المشوره طيبه ومنكم نستفيد بمسار كشته ..

[جراند شروكي]

السلام عليكم ورحمه الله وبركاته
اخواني الاعزاء اتمنى المشوره والرآي الزين منكم وهذا خبري فيكم الله لا يحرمكم الاجر :
الموضوع : مخطط على كشته من الرياض الى حايل ثم المدينه والنزول الى جده نهايه الرحله ..
طبعا الكشته الخميس القادم من الظهر والتوقع للرحله 3 ايام وانا داري انها قليله ولو هي ازود كان الشور براسي ولفيت المنطقه كلها لكن اللي خلاني استشيركم هو قله ايام الطلعه ابي افضل مكان اروحله
طبعا اسمع عن شعيب النايلات بحايل واتمنى امره والله اشراييكم
انتظر الرآي منكم
اخوكم : ابو طلال

[راعي شقراء 99]

شباب او عوائل

[جراند شروكي]

شباب او عوائل

شباب الله يعطيك العافيه

[جراند شروكي]

يا اهل حايل اتمنى تعطوني خبر
ابي وصف دقيق لشعيب النايلات ولو فيه احداثيه او خريطه لشعبان حايل اكون ممنونكم
اخوكم / ابو طلال

[الوافي.]

اخوي ابو طلال اذا كنت تبي ربيع كما تشاهد في الصور فلن تجده في الشعيب لاني كنت هناك الاسبوع الماضي ولكن فيه ربيع طيب
اما اذا كنت تريد الشعيب نفسه
فهاك الوصف وانت قادم من الرياض استمر في طريقك الى الجوف السريع حتى ياتيك كبري التربية افرق معه يسار حتى ياتيك طريق جبة الروضة خذ يسار الى حايل حتى ياتيك مفرق الحفير على يمينك لف يمين معه واستمر تقريبا خمسة وعشرين كيلو تجيك لوحة نايلات افرق يسار حتى ياتيك بيت شعر كبير ومسجد على يسارك افرق بعد المسجد يسار مع الجواد وخمسة كيلو مترات ستكون في الشعيب ان شاء الله وهذي الاحداثية لوسط الشعيب
شمال
2732350
شرق
4122840
واتمنى ان تقضي رحلة ممتعة عند ابناء عروس الشمال
وانتبه يدرون عنك انك ضيف والله ما تفتك منهم
واذا صادوك لا تنسى ان تسلم لي عليهم