وداعا يابالون!! افزعو لنا بنوع كفر جيد للباترول

[ابو ساره العنقري]

السلام عليكم ورحمه الله

الله يمسيكم بالخير جميعا

الزبده ان البالون صار غثيث شوي بسبب الرجه مع اني ماشكيت من شي غير الرجه

كفر ممتاز لكن غثني وخسرني مالقيت حل للرجه ابد

افزعو لنا بنوع كفر كويس يكون رفيع حول رفع البالون ويتحمل الجور

استخدامي له نفود حجره وخطوط

موتري صالون باترول 1998

جنطي زي هذا


وفقنا الله واياكم لما يحب ويرضى


http://www2.0zz0.com/2013/05/12/11/460497558.jpg

[عاشق الشعبيات]

وعليكم السلام

مالك الا كفر ابو لبنه دنلوب

[NissaN 1990]

كفرات الدنلوب اللي تجي على الشاص وكاله نقشت الشاهين جداً ممتازه ونفس أرتفاع البالون ولينه مع المطاب وخفيفه على الموتر وراسيه مع الخط

[التعـ King ـديل]

بالون هيرو يابن عمي ورصص عند بنشر الكفر الثالث بحي الملك فهد

وامورك طيبه

[إبريلي]

هانكوك نقشة شاهين ٨٥/٢٤٥

[ابو ساره العنقري]

وعليكم السلام

مالك الا كفر ابو لبنه دنلوب

بس ابو لبنه مزعج بالاسفلت ولا لا



كفرات الدنلوب اللي تجي على الشاص وكاله نقشت الشاهين جداً ممتازه ونفس أرتفاع البالون ولينه مع المطاب وخفيفه على الموتر وراسيه مع الخط


كثير مدحوها لكن ماودي اتعجل



بالون هيرو يابن عمي ورصص عند بنشر الكفر الثالث بحي الملك فهد

وامورك طيبه


هلا وغلا ولد العم

مركب بالون بريسا لي سنه تقريبا والله حق مكده بس غثني الرجه لولاها ماركب غيره
انا بحايل محلك ماهو حولي


هانكوك نقشة شاهين 85/245

حياك يابعدي ماقصرت

[talal s]

عليك بكفر ماكسس الجديد الشكل بالون وهو سلك بس خفيف
ممتاااااز انصحك فيه

[وااضح]

عليك بكفر ماكسس الجديد الشكل بالون وهو سلك بس خفيف
ممتاااااز انصحك فيه

يرج؟ مثل البالون يزلق ؟
اذا عندك اسمه عطناه

[مفضخ الشري]

مالك الا الشاهين عرض 245 ارتفاع 85 و متوفر منه ارتفاع 95 بس قليل و المشهور اللي ياخذونه اغلب الناس ارتفاع 85

انا ما اغير الا هو من 8 سنوات و الحمد لله ماقد شكيت منه ابد

مع العلم اني اكشت عليه لاراضي وعرة وفي مواسم الصيد ادوج بالشعبان اهم شيء خل الهواء فيه 35 بس تبنط الحصاه وهو مايقول اح
و في النفود ياهو خفيفه نفسه يطنخك بالنفود ممشاه ولا احلى منه

عيبه صورة الصرصره و انت مديور
و لا صارت الارض توها ناقعه على هونك وان شاء الله انك فاهم هالنقطه لانك مجرب البالون و مجرب الزحلقه به ترا الشاهين حول البالون لكن اخف

و هذي صورة للشواهين على باترول شكل 97 للتوضيح مع العذر لصاحب الموتر
http://im39.gulfup.com/lHoQ4.jpg

http://im39.gulfup.com/f0Bt6.jpg


و ابو لبنه يعلم الله اني ركبته و ماجلس الا 3 شهور وانا بايعه صوته على الخطوط مزعج نوعاً ما خاصه لا صار الخط طويل تاصل وجهتك و صوت الوشيش في اذنك هههه و في النفود مااش مايبرد التسبد و ما اسرع من فصخته وانا انسم له 20 احياناً و يفصخ بسبب زرعه اللي ماينفع للنفود مع ادنى لفه او مسايف

[وجعين]

خابرن البالون مايرج الا اذا انتصف عمره كفرك جديد وشلون يرج مثل ماقلوا لك الشباب الي حول البالون هو الشاهين الكوري انا ماجربته بس أشوف اغلب الجيوب يركبونه

[اليامي قطر]

عليك بالبالون ابو جمل حجم 900

والباقي كله حجري مايعادل البالون في شي

[قناص الوجه518]

اذا انت راعي خطوط ما انصحك ب ابولبنة ينفع بر بس والشاهين كويس خطوط وماعليه

[التعـ King ـديل]

ابن عمي البالون هيرو وبس وانا مركبه مقاس 16 و 17 والحين 18 على الباترول الجديد

ولا ازين منه ،، انت ركبت الماكسس وعيبه الرجه حتى لو جديد عكس الهيرو واذا تبي طقم هيرو راسلني وارسله لك لحايل

[الوافي512]

سمعت ان فيه ناس يستخدمون كفر الدينا

رفيع وحق مكده ويقولون زي البالون نزل هواه وعش حياتك

وسعره ارخص الظاهر لكن ماجربته بس شفته رفيع ونقشته حلوه

[اليامي قطر]

حق الدينا حجم 16 مافيه فرق على الكفرات الباقيه

[محمدالعريني]

دبل مساعد دركسون وتنسى المشاكل كلها والرجه من تجربه
ترا ما مثل البالون في الحجره الساهين وامثاله مايتحمل رلحصى واقل راحه من البالون

[صاحب حي]

تأكد من الجنود قبل تركب اي كفر وخاصة البالون يبي جنط اصلي وسليم مية بالمية ع مكينة الترصيص
تحياتي

[أحمد الدهمشي]

وعليكم السلام ورحمة الله وبركاته

هالنوع طيب وتراه يفرق عن دنلوب الشاص الين منه بالنفود ويصلح للوعر


اخوي احمد , انا اتكلم عن النوعية هذي

http://haraj-qassim.com/images/files/%D9%84%D9%84%D8%A8%D9%8A%D8%B9%20%D8%AC%D9%86%D9%8 8%D8%B7%20%D9%87%D9%84%D9%84%20%D9%88%D9%83%D9%81% D8%B1%D8%A7%D8%AA%20%D8%AD%D8%AC%D8%B1%D9%8A%D9%87 %20%D8%A8%D8%A7%D9%84%D9%82%D8%B5%D9%8A%D9%852_d38 4.jpg



اخوي صياد الخبر , صور الجنط أو حط مقاساته حتى يفيدونك الشباب

[_TOYOTA_]

ازين ما سويت البالون للتراب بس مكتوب عليه SAND TIRE ما ينفع للخطوط

[uaa.123]

السلام عليكم ,,
اخوي المعذرة بما ان موترك باترول قد لا يكون المشكلة من الكفرات شيك على الموضوع هذا
http://www.mekshat.com/vb/showthread.php?t=251739&highlight=%C7%E1%C8%C7%CA%D1%E6%E1

[Nasser33]

مافيه زي كفرات البلد

[N-Al-hebabi]

موتري 98 نفس موترك لكن عندك مشكله في الجنوط لأن جنوطك حقت موديل 99 وفوق إلى 2004
أنا جنوط موتري وكاله ومركب لها كفرات بالون بريسا او جمل 900 ولا آحلى منها لا في خط ولا في بر طعوس ولا ضلعان ولا حجره
ابحث عن الجنط الأصلي الوكاله