تقرير بسيط عن بواجي NGK للاندكروزر 6 سلندر ( وكيلها الجديد + الوصف بالتفصيل )

[سقم المعادي 1]

السلام عليكم


صبحكم / مساكم الله بكل خير

موضوع بسيط خفيف الظل (ماظنتي:D)

عن بواجي من شركة عريقه

http://www.autocyclecentre.co.za/MediaLib/Home/Brands/NGK.png

شركة NGK اليابانية

تأسست الشركه في عام 1936 في مدينه ناغويا باليابان (معلومة بسيطه :p)


ماعلينا من هالحتسي ..

طبعاً البواجي عندنا كنت اخذها من وكيلها الحاج حسين اللي هو وكيل ميركوري و مازدا و مدري وش بعد

لكن رحت له قبل أمس الخميس 12-05-1435هـ و سألت عن البواجي الخاصة باللاندكروزر 6 سلندر و افادني الموظف انها غير متوفرة .. سألته عن امكانيه توفرها بالمستقبل قال ماعاد نستورد الآن فيه وكيل ثاني لها و عطاني اسمه فقط بدون عنوانه ولا رقمه
بحثت في قوقل عن مكانه و وصفه مالقيت شيء للاسف .. بحثت في مكشات مالقيت شيء ممكن يفيدني بالعنوان بشكل دقيق لكن فيه موضوع لاحد الاخوان فيه بعض التلميحات عن مكانه قلت بدق سلف و بدوره لين القاه .. عبيت فل و مليت الثلاجه من الزاد و اتكلنا على الله :D , صليت العصر في المسجد اللي عند دوار الخرج على طريق الامير سلمان و لبقت موتري برا الدواعيس اللي عند قطع الغيار و قعدت امشي على رجليني اخف لي و ادور هالوكيل وكل من نشدته ماعطاني علم ولا وجهني لمحل ماعنده شيء .. و طولت وانا ادور لين قلت اقول عود بس وتعال الصبح اخف زحمه من العصر تلقاه على راحتك .. وانا متجه للموتر شفت محل يبيع بواجي دخلت عليه قلت يمكن احصل عنده ولو انه ماهوب وكيل .. سألته قال لا ماعندي NGK .. تحصلها عند البابطين .. قلت بس بس ابوك للجنه هو البابطين ذا وينه محد يعرفه من ربعك اللي بالحته !؟
المراد ان الرجال وصف لي مكانه (من الفهاوه صرت مار من عنده يجي خمس مرات ولا انتبهت له لأن لون لوحته مشابه للون اللوحات اللي جنبه العتب على النظر) واعض ثوبي واركض له وادخل المحل والابتسامه شاقه وجهي :D
ناظرني الهندي وش ذا اللي عاضن ثوبه و رافس الباب علينا و جاي يوزع علينا ابتسامات :j
واناظر الرف اللي ورى الهندي الا اشوف هالمزيونات واقعد اتمقل بهن تقل بزر يتمقل بحلاو من ورى قزازة محل :p:D
http://im76.gulfup.com/XBQja.jpg

جاني الهندي وقال هاه تنق وش تبي ؟!
و امد له الورقه اللي كاتب فيها رقم البوجي حق اللاندكروزر مكينه 4500 EFI

هذا رقم البوجي :

(( BKR5EKB-11 ))

جاب لي البواجي عدد 6 حبات .. قيمتها مثل ماهو موضح بالفاتورة :

http://im69.gulfup.com/LSnGT.jpg

و موجود لهم فروع غير الصناعيه القديمه , مكتوبة في الفاتورة تحت المبلغ ^

هذا كرتون البواجي :

http://im69.gulfup.com/u2uGm.jpg


لاصحاب اللاندكروزر من 98 - 2007 السته سلندر و راعين الربع والشاص الى 2009 اللي مكاينهم 4500 ايضاً لزوم يكون البوجي رأسين مثل ماهو بالصورة :

http://im69.gulfup.com/8dN2f.jpg



- طبعاً متوفر عندهم بواجي لجميع السيارات الامريكية و اليابانيه والالمانيه والكورية و اللي تبي , لكن لازم تجيب معك رقم البوجي المطابق لسيارتك من الكاتلوج او عن طريق الموقع الرسمي لشركة NGK :

http://www.ngksparkplugs.com

طبعاً الرابط هذا اللي حطيته فوق ^ .. مافيه مشاكل بالسيارات الامريكيه لكن بعض السيارات اليابانيه تختلف المحركات بينا وبين المواصفات الامريكيه مثلاً .. مثلاً انا سيارتي لاندكروزر 99 سته سلندر المحركه 1FZ اسمه حجمه 4.5
بعد البحث عنه في الموقع يطلع لي مكينه الفكسار 8 سلندر 2UZ مثل ماهو محدد بالاحمر
http://im78.gulfup.com/57ff8.jpg
و السبب لأن السته سلندر غير متوفر باللاندكروزر في امريكا من 98 , فقط 8 سلندر بمحرك 2UZ اللي عندنا هو الفكسار

طيب كيف تطلع رقم البواجي المناسبه لسيارتك اذا ماكانت موجودة في الموقع ؟
ادخل موقع NGK الاسترالي بسبب مطابقه كثير من مواصفاتنا لمواصفاتهم

http://www.ngk.com.au/

بعد البحث عن اللاندكروزر بمحرك 6 سلندر في الموقع الاسترالي :

http://im55.gulfup.com/ygkGj.jpg

ظهرت النتيجه مطابقه و هذا المحرك اللي نحتاج نعرف رقم البواجي الخاصه فيه



طبعاً طريقه البحث ليست محصورة على سيارات تويوتا فيه مئات الشركات ماعليك الا تختار الشركه ونوع السيارة :)


