انتبهوا ياللي تعطون السواقين مواتركم لتغيير الزيت .. اقرا وش شفت

[sgl2002]

السلام عليكم ورحمة الله وبركاته


موقف يقهر والامر من ذلك انك لاتستطيع فعل اي شي سوا النظر



جيت اغير الزيت اليوم الا وهذا باترول 2011 بطل الدروب فل الفل 400 حصان مع سواق باكستاني جاي يغير الزيت



المهم انا اشوف البنشري وهو ينظف ويفك الصره ثم قاله وش الزيت قال سوبر جيتي


قام البنشري وجاب سوبر جيتي ابو علبه بلاستيك سوداء الاصلي



نط السواق قال لا ... عطني ابو علبه حديد سوبر جيتي ( فورس ) المقلد التجاري


وغيره له وانا قاعد احترق من النصاب السواق اللي بيروح لعمه على انه غير زيت سوبر جيتي وهو غير زيت سوبر جيتي تقليد





طيب ماهو قهر موتر ب300 الف تعطيه سواق يلعبه ؟؟

[شاق النفد]

ههههههههههههههه
يا رجال وسع صدرك الامور ابلى من اللي شفتها
دام على ما قلت موتر ب300 وناطله ع سواق
مهوب فارقه معه 50 ريال يلشطها ابو بكستن

[ابو ساره العنقري]

ولعلمك

بعض السواقين يبيعون قطع السياره الاصليه للورش النصابه زيهم ويركب له تجاري حق الي يومين ويخرب

[مهند 2009]

وعليكم السلام ورحمة الله وبركاتة


المفترض انك قلت للسواق أن الزيت هذا مو كويس

قد يكون يحسب الحديد هو الاصلي

واذا شفت أنة واضح علية انة ناوي ينصب حاول تاخذ رقم عمة وقلة

[كم كيلو باقي]

المال السايب يعلم السرقة
واللي يستأمن احد على حلاله ولا يتابعه ويشرف عليه يتحمل اللي يجيه

[no fear 78]

والله من توكل على السايق لمتابعة السيارة راحت سيارته ملح

[اي-مكشات]

أنا مره كنت عند الضحيان ويجي باكستاني ويطلب قطع غيار.. الموظف يقوله ابا أعطيك فاتوره السعر بعدالتخفيض وهو يقول لا عطني فاتوره فيها السعر قبل التخفيض.. يعنى ناوي على شئ والعلم عند الله...

[المميـز]

:

افضل حل ارسال السواق لأحد مراكز الخدمه السريعه المعروفه
وتشرط عليه الفاتوره .. طبعا المراكز هذ مستحيل تجيب تجاري
ومستحيل تتلاعب بالفاتوره لانهم نظام كمبيوتر

: