مشورتكم بربع الباترول القديم .

[نفل الفهود]

السلام عليكم ..

انا بصراحه ناوي اخذ لي سياره ثانيه تكون مخصصه للكشتات ووقع اختياري على الباترول الربع
بين 98 و 2001

شفت ان اسعارهم مناسبه ..


ولكن ماعندي خلفيه عن السياره ..

وحاب اسأل . هل الجيب كثيره اعطاله والا حليل ؟
وكيف عزمه بالنفود ؟
ووش الافضل والاقل اعطال مكينة 4500 والا 4200 ؟ اهم شي قلة الاعطال .

وبالعموم انا راكد ولاني حق مطافخ ولكن يهمني ان السياره تكون متماسكه وتمشي بأي درب الفها يمه .

هل تنصحوني به ؟

[التعـ King ـديل]

احرص على البخاخ والافضل من 2004 وفوق

[نفل الفهود]

جزاك الله خير .

والله ادري يالغالي ان البخاخ افضل ولو بيدي كان خذيت 2013 .

لكن ما ادري هل الكلبليتر به مشاكل ؟ ودي والله لو توضح لي اكثر .

انا اشوف انه من موديل 98 الى 2001 اسعارها حليله ومايعدي 30 الا الي مثل الجديد ..

يهمني السعر خصوصا اني ابي موتر للكشتات فقط لان عندي الحمد لله موتر غيره ويخدمني بمشوايري الخاصه .
فما ابي اشتري شي غالي واخرتها ما اشغله الا بالاسبوع او بالاسبوعين مره .

ابي المشوره بالمديل المحدد من 98 الى 2001 هل يستاهل الشراء والا نصرف النظر ؟

[التعـ King ـديل]

تلاقي بخاخ جي ال موديل 98 - 2001

[ابونبيل]

حسب كلام الاصدقاء ان الباترول اذا ماجاك مكينه فتك مايصلح لان عزمه ضعيف
اشور عليك دامك تبي متر بر وماودك تدفع واجد بددسن دبل عزمه ترا حول عزم الباترول بالنفود الباترول افضل بس اذا كنت تبيه للكشتات الددسن بيكون يخدم اكثر يشيل ركاب اكثر +الحوض يشيل عزبك واغراضك +صيانته رخيصه جدا وقطعه متوفره
والله يرزقك ما تتمنى ..

[أبو الوليد 14]

الربع الباترول مامن عزم زايد لكن يعجبك قوة دبلاته ومركبة
لو تشوف لك ابو مكينة 4500 بخاخ تضيف له (فلتر ...هدرز ....مراوح كهرب )
الاعطال مابه موتر مابه الاعطال لكن شي اهون من شي ولا تنسى انك بتاخذ مديل له حول 15 سنة ....الموتر بشكل عام قليلة مشاكلة واهم شي المحافظة علية
ان شاء الله بيمشي بجميع الدروب .
بالتوفيق

[GMC79]

زين توكل على الله

[نفل الفهود]

جزاكم الله خير .

ما قصرتوا وبيض الله وجيهكم .

[صياد المزارع]

خذ لك ربع ٩٧
وحط له ديلكو اكتروني

[abo naser 1]

السلام عليكم

مشاكله كثيرة تغيير زيت كل 10000 كيلو ولاترحم لاتلفت لامطب جرف رصيف هذي من غلطات اليابان
عزمة طيب ومع الشقردي الي يعرفله مايلحق حتى اعطاله يشيله مايوقف فجئة

بس في حال يكون محركة بلد الراس بلد ويكون نظيف ومصيون بجميع القطع الاستهلاكية ومالعب في كهربه حتى لوماشي نص مليون
اذا اردت معرفة جودتها شف استخام اهل المكاشيت البعيدة والشعبان والوعر والنفد وش مواترهم وقوة قير ودبل ودفرنسات غير طبيعية تعليق وقيادة طرب

[مفضخ الشري]

أحسنت الاختيار موتر اعتمادي
العيب اللي فيه جنزير الدبل فقط هذا معروف بالباترول و تصليحه سهل و ولا يتعطل الدبل غالباً بتسمع طقطقه الجنزير يعطيك تنبيه انك تصلحه

عزمه طيب مهوب شين خصوصاً مع مراوح الكهرب بيتحسن

و حط في بالك ان الموتر موديل قديم لو تشريه اللحين معك 7 شهور تطقطق فيه على رواقه صيانه كامله شامله من الى و لا دخل الموسم القادم اذا الله احيانا تكشت به وانت مرتاح

[نفل الفهود]

عز الله انها ردود كافيه ووافيه . .
بيض الله وجيهكم ما قصرتوا .

[تساهيل1]

حسب كلام الاصدقاء ان الباترول اذا ماجاك مكينه فتك مايصلح لان عزمه ضعيف
اشور عليك دامك تبي متر بر وماودك تدفع واجد بددسن دبل عزمه ترا حول عزم الباترول بالنفود الباترول افضل بس اذا كنت تبيه للكشتات الددسن بيكون يخدم اكثر يشيل ركاب اكثر +الحوض يشيل عزبك واغراضك +صيانته رخيصه جدا وقطعه متوفره
والله يرزقك ما تتمنى ..


ابو نبيل
الددسن الدبل من قال لك انهآ حول الباترول
لاتوهق الرجال ي ولد
معي 2007 يابانيه حمآره ....حمآره ...حمآآآآآآره ((تكرمون))
ماتمشي دروب الباترول موديل 80 وبدون دبل بعد

المهم لا تقربك

وبالتوفيق لصاحب الموضوع

[sgl2002]

السلام عليكم

تغيير زيت كل 10000 كيلو ولاترحم لاتلفت لامطب جرف رصيف هذي من غلطات اليابان
عزمة طيب ومع الشقردي الي يعرفله مايلحق حتى اعطاله يشيله مايوقف فجئة

بس في حال يكون محركة بلد الراس بلد ويكون نظيف ومصيون بجميع القطع الاستهلاكية ومالعب في كهربه حتى لوماشي نص مليون
اذا اردت معرفة جودتها شف استخام اهل المكاشيت البعيدة والشعبان والوعر والنفد وش مواترهم وقوة قير ودبل ودفرنسات غير طبيعية تعليق وقيادة طرب



هذا الرد الوافي



انا كان معي 98 ربع و2009 والحين 98 صالون


صراحه موتر تدوس فيه مايقول اح


لكن وين تحصل النظيف


وخذ ببالك ترى الموتر القديم يطلب

لاتشريه وماتبغاه يخرب نهائيا

عزمه اشوف الشباب مستنقصينه واجد لكن والله يقوم بالمقام وزود

[فتك 11]

الباترول طيب اذا رجال راعي مكشات لكن مراقي وتطعيس مايقارن بالفتك

المركب ماتلقى راحته الا بالشروكي مريح بالحيل

والله يرزقك الطيب منه

تقبل مروري بكل ود

[فارس حضن]

باترول ٩٧

ما مثله وصيف اطلق من التايوتا عزم ماشاء الله


ويطربك اذا حصلة نضيف لايفوتك ولا تحرمنا من دعواتك


وخله شد بلد لاتولف له قطع أسال مجرب


اهم شي الماء والزيت وقطع غياره رخيصه

[NissaN 1990]

شكل 98 وطالع يجي بليتين كهرب وهذي ميزة وأحرص على النظيف بدي ومحركات وشاصي لو موديله 90 والنيسان ممتاز وراح يطربك