[كم كيلو باقي]

الحالات النادرة والشاذة مايقاس عليها
واللي يبي الاجر بيفزع ولا يدور شكر من احد
الحمدلله خمس سنوات ما اشوف احد الا افزع له ومنهم اللي اسلوبه طيب ومنهم غير ذلك
ومن فضل ربي علي تعطلت وتوهقت وشفت الهلاك والحمدلله يرزقني ربي بوسيلة للخروج من الغراز

واغربها في النفود لحالي و ( ماحولي من يقول ربي الله )
واطب في نقرة مستحيييل اطلع منها وادعي ربي ويرزقني برشة مطر من اروع مايكون
ويطلع الموتر من فضل الله
وسبق اني تعلقت وشب علي صدري ماقوا اتحرك ويرزقني ربي بخمس شباب شقرردية طلعوني وطلعوا موتري

اهم شيء انزل وسلم واعرض عليهم الخدمة
ولا تمن على احد انك ساعدته الفضل لله وحده
وبالنسبة لوجهة نظر الاخوان اللي يقولون عائلة بس
ترا ماتدري من اللي توافق دعوته ساعة استجابة سواء عايلة ولا مراهقين

[سحب ممطرة]

موضع شيق و ملي بالمواقف

قصة صارت لرجال أعرفة كبير بالسن راح للبر ومعاه اثنين ما أبنائه لصيد المهم تمركزوا على منقع ماء

قنصوا وتغدوا و يوم حركوا بيمشون للديرة إلا وهذا الشايب اللي يصوت عليهم لحاله مامعه أحد ويرحون له وقالهم أنا مغرز بقاع وإبي فزعتكم

وماقصروا سحبوه

يقول خوينا أنهم بعد ماطلعوه مشى الشايب مسافة 3 كيلوا ودق بوري أستغربنا منه ليه ضرب بوري إلا شوي و يطلعن حريم من ورى صخره كبيرة ويركبن معه . أثريه خايف أن يجيه واحد مايخاف الله. وزابنهن بعيد ..

[back2]

الحالات النادرة والشاذة مايقاس عليها
واللي يبي الاجر بيفزع ولا يدور شكر من احد
الحمدلله خمس سنوات ما اشوف احد الا افزع له ومنهم اللي اسلوبه طيب ومنهم غير ذلك
ومن فضل ربي علي تعطلت وتوهقت وشفت الهلاك والحمدلله يرزقني ربي بوسيلة للخروج من الغراز

واغربها في النفود لحالي و ( ماحولي من يقول ربي الله )
واطب في نقرة مستحيييل اطلع منها وادعي ربي ويرزقني برشة مطر من اروع مايكون
ويطلع الموتر من فضل الله
وسبق اني تعلقت وشب علي صدري ماقوا اتحرك ويرزقني ربي بخمس شباب شقرردية طلعوني وطلعوا موتري

اهم شيء انزل وسلم واعرض عليهم الخدمة
ولا تمن على احد انك ساعدته الفضل لله وحده
وبالنسبة لوجهة نظر الاخوان اللي يقولون عائلة بس
ترا ماتدري من اللي توافق دعوته ساعة استجابة سواء عايلة ولا مراهقين

انا اخوي ما فزعت لرجال الاا ابي الاجر :)
لكن لو خليتهم فيه من يجي يسعفهم
عشان كذا بعد ما صار الموقف قررت الفزعه لعايله ولا واحدن مقطوع
في ناس لو ما تفززع لهم الف واحد غيرك يفزعلهم
وفي ناس لو ما تفزعلهم مافيه غيرك يفزعلهم و من يشوفك من بعيد يشر ويصوت !!
اتمنى تركز بهالنقطتين..
واتمنى وضحت الصورة
وفعلا كلامك ماتدري من اللي توافق دعوته

[نفح البرادي]

السلام عليكم

يا إخوان .. فزعتوا لناس تستاهل أو ما تستاهل

المراد إبتغاء الأجر من وجهه الكريم وثم المساعدة للمحتاج

ولا تنتظروا الشكر من أحد دام جزاكم من رب العالمين

[ماء نوفا]

الشباب الي يستهترون ويضحكون ويطقطقون فك حبلك وتركهم

[سيد النشاما..]

