مساعدات الاندكروزر

[خ الجنوبي]

مساء الخير ركبت طقم مساعدات استرالي للاندكروزر 2009 ولاحظت نزوله من الامام استغربت هل التركيب فيه مشكله وشو الحل ياشباب الله يجزاكم خير

[Ra3e]

بشطح شوي وانا اخوك

بكم ركبته ؟
وهل صار الموتر قاسي ؟

بالنسبه للنزول سبق وقرات موضوع يقول ان الموتر ينزل من قدام بمقدار سنتي ونص

والارتفاع دايم مايعتمد على المساعد يعتمد على الياي

[خ الجنوبي]

ركبتها يا طويل العمر ١٥٠ ومن نواحيه القساوة ممتازه أقسى من مساعدات الوكالة بشي بسيط ومن نواحيه المطربات والحفر ممتازه تحس الموتر متماسك اكثر في الحفر والمطبات والتطعيس ومن ناحيه النزول كانت راكبه مساعدات الوكالة وكان رافع توقعت مساعدات الأسترالي ارفع

[Ra3e]

ركبتها يا طويل العمر 150 ومن نواحيه القساوة ممتازه أقسى من مساعدات الوكالة بشي بسيط ومن نواحيه المطربات والحفر ممتازه تحس الموتر متماسك اكثر في الحفر والمطبات والتطعيس ومن ناحيه النزول كانت راكبه مساعدات الوكالة وكان رافع توقعت مساعدات الأسترالي ارفع

ماقصرت وانا اخوك

بس متاكد من السعر ؟

لان الاستراليه حقت الرمايه الي عليها الكلام الطقم الامامي بـ 1400 والخلفي بـ 800 ريال

اذا تبي ترفع الموتر عليك بطقم يايات امامي وخلفي
خلفي 5 سنتي وامامي 2 سنتي يطلع موترك ممتاز ومع طقم المساعدات يصير بالردميات كدلك

[خ الجنوبي]

معلش فكرتك تقصد سعر التركيب صحيح اخوي اشتريت المساعدات من الرماية ٢٢٠٠ والله يعطيك العافية على المعلومة

[قطب 999]

المساعد مهمته امتصاص الصدمات (shock absorber)اما الارتفاع مهمة الياي او السست

[حبل الوريد]

لا تحرص ترفع خله مقاوم للنزول فقط الارتفاع يضر بالقير وعمود الكردان

[mjd]

لا تحرص ترفع خله مقاوم للنزول فقط الارتفاع يضر بالقير وعمود الكردان
كيف اجعل السيارة مقاومة للنزول بدون رفع