استفسار بخصوص الشاص غمارتين

[Abu Mnsor]

السلام عليكم ورحمه وبركاته

اخواني للي جرب الشاص غمارتين
هل هو عملي وكيف مطبه والي يركبون ورا مريح لهم
ابي عزمه هل فيه ثقل او خفيف

ياليت احد يفيدني باي معلومه لاني ناويه بصراحه

[اسدهم]

واللة تخصصي نيسان. بس اكيد بيكون مثل الغمارة مطب اشوفة اكثرة مع شركات في الشرقية وفي الرياض ومحل السليماني يستخدمونة

[حبل الوريد]

يا رجال ادحر بليس وخذ هلكس دبل غمارتين
والله يا عليه شكل كنه كرتون معلبات

[جديعان]

اقول والله انه مووووتر يبيله بس شويت تزبيط ويصير وحش

[جديعان]

http://im15.gulfup.com/ObhI1.jpeg

[سحب ممطرة]

انصحك بالربع الطويل افضل منه شكل

[ابن عكاش]

اتوقع اخف مطب من الغمارة لكن لعله يجي احد ملاكه ويفيدنا

[مفضخ الشري]

الصف الثاني غير مريح
و الحوض صغير

الشاص اذا غماره انا معك لكن غمارتين لا تاخذ الا امريكي سلفرادو سييرا فورد F150 كلها ممتازة و بالراحه خذ ولد و تتوفر غماره و غمارتين

[ابوعبدالله199]

خذ لك تندرا وريح راسك

[---ابو يوسف-]

الحين ياجماعه الخير الرجال يسال عنه بس
وكل وهواه اللي جربه يفيدنا

[Abu Mnsor]

اشكر جميع من رد
كرهتوني بالسياره مافيه احد مدحه هههههههههههه

نبي شخص استخدم السياره ويعلمنا سلبياتها

[ابوسند9]

وعليكم السلام
اخوي منصور
انا مجربته ,لكن من خلال نظرتي له
الصندوق صغير مره
واللي راح يركب خلف واضح ان المطب قوي بحكم انه السست اسفل الراكب
لكن خذها قاعدة
راح يجي واحد يكرهك با السياره
وراح يجي واحد يمدح السياره ويقول كدلك واستريح
لذا نصيحه جرب قبل الشراء من شان ما تندم
والله يكتب لك الخير

[Abu Mnsor]

وعليكم السلام
اخوي منصور
انا مجربته ,لكن من خلال نظرتي له
الصندوق صغير مره
واللي راح يركب خلف واضح ان المطب قوي بحكم انه السست اسفل الراكب
لكن خذها قاعدة
راح يجي واحد يكرهك با السياره
وراح يجي واحد يمدح السياره ويقول كدلك واستريح
لذا نصيحه جرب قبل الشراء من شان ما تندم
والله يكتب لك الخير

جزاك الله خير
كلامك سليم

[altamimi506]

السلام عليكم اخوي انا ماجربته لاكن قد ركبته مع ولد عمي وهو مرفوع بزود مطبه اقشر

[بومالك]

انتشاره قليل . واعتقد لسبب عدم الراحه وشكل غير مقبول . ( الجمل عندنا ابوسنام اجمل من ابو سنمين )

انا معك مازال توقف الـ...gx 97 وبعده 2007 اوجد فراغ لدى عشاق تويوتا من هواة البر والصيد

[رسيس نجد]

ياليت الي جربوه يعطونا علومه 0 وحنى لهم شاكرين 0

[الاطار]

سياره رائعه من جميع المواصفات ....الان انا من ملاكه والحمدلله مرتاح معاه ماشاالله ....ولا فيه عيوب تنذكر

[الاطار]

http://img834.imageshack.us/img834/1330/bpaj.jpg

[الاطار]

اكثر من رائع ......

[ابونبيل]

يالغالي انا معي هلي دبل فيه قساوه شوي لكن اشوفها ميزه لان غالب استعمالي بر وكشتات ومع الحمل والتوانك الموتر يركد الحقيقه الشاص الغمارتين لشوف انه افضل موتر مكشات حاليا السبب العزم قوي وونش والتحمل كنا نتمنى تنزل هلي 6 سلندر لكن الشاص الحين افضل اوسع و اجود وحديد اقوى بختصار اقول لك توكل على الله لو اني بغير موتري ما فكرت الا فيه الصراحه والي ما جرب حوض غمارتين مراح يفهم ليش الناس صابره على مكينة 4 سلندر بالهلي
اما الجموس احذر تطري لك اذا انت راعي قنص ومكشات

[اسبيدر مان]

شكل السياره بشع لكن اكيد عمليه وتبيض الوجهه

[واحد مبسوط]

السلام عليكم
اتكلم من واقع تجربة
تم بفضل الله شراء شاص غمارتين 2014
فطيمي
ويتميز
ونش دفلوك ياي مفتوح قدام 8 ريش وراء
وكان الاختيار موفق ولله الحمد
راحة ممتازة
اغراضك معك وراء عن الغبار والمطر
راسي بالخط

سيارة بكل ماتحمله الكلمة من معنى
وماعليك من اللي يقولون شكل وماشكل
الناس كانو يولفون غماره ثانية والحين يصنع شد بلد
واي استفسار انا حاضر

[احمد النزهه]

توكل على الله موتر يستاهل ومريح وقوي وعزمه ماشاء الله انصحك فيه

[معدني]

السلام عليكم ورحمة الله وبركاته
اذا كنت راغبه هذا شي ثاني.
اما اذا كنت تبحث عن سياره تلبي احتياجاتك مع توفر الراحه والسعه ماانصحك فيه

وشكرا

[أنصر نبيك]

يا رجال ادحر بليس وخذ هلكس دبل غمارتين
والله يا عليه شكل كنه كرتون معلبات
ههههههههههههههههههههههههههه

[أنصر نبيك]

شكل السياره بشع لكن اكيد عمليه وتبيض الوجهه
هههههه كأنه ديك منتوف ذيله :D