كيف تقييد سرعة السياره؟

[instructor]

السلام عليكم ورحمة الله
الاخوة الكرام
ارغب في تقييد سرعة سيارة السائق بسرعه معينه لايتعداها فهل فيه جهاز يتركب على السياره بحيث تفصل الدعسه عند سرعة 120 مثلا أو احد يرشدنا لطريقة او فكره مجربه

ودمتم

[سقم المعادي 1]

وش نوع السيارة

و الدعسه كهرب ولا واير ؟

[instructor]

تويوتا -اينوفا -2012 تماتيك الدعسه كهرب

[بدوي جنوبي]

الميزة هذه موجوده في فورد أكسبديشن

[المميـز]

:

اتوقع برمجة كمبيوتر وتضبط

:

[instructor]

سويتها بطريقه بدائيه
مسمار يتثبت بالدعسه وتشده وترخيه لكن المشكله انه يضعف عزم السياره جدا

[سقم المعادي 1]

اخوي اعذرني على السؤال لكن وش الدافع اللي خلاك تسوي هالحركه ؟
اذا السبب هو مخالفات ساهر تجي عليك بسبب السواق فيه حل يريح راسك
حط السواق في استمارة السيارة تصير الملكيه لك وهو مستخدم للسيارة ولا يقدر يتصرف فيها نهائياً لكن اي مخالفه تنزل عليه
حبيت افيدك بهالنقطه يمكن ماتدري عنها
موفق ان شاء الله .

[كم كيلو باقي]

يا غالي هالحركة خطرة من عدة نواحي
افترض ان الاهل احتاجوا امر طارئ او أي شيء
بالاضافة ان المسألة ماتتعلق ب120 يعني لو مشى 120 داخل حارة او بزحمة الدائري الخطر موجود موجود
وايضا ممكن انك تحتاج يوم تستخدم السيارة فتحديد السرعة ممكن يضايقك هذا غير المشاكل الميكانيكية اللي ممكن تتعرض لها لاقدر الله نتيجة العبث في كمبيوتر السيارة
اقترح عليك تشتري جهاز المراقبة وهو متوفر بالنت اشوف يعلنون عنه بحراج دايم
الجهاز هذا صغير مره تحط فيه شريحة وتقدر من جوالك تعرف مكان المركبة في اي لحظة واي شارع وسرعة المركبة وخط سيرها وتقدر تحدد مكان او حي او مدينة معينة اذا تجاوزتها السيارة يعطيك تنبيه
بالتوفيق ..

[عبدالله الدوسري]

فعلا
كلام أخوي سقم المعادي أنسب لك
إذا كانت مشكلتك في مخالفات ساهر فهذا أفضل حل

اذا السبب هو مخالفات ساهر تجي عليك بسبب السواق فيه حل يريح راسك
حط السواق في استمارة السيارة تصير الملكيه لك وهو مستخدم للسيارة ولا يقدر يتصرف فيها نهائياً لكن اي مخالفه تنزل عليه
وبالنسبة للطريقة فهذا موضوع يتكلم عن جزء منه
التفويض المركبة دون علمك (http://www.mekshat.com/vb/showthread.php?t=617562)
تابع الموضوع مع الردود
لكن تحتاج تتأكد من قضية التفويض هل هو يصلح للمقيمين أو لا؟