من يفيدني في رجة السفاري

[على النيه]

أين أجد رابط موضوع رجة السفاري اللي في الدركسون

[حرباش]

شيك على جلد عمود الدل

قد يحتاج الى تغيير وسعره حول 300 ريال


وقم بتغيير مساعد الدركسون الى اولد مان الأصفر وسعره حول 300 ريال ايضا

وذا كان الكفر بالون رصص ترصيص ارضي يكلفك 80 ريال


لا تنسانا من دعاك :)



حرباش

[ثــــايـر]

اكبس عمود التوازن عند الميزان بـ30 اريال ورتاح وتنتهي مشكلتك ..

[falkoon]

اسالني عنها .......... اذا كانت الرجه من 80 الى 100 وتروح يكون السبب الرمااااااااان

[ابو نوره]

عندي نفس الرجه
والحل ورشة اليرموك بالصناعيه مخرج17
ب250ريال ولي سنه مرتاح تماماً

[راعي الهـــدد]

افا وش رجته بعد

الحين توني معزم باشري نيسان واتفاجأ ان به رجه

انا سمعت من كذا واحد ان به رجه ولكن ماصدقت

الله يعين بس كل مانعزم على موتر نحصل به عذروب او عذيريب

[الفردوس]

يا راعي الهدد
ورى ما تشري هدد والا فيه عيب
ما فيه سيارة مابه عيب لكن سدد وقارب
انت راكب جيب لزم هزة خفيفة من راكب شبح
النيسان معي وممتاز وفيه هالرجة لكن ممكن أني مركب بالون
نشوف علاجات الاخوان

[راعي الهـــدد]

اخوي الأسعدي وش موديل الي معك هل هو قديم حتى تجي فيه رجه او جديد

والله مصيبه كان انه توه جديد وبه رجه

[نهر الاحزان]

عندنا سفاري لا تسوي فيه ولا ريال كل السفاري كذا فيه رجه

انصحك لا يخدعونك .. عادي هذه الرجه نيسان

نصيحت مجرب

[ابو ناصر2020]

انا معي سفاري جته رجه ورحت لورشة العضيب وقالو يبي كذ كذ كذ كذ
وجيت وشريت مساعد دركسون وغيرتوه والحين 100% .

[system]

انا عندي باترول وكاله موديل 2005 من اخذته وهو يرج من 80 الى100 غيرت كفرات وجنوط وكبست اذرعه وركبت مساعد ذراع ومافيه فايده.....

(الرجه مرات ومرات)

بعد السؤال والتقصي اكتشفت ان المشكله هذي عند ثلاث ارباع السفاريات,وصار الوضع عندي طبيعي

[الحبالة]

حل هذي المشكلة
هو إنك تدبل عمود الدركسون ...

[nti22]

السلام عليكم

اخوي على النية
صراحه بسيارتي الباترول رجه لكن الرجه انواع؟
الرجه اللي عندي تجي مع البريك بس ويهتز الدركسون

انت قصدك مع البريك والا شي ثاني؟

[العوشز]

أنا شريت سفاري 99 وما كان فيه شي

وبعد ما غرزت مرة واستخدمت الدبل الثفيل

بدأت الرجة
وديته لأحد الورش وغير جلبة ( ما أدري وشو) وغير قطعة حول عمود التوازن ( عذرا لا أذكر وشي لأنها من مدة )

عموما خفت الرجة شوي
سألت أحد الميكانيكيين فقال : هذا بسبب استخدام القير الثقيل لأنه يجهد الموتر ويؤثر عليه

عموما لا تزال الرجة من فترة لكني تعودت عليها وتعايشت معها

والله يرعاكم

[ربيع نجد2]

عندي موديل 99 والرجه ذابحتني بين 80-100 وبين 120-140 وماتروح الا لما اغير الكفرات واحطها جديده تاخذ لها شهرين ثلاثه ماتجي ثم ترجع مره ثانيه تكفون يا اخوان اللي يعرف السبب ينورنا الله يجزاه ويجزى والديه الخير .

[الروقي نت]

اخوي الرجه اللي بالسفاري عاده تأتي من
1) عمود الدركسيون يحتاج إلى تغيير وهذا ينتج عن ثقل الكفرات الأماميه مما يؤثر
على العمود
2) تأكل جلد الأذرعه
3) أذرعة السياره تحتاج إلى كبس
اما إذا كان به رجه وتكون الفرامل غير مضبوطه فهذا يرجع إلى الرمان.


