ياشين الاستغلال

[ميكا مكشات]

قبل أسبوع كنت بعنيزة ودرت على اكثر محلات الكهربائين المتخصصين بالمراوح أغلى واحد ب×650 ريال. بس قلت دام الاسعار حول الأرقام. ابركب بالدمام علشان اذا فيه مشكلة يكون عندي قريب
ياجماعة الخير اليوم رحت للبتار اللي بالدمام ابركب مراوح سوبارو وقعد يشرح لي ابركب اربع كتاوتات وسرعات متعدده وقعد يخربط علي المهم
كم بتكلف الشغلة قالي 1800 ريال والله تقول معطيني كف أعوذ بالله ماشفت استغلال. زي كذا على العموم اللي يخبر واحد يركب مراوح سوبارو بالدمام أو يبيع مراوح لحالهن وأنا أركبهن بنفسي الشغلة بسيطة

[كبسولة2]

اخوي والله تركيبها مافي اسهل منه والسعر العادل لشغل اليد 100 ريال اشوف حقه

وتبي شوري خل مروحة السير

وركب قدام الشبك وبين رديتر المكيف مروحتين كهربائية

افضل لك في حال تعطل الكهربائية

[مفضخ الشري]

نصيحه مجرب لا تركب كهرب لا تركب كهرب
ياما تعطلت علي و تبهذلت و صرت اشيل معي مده اسلاك و كتاوت احتياط يا سلك مايع يا كتاوت يضرب ماتدري الا و الحرارة قابعه عليك و على الخطوط الطويله ماتجمل ابداً فوق 120 و في القيض امسك خط بها طويل و شف الحرارة
يازين الميكانيكيه و حنتها خلها تحن ولا اشغل نفسي كل شوي مناظر الحرارة تخاف ان المروحه وقفت

[ميكا مكشات]

شكرا على النصيحة لكن انا غيرت تماتيك المروحه وقام يصرف موتري بنزين صرف غير طبيعي بس من يوم غيرت التماتيك
ويوم شلت المروحه بحكم اننا بالشتاء والوقت بارد ما كانت تقوم الحرارة صار الموتر مايصرف بنزين ونفسه خفيفة قلت ياولد ليش ما أركب مراوح كهرب وافتك
وبعدين على حد علمي إن المراح منت بحاجتها إلا داخل البلد أو أذا صار الموتر واقف إما إذا كانت مسك خط الهواء اللي ينطحك هو اللي يبرد الاديتر

[مسير عليكم]

اخوي انا جربت مراوح دنسو تشبه السبارو خذتها من الصناعيه القديمه كانت السبارو وقتها 150 ونا اخذت الدنسو الطقم 150 موب ضروري سبارو شف اي مروحه سرعتين تركب والكتاوت خذ الماني ب15 ممتازه ماركه بوش طبعا تجي نوعين اصلي وتقليد وتلاقي للكتاوت افياش خزف
وبالتوفيق مقدما صراحه شي يغبن

[ميكا مكشات]

اخوي انا جربت مراوح دنسو تشبه السبارو خذتها من الصناعيه القديمه كانت السبارو وقتها 150 ونا اخذت الدنسو الطقم 150 موب ضروري سبارو شف اي مروحه سرعتين تركب والكتاوت خذ الماني ب15 ممتازه ماركه بوش طبعا تجي نوعين اصلي وتقليد وتلاقي للكتاوت افياش خزف
وبالتوفيق مقدما صراحه شي يغبن

الله يجزاك خير. ياخوي الدمام مافيه إلا الفقر تبي فيوز موجود شطرطون موجود غيروه إغسل يدك

[GMC79]

الدمام اكبر مدينة فيها نصب وسرق فلوس في المملكة

[مهند 2009]

وجهة نظري

عنيزة رخيصة بشغل المراوح ليش ؟

لان محلات المراوح هناك كثيرة مرة وبجمب بعض , وصاير فية منافسة بينهم .


ومع ذلك اللي يقول ب 1800 هذا غالي جدا

متوسط شغل المراوح من 800 الى 1000 تقريبا

على العموم الامر فية سعة
بأمكانك متى ماجيت للقصيم تركبهن
أو أنك تشتري جاهزات من مواقع النت ( يكونن راكبات على نفس نوع موترك )

[ميكا مكشات]

ياحبيلتس ياعنيزة

[هبايب الشمال]

انا نفسك مشكلتك مريته اللي بحي واحد تسعين
قال مروحة فورد مع كامل الشغل ٢٨٠٠ قال خذ رقم راعي المحل
يمكن ينزل لك
قلت سلام واذا فيه رقم كهرباي من القصيم اكلمه بشوف السعر
ماعندي مشكلة اروح من الدمام للقصيم

[هبايب الشمال]

ابي رقم محل ببريدة اوعنيزة كهرباي او محل مشهور

[ميكا مكشات]

والله أنا ماعندي أي رقم لهم لكن ممكن أحد من الشباب يعرف رقم واحد منهم وتراهم كثير

[سيف وقلم]

فيه هنا في المنتدى صاحب المعرف (مركز حرارة)
http://www.mekshat.com/vb/member.php?u=171399

[جني صغير]

بالنسبة للمراوح ركبها وانت مرتاحبس لا تنسى تتأكد الدينامو يتحمل ولا لا
لان كان بموتري دينامو حق كلبيتر عادي ركبت حق بخاخ اكتروني
لان ذاك ما يلحق يعبئ البطاريةالبطارية