ياما فزعنا ولالقينا من يستاهل فزيعة
على كلن هذي السالفة تخليك تفطن بأشكال الرجاجيل اللي يستاهلون واللي مايستاهلون الفزعة
والحياة عرف وتجارب , الله يعينك ويقويك

[سيد النشاما..]

السلام عليكم

يا إخوان .. فزعتوا لناس تستاهل أو ما تستاهل

المراد إبتغاء الأجر من وجهه الكريم وثم المساعدة للمحتاج

ولا تنتظروا الشكر من أحد دام جزاكم من رب العالمين



كلامك صحيح يالغالي ...
ولكن لي وجهة نظر بما أن صاحب الحاجة يلووح بيديه ويطلب فزعة وأنا لبيت طلبه وجيت أفزع لاشك أني ابغا الأجر في تلبية طلب المحتاج وهذي مأجور فيها بإذن الله
ولكن بعد الفزعة فرضا صادف لي مثل موقف الرجال صاحب الموضوع فواجب على المفزوع له على الأقل أنه يعتذر أقل أقل شيء يسويه لي علشان اروح من عنده راضي ...
فلو كان أسلوب رده وأخلاقه رديئة صدقني يالغالي راح نوصل مرحلة تصير فيها الفزعات معدومة

شوف أنا شخص أحب أفزع بمثل هالمواقف للأجر ولأني ميقن أنه بيجي يوم احتاج أحد يفزع لي ولكن صراحة تحدث لي أنواع الغرايب من الشباب وحدث ولا حرج

موضوعك مثير للنقاش ياصاحب الموضوع ولاهنت على كل حال

[صليب الراي]

بالنسبة لي ما يهمني ان كانو عوايل ولا عزابيه كانو يتمشون ولا كاشتين

المهم بالنسبة لي اني لا شفت المحتاج بفزع له وبروح له قبل ما يشر

والله اني احتسب عند الله شوفته لي وانا مقبل عليه من غير ما يطلبني وفرحته

وسواء شكر او ما شكر ساعد او ما ساعد انا سويتها لله .. خربت سيارتي ولا ما خربت

كل هذا عند الله والي عنده ما يضيع .

وياما وياما شفت العجاب .. لا شفت عايله اوقف من بعيد ودق له هرن

ما يلتف حته ولا يقول مشكور والي نسحبه وانا الي مركب القلص لموتري وموتره

وانا الي افك القلص ولا يقول جزاك الله خير .. انا ما انتظر منه شي

المقصد يا اخوان احتسبها تفريج كربه ولا يهمك من شكله ولا كلامه ولا ردوده وتصرفاته

ومن يدري يمكن ما ينفعك الا هي .

[back2]

كلامك صحيح يالغالي ...
ولكن لي وجهة نظر بما أن صاحب الحاجة يلووح بيديه ويطلب فزعة وأنا لبيت طلبه وجيت أفزع لاشك أني ابغا الأجر في تلبية طلب المحتاج وهذي مأجور فيها بإذن الله
ولكن بعد الفزعة فرضا صادف لي مثل موقف الرجال صاحب الموضوع فواجب على المفزوع له على الأقل أنه يعتذر أقل أقل شيء يسويه لي علشان اروح من عنده راضي ...
فلو كان أسلوب رده وأخلاقه رديئة صدقني يالغالي راح نوصل مرحلة تصير فيها الفزعات معدومة

شوف أنا شخص أحب أفزع بمثل هالمواقف للأجر ولأني ميقن أنه بيجي يوم احتاج أحد يفزع لي ولكن صراحة تحدث لي أنواع الغرايب من الشباب وحدث ولا حرج

موضوعك مثير للنقاش ياصاحب الموضوع ولاهنت على كل حال

الله لا يهينك وبتشوف العجب العجب وانا ما فتحت الموضوع الاا للنقاش والله يجزاك خير
على ردك اللي يبرد القلب

ا

[ميدان التحدي]

https://www.youtube.com/watch?v=SjsGy2h8pY4&feature=youtube_gdata_player
اللي يدق فرامل ولايساعدك ودك تسوي له تسذا

أرسلت من GT-I9100 بإستخدام تاباتلك

[التعـ King ـديل]

