وش الحل مع باب السفاري الخلفي ؟؟؟؟؟؟؟؟؟؟؟

[المميـز]

السلام عليكم

عندي مشكله في باب السفاري الخلفي ( يقربع ) يعني له صوت مع المطبات مزعج

ما ادري له حل او ماله حل وكل ماسألت راعي سفاري يقول عجز عنه ؟؟؟؟؟!!!!!1



الله لايهينكم اللي عنده حل لا يبخل علي!!!!

[عجمي]

عليكم السلام

اخوي المميز فية حل ومجرب ولايكلفك الا شيء بسيط وهو عبارة عن ربل زي الجلدة اللي تجي بالباب الخلفي اذا فتحت الباب وتباع عند

محلات الزينة تقوم وتلصقة على البالب الخلفي من جوة زي ربل شد البلد وان شالله يروح الصوت مرة

اخوك عجمي

[حـاتـم]

اخوي الغالي


المشكله من داخل الباب

فك الديكور للباب الكبير

وبطنه وان شاء الله تروح المشكله

لاني حطيت ربلات على الباب ولا نفع

وسمعت الصوت داخل الباب الكلبير

ورا الديكور


وشكرا

أخوك / حاتم

[الفردوس]

جرب وشف
افتح الباب الكبير وشف من تحت الجهة اليمنى تجد حديدة اللي تدخل في الربل فكها وضع عليها شطرطون وسيذهب الصوت ان شاء الله

[سلكي نت]

يا خوي مجربت المفصلات تبع الباب ... تبغى تتأكد فك الباب وارفعة ونزله فوق وتحت اذا تحرك معاك هذا يدل على ان المفصلات متوسعه غيرها وكأن شيئاً لم يكن

[في اكس ار]

اخوي المميز
الله يكون في عونك . لأني عشت معاناتك سنوات مع السفاري ولا يضيك صدرك اذا ماراح لأنه طبيعي في السفاري حتى اللاند جي مع واحد من الشباب بيبان فيه نفس الصوت وشف توصية الشباب وان شاء الله تنفع .



ــــــــــــــــــــــــــــــــــــــــــ



http://www.mekshat.com/pix/upload/images22/mk37806_a.jpg

[صوعان]

صبحك الله با الخير اخوي المميز

شف سلمك الله اذا فتحت الباب الكبير الخلفي بتحصل الحديده الي يركب فيها الباب الثابته على شكل حرف يو با الانجليزي

جب لك مطرقه واظربها ظربتين بس لاتكود اخاف تعدمها:) المهم اضربها ظربتين او ثلاث حسب رؤيتك الفنيه

بعدين صك الباب وهزه (ياليت قبل لاتسويها تهز الباب بقوه ) عشان تشوف الفرق
لانها مع الزمن والوقت يصير فيها مع الباب فضاوه هي الي تسبب الصوت هذا
واذا ضربتها يا الشاكوش او المطرقه تروح الفضاوه
جرب والتجريه خير برهان
وان شالله تدعي لي

[مسير عليهم]

نفس معاناة الوالد بجيبة

وحتى اي جيب له بابين خلفي يطلع منه صوت انا شريت باترول 86 ولقيت نفس الصوت وقررت أني الغي الباب وأرتاح لإني بقصة من فوق

[نايف الدهيمان]

صبحك الله با الخير اخوي المميز

شف سلمك الله اذا فتحت الباب الكبير الخلفي بتحصل الحديده الي يركب فيها الباب الثابته على شكل حرف يو با الانجليزي

جب لك مطرقه واظربها ظربتين بس لاتكود اخاف تعدمها:) المهم اضربها ظربتين او ثلاث حسب رؤيتك الفنيه

بعدين صك الباب وهزه (ياليت قبل لاتسويها تهز الباب بقوه ) عشان تشوف الفرق
لانها مع الزمن والوقت يصير فيها مع الباب فضاوه هي الي تسبب الصوت هذا
واذا ضربتها يا الشاكوش او المطرقه تروح الفضاوه
جرب والتجريه خير برهان
وان شالله تدعي لي

أأيده الريااااي وهذا هو الحل