ياليت اللي معه جمس يدخل استفسار عن استخدام جمس السييرا

[8ابوسلمان8]

السلام عليكم ورحمة الله وبركاته

اخواني اهل مكشات

كيف الحال

اخواني انا ودي اشتري لي موتر بر ومكاشيت

.............................................
وشرايكم فالسييرا موديل

2008 ؟ 2009

هل تنصحوني فيه من ناحية خربات او اعطال او العزم وهل هي تتحمل الكرف ولا لا

.................................................. ................................

ومارايكم في موديل

2005 ؟ 2006

هل تنصحوني فيه من كل النواحي خرابات اعطال حراره والخ ويتحمل الكرف او لا




وابي رايكم ماهو الافضل ويتحمل وقوي من هذي المديلات

ماريكم ابي راي ناس مجربه ومستخدمه ياليت الله يرحم والديكم تفيدوني

وابي رايكم

الافضل قطع 10 او 25 في كل المديلات اللي ذكرت


ياليت كل اللي يدخل يفيدني واتمنى من الاداره عدم حذف موضوعي :(

بنتظار افاداتكم واراكم الله يجزاكم خير

[8ابوسلمان8]

ياشباب ابي افاده استشاره فقط لاغير كلمتين بس

[مرير الشوق]

اخوي ابو سلمان

الجمس الجديد الكل يمدحه ويثني عليه

ولكل سياره عيوبها الخاصه فيها سواً من الاعطال او من القطع الغيار ومشاكلها ..

لكن اذا بتاخذ

خذ الشكل الجديد من 2007 وطالع نظيف

قطع 10 اللي هو 1500 افضل نوع فيهن

ويكون دبل

والمكينه فيه تجي انواع :

النوع الاول 6 سلندر << انحش

النوع الثاني 8 سلندر حجم المكينة 4800 << برضوا انحش

النوع الثالث 8 سلندر حجم المكينة 5300 << وهو المفضل والمرغوب والاقوى فالسوق والاستعمال


والشكل القديم برضوا نفس المواصفات بس انتهى زمنه ولاعاد يكد .. بيبداء يطلب عليك


وانا افضل شخصياً تاخذ لك من 2008 وفوق مواصفات ( Z71 )

والله يوفقك ويرزقك اخوي

تبقى مشاركتي وجهة نظر ومعرفه متواضعه بهذه الفئة ..

[8ابوسلمان8]

الله يعطيك العافيه اخوي ماقصرت وبيض الله وجهك

لكن من ناحيه التحمل والقوه بما ان الشكل الجديد انت تخبر فيبر وكذا او نفس قوة تحمل اللي قبل

وهل دبله يحتر او يعلق والقير ولا عادي مايضره

[escape_man]

الجموس يابوسلمان ما صنع مثلها في قوة التحمل والمكدة

جموس موديل السبعينيات هذ هي تجول بطرقاتنا يوميا

لكن الجمس والصناعة الامريكية مقابل القوة والراحة تحتاج

صيانة دورية.. الي بيحافظ على مويتره باذن الله ماراح يفكر

بغيره..

انصح الي بيقتني جمس يكون عنده خبرة بسيطة بالامريكي + صيانة دورية و لا تستخر عليه الاصلي لانه

بيطربك بالبر والديرة

[8ابوسلمان8]

الله يعطيك الف عافيه ماقصرت

لا اكيد اني بحافظ على صيانته بس كنت ابي اسال عن تحمله وانه يعني مايخرب وقت الواحد يبي يطلع ولا فبر يعلق قير ولا دبل ولاحراره هذا اللي كنت ابي اعرفه وانت ماقصرت والله يعطيكم العافيه عالردود والافاده ماقصرتو

[وااضح]

السلام عليكم املك سييرا 2009 دبل فل z71
ممتاااااز شارية مستخدم واروح واجي عليه واسافر واكشت واطعس عليه
ما واجهني اي مشاكل ولله الحمد اما اذا قصدك الدبل يعلق اكيد اذا احتر
متى يحتر اذا جلدته مراقى بالصيف ضغط الهوا الكفر عالي
بس ما قد احتر علي طبعا في دفلك الكتروني مكيف بااارد راحه
مكينة 5300 ماتجي الا على الفل z71 من مواصفه مساعدت قوية وتصفيح من تحت
ودبل فرار دفلك الكتروني مكينة 4800 يجي دبل ارضي هذي العلامة الفارقة
اي سوال اسال

[بن مانع التميمي]

موديلات 2006 اتش دي


افضلها عن الجديد صراحه


عن نفسي .. ما ارتاح الا فيها كسواقة ومركب ومطب و و و الخ

الجديد لاحضت ان مرتبة الراكب ضيقه ! والغمارة ماهي شرحه مثل القديم

[8ابوسلمان8]

الله يعطيكم الف عافيه وماقصرتو
واللي ابي اعرفه عرفته الله يعطيكم الف عافيه عالردود والنصايح ماقصرتو