طيب نجي للزبدة وين مكان الوكيل البابطين ؟

الوصف بالتفصيل :

و أنت على الدائري الشرقي وجهك جنوب .. أدخل مع مخرج 17 ورح يمين يصير اتجاهك غرب , بتجيك اشارات تعدها كلها الين تدخل تحت النفق .. بعد النفق تجيك الاشارة الاولى تعدها و الثانيه تعدها .. قبل الاشارة الثالثه يجيك محل قطع غيار ايسوزو على زاويه ادخل من عنده يمين ابتل لين يجيك حرف T خذ يمين و سيد مع هالشارع لين يجيك حرف T بيصير على يدك اليسار محل قطع غيار تويوتا .. البابطين وكيل NGK قبل تويوتا .. المحل يفتح جنوب

هذا الموقع بالضبط بالويكيمابيا :

اضغط هنا (http://wikimapia.org/#lang=en&lat=24.640596&lon=46.738959&z=19&m=b)



الى هنا انتهى الموضوع و العذر و السموحه طولنا عليكم ..

نقاط اخيرة:

- يعلم الله مالي لا ناقه ولا جمل في المحل ولا اعرف راعيه لا من بعيد ولا من قريب لكن للفائدة للاخوان الكرام في مكشات لأني مانسيت فضلهم علي و لأني حصلت رقم بواجي سيارتي في مكشات لزوم نرد لهم الجميل
- حاولت اكون دقيق في الوصف (وصف شايب) لأني مالقيت في النت ابداً في اي موقع ولا منتدى فيه وصف للوكيل .. كل اللي لقيتها تلميحات (مكانه في مخرج 17 فقط) فـ بدال ماتضيع وقتك زي ماصار معي و خصوصاً ان مكان محلات قطع الغيار هناك زحمه وشوارع ضيقه ماتاخذ راحتك بالتدوير قلت اسهلها عليكم و اعطيكم الوصف :) ,

ما ارجي من هالموضوع غير شيء واحد ( دعوة منكم لاخوكم فقط ... )

الموضوع خاص بمنتدى مكشات .. رجاء كل الرجاء في حال النقل أن يتم ذكر المصدر تقديراً للجهد



-
-

[جديعان]

مااااااااااشا الله عليك وفيت وكفيت

[بدر العبدالعزيز]

السته سرندل يشمل الموديل من 98-2007 ؟؟؟

صحيح اخوي الغالي ؟؟؟

[ابونبيل]

فيه للهايلكس لان الوكاله وشد البلد كله دينسو

[بدوي جنوبي]

الله يعطيك العافيه على التقرير

يا ليت ترفع الصور على مكشات عشان اقيم الموضوع

[ابوذوق]

مضوع متعوب عليه صراحة بس البواجي هاذي تصلح gx 2004

[سقم المعادي 1]

مااااااااااشا الله عليك وفيت وكفيت

حياك الله و شاكر لك على ردك



السته سرندل يشمل الموديل من 98-2007 ؟؟؟

صحيح اخوي الغالي ؟؟؟


الله الله سته سلندر محرك 1FZ من عام 1998 الى 2007 في اللاندكروزر بنفس البواجي المذكور رقمها في الموضوع



فيه للهايلكس لان الوكاله وشد البلد كله دينسو

بالنسبه للهايلكس ماعلمتني كم موديله ؟
على كل حال مكينه 2700 حقت الهايلكس اتوقع والله اعلم ان اسمها 3RZ
هي نفس مكينه التويوتا تاكوما 2004
هذي البواجي المناسبه للمحرك ولك ان تختار بينها سواءاً عاديه او ليزر او اريدوم :
http://www.mekshat.com/pix/upload05/images253/mk285337_ngkspark.jpg

لكن تأكد من اسم المحرك هل هو فعلاً 3RZ لأني لست متأكد


الله يعطيك العافيه على التقرير

يا ليت ترفع الصور على مكشات عشان اقيم الموضوع

تم و شيك على الخاص بارك الله فيك


مضوع متعوب عليه صراحة بس البواجي هاذي تصلح gx 2004

تسلم يابو ذوق , نعم البواجي مناسبه للـGX 2004 :good:

[أحمد الدهمشي]

وعليكم السلام ورحمة الله وبركاته

بارك الله فيك على المجهود الطيب يستاهلون أهل مكشات
لكن ما ذكرت هالبواجي تستاهل كل هالعنوة
أبي أعرف فايدتها لا هنت .,

[مرير الشوق]

جزاك الله خير اخوي سقم المعادي

سؤال بسيط ..

احصل عند البابطين اسلاك بواجي للجكسار 2002 ؟

[سقم المعادي 1]

وعليكم السلام ورحمة الله وبركاته

بارك الله فيك على المجهود الطيب يستاهلون أهل مكشات
لكن ما ذكرت هالبواجي تستاهل كل هالعنوة
أبي أعرف فايدتها لا هنت .,

بالنسبه لي جربت البواجي اللي عند عبداللطيف جميل (دينسو) ولا جازت لي
اول ماركبتها حسيت بتحسن و بعد 15 الف بدأت تزيد الصرفيه و العزم يدج
و بعد البحث لقيت ان الـNGK افضل من الدينسو حسب كلام من جربها على اللاندكروزر و لثقتي فيها لأني جربتها على سياراتي اللي قبل احرص اني اخذ NGK ولا اذكر اني اشتكيت من زيادة صرفيه او تفتفه او عزم يدج بسبب بواجي ..
يعني مافيها فائده كلها بالنهايه بواجي لكن الجودة تفرق لصالح NGK اطول عمر و أقل صرفيه والاهم انها ارخص سعر من الدينسو


جزاك الله خير اخوي سقم المعادي

سؤال بسيط ..

