بوادر الربيع تظهر في عرعر

[حد الشمال]

السلام عليكم ورحمة الله وبركاته
قبل كل شيء اعتذر عن تأخري في طرح الموضوع والسبب ان اخوي العضو الفاعل يوسف عبد الله كان يبي ينزل مثل هذا الموضوع فقلت ماراح اطرح الموضوع بس الاخ العزيز يوسف تاخر عن تنزيل الموضوع ولاله حس بالمنتدى وان شاءالله المانع خير والتقرير هذا هديه للمنتدى عامة وللاخ يوسف خاصه
اقدم لكم اخواني اعضاء منتدى البراري تقرير عن بوادر الربيع في عرعر طبعا مثل مانتم عارفين ان السنه هذي ولله الحمد والمنه سنة خير ان شاء الله وجتنا امطار من قبل الوسم وقبل اكثر من اسبوع سمعت ان منطقه قريبه من عرعر تسمى (( الطيري )) طالع فيها الباذر فقلت ياولد لازم اروح لها واشوف بعيني طبعا الطيري تقع جنوب شرق مدينة عرعر بمسافة 50كلم تقريبا طلعت الجمعه الماضيه وصلت الطيري وشفت المكان والطيري للمعلوميه مكان كبير تقريبا المنطقه تونس فعلا الربيع تشوفه وانت على السياره لاكنه توه طالع وصغير لاكن ماهو كل الامكنه طالع فيها ربيع بعض الاماكن جارفها السيل جرف وجتها امطار كثيره لاكن ماطلع فيها الباذر الى الان والسبب في طلوع العشب في اماكن معينه لان هذه الاماكن على كلام الشيبان جاها مطر (( الهريف )) والمطر هذا ينزل قبل الوسم بعشرة ايام ويسمونه (( مطر الفقع )) طبعا المطر في اي يوم من الوسم ينفع الارض وينبت الفقع لاكن مطر الهريف يعجل بنبات الفقع بمشيئة الله 0
وان شاء انا طالع الاسبوع الجاي لنفس المكان واتوقع راح اشوف الاماكن اللي مانبت فيها عشب راح اشوفها خضراء وراح اكتب فيها تقرير 0 اتمنى اني كفيت ووفيت بتقريري هذا وفرحتكم بالخبر والصور وادعو معاي ان الله يتبعله بالمطر باذن الله انه على كل شيء قدير 0
فيه بعض الصور عليها دوائر هذه الدوائر توضح نبات ((الرقروق ))[ ووهو نبات ينبت الفقع واعذرونا على رداءة بعض الصور لانه تصوير جوال 0

اخوكم حد الشمال
http://www.mekshat.com/pix/upload/images22/mk35553_g.jpg

http://www.mekshat.com/pix/upload/images22/mk35553_j.jpg

http://www.mekshat.com/pix/upload/images22/mk35553_k.jpg

http://www.mekshat.com/pix/upload/images22/mk35553_l.jpg

http://www.mekshat.com/pix/upload/images22/mk35553_o.jpg

http://www.mekshat.com/pix/upload/images22/mk35553_p.jpg

http://www.mekshat.com/pix/upload/images22/mk35553_kkjj.jpg

http://www.mekshat.com/pix/upload/images22/mk35553_e.jpg

[وسم 29]

الله يبشرك بالخير
شكرا لك أخي حد الشمال

[grdan]

ماشاء الله الربيع مواريه طيبه الله يتبعله بالسيل
ما قصرت الله يعافيك

[مسافر1]

تشكر أخوي حد الشمال ..
ونسأل الله أن يتبعة ..

[الاداري]

ماشاء الله تبارك الله


اخوي حدالشمال

تكفي احدثية الموقع خبرك انا قريب من عرعر واحب ازوور الموقع السبوع القادم ان شاء الله

[العملاق النائم]

الله يبشرك بالجنة

[حد الشمال]

اشكر الجميع على ردودهم الجميله وان شاءالله نشوف الربيع عندكم

[جمران]

الله يبشرك بالخير .ألف شكر على الأخبار المفرحة
تحيتي

[يوسف عبدالله]

وعليكم السلام ورحمة الله وبركاته ..

الله يعطيك الف عافيه أخوي حد الشمال على هالتقرير الوافي ...

ماقصرت وبيض الله وجهك ..

وأعتذر منك ومن جميع الأخوان لعدم كتابة تقرير عن الطيري .. كما سبق وأن قلت ..

لكن أنت تعرف ...

عندي هالأيام أشغال .. وصرت كل خميس وجمعه برفحاء .. وأنت تعرف أن الطلعه للطيري تحتاج يوم إجازه .. وخصوصاً هلأيام .. النهار قصير جداً جداً ..

لكن أبشرك ..


وأنا برفحاء أتمشى .. لقيت فيضتين أول ماتشوفهم .. تقول .. مستحيل يكون هالوقت وسم ..


شوف الصور وأحكم

http://www.mekshat.com/pix/upload/images23/mk15285_dsc02465.jpg



http://www.mekshat.com/pix/upload/images23/mk15285_dsc02462.jpg

لك أطيب تحيه

[بعيدالمسافات]

الله يبشركم بالخيرعلى هالأخبار المفرحة وإ‘ن شاء الله نشوف الربيع الزين والفقع الزين عندكم عن قريب بإذن الله سبحانه وتعالى ....

و رسالة شكر وتقدير أقدمها للأخوين حد الشمال و يوسف عبدالله على هذه الصور الرائعة من منطقة الحدود الشمالية.....

وأيضاً يسرني أن أشكر جميع المشرفين والأعضاء في هذا المنتدى الطيب.......

ودمتم سالمين

أخوكم / بعيد المسافات

[ثــــايـر]

الله يبشرك بالخير ...يافرحة اهل الحلاااااااال الله يرزقهم :d

[kal]

للمعلومية ظهور الفقع بهذه المنطقه ولكن صغير جدا والهوبر كثير على حد قول أحد الأصدقاء

[القطاوي 2008]

الله يعطيك العافية يالغالي

صور جميلة

[صقر البحيرات]

ما شاء الله يعيطك العافيه على هذا التقرير
الرائع

وان شاء الله متبوع

لكن وين هالربيع (( بأي قاع.... المنطفه ))

واسمحلي بنقل الموضوع للخيمة المخصصه له

ودمت بحفظ الرحمن