لأصحاب الفتك, هل نيسان غيرت اماكن معايرة زيت القير في الموديلات الجديده؟

[AL-OTAIBI]

السلام عليكم و رحمة الله و بركاته


اليوم رحت مركز الصيانة التابع للحمراني عشان اشيك على مستوى زيت القير لسيارتي (شاص نيسان قير تماتيك2013) لأن مثل ما انتوا عارفين الفتك ما يجي معه عيار لزيت القير.


المهم, قابلت الفني و شاف السياره و فتح الكبوت و ناظر يمين المكينه و ناظر يسار المكينه و تحت المكينه و فوق المكينه, قلت له عسا ماشر وشفيك؟ قال: غريبه الفتحه حقت عيار الزيت مو موجوده!! (طبعاً الفتحه للي ما يعرفها, تجي مخصصه لعيار زيت القير لكن شركة نيسان ما توفر المعيار لسيارات الفتك بس تكتفي بسدها بطبه معدنيه عشان العميل يروح للوكاله و هم اللي يفتحونها و يعايرونها).


المهم راح ينادي الفني الثاني و رفعوا السياره عالرافعه عشان يشيكون من تحت السياره.


راح لين عند الكرتير حق زيت القير و اشر عليه و قالي تعال شوف, فيه برغي في طرف الكرتير, سألته وش ذا قالي هذا شركة نيسان سكرت الفتحه اللي من فوق و فتحت فتحه من تحت للتشييك و التعبئة!! راح فتح البرغي شوي و نزل شوي زيت بعدين شد عالبرغي و قال كل شي تمام و مستوى الزيت و لونه اوكي!! سألته طيب كيف تتم التعبئه؟ قال عند طريق مضخه يدويه صغيره نشبكها و نعبي!!


انا صراحة ما اقنعني كلام الفني لعدة اسباب:
- هل صحيح ان نيسان غيرت طريقة التعبئة و معايرة الزيت بدل استخدام عصا المعايره؟
- هل الفتكات موديل 2005 الى 2009 او 2010 نفس الشي؟ حسب ما قرأت في المنتدى ان لها طبه يتم المعايره منها!!
- اذا ثبت ان نيسان غيرت طريقة العيار كيف يتم التأكد من مستوى الزيت؟ فتح البرغي و نزول الزيت مقياس غير دقيق لمستوى الزيت!!



اتمنى من اصحاب الفتك افادتي اذا عندهم البرغي اللي اتكلم عنه في سياراتهم او لا
و وين محل الفتحه اللي يتم فيها ادخال العيار بالضبط (و اذا فيه صوره توضيحيه يكون افضل)

[التعـ King ـديل]

موترك تماتيك ولا عادي ؟

[AL-OTAIBI]

هلا اخوي كنق، معليش نسيت اذكر ان القير تماتيك

[ابوسند9]

وعليكم السلام
اخوي كنج واضح من كلام الرجال ان القير اوتو من يوم قال الفني فتح الكبوت
والصراحه الزملاء معاهم نفس سيارتك لكن ما طرحنا بالنا ,,
لكن اذا نسيان سوت ها الطريقه فا انا اشوفها جداااا ممتازه ,,للاسباب التاليه
انه كان سابقا ما تقدر تعاير مستوى الزيت اللى في الوكاله بسبب احتكار عيار الزيت
كذالك انك تقدر تفحص صلاحية الزيت واللزوجه
كذالك تفحص الزيت اذا كان ناقص
كذالك في حال انك غيرت الزيت وعبيت زيت جديد تدع البرغي مفتوح حتى يخرج الزيت الزائد وهنا يتم التاكد من مستوى الزيت
اما كلامي الفني صحيح عن طريق طرمبة لضخ الزيت كما في بعض السيارات والفورد نفس الطريقه بالضبط
اما مكان العيار في الموديلات السابقه فهو بين البطاريه والمكينه عباره عن ماصوره نفس ماصورة عيار المكينه اللهم انها مقفوله بمسمار رقم 10
لكن بقولك الطريقه الافضل عند تغيير زيت القير وانا مطبقها وحنا وكل الزملاء ولا نحتاج عيار ولا وكاله منذ اصدار الفتك من عام 2002 حتى كتابة هذا الرد ,كمية الزيت القديمه اضع نفسها وازيد عليها 100 ملم ,ونغير الزيت كل 200 الف كيلو ,ولا تحسب زيت قير الفتك مثل باقي السيارات لازم يتغير كل 40 او 80 الف كيلو لا,لان نوعية الزيت تختلف
لذا نصيحه لا تغير الزيت ولا تلمسه
فقط بعد ممشى 180 الى 200 الف كيلو فك الكرتيل ونظف الفلتر والكرتيل وضع نفس الكميه ,وانصحك بزيت بي ام افضل من زيت الوكاله