احصل عند البابطين اسلاك بواجي للجكسار 2002 ؟

والله مدري وانا اخوك بس لو تتصل على رقمهم اللي في الفاتورة وتسألهم يمكن تحصل عندهم
بس اسلاك البواجي حقت الوكاله ممتازة يمكن المشكله من الكويل او من شيء ثاني عندك









-

[ابواديب33]

تنفع للفورتشنر 6 سلندر

[سقم المعادي 1]

تنفع للفورتشنر 6 سلندر



محرك الفورتشنر 6 سلندر
اسمه : 1GR-FE
نفس محرك البرادو في استراليا
هذا النوع المناسب له :
http://www.mekshat.com/pix/upload05/images253/mk285337_1gr-fe.jpg







-

[stranger]

السلام عليكم
انا مريت المحل الموجود في صناعية العاصمة سيارتي جمس 2002 وطلبت البواجي منه بدون رقم ( طلب مني الاستمارة وادخل رقم الهيكل واعطاني البواجي ) يعني انك تقدر تلاقي البواجي المناسبة اموترك عن طريق رقم الهيكل

[طلال الفدعاني]

السلام عليكم يعطيك العافية أخوي ما قصرت عندي استفسار تصلح البواجي هذي على جيب اكسبلورر فورد ٦سلندر مديل ٢٠١٠ ويليت تعطينا وش فايده كل نوع والله جيزاك خير

[ابوراكان تبوك]

يعطيك العافية ع الموضوع

جربتها من سنتين وبصراحه حقها قليل فيها حتى صوت المحرك يصفى والتشغيل أسرع وخصوصاً اذا طقيت معه صفاية جديده فرررررررررررررق عن بواجي تويوتا اللي اتحدى انها تمشيك 10آلاف صح
للعلم ممشاي عليها الحين تجاوز 30ألف تقريباً ماشاء الله وبغيرها قريب

[وحيد وحداني]

بارك الله فيك أخي على هذه الافادة
سيارتي افلانش 2008 LT امريكي
وأود أن أغير البواجي لـ NGK
وعندما دخلت للموقع على الانترنت لمعرفة رقم البوجي المناسب أعطاني أكثر من نوع عادي ونوع اريديوم
ولم أعرف الفرق بينهما ولم أعرف البوجي المناسب للسيارة
أرجو الافادة بارك الله فيكم .

[ابوشاهه]

أنت على الدائري الشرقي وجهك جنوب .. أدخل مع مخرج 17 ورح يمين يصير اتجاهك غرب , بتجيك اشارات تعدها كلها الين تدخل تحت النفق .. بعد النفق تجيك الاشارة الاولى تعدها و الثانيه تعدها .. قبل الاشارة الثالثه يجيك محل قطع غيار ايسوزو على زاويه ادخل من عنده يمين ابتل لين يجيك حرف T خذ يمين و سيد مع هالشارع لين يجيك حرف T بيصير على يدك اليسار محل قطع غيار تويوتا .. البابطين وكيل NGK قبل تويوتا .. المحل يفتح جنوب
اخي الغالي ..الظاهر على وصفك هذا انت تقصد محل غير اللي عند كبري دوار الخرج ..او انا غلطان ..وضح اكثر جزاك الله خير ..وانا جاي للصناعيه من جهة الخرج (جنوب ) ..وشكرا ..

[مفضخ الشري]

الله يعطيك الف عاااافيه
تراها تجي على الدداسن من اول شد بلد تمشي عليها 100 الف وهي صامله

[الوافي.]

بارك الله فيك على المجهود الطيب
ويستاهلون أهل مكشات

[The End]

الله يبيض وجهك أخوي

[رماح 2012]

بارك الله فيك على هالموضوع
تقبل تحياتي

[ابن عكاش]

جزاك الله خير مااااااااااشا الله عليك كفيت وفيت

[ابوحسام9]

اخوي الله يجزاك بالجنه انامعي هيلكس دبل 2011ايش البوجي الي يصلحلها لاني على وشك تغيير البواجي

[خالد الحلالي]

الله يعطيك العافيه على التقرير

[سقم المعادي 1]

السلام عليكم
انا مريت المحل الموجود في صناعية العاصمة سيارتي جمس 2002 وطلبت البواجي منه بدون رقم ( طلب مني الاستمارة وادخل رقم الهيكل واعطاني البواجي ) يعني انك تقدر تلاقي البواجي المناسبة اموترك عن طريق رقم الهيكل


وعليكم السلام

بارك الله فيك على الأفادة , و طريقتك افضل لو كان عندي خبر عنها حطيتها بالموضوع لأن البعض ممكن يجيب رقم بوجي خطأ ولا يناسب سيارته :good:

[سقم المعادي 1]

السلام عليكم يعطيك العافية أخوي ما قصرت عندي استفسار تصلح البواجي هذي على جيب اكسبلورر فورد ٦سلندر مديل ٢٠١٠ ويليت تعطينا وش فايده كل نوع والله جيزاك خير


وعليكم السلام

نعم تصلح

http://www.mekshat.com/pix/upload05/images253/mk285337_fordex6cli.jpg

بعد البحث عن فرق الانواع مافيه فرق يذكر البعض يقول اقل صرفيه والبعض ينفي لكن الاغلب اجمعوا على ان الاريديوم اطول عمر من البواجي العاديه و صوت محرك اهدأ لكنها اغلى

[سقم المعادي 1]

يعطيك العافية ع الموضوع

جربتها من سنتين وبصراحه حقها قليل فيها حتى صوت المحرك يصفى والتشغيل أسرع وخصوصاً اذا طقيت معه صفاية جديده فرررررررررررررق عن بواجي تويوتا اللي اتحدى انها تمشيك 10آلاف صح
للعلم ممشاي عليها الحين تجاوز 30ألف تقريباً ماشاء الله وبغيرها قريب

