الفزعــه ياشنب / وش تنصحوني به من كفرات / وأدعيلكم

[طلال السناني]

السلام عليكم ورحمه الله وبركاته


ياشباب وش تنصحوني به من كفرات


السياره يوكن موديل 99 قصير مقاس 1500 جنط 15
ماأطلع بر
أحمل ركاب يعني كداد


وبركب نفس مقاس الوكاله 235 / 75 / 15


لفيت على اغلب الوكالات والناس امدحولي ميشلان وقدير الراشد بس مالقيت مقاس الجنط


جيت وكيل هانكوك لقيت أبوحروف 6 طبقات بـ550 ريال للكفر
بدون تركيب - طبعآ هانكوك كوري


جيت يوكوهاما محل وليس الوكيل لقيت نوع بـ450
بيع + تركيب + نيتروجين + ترصيص ( كمبيوتر )موارضي ولاعايدي
بس ماسألته وشهو من كفر


جيت ماكسس الوكيل الهاجري تاريخ جديدجدآ حسب لي الكفر بـ325
زي مايحسبه للمحلات بالجمله


أنا الآن محتار بين ماكسس بـ 1300 و هانكوك بـ2000


للمعلوميه ماكسس أنا مجربها على نفس السياره اللي ذكر أسمها فوق مطقم مرتين
ماتطول معي لأن الكفر يبطنج ( باطن الكفر يمسح يعني على الدعسه كامله)
تحس أنك تمشي مع ردميه
المره الأولى جلست معي تقريبآ سنه ونصف
المره الثانيه 11 شهر والى الآن راكبه والآن تبطنج


أبي رايكم ياجماعه وش تنصحوني به ..؟؟

[خالد الدغيم]

انتبي نصيحتي غير الجنوط الى ١٦ والكفرات انواعها كثيره

[طلال السناني]

انتبي نصيحتي غير الجنوط الى ١٦ والكفرات انواعها كثيره

نصيحتك أخوي خالد علي عيني وراسي
بس تغيير مقاس الجنط أخاف مع الوقت يسبب مشاكل فالدفرنس لأن لفه الجنط أكبر

[ابو البر]

طلال يا طلال
ما حنا با اعرف من اللي صنع السياره فديتك
وكلامك عين الصواب بعدم تغيير كفرات او جنوط وكالة السياره وهاذي ثقافه راقيه وواعيه منك ولا عليك من الغير
بصراحه .
اما الكفرات اللي انا استخدمها من عرفت نفسي
فهي برجستن ياباني اصلي (A)
للطرق السعوديه الجافه والحاره.
ما لها صوت بالطريق وللكرف .

[abu ghanem]

اخي طلال انا انصحك بكفرات ميشلان الاصلي
اما البرجستن ابعد عنها انا مركبها قبل عام من الطلائع والله ماتنفع بريال


تم الإرسال بواسطة iPhone بإستخدام Tapatalk

[طلال السناني]

طلال يا طلال

ما حنا با اعرف من اللي صنع السياره فديتك
وكلامك عين الصواب بعدم تغيير كفرات او جنوط وكالة السياره وهاذي ثقافه راقيه وواعيه منك ولا عليك من الغير
بصراحه .
اما الكفرات اللي انا استخدمها من عرفت نفسي
فهي برجستن ياباني اصلي (A)
للطرق السعوديه الجافه والحاره.

ما لها صوت بالطريق وللكرف .


جزاك الله خير اخوي ابوالبر انا معك ان برجستون حقت كرف الى درجه ان تطلع سلوك الكفر وهو باقي يسافر عليه
ولكنها قاسيه جدآ على السياره ماهي مريحه

[طلال السناني]

اخي طلال انا انصحك بكفرات ميشلان الاصلي
اما البرجستن ابعد عنها انا مركبها قبل عام من الطلائع والله ماتنفع بريال


تم الإرسال بواسطة iPhone بإستخدام Tapatalk

جزاك الله بالخير اخوي ابوغنيم
بس مشلان جيت الوكيل وقدير جيت الوكيل
كلهم يقولو مافيه نفس المقاسات على جنط 15

ممكن لان السيارات الجديده اللي تستورد آخر 5 موديلات
والمعروف ان الجدد كلها مقاساتها كبار 17 و 20


ماكسس ماتبنشر يعني سنيتن ونصف الحمد لله مابنشر الا واحد مره فالصناعيه يمكن كانت مسامير كثيره وشلو الكفر والكفر ماشلهم ههههه
بس مشكلتها تبطنج باقل من سنه

[ابوعقيل81]

ماكسس حلو

بس موب تبع خطوط

[abu ghanem]

اجل خذ ماكسس تراه جيده


تم الإرسال بواسطة iPhone بإستخدام Tapatalk

[أطلال نجد]