[h93313]

أبو سند
اختلف مع في زيت bm انه افضل من زيت الفتك حق الوكالة
من واقع تجربه
كثير من الشباب
زيت ألبي أم ما يصلح إذا بدلت القير وخليته عايدي
أم زيت الوكالة خليه عايدي أو تماتيك ميه ميه

[abahal]

كل القيور الجديده ال6 تروس وبعض من ال5 تروس بدون عصى عيار ولكن صره معيار وصره تعبئه

[مسير عليكم]

اخوي ابو سند بالنسبه ل200 الف اشوفها كثير 100 الف وهذي توصيه الوكاله وبالنسبه لطريقتك اشوفها حلوه وذكيه بس من باب الخبره قير الفتك كم لتر ينزل منه

[مخطور]

السلام عليكم ورحمة الله وبركاته
زيت التماتيك ينزل منه 4 لتر فقط

وسعر التغيير ب شركة العيسى الدائري الجنوبي مخرج 25 بعد شركة عبداللطيف جميل ب 500 متر
سعر غيار الزيت 427 ريال
الوقت المستغرق ساعه فقط
نوعية الزيت اصلي وكاله اسمه (ماجيك جي )
يتم التغيير حسب رقم الشاص والتوقع على الفاتورة على مسوليتك خصوصا من موديل 2008 ونازل
تحياتي لكم

[المفيدي]

السلام عليكم ورحمة الله وبركاته
زيت التماتيك ينزل منه 4 لتر فقط

وسعر التغيير ب شركة العيسى الدائري الجنوبي مخرج 25 بعد شركة عبداللطيف جميل ب 500 متر
سعر غيار الزيت 427 ريال
الوقت المستغرق ساعه فقط
نوعية الزيت اصلي وكاله اسمه (ماجيك جي )
يتم التغيير حسب رقم الشاص والتوقع على الفاتورة على مسوليتك خصوصا من موديل 2008 ونازل
تحياتي لكم


السلام عليكم ورحمة وبركاته
اخوي الكريم موتر2007 غيرته مرتين واحد عند الوكالة في خريص عند100الف كيلو
والثانية عند فيول المركز التابع للحمراني نفس شغال الوكالة بالنسبة للزيت وغيرته بعد60 تقربيا وكل اوحد يعطيك رأيك كمية للزيت
لكن بغيت اعرف الزيت يغيير كل كم كيلو

[AL-OTAIBI]

وعليكم السلام
اخوي كنج واضح من كلام الرجال ان القير اوتو من يوم قال الفني فتح الكبوت
والصراحه الزملاء معاهم نفس سيارتك لكن ما طرحنا بالنا ,,
لكن اذا نسيان سوت ها الطريقه فا انا اشوفها جداااا ممتازه ,,للاسباب التاليه
انه كان سابقا ما تقدر تعاير مستوى الزيت اللى في الوكاله بسبب احتكار عيار الزيت
كذالك انك تقدر تفحص صلاحية الزيت واللزوجه
كذالك تفحص الزيت اذا كان ناقص
كذالك في حال انك غيرت الزيت وعبيت زيت جديد تدع البرغي مفتوح حتى يخرج الزيت الزائد وهنا يتم التاكد من مستوى الزيت
اما كلامي الفني صحيح عن طريق طرمبة لضخ الزيت كما في بعض السيارات والفورد نفس الطريقه بالضبط
اما مكان العيار في الموديلات السابقه فهو بين البطاريه والمكينه عباره عن ماصوره نفس ماصورة عيار المكينه اللهم انها مقفوله بمسمار رقم 10
لكن بقولك الطريقه الافضل عند تغيير زيت القير وانا مطبقها وحنا وكل الزملاء ولا نحتاج عيار ولا وكاله منذ اصدار الفتك من عام 2002 حتى كتابة هذا الرد ,كمية الزيت القديمه اضع نفسها وازيد عليها 100 ملم ,ونغير الزيت كل 200 الف كيلو ,ولا تحسب زيت قير الفتك مثل باقي السيارات لازم يتغير كل 40 او 80 الف كيلو لا,لان نوعية الزيت تختلف
لذا نصيحه لا تغير الزيت ولا تلمسه
فقط بعد ممشى 180 الى 200 الف كيلو فك الكرتيل ونظف الفلتر والكرتيل وضع نفس الكميه ,وانصحك بزيت بي ام افضل من زيت الوكاله

الله لا يهينك يابوسند, لكن السؤال الذي لا زال مطروح هو كيف يتم التأكد من مستوى الزيت؟ انا اشوف البرغي غير كافي!!

