مشكلة حرارة تويوتا اف جي .. عجزت احلها

[Al.mbasher]

بسم الله الرحمن الرحيم

السلام عليكم ورحمة الله وبركاته

..

ياجماعة الخير اللي صار

اني كنت بالبر وانا اجرب الموتر بطعس

صفق الرديتر وانكسر ..


-------

رح دورت له رديتر حق قير عادي وكنت مستعجججل

مالقيت ركبتله حق تماتيك !! قالو لي يركب مضبوط

المهم ركبته وضبطنا كل شي ومسكت عليه خط القصيم

اذا عشقت الموتر 6 على سرعة 140

ودعسة البنزين ،، ترتفع الحرارة على النص

علما ان ضغط المكينة ( الريس )ماتعدا 2.5

..

رحت الوكالة بالقصيم قالو لي غير بلف وركب حق تماتيك

غيرته ولافيه اي فرق

بعدها قالو لي ركب رديتر جديد حق قير عادي ..

وشريته وركبته

وللاسف الى الآن نفس المشكلة

..

كلتش المروحة مضبوط
البلف جديد
الرديتر جديد ومويه مقطرة والهواء مفرغ تماما

..

الخرطوش اللي تحت دائما بارد

الخرطوش اللي فوق دائما حار

( اغلب الظن انها بلف الحرارة لكني غيرته ولا نفع )

الرديتر من تحت بارد ومن فوق حار

..

السيارة جديدة ماشية 15 الف تقريبا

[الفيصلْ]

طيب اخوي نزل البلف وجرب السياره تسخن
اذا مافي حراره في جميع الظروف وهي واقفه وهي ماشيه وعلى سرعه فتأكد من تغير البلف المناسب لسيارتك
واذا فيه حراره سيارتك على الضمان من الشركه دخلها الصيانه



تم الإرسال بواسطة iPhone بإستخدام Tapatalk

[xpol]

تاكد من الحساس لايعطيك قراءه خاطئه
وتاكد من غطا الرديتر
وتاكد من الخرطوش لاينصفط مع الظغط والحراره
وتاكد من المروحه هل تاثرت الريش

بالتوفيق

[(ابو عبدالله)]

لا يكون تأثر راس المكينة

[ولد وايل]

جرب حق البرادو او الفوتشنر

ركب حق عادي

[كبسولة2]

نصف الرديتر حار ونصف بارد هذا اعراض بلف الحرارة

شيل البلف نهائي وجرب السيارة وعطنا خبر وان شاء بسيطة

[محب الجهاد]

الغالي الكريم خذ رقم الهيكل واشتر عليه غطا أديتر وجرب الغطا رخيص اهم رقم الهيكل

[ابن الحنبشين]

خذ العلم مني انا صار نفس المشكلة وطلع ان البلف حق الموية قافل ومايتحرك الماء داخل الرديتر ولغيتة وظبط وراي انك تركبة في الوكالة لاني غيرتة مرتين ولاظبط حتى لغيتة

[محمد 2002]

إذا كان لبلف الحرارة جلده أو وجه تأكد منها لأنها تسوي كذا 100 % إذا ما ركبت صح

[Al.mbasher]

راس المكينة ولله الحمد طبيعي

الرديتر جديد أصلي وجاي معه الغطاء .. وغيرت الغطاء ايضا ولا فيه فايدة

.. المشكلة في البلف

والسبب هو الهواء اللي في المكينة

ولكن طريقة اخراج الهواء السابقة لم تفلح

الطريقة كانت
( فتح غطاء الرديتر وتشغيل السيارة لمدة ساعة تقريبا )
بالبداية طلعت فقاعات (هواء) ورى بعض

ومع مرور الوقت صارت تقل لين توقفت تقريبا

ولكن للحين اشك ان المكينة فيها هواء عشان كذا البلف

مخرف !!


اللي عنده حل لاخراج الهواء بطريقة افضل ؟ جزاكم الله خير

[سيف نجد_]

ليه ما تلغي البلف حتى تكتمل دورة الموية وتطمن ان ما عاد بقى هوا وبعدها ترجع تركبه؟

Sent from my GT-I9505G using Tapatalk

[Al.mbasher]

بلف الاف جي يجي ملحم بالكوع ماتقدر تفكه

مالك الا تكسر البلف من داخل ..

لكن لو كسرته وركبته واكتملت الدورة

اللحين لاجيت اركب بلف جديد .. بيدخل هواء مرة ثانية !!

[ziad_1409]

ياحبيبي تاكد من غطا اللديتر هو نفسه المخصص للافجي القير العادي تختلف الغطيان علي قد الضغط اما للبلف ما اتوقع له شغل مشكلتك بالغطا حق اللديتر والله اعلم وترا الحراره علي النص طبيعي مهي ذيك الحراره لاكن لو ارتفعت فوق النص فيه مشكله بالسياره