انا قصتي مع الفزعه قصه مدري وش اقول عنها

مره انا طالع للشرقيه وانا مع الخط شفت موتر عائله متعطل وواقف على جنب ويأشرون وقفت عندهم الا هم ولد صغير ابو 16 سنه ومعه اهله حريم كلهم والسواق ،، قلت له وش مشكلتك قال البطاريه فصلت علينا ونبي اشتراك قلت ابشر ناظرت موتري مافيه اشتراك عكست الخط لاني كنت متعدي محطه مهيب بعيده ويوم وصلت المحطه شريت اشتراك ورجعت للولد وشركت موترهم واشتغل يوم جيت امشي قالي الولد خذ الاشتراك قلت لا خله معك انت قدامك خط ولا تدري وش يصير لك ويوم جيت بمشي قال الولد ابي رقمك علشان اذا رجعت للرياض ارجع لك الاشتراك رفضت بالبدايه واصر الولد وعطيته رقمي ومشيت وكان هالكلام يوم اربعاء الليل اول يوم وطني سووه بالسعوديه يوم عطونا السبت اجازه معه المهم مالكم بالطويله يوم جاء يوم الثلاثاء ويدق جوالي رقم غريب الساعه 11 بالليل الا واللي يكلمني الله يهديه سكران ومعطبها على الاخير ويسبني ويغلط علي وانا مدري وش السالفه قلت وش السالفه قال انت تتحرش ببناتي وتبي تعتدي عليهم وهات انواع السب والغلط ومن بعدها ماعاد اوقف عند احد على الدزه للمكان اللي ابيه

[فرفور بريده]

خلك من السحب

مرتن شفت راعي شاص متعطل جديد على وقته 11 او 12

الكفر مبنشر ونوقف

ونقول سلامات

قال نبي ماطور هواء

ونروح ونخليه !

موترك جديد شاص تويوتا يجي معه ماطور هواء شد بلد ليش ماتستخدمه ؟

[مفكر إسلامي]

الي يبي الاجر من الله ما يهمه من يساعد وسيلقى اجره فإن الله لا يضيع اجر المحسنين

[قـــزاز]

افزع للشخص لعل الله يكفيني بعض كرب يوم القيامه
مهما كان رده او تصرفه
بالناس صاحي و مرضان

[حفراويون]

ورع طفل شايب هندي الي يطلب المساعده ما ارده والله يجزي كل طيب بالطيب

[back2]

ورع طفل شايب هندي الي يطلب المساعده ما ارده والله يجزي كل طيب بالطيب


والله يجزاكم خير جميعا وعلى الردود اللي تشرح الصدر

[يزيد 999]

والله إن الفزعة اللحين صارت تحير الواحد ودك تفزع بس ما ودك أنت تخسر

أذكر أول ما شريت الباترول 97 كنت يوميا بالنفود المهم وأحصل لي شايب يأشر ويصوت وأروح له وألقى موتره مدفون بطنه بالأرض وغرازه شين المهم وأنزل الواير والكريك وأبدأ أشتغل وأحفر والشايب راكب بالفتك ومشغل المكيف وأنا الشمس ضاربة فوقي وأجي وأسحبه وأحاول ويالله بعد نص ساعة طلعته ويوم طلع موتره ولا موتري فيه ريحة حراق وعيا يشتغل جيت ووقفته يبرد ويمر من جنبي الشايب بدون مايقول ولا كلمة وأول مارجعت لديرتي احترق الكلتش وغيرته ب 1000 وشوي ومن عقبه صرت أحاول ما أفزع إلا للمضطر

[ابو ساره العنقري]

فزعه لعائله مبنشره بطريق الرياض وظفت صديق لي بشركه اتصالات مرموقه وراتب قوي توسط له والد الاسره

لمجرد انه وقف وفزع يبتغي وجه الله

افزع وخذ العلم الغانم ولا تقيم هذا يستاهل وهذا ورع وهذا مو كفو

الرجل يعيش سنين يتمنى فرصه شهامه لاتخليها تفلت من يدك

ماهو تهون عنها على خراب دبل ولا واير

يمكن هالمراهق الابله الي ماقدر فزعتك يقول سالفته لامه وتدعي لك بظهر الغيب دعوه تفتح الدنيا ومافيها

[روقي نجد...]