مثلاً جيت فضيت الزيت كله من القير و جيت ابي اعبي كيف اعرف المستوى المناسب؟ انا ادري انها تقاس باللتر لكن من باب الاطمئنان الواحد وده يشوف المستوى(ربع, نص , فل, زائد و هكذا)

اما بخصوص نوع الزيت انا اختلف معاك (الفتك لا ينفع له الا النوع المخصص من نيسان بسبب خصائصه الهدروليكيه المناسبه مع قير الفتك خصوصأ)

تحياتي

[AL-OTAIBI]

أبو سند
اختلف مع في زيت bm انه افضل من زيت الفتك حق الوكالة
من واقع تجربه
كثير من الشباب
زيت ألبي أم ما يصلح إذا بدلت القير وخليته عايدي
أم زيت الوكالة خليه عايدي أو تماتيك ميه ميه
صحيح 100%

لا غنى عن زيت الباترول المخصص للفتك

[AL-OTAIBI]

كل القيور الجديده ال6 تروس وبعض من ال5 تروس بدون عصى عيار ولكن صره معيار وصره تعبئه

هلا اخوي, و هذه زبدة الموضوع.

المشكله اني كتبت الموضوع هذا لعدم وجود صرة معيار!!
انا ادري ان الفتك يجي بدون معيار لكن اللي في موتري مو موجوده فتحة المعيار المقفله!!
عشان كذا كان سؤالي هل غيرت نيسان الشي هذا في 2013 و 2014؟؟

الموجود فقط صره واحده تحت السياره تحديداً في كارتير زيت القير!!

[AL-OTAIBI]

السلام عليكم ورحمة الله وبركاته

زيت التماتيك ينزل منه 4 لتر فقط


وسعر التغيير ب شركة العيسى الدائري الجنوبي مخرج 25 بعد شركة عبداللطيف جميل ب 500 متر
سعر غيار الزيت 427 ريال
الوقت المستغرق ساعه فقط
نوعية الزيت اصلي وكاله اسمه (ماجيك جي )
يتم التغيير حسب رقم الشاص والتوقع على الفاتورة على مسوليتك خصوصا من موديل 2008 ونازل
تحياتي لكم


يعطيك العافيه اخوي عالرد, بالنسبه لنوع الزيت, حسب كتالوج السياره الموجود امامي الان, يوصي بزيت (ماتيك S) و اذا لم يكن متوفر فيجب استخدام زيت (ماتيك j)

تحياتي

[ابوكشتات]

طيب ياجماعة الخير هل يتغير فلتر القير اولا معقوله ماتتغير

[مفضخ الشري]

هلا اخوي, و هذه زبدة الموضوع.

المشكله اني كتبت الموضوع هذا لعدم وجود صرة معيار!!
انا ادري ان الفتك يجي بدون معيار لكن اللي في موتري مو موجوده فتحة المعيار المقفله!!
عشان كذا كان سؤالي هل غيرت نيسان الشي هذا في 2013 و 2014؟؟

الموجود فقط صره واحده تحت السياره تحديداً في كارتير زيت القير!!

غريبه اذا الفتحه العلويه الغيت صراحه !!!

صحيح ان كل السيارات الجديدة صار زيت القير فيها مُعقد و مايتغير الا في الوكاله بس غريبه من نيسان على الشاص خصوصاً

انا اشوف لو تروح معارض النسيم الشيصان واجد دور لك 12 و افتح كبوته و اكسر الشك :)

[شنطة عده]

ما دام انه لا يوجد تهريب في القير امشي طبيعي عليه وبعد المسافه المذكوره في كتلوج السياره
استبدال الزيت والفلتر سوى
والتعبئه مثال ما قال لك الرجال عن طريق طربنه

[ابوسند9]