عموما هذه الرجه من ذراع الدركسيون خصوصا في النيسان
تقبل تحيااااااااااااااااااااااااااااااااااااااااتي

[راعي الديزل]

السلام عليكم الرجه لامسكت فرامل تكون من الهوب يبي خرط وغيره يامن الجلب اوعمود الدركسون اوالكفرات او الترصيص

[system]

مع احترامي الشديد لتجاربكم بس السياره توها طالعه من الوكاله شلون رمان ولا عامود الدركسون !!!!!!! علموني؟؟؟؟؟؟

[قناص متقاعد]

ياشباب الحل عندي

مشكله السفاري هي في ذراع التوازن اللي يكون في الدفرنس

ولحل هذه المشكله

يجب خراطه ذراع التوازن الذي يكون فوق الدفرنس بعد الفلنجه لكي يكون متساوي كاملاً لانه في التصميم من الوكاله يكون ذات شكل مخروطي اي انه كبير من الاعلى وصفير من الاسفل ولا يحكم ثبات التوازن .

ولا يعرف لهذه المشكله سوى واحد فقط في مدينه الرياض صاحب مخرطه وقد جربت هذه التجربه على سيارت كثيرة من نيسان منها سفاري 2002 و 99 و 98 وكذلك 96 وربع 92 و 90 وكذلك باترول شاص
وكلها شغل 100% لايوجد بها رجه حتى ولو كان الكفر ناقص هواء

ولعلي وفي اسرع وقت احضر بالصور كيفيه عمل ذلك وكذلك اسم المخرطه التي تقوم بذلك

[تنوم]

الرابط كان فيه هذا العنوان ورشة حمد 0556606559

[مدهوش]

أخي الفاضل على النيه النيسان باترول رجته عادية ومن بلده وإن كانت كفراتك بالون أنصحك بالإتصال على الصمعاني ببريدة أو الهبيش لأنهم متخصصين برجه الباترول وبدون أي إظافات كل شي بلده ويضمنون الرجه فقط 200 ريال وسلامتك وتعيش

[الفردوس]

انا معي سفاري 2004 وكفرات بالون
الرجة بالسفاري طبيعية الى حد ما
ذهبت اليوم لميزان العضيب وسويت الآتي :
1- كبس ذراع الدركسون وعددها 2 في كل طرف يعني اربع جهات 40 ريال
2- شد رمان الكفر أيسر كان مرتخي 40 ريال
3- ترصيص أرضي وتعب فيه الين ضبط وهو أفضل من الترصيص عند البناشر 80 ريال
4- ميزان كامل للسيارة 80 ريال

جربت الموتر ألى الأن تمام باقي أجرب أمشي عليه 120-140 وأشوف

[على النيه]

تحياتي لكم جميعا

الله يجمل حالكم وهذا والله ظني فيكم

أنا اللي محيرني إن الرجة ماهي ثابته تجي وتروح أحيان السيارة ممتازة وأحيان الله لا يوريك

وأتوقع أنها ما تطلع عن الأشياء اللي ذكر الشباب بس كيف نحدد العلة

ما نبي شغل غير لين تلقاها نبي نحدد السبب لتعم الفائدة

أشكركم على المشاركة في هذا الموضوع

تحياتي لكم وعلى الخير نلتقي

[سفاري نجد]

معي سوبر سفاري 2003 اول ما شريته فيه رجه سويت صيانه مجانيه عن الحمراني وضبط


غير الكفرات الى فايرستون من عند التميمي اللي على طريق خريص الفلبيتي يقولي لازم تبديل كفرات وترصيص كل 10.000 كلم


ترجع الرجه خفيفه عند 90-110 واذا عملت ترصيص تختفتفي الرجه ،،،


من كلام الفلبيني يقول الدفع الرباعي لازم تبديل كفرات لأنها تتأكل بسرعه عشانها دفع رباعي وتختل وزنية الكفرات وتصير الرجه مو مثل السيارات الصغيره



وترى أجهزة الترصيص لها دور اللي يبغى يشوف كيف الترصيص صح يشوف صيانة التميمي للكفرات والا القحطاني اللي بالروضة عند كارفور ،،





تحياتي لكم


سفاري نجد


بعد طول غياب

[الكونترولCONTROL]

وش رايك تدعي لي بعد ما تفتح الرابط التالي
===========================
هنا رابطك المطلوب .....
http://www.mekshat.com/vb/showthread.php?t=36172

[shababi]

المشكلة ان الرجة من أول ما تشتري الموتر وموجودة عند كل اصحاب الباترول




شخصيا دورت على حل للمشكلة وماش مالقيت




ترصيص ولا راحت




مساعد استرالي أصفر ركبت واحد استمر فترة وبعدها رجعت الرجة واشتريت ثاني ونفس الشي رجعت الرجة




قلنا يمكن من البالون .. غيرنا الكفرات وركبنا كفرات دنلوب ورصصنا ولا راحت الرجة




ركبنا فرارات ولا خفت هالرجة






كبسنا وخرطنا والرجة تقول مانيب فاكتك يا راعي الباترول