الله يعافيك

صدقت انا لاحظت صوت المحرك صار اصفى و كان عندي هزه بسيطه جداً في السيارة احس بها مع ان البواجي جديدة ما امداني امشي عليها 15 الف و الاسلاك كويسه و الصفايه مغيرها .. و غيرت امس NGK فرق في الاستجابه افضل و التبديلات صارت انعم من قبل و الاهم انها ارخص من الدينسو اخذت الدينسو اذا ماخانتني الذاكرة بـ 60 ريال و هذي 42 و افضل

[سقم المعادي 1]

بارك الله فيك أخي على هذه الافادة
سيارتي افلانش 2008 LT امريكي
وأود أن أغير البواجي لـ NGK
وعندما دخلت للموقع على الانترنت لمعرفة رقم البوجي المناسب أعطاني أكثر من نوع عادي ونوع اريديوم
ولم أعرف الفرق بينهما ولم أعرف البوجي المناسب للسيارة
أرجو الافادة بارك الله فيكم .

الاريديوم اغلى سعر ممكن توصل 300 ريال الـ8 حبات او اكثر ماعرف كم سعرها بالضبط و عمرها اطول بحثت عن مميزاتها في المواقع الاجنبيه الاغلب اتفق على العمر الاطول و الباقين اختلفوا على صرفيه بنزين افضل مثلاً او صوت محرك اهدأ وغيره
هي لو تحسبها مثلاً بواجي سيارتك العاديه قيمتها 60 ريال تمشيك 50 الف مثلاً فالاريديوم قيمته 300 ريال تقريباً او حول هالقيمه لكن بيمشيك 150 الف مثلاً و في هالوقت لو انت مركب بواجي عاديه تكون غيرت مرتين

هذا ما توصلت اليه و الله أعلم

[سقم المعادي 1]

أنت على الدائري الشرقي وجهك جنوب .. أدخل مع مخرج 17 ورح يمين يصير اتجاهك غرب , بتجيك اشارات تعدها كلها الين تدخل تحت النفق .. بعد النفق تجيك الاشارة الاولى تعدها و الثانيه تعدها .. قبل الاشارة الثالثه يجيك محل قطع غيار ايسوزو على زاويه ادخل من عنده يمين ابتل لين يجيك حرف T خذ يمين و سيد مع هالشارع لين يجيك حرف T بيصير على يدك اليسار محل قطع غيار تويوتا .. البابطين وكيل NGK قبل تويوتا .. المحل يفتح جنوب
اخي الغالي ..الظاهر على وصفك هذا انت تقصد محل غير اللي عند كبري دوار الخرج ..او انا غلطان ..وضح اكثر جزاك الله خير ..وانا جاي للصناعيه من جهة الخرج (جنوب ) ..وشكرا ..


الا اللي اقصده عند محلات قطع الغيار في دوار الخرج

اذا انت من سكان السويدي او البديعه والشفا والدخل والديار ذيك عندك فرع في صناعيه العاصمه اقرب لك لكن ماعندي علم عن مكانه بالضبط

بوصف لك اللي بدوار الخرج وانت جاي من الدائري الجنوبي وجهك شرق جاك مخرج الخرج (شمال) ادخل معه بتجيك اشارتين الظاهر وحده منهن حقت السالم للزجاج ابتل معهن لين يجيك كبري الخرج لا ترقاه خلك تحت مع الاشارة ابتل و ادخل اول لفه على اليمين حقك مجمع قطع الغيار .. ابتل مع هالشارع .. قبل لا يجيك حرف T يصير على يسراك محل قطع غيار تويوتا , البابطين هو اللي قبله جاي بين محل قطع تويوتا و محل قطع نيسان بن شبيب

[سقم المعادي 1]

الله يعطيك الف عاااافيه
تراها تجي على الدداسن من اول شد بلد تمشي عليها 100 الف وهي صامله





بارك الله فيك على المجهود الطيب
ويستاهلون أهل مكشات




الله يبيض وجهك أخوي


بارك الله فيك على هالموضوع
تقبل تحياتي




جزاك الله خير مااااااااااشا الله عليك كفيت وفيت





الله يعطيك العافيه على التقرير



الله يعافيكم جميع , شاكر لكم على ردودكم

[سقم المعادي 1]

اخوي الله يجزاك بالجنه انامعي هيلكس دبل 2011ايش البوجي الي يصلحلها لاني على وشك تغيير البواجي


هذا اللي مناسب للهايلكس :

http://www.mekshat.com/pix/upload05/images253/mk285337_ngkspark.jpg

لكن تأكد الله يعافيك من نوع المكينه عندك هو 3RZ-FE
او رح لوكيل البواجي و عطه الاستمارة مثل ماقال احد الاخوان و يعطيك البواجي المناسبه لك أفضل لأني ماتأكدت من اسم مكينه الهايلكس

[طلال الفدعاني]

وعليكم السلام

نعم تصلح

http://www.mekshat.com/pix/upload05/images253/mk285337_fordex6cli.jpg

بعد البحث عن فرق الانواع مافيه فرق يذكر البعض يقول اقل صرفيه والبعض ينفي لكن الاغلب اجمعوا على ان الاريديوم اطول عمر من البواجي العاديه و صوت محرك اهدأ لكنها اغلى


أشكرك أخوي الغالي وجزاك الله خير

[سقم المعادي 1]

أشكرك أخوي الغالي وجزاك الله خير


العفوو يالغالي

[stranger]

الا اللي اقصده عند محلات قطع الغيار في دوار الخرج

اذا انت من سكان السويدي او البديعه والشفا والدخل والديار ذيك عندك فرع في صناعيه العاصمه اقرب لك لكن ماعندي علم عن مكانه بالضبط

