تغيير حجم الكفرات ونوع الكفرات المناسب والافضل

[مقناص10]

السلام عليكم ..
تاهو 2006 الحجم 265/70/17

ابغى اغيرها لا هنتم إلى 275/65/17 مثل حجم كفرات البرادو
هل مناسبه والاختلاف كبير ولا لا ...لأن انا ناوي ارفع السيارة شوي من قدام لآن الان احسهاا هابطه شوي ..

وكمان مشكلة ثقيلة السيارة وخاصة بالبر إلا إذا نسمت فقلت يمكن مع تغيير العرض ل275 يكون مناسب

ونوع الكفرات الافضل طبعا كان راكب ميشلان وزينه بس غاليه والان جنرال ثقيلة ومهي هالقد
الانواع اللي متحيره فيها
هنكوك
يوكوهاما
دنلوب ... قراند ابو خطوط بيظ وسهم ابيض عجبتني نقشته وشكله واحسه مناسب للخط والبر
كنت ناوي على ال هنكوك بس مثل مايعرف الاغلب إنه لين مع الجنب وانا اروح لمناطق حجر وحصى واخاف مايتحمل الجنرال اتعبني كل شوي رقعة ومنسم

فاللي جرب واللي عنده خبره ياليت يفدني للضرورة والاهمية

بتغيير الحجم مناسب او لا ..ونوع الكفرات

[حسين2002]

وعليكم السلام
بالعكس 17/70/265

أرفع من 17/65/275

بمقدار 5
فقط اختلاف عرض الكفر

[كبسولة2]

275 / 65 / 17

275 تعني عرض الكفر

65 تعني ارتفاعه من الارض لحد الجنط

17 تعني قطر الجنط الدائرة

إذا تبي كفر مرتفع خذ فوق 70

[حبل الوريد]

مقاس ٧٠/٢٦٥/١٧
ارفع من الثاني بمقدار .68 cm

فرق بسيط ،، والسياره تثقل يالغالي من عرض الكفر الزايد
نصيحتي لك ركب جنوط ١٦ وكل ما قل قطر الكفر زان ممشاه بالنفود

[مقناص10]

اخواني حسين وكبسولة يعطيكم العافية انا عارف ماذكرتم وفاهمه
لكن استغرب لما اوقف جنب برادو ماشاءالله اشوف كفراته ارفع بشوي ونفس المقاسات اللي ذكرتها هو 65 واللي معي 70!

وتسلم اخوي الوريد ما اخفيك اني فكرت اركب جنوط 16 لكن شلت الفكرة لان ما ادري كيف ادائها وكمان يبغالي جنوط وﻻ هو وقتها عندي اهم منها

وكيف انواع الكفرات الافضل والاحسن خط واستحمال حصى او حجر ممشئ هدو وتكون طيبة بالرمله
شاكر ردودكم وتفاعلكم

[أبو الوليد 14]

الكفر كل ما زاد طول القطر يقل عزم السيارة ( مثل كفرات البالون )
ايضا كل مازاد طول القطر يخدمك بالبر من ناحية امتصاص البطناج
في الرمل إذا انت تحب تراقي الافضل كفر بقطر اقصر وعرض اكبر
في الخطوط طول القطر مايصلح لك ...الافضل قطر مناسب وعرض مناسب اللي هو الوكالة
الكلام فوق بشكل عام
انت تقارن بين 275/65 و 265/70 جميعها جنط 17
الفرق بينهم بسيييط جدا
بالنسبة لمقارنتك بين كفر البرادو وكفر سيارتك :
حجم الجنط وشكله احيان يبين لك ان هذا اكبر من هذا والعكس صحيح
ايضا دعسة الكفر عامل مهم

سير على شارع الغرابي واطلب من اليمني المقارنة بين الكفرين بشرط :
انهم من شركة وحدة
الدعسة او النقشة شكلها واحد

يفيدونك من هم اكثر مني خبرة
بالتوفيق

[بدوي جنوبي]

بتخرب علبة الدركيسون
لا تتعدى مواصفات المصنع

[أطلال نجد]

أخوي نصيحة مقاس كفرات وجنوط اليوكن و التاهو ٢٠٠٦ وحتى ٢٠٠٧ من أفضل المقاسات تبيه خط تبيه بر ونفد ممتاز

ركب فقط كفرات حجرية وارفع مقدمة السيارة بما أنك تبيه للوعر و نصيحتي لك لا تعدى هانكوك الأصلي وارد ابن شيهون

[مقناص10]

كل الشكر للاخوان وابوالوليد الافاضل وشكر خاص لكل من كبسولة وبدوي جنوبي مشرفي السيارات

بما أن السيارة استخدامها اكثر للخط والبر وقت الطلعات والمكشات شوركم وهداية الله نفس المقاس ...

لكن الكفر اللي تنصحون بها ..

اطلال نجد هانكوك براسي من زمان ...لكن هل في نوع معي لأن يم اروح لنفس الوكيل انواع ..واللي حصلته زين واعتقد هو اللي تقصده ويقصدوه الشباب هنكوك دينبارو HL بس إذا في صورة للنقشة يكون افضل لأن كما اسلفت منه انواع

لكن ليونته مع الاطراف (مثل ماسمعت وشفت) مافي منه خوف بإذن الله خاصة مع الحصى وبعض الصخور؟!

[علي101]

وعليكم السلام ورحمة الله وبركاته
كفر الجمس اعلى بسبعة ملم
وكفر البرادو اعرض بعشرة ملم
وهانكوك هو الافضل للخط