يوكوهاما : بتحصل مرادك وهو كفر ياباني محترم و سعره فيه

برجستون : أنت كداد و راعي خطوط قدم السلامة على الراحة مع العلم أن راحته مقبوله

هانكوك : ممتاز عن تجربة لكن سنة إلى سنة و نصف وبدل بما أنك راعي مكد و خطوط

ماكسس : كفر تعبان يبطنج و لا ينفع للخطوط و السيارات الثقيلة و أنت بنفسك مجربة


بالتوفيق ،،،

[أبوحافظ]

اخوي شد حيلك شوي وغير ميشلان لا تاخذ

مهوب شرط عند الوكيل ممكن عند البناشر او محلات الاطارات

وممكن تاخذ رقم الاطار وتتاكد من عند الوكيل انها الاصلي

تحياتي لك

[aoodiy]

غير ميشلان لا تفكر

[طلال السناني]

اليوم كنت طالع من ينبع بإتجاه المدينه
شفت الطلائع برجستون
ديورت ورجعت لهم
لقيت كل ولد من بلد
قال الموظف اول برجستون ياباني
الحين نبي نرضي جميع الزبائن بالأسعار
فقمنا صنعنا في اليابان وتايلند وأظن قالي على دوله ثالثه


لكـــن ماعلي من الموظف مجرب برجستون من زمان تطلع سلوكه وانت باقي تسافر عليه ماشاء الله


بعدين يقولو السلك افضل من المطاط - عشان لو الكفر لاسمح الله ضرب يبقى الكفر ماسك فبعضه مايتقطع


ثانيآ ماكسس ماتنفع لو بريال تمسح وتبطنج ومن قوه البطنجه تفرقع لك السياره تهربد لك التربيط الداخلي تقول ماشي على طريق ممهد


بعدين مشلان ماحصلت عند الوكيل واشوف اغلب الناس تطري المقاسات الكبار فقط
يعني حتى لو لقيت عند البناشر بلاقي تاريخ قديم


النيه الآن بين
برجستون40% - و - هانكوك ابوحروف 60%
إذاء ماغيرتو لي رايي

[طلال السناني]

ههههههههههههه

تذكرت الشيبان اول يوم يمدحو مشلان ناسين اسمه يقولو الكفر ابورجال

[علي101]

لو كان سعر الهانكوك دبل وثري سعر الماكسس لاشتريته

هانكوك اجود من اكثر الاطارات

[طلال السناني]

لو كان سعر الهانكوك دبل وثري سعر الماكسس لاشتريته

هانكوك اجود من اكثر الاطارات


ههههههههههه

علي تراك رجحت الهانكوك وارتفعت النسبه

برجستون 20% - و - هانكوك 80%

[الوحش z71]

جنرال حق الوكالة

[طلال السناني]

الموتر يالوحش من عام جدتي موديله 99

وماعمري شفت على الجنرال هالطلب مره وحده اللي شفته على جمس جديد وكاله

[م.سعيد]

حسب موقع شركة ميشلان..لا يوجد المقاس اللي انت طالبه

اقرب مقاس ممكن يناسب سيارتك هو 225/70 VR 15

http://www.michelinclassic.com/en/tireselector/search
اقل ارتفاع واقل عرض عن اللي انت طالبه وتيوب تايب..

[بيك اب 4X4]

انا جربت المشلان كندي ما يسوى
و حالياَ دنلوب يطلع صوت
و الطقم الجاي بإذن الله هانكوك

جمس حوض المقاس 17
اتمنى لو ركبت هانكوك تعطينا انطباعك بعد فتره من التجربه

[طلال السناني]

حسب موقع شركة ميشلان..لا يوجد المقاس اللي انت طالبه

اقرب مقاس ممكن يناسب سيارتك هو 225/70 VR 15

http://www.michelinclassic.com/en/tireselector/search
اقل ارتفاع واقل عرض عن اللي انت طالبه وتيوب تايب..


فلوبي رحم الله والديك وجزاك الله كل خير لإجتهادك معي
مشلان النفس يمه زينه ولكن ابي اركب نفس نفس مقاس السياره المطلوب
ولكن سؤالي
وشو تيوب تايب = حاولت اسوي نفسي ذكي وترجمتها > نوع مجوف = هههههه

[طلال السناني]

انا جربت المشلان كندي ما يسوى
و حالياَ دنلوب يطلع صوت
و الطقم الجاي بإذن الله هانكوك

جمس حوض المقاس 17
اتمنى لو ركبت هانكوك تعطينا انطباعك بعد فتره من التجربه



بيك اب
تراك دفيت النسبه
وقدامك الوالد موصيني يقول جرب وخبرني

ويامن يجي يختمها هههههه

برجسون 10% - و - هانكوك 90%

[سيف وقلم]

قبل ثلاث شهور مغيير كفراتي, ركبت هانكوك, الكفرات الأولة ماكسس كدت 3 سنين, بس منب راعي سرعة وأغلب وقتي داخل الديرة.




