ودي أركب قير أتوماتيك على الشاص

[salman]

اعزائي أهل الخبره ودي أركب قير تماتيك للشاص اللي تشوفونه في توقيعي فهل قير الgxr التماتيك يركب عادي والالا ارجو التلطف بالافاده

[عريدان]

موجود شد بلد بالكويت وممكن تتأكد أكثر من إخواننا الكويتيين هنا بالمنتدى.

[شبح الصحراء]

ما انصحك تغيره لأن مثل هالتغيرات الكبيرة ما تنجح عادتاً وتسبب مشاكل كثيرة بالمستقبل لأن المسألة معقدة جداً حسب ظني ، بس اذا مصمم على الشاص التماتيك فإذا كان فيه تماتيك شد بلد مثل ما يقول أخونا عريدان فأشتره أحسن من الترهيم والدوخة . وعلى فكرة العادي افضل للبر من التماتيك .

[المحتطب]

ما انصحك تغيره لأن مثل هالتغيرات الكبيرة ما تنجح عادتاً وتسبب مشاكل كثيرة بالمستقبل لأن المسألة معقدة جداً حسب ظني ، بس اذا مصمم على الشاص التماتيك فإذا كان فيه تماتيك شد بلد مثل ما يقول أخونا عريدان فأشتره أحسن من الترهيم والدوخة . وعلى فكرة العادي افضل للبر من التماتيك .

نفس كلام أخونا شبح الصحراء ,, :)

[السالمي]

لييييييييييييييييه ياخوي

ليييييييه تقيــــد المبروك ليه تحرمه عافيته

انت مثل اللي يعقل البعير

انت مثل اللي يبرقع الطير

انت مثل اللي يقيد السلق

انت مجرم <<<< خربها


يالغالي ددسن قير تماتيك ماتنبغى

هايلكس قير تماتيك ماتنبغى

فياقرا قير عادي ماتنبغى

تكفا وتكفا مايردها رجال

اطلق صراح الذيب ولاتقيدهـ

[فلان بن عفتان]

أخوي سلمان ..

لتحويل من قير عادي إلى أوتو تحتاج إلى كمبيوتر gxr أتوماتيك + تفصيل فلنجات عشان عامود الكردان يركب على القير ..

ملاحظه : قير gxr أتوماتيك فاشل وقير vxr ناجح وأفضل من العادي بمراحل

[salman]

أشكركم جميعا ؛يالنشاما على مروركم
شبح الصحراء
المحتطب
السالمي يامخربها

ويافلان بن عفتان لك مني الشكر الجزيل على المعلومه الجميله وأفادك الله

[ع.ف.الدرويش]

ما انصحك تغيره لأن مثل هالتغيرات الكبيرة ما تنجح عادتاً وتسبب مشاكل كثيرة بالمستقبل لأن المسألة معقدة جداً حسب ظني ، بس اذا مصمم على الشاص التماتيك فإذا كان فيه تماتيك شد بلد مثل ما يقول أخونا عريدان فأشتره أحسن من الترهيم والدوخة . وعلى فكرة العادي افضل للبر من التماتيك .

:) سلمان.. أنا مؤيد لقول الاخ شبح الصحراء
لكن وأنا اخوك الشاص تعودنا على كونه قير عادي جيب وينهج نهج جيوب
أما التماتيك فما أدري بصراحة.. لكن يبقى بالأخير كلٍ بعقله راضي
والله يوفقنا وإياك لكل خير

اخوك..(أبو فهد)

[مدهوش]

أنصحك بالإتصال على هذا الشخص فهو خبير ومتخصص في هذه الأمور 0500241000 لقبه (أبو عبد الله) الموقع بريدة