ســـؤال خاااص لعشاق القراند الشروكي أرجو الدخول

[السالمي]

السلام عليكم

اخواني اللي عنده خبرهـ في القراند شروكي

انا عزمت اخذ واحد مستعمل من الوكاله حصلت عندهم عروض حلوهـ

لقيت واحد موديل 2005 فل كامل لمتد في 90 الف وخصم لي الا 85 الف على الكاش لاكن انا ابيه نظام تأجير

لان النظام التأجير عليه ضمان ومتى ماعفته تقدر ترجعه وسلام على ابوسليمان

لاكن انا محتار في الموديل وحتار في الماكينه


ما ادري اخذ من موديل 2005 وفوق الشكل الجديد يعني والا اخذ 2004

الصراحه الجديد احس انه افضل شكل وفيه مكيف بالخلف وتحس انه اوسع من القديم

لاكن ما ادري كيف جاي دبله لاهو ازره ولاهو عصى

ما ادري هل يعتبر عملي والا لا اما القديم مجرب ومعروف ويجي 6 سلندر بعكس الجديد مافيه الا 8 سلندر

الشي الثاني القديم الدبل حقه دفرنس والجديد الصراحه ماني متأكد هل هو دفرنس ولا لا



الشي الثااااااااني

اذا احتديت على الـ 8 سلندر ولالقيت 6سلندر مع اني اميل لثمانيه 6 سلندر لاكن جربت الـ 6 سلندر

وعندي واحد موديل 94 للوالد وماشفت منه الا كل خير بس يعيبه انه ثقيل شوي بالنفود طبعاً مقارنه بالشروكي العادي فقط فقط

السؤااااال هل اخذ في حالة الـ 8 سلندر 4.7 والا الهيمي 5.7

هل قوة الهيمي لها عواقب اتمنى الافاااااده من ذوي المعرفه والخبرهـ

شاااااااكر لكم

[عبدالرحمن]

مالي خبره في القراند شروكي لكن بشكل عام اي سياره الدبل عكوس موهب دفرنس ابعد عنها مرره.

ومن عشاق القراند لكن ما احب صيانته :(

[السالمي]

مشكور اخوي عبدالرحمن

القراند شروكي دبله دفرنس الا موديل 2004

اما 2005 ما ادري الصراحه

[الوشاح]

حياك الله اخوي السالمي ... طولت الغيبه :)

تذكر نقاشنا المطول عن الشروكي ؟

تناقشنا بأكثر من موضوع عن الشروكي ومشاكله .. وبلأخير اشتريت شروكي ههههه

نرجع لموضوعك

اقتترح عليك تأخذ الشكل الجديد .. لأنه افخم واكشخ

فعلا شكله رهيب وسبورت ..... اما الاستخدام مأ فيدك

سألت اي المكينتين تاخذ ونا اقولك إذا (اكلت بصل كثر ) خذ الهيمي اعتقد يجي370 حصان >> قوه خارقه

ودي اقولك خذ المكينه القديمه 8 سلندر.. لاكن موب ذاك الزود ...... فيه ناس اشاتكت منها

ادري كلامي مافادك بشي .. لاكني حبيت المشاركه

تحيتـــي لــكـ

[السالمي]

هلااااابك يالوشاح


ماعرفتك والله ولاهو قصور فيك

لاكن انا من زمان كنت اشارك هنا

ومبروك عليك الشروكي

ونصيحتك فعلا في محلها اذا اكلت بصل اشبع بصل

ولاتطري البصل يزعلون النسايب ههههه

وان ترى من ذيك السنين وانا اقول باخذ قراند شروكي جديد

والا الاااااان اكلنا خابور بالاسهم وتونا صحصحنا

انا معي موتر الشايب قراند شروكي 94 6 سلندر

وابي الشكل الجديد وجازم عليه الصراحه خصوصا عرض الوكاله رهيب جدا

وترى الشروكي مامثله للي يعرفه ويقدرهـ

[أبوالوليد]

حياك الله أخوي ..
أنا من عشاق الشروكي ..

لكن ما أنصحك تأخذ واحد بها القيمة .. لأن قيمته تطيح كثييير إذا جيت تبيعه ..
وهذي المشكلة ..



والله يعين ..

[السالمي]

حياك الله يابو الوليد

هذا مستعمل وشبه جديد

انت تدري ان الـ 2005 اول مانزل نفس ها المواصفات سعره حول الـ 140 الف

يعني هذا نازل سعره فوق الـ 50 الف ومع ذلك عليه ضمان شامل وفوق هذا باقي ضمان الصيانه ما انتهى