بوصف لك اللي بدوار الخرج وانت جاي من الدائري الجنوبي وجهك شرق جاك مخرج الخرج (شمال) ادخل معه بتجيك اشارتين الظاهر وحده منهن حقت السالم للزجاج ابتل معهن لين يجيك كبري الخرج لا ترقاه خلك تحت مع الاشارة ابتل و ادخل اول لفه على اليمين حقك مجمع قطع الغيار .. ابتل مع هالشارع .. قبل لا يجيك حرف T يصير على يسراك محل قطع غيار تويوتا , البابطين هو اللي قبله جاي بين محل قطع تويوتا و محل قطع نيسان بن شبيب

المكان بالضبط عند اول صراف الي اعتقد ( الانماء ) بعده مباشرة على يدك اليمين وانت اتجاهك شمال ( صناعية العاصمة ) مخرج 28

[سقم المعادي 1]

المكان بالضبط عند اول صراف الي اعتقد ( الانماء ) بعده مباشرة على يدك اليمين وانت اتجاهك شمال ( صناعية العاصمة ) مخرج 28


لا هنت على اضافه الوصف :good2:

[ابوشاهه]

الا اللي اقصده عند محلات قطع الغيار في دوار الخرج

اذا انت من سكان السويدي او البديعه والشفا والدخل والديار ذيك عندك فرع في صناعيه العاصمه اقرب لك لكن ماعندي علم عن مكانه بالضبط

بوصف لك اللي بدوار الخرج وانت جاي من الدائري الجنوبي وجهك شرق جاك مخرج الخرج (شمال) ادخل معه بتجيك اشارتين الظاهر وحده منهن حقت السالم للزجاج ابتل معهن لين يجيك كبري الخرج لا ترقاه خلك تحت مع الاشارة ابتل و ادخل اول لفه على اليمين حقك مجمع قطع الغيار .. ابتل مع هالشارع .. قبل لا يجيك حرف T يصير على يسراك محل قطع غيار تويوتا , البابطين هو اللي قبله جاي بين محل قطع تويوتا و محل قطع نيسان بن شبيب
كذا وصفك واضح جدا .. بالقرب من محلات السبيت للمساعدات صح ؟ ..بارك الله فيك ...واحب اوصف لك محل خاص بالبواجي نفس البابطين .. وانت جاي من اشارة السالم متجه شمال خذ يمين تحت كبري دوار الخرج (لاتطلع الكوبري) ولف مع الاشاره يمين طريق الامير سلمان يعني يكون وجهك شرق ... الظاهر اول ملف أو ثاني ملف على اليمين لف معه تلاقي هذا المحل اللي اقول لك على يدك اليسار لوحته الظاهر رصاصيه ..انا شريت منه بواجي الحبه طلعت بخمسه ريال ونصف

[aoodiy]

الله يعطيك العافية

معضم سيارات تويوتا ونيسان تستخدم هذه البواجي

[عالم مجنون]

ماله فروع بالغربيه ياخوان تكفون

[الهدد الاشهب]

الله يجزاك خير استفدت من هالموضوع و بأذن الله بغير البواجي لـNGK
لكن اتمنى يفيدونا اللي عندهم خبره
موتري سلفرادو 2010 مكينته 5.3 ولا حصلت مكينه 5.3 في موديل 2010 و اخترت 2009 طلعت لي قائمه كبيره بالمكائن ولا ادري وش اختار المشكله الـ5.3 اكثر من وحدة ؟؟
موتري وارد امريكي ليس سعودي
http://www.mekshat.com/pix/upload05/images253/mk304904_untitled-2.jpg

اسعفونا يالربع

[(ابو عبدالله)]

مشكور على التوضيح والشرح


بس ياليت تعلمني كيف اختار بواجي لسيارتي
برادو 6 سلندر 2008

[سقم المعادي 1]

الله يعطيك العافية

معضم سيارات تويوتا ونيسان تستخدم هذه البواجي

نعم صحيح لكن المعتمد الآن لتويوتا بواجي دينسو و النيسان تأتي من الوكاله ببواجي NGK لكن الكرتون عليه طبعه نيسان


ماله فروع بالغربيه ياخوان تكفون

ماعندي علم و يفيدونك اهل الغربيه ان شاء الله

[سقم المعادي 1]

الله يجزاك خير استفدت من هالموضوع و بأذن الله بغير البواجي لـNGK
لكن اتمنى يفيدونا اللي عندهم خبره
موتري سلفرادو 2010 مكينته 5.3 ولا حصلت مكينه 5.3 في موديل 2010 و اخترت 2009 طلعت لي قائمه كبيره بالمكائن ولا ادري وش اختار المشكله الـ5.3 اكثر من وحدة ؟؟
موتري وارد امريكي ليس سعودي
http://www.mekshat.com/pix/upload05/images253/mk304904_untitled-2.jpg

اسعفونا يالربع

يفيدونك ان شاء الله اللي لهم خبره بالشفر ماعندي خبره والله أعذرني ^_^


مشكور على التوضيح والشرح


بس ياليت تعلمني كيف اختار بواجي لسيارتي
برادو 6 سلندر 2008

وش أسم المحرك ؟
اذا هو نفسك محرك الفورتشنر 6 سلندر 1GR-FE
http://www.mekshat.com/pix/upload05/images253/mk285337_1gr-fe.jpg

فهذا هو النوع المناسب له , على كل حال بأمكانك عن طريق رقم الشاصي بالاستمارة أخذ البواجي المناسبه لسيارتك من البابطين حسب افاده احد الاخوان بأنه اخذها بالاستمارة بدون بحث عن النوع المناسب و هذا افضل حل لأن السيارات الاسيويه تختلف محركاتها بين السعودية و امريكا و استراليا و باقي الدول عكس الامريكي المحركات ثابته غالباً لجميع الاسواق