هذا موقف مر على الأسبوع الماضي حبيت أشاركم فيه كنت راجع من كشتة بالصمان وقبل ما أدخل رماح حصلت سيارة في عرق أبو ثمام يمين الخط مولع الفلشر (مغرز)وبمسافة ماهي بعيدة عنه جلسة شباب ومعهم كذلك سيارة صغيرة المهم ميلت يم راع السيارة وسلمت عليه لقيته شاب مغرزة سيارته واللي بجنبه أخوياه مافزعوا له المهم نزلوا ربعي اللي معي وطلعوا موتره طبعاً خلال ذا الوقت ماسلم من تعليقاتهم عليه من بعيد.

[.manofstar7]

الحالات النادرة والشاذة مايقاس عليها
واللي يبي الاجر بيفزع ولا يدور شكر من احد
الحمدلله خمس سنوات ما اشوف احد الا افزع له ومنهم اللي اسلوبه طيب ومنهم غير ذلك
ومن فضل ربي علي تعطلت وتوهقت وشفت الهلاك والحمدلله يرزقني ربي بوسيلة للخروج من الغراز

واغربها في النفود لحالي و ( ماحولي من يقول ربي الله )
واطب في نقرة مستحيييل اطلع منها وادعي ربي ويرزقني برشة مطر من اروع مايكون
ويطلع الموتر من فضل الله
وسبق اني تعلقت وشب علي صدري ماقوا اتحرك ويرزقني ربي بخمس شباب شقرردية طلعوني وطلعوا موتري

اهم شيء انزل وسلم واعرض عليهم الخدمة
ولا تمن على احد انك ساعدته الفضل لله وحده
وبالنسبة لوجهة نظر الاخوان اللي يقولون عائلة بس
ترا ماتدري من اللي توافق دعوته ساعة استجابة سواء عايلة ولا مراهقين



ما شاء الله عليك ياخوي و لا يهونون الإخوان كلهم...

برضه كلن يبي الأجر ولا يبي الجزاء الا من الله سبحانه , لكن بعض الأحيان يجيك أحد يغثك
و لولا الخوف من الله كان تدق سلف و تخليه يأكل هواء:D من جد مثلاً شخص يرفض إنه ينسم هواء كفراه مع أن بها فوق 40 , أو يكون غشيم و لا يدير السواقه و يخليك تغرز و أنت جاي تطلعه من الغراز , و الا وغدان جنب الخط مغرزين ,,, يعني ما راح يموتون من العطش و الله يخلي لهم أمن الطرق و الا النجدة لأنهم لو طلعتهم أنت راح يمشون شوي و يغرزون و يستفزعون في الناس اللي حولهم لأنهم للأسف ( ماعندهم دم و لا حياء ) .

أخيراً و ليس آخراً ... النيه ثم النيه ثم النيه.
تحياتي

[((ابوملاك))]

انا صارت لي مواقف واجد وانواع الخرابات بموتري بدون شكر او سلام حتى ويزعلون بعضهم

لكن انا ما وقفت انتظر سلام او شكر معتبرها صدقه عليهم وفزعه وجتني ايام احتجت لفزعه ومحد فزع لي لكن الدعوى اجر باذن الله

[عطيه الدوسي]

(من فرج كربة عن مسلم فرجه الله له بها كربةً من كرب يوم القيامه)

(صنائع المعروف تقي مصارع السوء)

اذاكنت تستطيع مساعدة الآخرين فلا تبخل ولا تتردد واحتسب الاجر من الله وحده

[صفحة تربوية]

كنت بحائل بالنفود عام 1428

المهم برد ذاك اليوم وجاء مطر

ونا راجع العصر ومن البر صاير حوسه وملابس ثقيلة

لقيت بزر معه اهله جي اكس ار 2007 جديد تماتيك

مغرز ولاعشق دبل ولانسم

المهم نسمنا الكفر وطلعت لهم الموتر

بس به بنات معه بالسيارة انواع الضحك والاستهتار

[ahamed]

ان شاء الله طايح الصدام بعد ما طلعتهم ولا خرب الونش
وما عليك من ضحكهم
الله يجزاك على نيتك
والفزعة ما هي تخير ولا حسب الضروف هذي من شيم الرجال
اللي طلب منك المساعده افزع باللي تقدر عليه .