بس سعر الهانكوك أشوفه غالي على مقاس جنط 15 اشترها من الموزعين يمكن أرخص (الغرابي)

ما أتوقع تتعدى ال400 , لإني مسعر كفرات هانكوك 15-75-225 قبل فترة سعرها 300 وشوي.

أو ركب يوكوهاما كانها أرخص, ما يحتاج كفرات :good:


لاتنسَ تاريخ الكفرات يكون جديد.

[م.سعيد]

فلوبي رحم الله والديك وجزاك الله كل خير لإجتهادك معي
مشلان النفس يمه زينه ولكن ابي اركب نفس نفس مقاس السياره المطلوب
ولكن سؤالي
وشو تيوب تايب = حاولت اسوي نفسي ذكي وترجمتها > نوع مجوف = هههههه

ووالديك ووالدي الجميع..
تيوب تايب يعني مو تيوبلس يعني فيه لستك..
اتمنى تكون فهمت علي
دمت بود

[أطلال نجد]

إذا ما كنت مستعجل أنتظر لما ينزل ٢٠١٤ و اجزم على البرجستون الياباني الأصلي وارد العامودي

أنت راعي خط و تبيها على الجمس و الجمس سيارة ثقيلة تبي كفرات تشيلها

[طلال السناني]

قبل ثلاث شهور مغيير كفراتي, ركبت هانكوك, الكفرات الأولة ماكسس كدت 3 سنين, بس منب راعي سرعة وأغلب وقتي داخل الديرة.




بس سعر الهانكوك أشوفه غالي على مقاس جنط 15 اشترها من الموزعين يمكن أرخص (الغرابي)

ما أتوقع تتعدى ال400 , لإني مسعر كفرات هانكوك 15-75-225 قبل فترة سعرها 300 وشوي.

أو ركب يوكوهاما كانها أرخص, ما يحتاج كفرات :good:


لاتنسَ تاريخ الكفرات يكون جديد.



أخوي سيف وقلم حياك الله
ماشاء الله تبارك الله والله ماقصرت ماكسس 3سنوات
أنا عندي ماكملت 10 شهور ورايحه تخاف لاتسافر عليها
بعدين انت داخل الديره زي ماقالو اخواننا فوق ماكسس حقت بلد

صدقت عند البناشر ارخص وانا مسعرها بـ350 بس انتبه ترا اللي عند البناشر هانكوك ابوخط ماهو ابوحروف
البناشر ماينزلو ابوحروف غالي لانهم يعرفو ان الزبون اللي يجي يم البنشر ماهو مهتم لكفرات سيارته لو شايل هم كان راح للوكيل اضمن الزبون جاي يم البنشر يدور الرخص وسرعه التركيب عشان كذاء ينزلو الانواع الرخيصه اللي تمشي معهم هذاء من وجهت تفكيري

بعدين يوكوهاما ياباني ورخيص
شراء مع التركيب مع النيتروجين مع ترصيص كمبيوتر بـ450 بس ماادري اذاء كانت انواع

[طلال السناني]

فلوبي الان فهمت لاني اول مره اسمعها حنا نقلو لستك وتبلس

[طلال السناني]

صدقت اخوي اطلال نجد وكلامك عين العقل

بس الاصلي منهو العامودي والا الطلائع...؟

[بيك اب 4X4]

انا اخبر برجستون وكيلها بقشان
هل تغير ؟

[طلال السناني]

انا اخبر برجستون وكيلها بقشان
هل تغير ؟


اخوي بيك اب
اخونا اطلال نجد يقول العامودي
وانا لقيت لوحه الطلائع > بس ماانتبهت اذاء فيه اسم للوكيل جنب اللوحه يمكن له بس هذاء اسم تجاري

ويمكن متغير العامودي

يجي ان شاء الله اخونا اطلال نجد ويخبرنا

[طلال السناني]

ياأخوان مقاعد الجمس تحت امركم من يبي يخاويني الكويت بنركب كفرات ونجي
هذاء موضوع لاخونا زمزم100 عن كفرات برجستون

http://www.mekshat.com/vb/showthread.php?t=501883





وهذاء رابط عن برجستون

http://www.slaati.com/2014/01/05/p140274.html

[طلال السناني]

ياأخوان هذاء رابط أرقام جميع الوكلاء

http://www.toyota4arab.com/forum/t213847.html




وبعد فيه الرد رقم 9 لعله يفيدكم