[صدى الاطلال]

يعطيك العافية اخوي

[zya]

الله يجزاك خير

[مسير عليكم]

بيض الله وجهك البواجي ممتازه ومجربه

[مستربوب]

اخوي اللي انت مركب عادي او ايريديوم؟

[سقم المعادي 1]

يعطيك العافية اخوي


الله يجزاك خير


بيض الله وجهك البواجي ممتازه ومجربه


الله يعافيكم يامرحبا و مسهلا و الله لا يهينكم على الرد ولو بكلمه او دعوه فهي تعني لي الكثير :good:

[سقم المعادي 1]

اخوي اللي انت مركب عادي او ايريديوم؟


اللي انا ركبتها بواجي عاديه :)

[حنين الطير]

تم الذهاب الى المحل حسب الوصف وتم شراء ايريديوم للفورشنر الحبه بـ30

[moon_shadow]

ماشاء الله الموضوع جميل

اي استفسار يا اخوان بالنسبة للبواجي احنا حاضرين بصفتي بائع للبواجي في مؤسسة صلاح ابوبكر بابطين
وكيل بواجي NGK في المملكه العربية السعودية


وانا موجود في فرع جدة .

[صدى الاطلال]

ماشاء الله الموضوع جميل

اي استفسار يا اخوان بالنسبة للبواجي احنا حاضرين بصفتي بائع للبواجي في مؤسسة صلاح ابوبكر بابطين
وكيل بواجي NGK في المملكه العربية السعودية


وانا موجود في فرع جدة .


الله يحييك اخوي
وين مكانكم بجدة لاهنت وبالتفصيل
وهل لكم فروع في الجنوبية
بانتظارك الله لايهينك

[ابو فهد...]

الله لايهينكم ابي رقم بواجي هايلوكس ٢٠٠٤ مكينة ٢٧٠٠

[alata_2]

الرقم المناسب للكامري 2001
BKR6EKB11

بالنسبة للأخ moon_shadow
هل يوجد لكم موزع معتمد في الطائف؟

[مستربوب]

ماشاء الله الموضوع جميل

اي استفسار يا اخوان بالنسبة للبواجي احنا حاضرين بصفتي بائع للبواجي في مؤسسة صلاح ابوبكر بابطين
وكيل بواجي NGK في المملكه العربية السعودية


وانا موجود في فرع جدة .
لكم فرع في القصيم؟

[سقم المعادي 1]

تم الذهاب الى المحل حسب الوصف وتم شراء ايريديوم للفورشنر الحبه بـ30

ماشاء الله
الله يعطيك خيرهن ويكفيك شرهن
عسى الوصف واضح وسهل ؟؟

[سقم المعادي 1]

ماشاء الله الموضوع جميل

اي استفسار يا اخوان بالنسبة للبواجي احنا حاضرين بصفتي بائع للبواجي في مؤسسة صلاح ابوبكر بابطين
وكيل بواجي NGK في المملكه العربية السعودية


وانا موجود في فرع جدة .


حياك الله و اسعدني وجودك

فيه احد الاخوان كان يسأل عن فرع بالغربيه


المشاركة الأصلية كتبت بواسطة عالم مجنون http://www.mekshat.com/vb/images/buttons/viewpost.gif (http://www.mekshat.com/vb/showthread.php?p=10003018#post10003018)
ماله فروع بالغربيه ياخوان تكفون
ياليت لو تحط الوصف لأهل جدة والغربيه بشكل عام الكرام

و موفق :good:

[سقم المعادي 1]

الله لايهينكم ابي رقم بواجي هايلوكس ٢٠٠٤ مكينة ٢٧٠٠

ياليت تعطينا أسم المحرك من البليته عشان ما الخبطك لأني اجهل باسماء محركات الهايلكس
والافضل تروح للفرع وتعطيهم الاستمارة يجيبون لك النوع المناسب من عندهم


الرقم المناسب للكامري 2001
BKR6EKB11

بالنسبة للأخ moon_shadow
هل يوجد لكم موزع معتمد في الطائف؟

صحيح هذا هو رقم بواجي الكامري

بالتوفيق اخوي :good2:

[راعي حثروبه]

السلام عليكم
ابو راكان وين حصلتها بتبوك
وشكرا

[صدى الاطلال]

الرقم المناسب للكامري 2001
BKR6EKB11

بالنسبة للأخ moon_shadow
هل يوجد لكم موزع معتمد في الطائف؟


الكامري 4 سلندر
او
6 سلندر ؟؟!!

[alata_2]

^^^^^
4 سلندر و كمان 6 سلندر نفس الرقم..

[ابوناصر التميمي]

لو سمحت

ابي رقم البواجي للهايلوكس موديل 2009

اسم المحرك 2TR-FE

[سقم المعادي 1]

لو سمحت

ابي رقم البواجي للهايلوكس موديل 2009

اسم المحرك 2TR-FE


تفضل هذي البواجي المناسبه للمحرك 2TR-FE:

http://www.mekshat.com/pix/upload05/images253/mk285337_hilux.jpg


بالتوفيق

[صدى الاطلال]

^^^^^
4 سلندر و كمان 6 سلندر نفس الرقم..

لاهنت اخوي
بيض الله وجهك على الرد

الا الاخ الكريم اللي يقول انه موزع للبابطين في الغربية طلبنا منه تحديد الموقع وارسلت له على الخاص والى الان لم يرد
ونحن في انتظاره وعسى المانع خير

[ابوناصر التميمي]

تفضل هذي البواجي المناسبه للمحرك 2TR-FE:

http://www.mekshat.com/pix/upload05/images253/mk285337_hilux.jpg


بالتوفيق


الله يعطيك الف عافيه ماقصرت

الله لايحرمك الاجر

[alata_2]

رقم مؤسسة صلاح بابطين في جدة
0126319777
والله لا أعرفه لا من قريب و لا من بعيد عشان لا تقولون اسوي له دعاية..
فقط خدمة للأعضاء الكرام و لا نبي إلا الدعوات الطيبة..

