شغل مقاطع الصوت من جوالك على مسجل السياره

[عبدالرحمن]

السلام عليكم

قبل فتره كنت بركب علبه سيديات في الجيب وقالي واحد قبل تركب جرب الطريقه هذي ان جازت لك والا ركب سيديات وجربتها والى الحين وانا ماشي عليها.

الادوات المستخدمه:

1- جهاز نوكيا من الموديلات الحديثه ( الباندا وانت طالع ).


2- شريط للمسجل مثل هذا
http://www.mekshat.com/pix/upload/images22/mk10802_1ty.jpg

قيمته 10 ريال التجاري والاصلي ما ادري عنه لانه ما خرب الى الحين عشان اسأل عن الاصلي :cool: .




3- وصله نوكيا من الجهاز للشريط

http://www.mekshat.com/pix/upload/images22/mk10802_2ty.jpg

قيمتها 10 ريال ويجي منها 3 انواع تجاري مثل هذا وتجاري بدون مايكروفون والاصلي قيمته 20 ريال( الله يديم الرخص)


وهذي شكل التوصيل من الجوال للمسجل:

http://www.mekshat.com/pix/upload/images22/mk10802_3ty.jpg

مميزاتها:
تقدر تنقلها معك وين ما تروح
تركب على اي مسجل
تشبكها على اي جوال نوكيا من الاجهزه الجديده
رخيصه جدا جدا بالنسبه لعلبه السيديات (800 ريال)
تغنيك عن الاي بود اذا كنت تستخدمه وتغنيك عن السي دي
تقدر تستخدمها بدال الكاركت لكن يطلع صدى في المكالمه لانها على سماعات السياره
------------------------------------------------------------
تحياتي للجميع

[مروق]

السلام عليكم ..

تسلم اخووي على الموضوع الموفيد ..

لكن بالنسبه لبعض المسجلات يروح الشريط كله للداخل .. مادري الشريط ينفع للنوع هذا ام لا ؟؟

تحياتي

[ابو عدي الحاتمي]

مشكور عبدالرحمن على الفايده

لكن وين احصل الاغراض اللي ذكرت وش اسمأهن عشان اذا رحت اتفلسف واقول الأسم على طول احسن من ان اشرح له ساعه واخرتها يجيب لي اسلاك بطاريه .

[ع.ف.الدرويش]

عبدالرحمن..

فكرة حلوه.. وأدوات غلى أبعد حد بسيطة
وما يحتاج فك ولا توليف ولا غيره

لكن مثل ما سألوا الإخوان.. وين نلقى هالقطع..؟
وكم تكلفتها..؟

ولك كل الشكر..(أبو فهد)

[الرايـــق]

والله فكره حلوه


لكن بأضم صوتى للأخوان ..... وين نلقى هالقطع ؟؟؟

[الفردوس]

كنت أجربها من زمان من الجوال ومن الكمبيوتر
القطعة الثانية اللي هي من الجوال للشريط أين اجدها وهل أجد لغير النوكيا

[برق تميم]

عليكم السلام مشكور اخوي عبدالرحمن ويا ليت وين نحصله

[عبدالرحمن]

هلا وغلا بالجميع

تلقاها في اي مجمع اتصالات او محل اكسسوارات جوالات جمله مثل مجمع الاتصالات في شمال الرياض ( المرسلات ).

تركب القطعه على اي مسجل مسجل سياره مسجل بيت ووك مان ,اي شي يشغل كاسيت اخوي مروق حتى لو مافي المسجل الا اللي يقدم الشريط ( مسجل 82).

بالنسبه للاسم ما اذكر ان احد من المحلات اللي دخلتها عطاني اسم لها , اقولهم عطني الوصله من الجوال لشريط المسجل حق السياره.

صافيه مثل السي دي تقريبا ولو شكلها ما يأهل .

لغير النوكيا اعتقد فيه لسوني اريكسون.

اتمنى اني افدتكم

[بن فيصل]

مشكور اخوي عبدالرحمن

[تلسكوب 1]

فيه عند محلات الكمبيوتر قطعه تشتغل على مخرج الولاعه تحمل فيها ملفات أم بي ثري وتسمع الصوت عن طريق الراديو وهي ممتازه وغير مرتبطه بالجوال كذالك لومافيه مسجل في السياره لأنه تشتغل على الراديو أف أم

[عبدالرحمن]

صحيح اخوي تلسكوب1 وسعرها معقول وجربتها فتره لكن تحتمي القطعه وتطق عليك فيوز الولاعه ما ادري هو خلل في القطعه اللي معي والا في النوع هذا بشكل عام وننتظر مجربين لها يعطونا من تجاربهم, وتنفع لاصحاب السيارات اللي ما عندهم الا سي دي ( مثل الهوندا ).

ميزه الشريط هذا انك تقدر تنقل من جوال لجوال بالبلوتوث وشغل على طول وفكرته يشتغل على المسجل سواء في السياره او في البيت , وبالوصله حقت الجوال لحالها تقدر تشبكه على سماعات مثل حقت الكمبيوتر (4.1) يعني تسوي لك ستريو في اي مكان موجوده فيه السماعات. وهذي ميزه مهيب في قطعه الولاعه.

[نيشان نجد/]

الله يعطيك العافية

[تلسكوب 1]

ربي يعطيكم العافية

[محمد111]

الله يعطيك العافيه

[عبدالرحمن]

الله يعافيكم ويسلمكم و ينفعكم وينفع بكم

[البـدر]

الله يعطيك العافيه

[راعي ال 8100]

مشكور اخوي عالموضوع

[ابومعاذ]

هل المشغل الي يجي على شكل شاحن سياره للنوكيا ويشتغل بالبلوتوث وينقل مابي جوالك الى راديو السياره fm

هل يفي بالغرض ولا لا

سعره تقريبا 50 ريال فقط