(قصيدة للشاعر عبدالرحمن بن بديع)

الــحــضــاره غـــيـــرت فـــــــي الــعــوايـــد والــســلـــوم

مـــــــــــر تــــــيــــــار الــــحــــضــــاره ورحــــــنــــــا نـــتـــبـــعـــه

وعـزتـيـلـي مــــن ضـعــيــف الــروابـــع والــعـــزوم

ومـن ظـروف ٍ اجبرتنـي اصـدق واسمـعـه

اعـــــتـــــزالــــــي واتـــــكـــــلــــــي ولا ســــــــــــــــد الــــــــلـــــــــزوم

مــــادبــــل كــــبــــدي يــــكــــون الــتـــمـــدح فــالــســعـــه

اعـتـرضـهــا فـالـســعــه والـنـتـيـجــه صــــــاد لــــــوم

وصـار مثـل اللـي فقـع نــون عيـنـه بصبـعـه

يـاجـمـاعــه يـــلـــزم الـــلـــي هـــبـــد صــــــدره يـــقـــوم

الــكـــفـــوا لامــــــــا اعــــتـــــزا فـــــــــي لـــــــــزومٍ ســـنـــعـــه

يـصـمــل الــرجــال لابــــارك الله فـــــي الــرخـــوم

وان نـــخـــاه الـــلـــي يـــبـــي مـــنـــه نــفــعــه يـنــفــعــه

الــعــمــر يــمــشــي ويـــطـــوي ويــــــوم بـــعـــد يــــــوم

وان قضا ماينفع الشخص جهد ٍ يجمعه

الــجــمــايــل دايــــمـــــه 0والــمــنــاصـــب مــــاتـــــدوم

والــكــفــو لــــــو يــنــدفــن مــاانــدفــن ذكــــــره مـــعــــه

وان نصـيـت الطـيّـب الـلـي لــه العـلـيـا تـــروم

وجــــهـــــه وجـــــاهـــــه وحـــــالـــــه ومـــــالـــــه يـــدفـــعــــه

لازهــمــتـــه قـــــــال حـــاضــــر تــــريــــح ومــــخــــدوم

والــــــردي حـــتــــى ولـــــــو قــالــهـــا صـــــــد ودعـــــــه

الــــــردي مـاقـســمــه الا مــــــن اهــــــزال الــقــســوم

غـيــر قـالــوا كـــان مـاطـاعـك الـســوق فـطـعــه

وواحــــــــدٍ يــــقــــدر ويــجـــفـــا مــطــالــيــب الــــقـــــروم

يـاعـسـى شـكـلـه مــــن الارض ربــــي يـقـطـعـه

والـجــمــايــل دايـــمــــه 0والــمــنــاصــب مــــاتــــدوم

والــكــفــو لــــــو يــنــدفــن مــاانــدفــن ذكــــــره مـــعــــه

[أطلال نجد]

أفزع للعوائل و الرجال المنقطعين فقط أما صغار السن اللي مآخذينها مطاعس وتسليه وضحوك لا والله ما أوقف لهم

و أبد لا تخاف عليهم يجيهم من على شاكلتهم و يطلعهم

[تركي1]

اولا شكرا عالموظوع الجميل
وشوفوا فزعة الوالد....وجه يضحك بقوة

ابوي عمرة 80 وماشاء الله شباب ونشيط

يقول ياولدي وأنا راجع للديرة كنت جاي من المزرعة بين العشاوين
لقيت صالون جمس متعطل ومتروس حريم ومعهم ولد جذع وكان ليل ومانشوف زين

قلت للولد سلامات ياولدي قال والله متعطلين ومستعجلين
كان حصلك توصلنا
قلت ابشر خلهم يركبون
طبعا ابوي يعني ثقيل وما يناظر أدبا
فجو الحريم وركبوا... وأنا كأني ألمح معهم
طبول_طيران_
+_*

يقول يوم دققت زين والا انها فعلا طبوووول
ياولد عدل بدل يمين يسار
ماعاد يمديني اهون ..وشينة اقولهم انزلواااا
وادقها لطمة واتلطم ذيك اللطمة اخاف يعرفوني الناس وانا انزلهم عند قصر العروس بس
بس وين يروح االسيارة معروفة ياحق

وسلامتكم

[وااضح]

اولا شكرا عالموظوع الجميل
وشوفوا فزعة الوالد....وجه يضحك بقوة

ابوي عمرة 80 وماشاء الله شباب ونشيط

يقول ياولدي وأنا راجع للديرة كنت جاي من المزرعة بين العشاوين
لقيت صالون جمس متعطل ومتروس حريم ومعهم ولد جذع وكان ليل ومانشوف زين

قلت للولد سلامات ياولدي قال والله متعطلين ومستعجلين
كان حصلك توصلنا
قلت ابشر خلهم يركبون
طبعا ابوي يعني ثقيل وما يناظر أدبا
فجو الحريم وركبوا... وأنا كأني ألمح معهم
طبول_طيران_
+_*

يقول يوم دققت زين والا انها فعلا طبوووول
ياولد عدل بدل يمين يسار
ماعاد يمديني اهون ..وشينة اقولهم انزلواااا
وادقها لطمة واتلطم ذيك اللطمة اخاف يعرفوني الناس وانا انزلهم عند قصر العروس بس
بس وين يروح االسيارة معروفة ياحق

وسلامتكم
والله المصيبه هههههههههههههه

[العنابي 616]

أساعد الناس كلهم قدر الاستطاعة
و الأجر على الله و يمكن عمل سويته و نسيته يفرج عنك كربه من كرب يوم القيامة

و على الهامش سمعت عن واحد واحد فزع لعائلة و زوجوه بنتهم :)

[عبيد بن خلف]

افزع للي يسوى واللي مايسوى حنى مسلمين واخلاقنا أكبر من كذا دامك منت قد الفزعه لا تفزع والله لو يتفكك موتري ماندمت على فزعتي الناس لناس والخايب في محله

[حبل الوريد]

لا توقف الا اذا شفت نفرين او نفر واحد وفي مقطعه ما حوله احد وسيماهم في وجوههم
لا شفته تعل وهاده تطليع الموتر ووجه سفر افزع شفته ما نزل شماغه ويكهكه
قل ما معي واير ولا ريموت الوتش ضايع وحرك

[ولد وايل 2010]

للاسف الشديد في زماننا هذا اغلب الفزعات مايجيك منها الا نقص

[altamimi506]

السلام عليكم

بالنسبة لسحب الناس المغرزينترا مهب اي واحد تحكم عليه من شكله او اذا صاروا شباب واجدين ترا فيه بعضهم حبيبن

[back2]

افزع للي يسوى واللي مايسوى حنى مسلمين واخلاقنا أكبر من كذا دامك منت قد الفزعه لا تفزع والله لو يتفكك موتري ماندمت على فزعتي الناس لناس والخايب في محله


انا ما وقفت للرجال الاا بفزعله وانا اخوك وبالاول والخير نطلب من الله الاجر

[الحربي B]

الشباب او المراهقين الي يبين من ملابسهم او اشكالهم لحد يفزع معهم

[ماجد الهجهوج]

انت ماقصرت وبيض الله وجهك . ولا تحسف على الي فات

[((ابوملاك))]

الشباب او المراهقين الي يبين من ملابسهم او اشكالهم لحد يفزع معهم

وليش ماتفزع للشباب مهم بشر

والله ترا كلامكم غريب ومهي من عدلكم هالسوالف ولا توقعته لكم

نصكم يقول ما ازع لشباب شمعنى يعني وش بهم الشباب !؟

[الحربي B]

لانهم اغلبهم بس كذ عشان تصوير وتعصب سيارات
وانا قلت الشباب الي يبين من اشكالهم وتصرفاتهم

[GMC79]

الحالات النادرة والشاذة مايقاس عليها
واللي يبي الاجر بيفزع ولا يدور شكر من احد
الحمدلله خمس سنوات ما اشوف احد الا افزع له ومنهم اللي اسلوبه طيب ومنهم غير ذلك
ومن فضل ربي علي تعطلت وتوهقت وشفت الهلاك والحمدلله يرزقني ربي بوسيلة للخروج من الغراز

واغربها في النفود لحالي و ( ماحولي من يقول ربي الله )
واطب في نقرة مستحيييل اطلع منها وادعي ربي ويرزقني برشة مطر من اروع مايكون
ويطلع الموتر من فضل الله
وسبق اني تعلقت وشب علي صدري ماقوا اتحرك ويرزقني ربي بخمس شباب شقرردية طلعوني وطلعوا موتري

