المساعد الشخصي الرقمي

مشاهدة النسخة كاملة : بلف الحراره افكه او >>>>>>>>>>>>



مفك 14
14/11/2006, 01:01 PM
السلام عليكم ورحمة الله وبركاتة

عندي جيب صالون هدد موديل 1997 ومن يوم شريتة وحرارتة النص بالحر وبالبرد . وراح معي واحد من اخوياي

وشاف امبير الحراره على النص وقال لي نصيحه فك البلف تراه يعدم المكينة عليك بايام الحر وبالذات بالصيف وانا

محتار افك البلف او اخليه وش رايكم ؟؟؟؟؟؟؟؟؟؟؟؟؟؟؟

hamad_alsaad
14/11/2006, 01:04 PM
اسال وكيل سيارتك طعني

لبرتي
14/11/2006, 01:06 PM
وعليكم السلام ورحمة الله وبركاته

أنصحك لا تفك البلف ولا تقربه

إذا كنت بالرياض رح للصناعية القديمة فيه ناس متخصصة هناك
سيخ الاديتر وغير الخراطيش وغير البلف أحتمال يكون مصدي وغير غطاء الاديتر

وبرضوا تأكد من رأس المكينة لا سمح الله يمكن منشعر

أهم شي البلف لا تفكه لأنه هو اللي ينظم دورة الماء في المكينة

وإذا كنت بالرياض أنا أرسل لك رقم مختص في الصناعية
وبالتوفيق

شماريخ
14/11/2006, 01:21 PM
السلام عليكم ورحمة الله وبركاته / اخوي انصحك لاتفك البلف لانه مثل ماقالوا انه منظم لدورة الماء واذا كانت حرارة بالصيف والشتاء نفس الشئ فهذه حرارة طبيعية ويمكن التاكد من ذلك بعد اي مشوار المس الخرطوش العلوي اذا مكان فيه صوت فهو طبيعي

مفك 14
14/11/2006, 01:27 PM
الحراره النص من يوم شريتة من الوكالة بغبارة وانا اللي مرنتة وحرارتة النص على طول بس ماادري اصحاب الصوالين الهدد اللي مثله كم

الحراره عندهم ارجو ان يفيدونا اصحاب الهدد97 او96 بهالموديلات

شبح الصحراء
14/11/2006, 01:34 PM
والله احترنى من مسألة البلف ، انا اشوف انه ماهو ضروري جداً ، عندنا هايلوكس موديل 92 من شريناها وكالة وبلفها فاكينه . الميزة الوحيدة للبلف انه بالشتاء السيارة تسخن بسرعة عند تشغيلها الصبح ، انصحك اصبر لين يخلص الشتاء بعدين بكيفك .

مهاجر454
14/11/2006, 01:36 PM
نصيحتي لك فكه وركب بداله بلف نيسان وانشاء الله تدعي لي

mohamad1121
14/11/2006, 01:59 PM
السيارات الجديده لا تفك البلف ولا تقربه من 2000 وطالع .
فقد كان عند احد اصدقائي م98 فكس ار وفاكه ولا احسن من حرارته على الربع.
وعندي م2000 فكس ار فكيته وتوهقت وعند سؤال مكانيك قال ان السيارات الجديده لا تفك البلف .

ا س ح ... 326
14/11/2006, 01:59 PM
نصيحه مجرب ....

انا معي gx_r 1997

وفاك البلف من اول ما شريته

ولله الحمد الحراره ما تتعدى الربع ابد


جتني فتره الحراره صارت توصل للنص رحت الصناعيه وسيخت الرديتر ...

وطلع ما يتعدى الخط الاول ..ابد

بس بعز الظهر وانا مسافر تاصل الربع ..

وانا ما فكيته الا علشانه يرتفع وااااجد ...


وانا الحمد لله مرتاح والحراره ما في اروع منها ...

بس انا الحين افكر اركبه لان الشتاااء دخل ويبطي الموتر ما احتمى ويزعجني هذا

ونصيحتي لامنه راح الشتاااء فكه ولا يهمك احد

ترا الحراره على النص تعتبر مرتفعه وانا ماتجي عندي كذا الا فيه بلا ....

وارجوا اني افدتك ...

وجزاك الله خيرا .....

سندهم
14/11/2006, 02:08 PM
اخوي مفك 14 خذ نصيحتي لاتفك البلف مثل ماقالوا صيخ الأديتر وغير الماء حط = اخضر


لأن جاك الشتاء والجيب يبي بلف على شان بسرعة يحتمي الجيب

مايسترو
14/11/2006, 02:42 PM
مثل ما قالوا الأخوان... وظيفة البلف ضبط درجة حرارة الماء الداخل للمكينة لكي تعمل بصورة سليمة بغض النظر عن أجواء الجو خارج المكينة تماما مثل جسم الأنسان الصحيح الذي تبلغ درجة حرارته 37 وعندما تزيد أو تنقص يصاب الجسم بالعلل حمانا وإياكم الله من كل مكروه

الفردوس
14/11/2006, 03:46 PM
شف وانا أخوك انا جربت البلف على اكثر من سيارة
مرسيدس
جمس
جيب Gxr 97
كرسيدا
ونيت

البلف لا تشيله
اذهب لورشة السعودية في نهاية شارع الجمعية من غرب في الزاوية وخله يسيخ الاديتر وباذن الله تدعي لي
بس لا تقرب لراس المكينة ولا تفتحه

مفك 14
15/11/2006, 12:41 AM
يعطيكم العافية على الردود . انا ماعندي مشكلة بالحراره لانها من يوم شريتة من عبد اللطيف جميل قبل 9 سنوات وحرارتة النص لكن الرجال

خوفني فحبيت اسأل افكة او اخلية وشاكر لكم جهودكم

سداااااح
15/11/2006, 01:04 AM
حرارته طبيعه ولا تحرك شي