[ابو فهد...]

3rz اسم المكينه الله لايهنك رقم البواجي

[صدى الاطلال]

رقم مؤسسة صلاح بابطين في جدة
0126319777
والله لا أعرفه لا من قريب و لا من بعيد عشان لا تقولون اسوي له دعاية..
فقط خدمة للأعضاء الكرام و لا نبي إلا الدعوات الطيبة..

وفقك الله وجزاك الله خير اخوي ماقصرت
بس لو تجمل وتكمل لنا عنوانه لانهم مايردون على الرقم
بارك الله فيك

[صدى الاطلال]

وفقك الله وجزاك الله خير اخوي ماقصرت
بس لو تجمل وتكمل لنا عنوانه لانهم مايردون على الرقم
بارك الله فيك

تعقيبا على الرد انا اتصلت اكثر من مرة وتم الرد ويقول انه في كيلو2 مقابل بنك الرياض
شكرا للجميع

[مفضخ الشري]

تعقيبا على الرد انا اتصلت اكثر من مرة وتم الرد ويقول انه في كيلو2 مقابل بنك الرياض
شكرا للجميع

جزاك الله خير

[ابوكشتات]

الله يجزاك خير وماقصرت اخوي . اذا ماعليك امر ابي رقم بوجي ددسن 2005 بخاخ . شاكر ومقدر لك

[سقم المعادي 1]

رقم مؤسسة صلاح بابطين في جدة
0126319777
والله لا أعرفه لا من قريب و لا من بعيد عشان لا تقولون اسوي له دعاية..
فقط خدمة للأعضاء الكرام و لا نبي إلا الدعوات الطيبة..


ماقصرت ابيض وجه


3rz اسم المكينه الله لايهنك رقم البواجي

محرك 3RZ-FE للهايلكس هذا المناسب له :

http://www.mekshat.com/pix/upload05/images253/mk285337_ngkspark.jpg

بالتوفيق

[سقم المعادي 1]

وفقك الله وجزاك الله خير اخوي ماقصرت
بس لو تجمل وتكمل لنا عنوانه لانهم مايردون على الرقم
بارك الله فيك


تعقيبا على الرد انا اتصلت اكثر من مرة وتم الرد ويقول انه في كيلو2 مقابل بنك الرياض
شكرا للجميع

ماقصرت ياصدى الاطلال جزاك الله خير و يستاهلون اهل الغربيه :)



الله يجزاك خير وماقصرت اخوي . اذا ماعليك امر ابي رقم بوجي ددسن 2005 بخاخ . شاكر ومقدر لك


ابشر بس ببحث عن اسم المحرك الخاص فيه اذا حصلته ارد لك اليوم تابع الموضوع

[سقم المعادي 1]

الله يجزاك خير وماقصرت اخوي . اذا ماعليك امر ابي رقم بوجي ددسن 2005 بخاخ . شاكر ومقدر لك

بعد البحث اتضح لي ان اسم محرك الددسن بخاخ KA24DE نفس محرك الاكستيرا 2001 في امريكا

http://www.mekshat.com/pix/upload05/images253/mk285337_ddsn.jpg


* الرجاء التأكد قبل من اسم المحرك عن طريق البليته قبل شراء البواجي او عن طريق الاستمارة في المحل يعطونك المناسب لك وهو الافضل

[ابو شجاع]

السلام عليكم :

(سقم المعادي 1) بيض الله وجهك وماقصرت:good2: ابي الله لايهينك انواع البواجي لــ3 محركات مختلفة عن بعض

1_ نيسان باترول (4500)بخاخ واذا لازم الموديل من(2001)الى(2003)

2_لكزس (LS400)موديل 94 الى 97

3_باترول (VTC) موديل 2004الى 2009

[ابو شجاع]

السلام عليكم :

(سقم المعادي 1) بيض الله وجهك وماقصرت:good2: ابي الله لايهينك انواع البواجي لــ3 محركات مختلفة عن بعض

1_ نيسان باترول (4500)بخاخ واذا لازم الموديل من(2001)الى(2003)

2_لكزس (LS400)موديل 94 الى 97

3_باترول (VTC) موديل 2004الى 2009


رقم البليتة غير موجود لان المكاين مركبة او مرهمة على سيارات قديمة

[سقم المعادي 1]

رقم البليتة غير موجود لان المكاين مركبة او مرهمة على سيارات قديمة


ابشر ببحث لك عنها و ارد لك اليوم ان شاء الله ولا يهمك :good2:

[سقم المعادي 1]

السلام عليكم :

(سقم المعادي 1) بيض الله وجهك وماقصرت:good2: ابي الله لايهينك انواع البواجي لــ3 محركات مختلفة عن بعض

1_ نيسان باترول (4500)بخاخ واذا لازم الموديل من(2001)الى(2003)

2_لكزس (LS400)موديل 94 الى 97

3_باترول (VTC) موديل 2004الى 2009


تفضل و اعذرنا على التأخير :

باترول 4500 بخاخ :
http://www.mekshat.com/pix/upload05/images253/mk285337_patrol45.jpg

باترول 4800 فتك :
http://www.mekshat.com/pix/upload05/images253/mk285337_vtcspark.jpg

لكزس LS400 97 :

http://www.mekshat.com/pix/upload05/images253/mk285337_lexus97.jpg


طبعاً البواجي بالارقام تختلف بالعادة اول رقم بوجي عادي و اللي تحت بالقائمه تختلف في الاريدوم و الليزر و غيرها من الانواع