اهم شيء انزل وسلم واعرض عليهم الخدمة
ولا تمن على احد انك ساعدته الفضل لله وحده
وبالنسبة لوجهة نظر الاخوان اللي يقولون عائلة بس
ترا ماتدري من اللي توافق دعوته ساعة استجابة سواء عايلة ولا مراهقين

:good2::good2::good2::good2::good2::good2::good2:: good2:

[وجعين]

لا تفزع إذا معك عائلة
إذا انتم شباب افزع للي تبي عوايل شباب
مرة نتمشى بالنفود على آخر العصر ونمر من عند ناس مغرزين وياشرون يبون فزعة
خوينا السواق مشى كنه ما شافهم ....وقفنا نصلي المغرب وغرزنا ولا طلعنا الا قبل الفجر
اثناء الغراز لاشفنا نور سيارة ناشر له ويشطف كنه ما شافنا ههههههه
عقبها السواق نفسه لو يشوف اي موتر يوقف له

بلعكس دايم ألقى شباب ملتزم وشباب قمه الأخلاق سيتاهلون الفزعه وبعض الأحيان اذا شفت احد يشر اقرب حوله وأخذ لي فره اللين أشوف أشكالهم وضعهم اذا ماهم مضبوطين ادعس وخلهم انت وفراستك

[عمرالتميمي]

الحمدلله من عرفت اسوق وانا افزع باللي اقدر
وقبل اسحب احد اشوف الموتر وكيف مغرز وهل هومنسم والا لا والموتر يطلع بدون سحب واحاول واسوق انا واخر شئ اسحب ولا انتل ماهما كان النتل يضر موتري ولا احد يبي ينضر ووسع صدرك مع الناس ولاتشيل واجد
ولو ان كل من مد خير جاه خير كان ماعرفنا الردي من الطيب
واذكرمرة هلشنا بطين بدار حاضر وحنا وندور على الكشات ماحد يعطينا وجه مادري يمكن لهجتنا مميزة ويحبونه اهل الديار الثانية المراد جلسنا من 9الصبح جنا واحد يهوش يقول انكم مغرزين بأرض خوالي والارض ماعلية حمى وتركنا وحنا ندور على الكشاته على رجلينا وارسل الله لنا بدوي راعي حلل ونعم الرجال يوم شفنا اغراب دق على ربعه وسحبنا وعزمنا على الغداء وجلسنا عنده ليلة ومقصر والى يومك بينا توصل
فأنا اقول اصابعك مهي وحده ماناس الافيهم الردي والطيب

[][][زلفاوي][][]

بداية.. موضوع شيق وبالفعل الحياة تجارب.. والناس أجناس..

يليه.. كلن منا له رأي ومبدأ.. وارجو ان تطبق قاعدة (اختلاف الراي لا يفسد للود قضية)

وأيضا.. الأساس.. هو فعل الخير والمساعدة ومد يد العون للغير..

موقف حصل لأحد إخواني :) قبل كم سنة تواعد مع أخوياه وحددوا طلعتهم للمزاحمية (وكانت أيام صيف يعني وقت للطلعات الخفيفة)، خرج باكراً لغرض في نفسه وهو التطعيس والهبال وكان الموتر على وقتها جديد، (والسالفه نقلاً عنه وبلسانه) المهم وانا بالنفود لقيت جيب مظلل مغرز غراز اقشر وراعيه فاتح الدريشه وجالس ولا نزل حتى يسوي شيء، مريت من عنده فاشر لي صاحب الجيب وهو بمكانه جالس وقال له افزع لي الله لا يهينك فرديت عليه وبكلمة (ابشر) المهم عدلت موتري ونزلت بالواير حق السحب وهنا استنكرت انه جالس ولا تحرك ولا حتى كلف على خاطره ونزل من السيارة ومع ذلك قلت بنفسي شكله منهم وخلها على الله، والحمد لله شديت الجيب وسحبته من محله المهم اشر لي وقال دلني على اقرب درب ابطلع من النفود فقلت له مرة ثانية (ابشر) وتقدمت ومع النفود الين طلعنا للخط وراسي يضرب اخماس واسداس وخلقي ماش وبصراحة قفلت معي شوي، المهم وصلنا الخط وطلع الجيب ووقف الا راعيه فتح الباب بينزل الا يحوس بموتره شويتين واثره يسحب من المرتبة الخلفية عكازتين ونزل لي :D ولا الاخ حالته حالة وانا هنا منصدم ومندهش وتفاجأت بأنه من ذوي الاحتياجات الخاصة (من غير قصد التقليل بشأنه) حتى جيبه معدل من داخل تعديلات تناسب وضعه.. وشكرني ودعا لي والشكر لله والله يجزاه خير على دعاه.. وبلسان اخوي يقول يمكن رب العالمين ساقني له سوق ويمكن ويمكن ويمكن..