أبو سند
اختلف مع في زيت bm انه افضل من زيت الفتك حق الوكالة
من واقع تجربه
كثير من الشباب
زيت ألبي أم ما يصلح إذا بدلت القير وخليته عايدي
أم زيت الوكالة خليه عايدي أو تماتيك ميه ميه
شف يا الغالي انا اتكلم عن تجربه منذ القدم اي من موديلات 2002 حتى يومنا هذا ولعلمك انا غيرت زيت موتري يوم مشى تقريبا والله ماني ذكر بس ممكن ي 180 او 200 الف
والحين ماشي بعد التغييره تقريبا 230 الف يعني السياره ماشيه حتى الان 430 الف وانا متاكد مافيه حد مثلي يجلد السياره جلد خطوط وبر
لكن اخوي اللي اقصده بزيت البي ام ان هناك نوعين نوع ب 30 ريال ونوع ب 80 ريال للعلبه ,
واللي نركبه احنا نوع وهو افضل شي وسعر اللتر ب 90 ريال تقريبا ويباع بالتر يعني لازم تجيب معك جالون او جركل ويعبئي لك بالتر

[ابوسند9]

اخوي ابو سند بالنسبه ل200 الف اشوفها كثير 100 الف وهذي توصيه الوكاله وبالنسبه لطريقتك اشوفها حلوه وذكيه بس من باب الخبره قير الفتك كم لتر ينزل منه
هلا والله بمسير عليكم ,,اخبارك يا الغالي
شوف طال عمرك انا ودي اخذ توصيت الوكاله لاكن صدقني مرينا وسئلنا الف وكاله وفرع وكللاهم يختلف كلامهم عن الاخر بيداء من 40 الف الى قول البعض ما يتغير ,حتى في طريقة المعايره للزيت واحد يقول طفى السياره وواحد يقول خلي القير ع N وواحد بالريوس ...الخ
اما نزول الزيت من القير با الغالب من 5 الى 5ونص لتر وتقدر بطرقتك تخرج الزيت با الكامل تقريبا 8 لتر

[ابوسند9]

الله لا يهينك يابوسند, لكن السؤال الذي لا زال مطروح هو كيف يتم التأكد من مستوى الزيت؟ انا اشوف البرغي غير كافي!!

مثلاً جيت فضيت الزيت كله من القير و جيت ابي اعبي كيف اعرف المستوى المناسب؟ انا ادري انها تقاس باللتر لكن من باب الاطمئنان الواحد وده يشوف المستوى(ربع, نص , فل, زائد و هكذا)

اما بخصوص نوع الزيت انا اختلف معاك (الفتك لا ينفع له الا النوع المخصص من نيسان بسبب خصائصه الهدروليكيه المناسبه مع قير الفتك خصوصأ)

تحياتي
لاهنت
شف طال العمر
مثلا نقول زيت المكينه ينقص بسبب انه يتبخر او يخرج مع جلد البلوف او مع الشنبر او مع بلف التبخر فيكون هناك نقص زيت وهنا تحتاج معايره
لكن القير دام مافيه تهريب فعرف انه تمام ولا يوجد نقص ,,فقط تحتاج تغيير فقط
اما مستوى الزيت فضع نفس مستوى الزيت القديم سواء 5 لتر او 8 لتر يعني ع حسب
اما من ناحية الاطمئنان فا اطمئن باذن الله بهذه الطريقه
ولعلمك سبق ان انقص على هوز القير وانا ما دريت وكنا طالعين لمقناص با الشمال ومشيت عليه 120 كيلو والقير ما فيه اللى علبه ونص ويالله يمشي وجلست اسبوع ونا اقنص فيه حتى ارسلي احد الزملاء زيت ,
يعني النقص البسيط ما راح يضر,والنقص الكثير راح تحس با السياره يالله تمشي واحينا يفضي القير,
والزياده البسيطه ما تضر, والزياده الكبيره راح يخرجها القير عن طريق مواسير الزائد الموجوده بالرفرف اللي امام السائق
لذا لاتكون حساس بزياده وطبق ها الطريقه وباذن الله ما تشوف مشاكل وعلم ان قير الفتك الاوتو قير صبور لدرجه ما تتخيل ويمكن تمشي السياره مليون كيلو ما انفك او اتوظب اذا حافظت على تغيير الزيت
واستخدمت بالبر با الشكل الصحيح
ونصيحه اخيره احرص اذا بغيت تسحب حد مغرز او في الغرز انك تستخدم الدبل الثقيل حتى في الطعوس والتعطيس