[ابو شجاع]

تفضل و اعذرنا على التأخير :


باترول 4500 بخاخ :
http://www.mekshat.com/pix/upload05/images253/mk285337_patrol45.jpg


باترول 4800 فتك :
http://www.mekshat.com/pix/upload05/images253/mk285337_vtcspark.jpg


لكزس LS400 97 :


http://www.mekshat.com/pix/upload05/images253/mk285337_lexus97.jpg



طبعاً البواجي بالارقام تختلف بالعادة اول رقم بوجي عادي و اللي تحت بالقائمه تختلف في الاريدوم و الليزر و غيرها من الانواع



دام فضلك ومعذور ولاقصرت :heart: شكرا لك

[سقم المعادي 1]

دام فضلك ومعذور ولاقصرت :heart: شكرا لك

العفو يابعدي حاضرين للطيبين :)

[خط الجبيل]

اللي يعرف وين تنباع فالدمام يعلمني

[سقم المعادي 1]

اللي يعرف وين تنباع فالدمام يعلمني





يفيدونك ان شاء الله أهل الدمام :)

[moon_shadow]

موجود اخواني و لنا فروع كثيره في الدمام والرياض وجدة

والي حاب يتواصل معي انا في فرع الاسكان بجدة وهذا رقمي
0126882523

[1 أبو يزن 1]

لكن مازالت وكالة الحاج حسين تبيعن ( ببريدة )

وسعرهن ( 54 ريال )

وصف الوكالة طريق المدينة قبل فندق الدبيخي وأنت متجه شمال

[الراسي2014]

تسلم اخوووي على الموضوع الرائع
بس هل لهم فرع بالمدينه المنوره

[moon_shadow]

لكن مازالت وكالة الحاج حسين تبيعن ( ببريدة )

وسعرهن ( 54 ريال )

وصف الوكالة طريق المدينة قبل فندق الدبيخي وأنت متجه شمال

باقي عندهم كمية بسيطه ويصرفوها ;)

[خط الجبيل]

السلام وعليكم



إضافة للموضوع



اليوم وبحمد الله لقيت الوكيل البابطين فالدمام واشتريت البواجي لانها أفضل من الدينسو عن تجربة



عنوانهم



شارع الملك سعود بجوار اوتومول



تخلي اوتومول على يمينك وتمشي تقريبا 100 متر وتلقاه بجوار الجبر لقطع الغيار

[ابو محمد1991]

لقيتها في موتري الباثفندر شد بلد والظاهر هي حقت المكسيما بعد بس حقتي ب240 ظنتك في البابطين ارخص؟

[سقم المعادي 1]

موجود اخواني و لنا فروع كثيره في الدمام والرياض وجدة

والي حاب يتواصل معي انا في فرع الاسكان بجدة وهذا رقمي
0126882523

جزاك الله خير على مساعدتك لأخوانك :)

[سقم المعادي 1]

لكن مازالت وكالة الحاج حسين تبيعن ( ببريدة )

وسعرهن ( 54 ريال )

وصف الوكالة طريق المدينة قبل فندق الدبيخي وأنت متجه شمال

لاهنت على مساعدتك لأخوانك آهل بريدة و يستاهلون :)

[سقم المعادي 1]

تسلم اخوووي على الموضوع الرائع
بس هل لهم فرع بالمدينه المنوره

يجيبون العلم ان شاء الله اهل المدينه

او اتصل على الرقم اللي في الفاتورة و اسألهم يمكن يعطونك مكانه




السلام وعليكم

إضافة للموضوع

اليوم وبحمد الله لقيت الوكيل البابطين فالدمام واشتريت البواجي لانها أفضل من الدينسو عن تجربة

عنوانهم

شارع الملك سعود بجوار اوتومول

تخلي اوتومول على يمينك وتمشي تقريبا 100 متر وتلقاه بجوار الجبر لقطع الغيار


لاهنت على مساعدتك لآخوانك اهل الدمام :)



لقيتها في موتري الباثفندر شد بلد والظاهر هي حقت المكسيما بعد بس حقتي ب240 ظنتك في البابطين ارخص؟

حقت النيسان اساساً NGK حسب ماسمعت لكن الكرتون عليه شعار نيسان
يمكن تحصل ارخص اتصل على رقمهم و اسألهم كم قبل تروح لهم

[أحمد الدهمشي]

بعد التجربة لا أنصح بها
سيارتي لاند كروزر 2001
اشتريت البواجي المخصصة ومن يومين السيارة تقطع
البواجي ما تعددت 7000كم

راح ارجع بواجي دينسو لانها لم تسبب لي اي مشكلة حتى 550000 كم
اغيرها تقريبا كل 50000 وماعمرها قطعت معي

اللي ماعنده مشكلة بالسيارة لا يغير عليها شي
تحياتي

[أحمد الدهمشي]

رجعت لبواجي دينسو واختفت التقطيعة وصوت البلوف

الكهربائي قال بواجي NGK ممتازة و
يقول سبب التقطيعة انها اقوى من دينسو
وفتحة البلوف متعودة على قوة الدينسو
تحياتي

[الراسي2014]

يسلمواااااااااااااااااااااااااا

[غريب المملكة]

يعطيك العافية
انا صراحة ابي اركب بواجي NGK على موتري هايلكس ٩٩ مركب مكينة ٢٠٠٤ بس كلبليتر السوال كيف اعرف البواجي المناسبة وابي اركب اسلاك رياضية بس نفس الشي ماعندي خلفيه عن الاسلاك المناسبة والافضل ماعندي مشكلة اطلبه من برا

[الا سير]

شباب احد يعرف موقع البابطين بالدمام

[ذيب النجيل]

لاهنت شوف رسالتي عالخاص