الزبدة يا اخوان :D لا نتسرع باتخاذ الاحكام على الغير.. وغير كذا فعل الخير اجره من الله (جل شانه) مهوب من الناس..

[x.ok]

نهاية الفزعة هل تتوقع من يطلب مقابل ؟
وكم وكيف هل مجرد الفزعة يستحق المقابل أو الضرر الحاصل مهما كان ؟

أنتظر رأيكم

[قلايد الخيل]

مره وانا طالع اتصيد انا وخوياي لقينا راعي اكسنت شكله اخذ غفوه وطلع ع السيد الثاني ومبنشر كفرين وركب الاسبير وانا اخذت الثاني وضبطت الجنط لان فيه طعج خفيف طبعا اخذته لاقرب بانشري ويوم رجعت له شكرني وطلع 500 ريال وقاعد يلزم علي اني اخذها ورفضت وقاعد يقول ع الاقل اشتر لك فشق لاني ضيعت وقتك وماخليتك تقنص زين وللاسف ماخذتها ههههه وهو رجال ونعم متغرب عن اهله لانه جاي من الجنوب والفزعه ماتحتكر على العائله او العزاب ماتدري يمكن عنده مواعيد ولازم يقضيها والمواقف كثيره وعلى فكره ماخليناه يفك او يركب شي لانه كان تعبان ومفجوع من الي صارله

[شمطور]

اعمل خير وارمه بالبحر أنسه ولا تفكر به

[ابو ســــاره]

افزع ولا تستحي من الي فيه مظرة عليك اقل شي افزع ولو بخبرتك وقف ونسم الكفرات له او سوق الموتر انت بنفسك ولا تستكثر من المعروف شي المواقف كثيرة واغلبها خساير لكن مع الاستعدادات الطيبة يطيب حالك وافزع على قد ما تقدر ولا تخسر نفسك اقل شي بلغ الدفاع المدني عن وجود ناس متعطلين او بلغ راعي سطحة بطريقك لكن تسفه المتعطل وهو يئشر لك خطرة عليك يصيبك شي في نفسه .

[Joker fj]

من ناحيتي السملق الي طالعين يطاعسون ويكسرون مالهم عندي الا الصده والدبشه الي يطلع بصغيره لنفود او بر مثلهم اما الرجال الي ماخذ احتياطه وقدر الله هذا يستاهل من يساعده

أرسلت من SM-N9005 بإستخدام تاباتلك

[أبوفاطمة]

كل موقف يحتاج له تقدير حسب الظروف لكن العوائل لازم نساعدهم وهذي قاعدة عامة

[YOKUN]

الموضوع شدني للمشاركه

{ إنما نطعمكم لوجه اللّه} أي رجاء ثواب اللّه ورضاه { لا نريد منكم جزاء ولا شكوراً} أي لا نطلب منكم مجازاة تكافئوننا بها ولا أن تشكرونا عند الناس،

ما يعلم الانسان ما هو العمل الذي يدخل به الجنه
اعمل كل شيء لله وكن حذرا

المواقف كثيره
- واحد من الشباب ساعد عائلة تعطلت سيارتهم وعطاهم سيارته وكان مسؤل وهو ما يعرفه
وكان معلم ونقله الى جنب البيت
- وشايب مغرز بمقطعه بالليل ومعه اهله ومن الخوف عليهم ما نزل من السيارة وساعدوه 3 شباب
سحبوا السيارة من التغريز ويوم وصلوه للشارع العام نزل يبكي الشايب حتى ما عرف كيف يشكرهم
-