باركو لي شريت تاهو 2014 LT وابي أسئلكم عن الشاشاتdvd

[الوجيه2]

السلام عليكم ورحمة الله وبركاته

طبعا فريت بالنت وكل مابحث يطلع لي مكشات ماشاء الله عليكم

المهم قلت لازم أسجل وأخذ مشورتكم ورأئيكم

أبي شاشة لأبنائي حفظهم الله

وش النوعيات اللي تركب عالتاهو وسعرها معقول؟ > حتى لو خربت ماعليها حسافه

والأفضل بالسقف أو خلف المقاعد؟

[محمد 2002]

ما شاء الله تبارك الله
أول شيء الله يبارك لك فيما شريت ويحفظ لك عيالك ويرزقك برهم
الصراحة ما لي خلفية واجد عن أنواع الشاشات ولكن موترك جديد نصيحة لا توديه لأي واحد يلعب في كهربته شوف لك شاشة زينة يستاهلها الموتر والعيال وركبها عند واحد يكون مشهور بالتركيب وعنده خبرة
وأنصح باللي في السقف أفضل للعيال ونظرهم من الي خلف المقاعد حتى الي بالمرتبة الثالثة يشوف وهو مرتاح

[فارس العمور]

مبروووك ماشريت
ونصيحة مجرب لا تركب شي وتلعب بالسيارة
انا عندي بسيارتي شاشتين من وكالتها وفرحو فيها العيال ومن اول سفره تفرجو ساعه ثم انتهى الموضوع ورجعو للايباد
والحين ماحد ينظر لها ابداً
بختصار الايباد يكفي وزيااااااده

[شاهي باجبل]

الله يبارك لك

[adel-2014]

ماشاء الله تبارك الله الله يعطيك خيرها ويبعد عنك شرها الله يخليلك عيالك ويحفظهم يارب

رأي يا أخوي تشري ايباد وينباع له علاقه تعلقه خلف المقعد أفضل واذا مصمم ع الشاشه مالك غير الوكاله اشترها من عندهم ويركبولك ياها شغل وكاله تضمن ما يلعبون في كهربتها الكهربائين الى في الورش او عند محلات الزينه

[الوجيه2]

الله يبارك فيكم جميع ويعطيكم العافية

بس والله متردد كثير بالتركيب

مافي طيب شي يركب عالولاعه بدون أي تدخل بكهرباء السيارة

[مخ سعودي]

عندي حقت التكايات على تاهو ولكن لو عدت الخيار كان ركبت السقف

[محب االخير]

http://www.mekshat.com/vb/showthread.php?t=607008

[بدوي جنوبي]

ما شاء الله مبروك ع السياره

مثل ما قالو الشباب ايباد يفى بالغرض
تحتاج تشترى له ستاند ( قاعدة)
تعلقها في اعلى المرتبه في الوصله اللى تطلع حق الراس

بعدين اصورها لك

او تشترى تكايات راس يجي فيها شاشات جاهزة بدون تخريم ولا تجريح اسلاك

[مفضخ الشري]

الشاشه اللي في السقف اذا انفتحت ماعاد تشوف المرايه الوسطيه
و لازم تجريح اسلاك و تركيبها بدال لمبه السقف
و موترك ماشاء الله جديد حرام يلعب به ابو يمن و بيني وبينك راح زمن الشاشات و زي ماقالو الشباب الايباد قام بالواجب و زيادة حمل للاولاد الله يصلحهم على الايباد افلام الكرتون اللي يحبونها و العاب اوسع صدر من الشاشه

[ثورة الشك]

نصيحه مجرب يالوجيه حتى لو ماجاز لك كلامي انت بكيفك

لاتركب شي سواء شاشه او غيرها خلها شدبلد لان شاشه السقف لازم يخرم بالديكور بالسقف علشان تركب وراح يكون مكان الشاشه بين لمبه ومفاتيح المكيف الخلفي وبين المرايه الاماميه لان ماتقدر تركبها زي اللي تجي من الوكاله لان مفتاح مكيف الخلفي يتحكم فيه من فوق واللي تركب بتكايات الراس لازم تمديد داخل المقاعد والديكور الجانبي من علبه الفيوزات
وغير هدا كله تنبلش بالسيديات حقتها كل شوي تخرب

الزبدة جيب لهم اجهزة محموله ايباد او تاب او اي شي وخل السيارة على حالها

[المميـز]

:

ماشاء الله الف مبروك الموتر الله يعطيك خيره ويكفيك شره
المفروض الواحد يحاول بقدر المستطاع تخليص الاطفال عن الايباد :)
الشاشه حلوه وسيديات توسع صدورهم مع الخطوط
فيه شاشات اسمها رويال تجي مكان تكايات الراس
سعر الحبتين ٦٠٠ ريال مع التركيب
مع كل شاشه سي دي العاب ٣٢ لعبه ويد لللعب
تركيبها سهل مجرد سلك يشبكه بالفيوز ولكل شاشه فيوز منعزل

:

[أبوهادي]

أتفق مع اخي المميز

بس لو تكرمت اخي المميز لو تذكر لنا وين متوفره هذه الشاشات؟

[المميـز]

أتفق مع اخي المميز

بس لو تكرمت اخي المميز لو تذكر لنا وين متوفره هذه الشاشات؟




حياك الله ابو هادي
الشاشات هذي متوفره بالغرابي بالرياض ولها وكيل
واذا انت بغير الرياض تلقاها متوفره بمحلات الزينه

[مفكّر]

ايباد وعلاقة على تكاية الرأس وتكون شاشة

[الوجيه2]

الف شكر لردودكم جميعا والله يعطيكم العافية استفدت من نصائحكم

وفكرة الآيباد حلوة

واللي مكان تكايات الرأس أبو 600 ريال اذا تشتغل عالولاعة برضوا حلوه

نستخير وربك يكتب مافيه الخير

واكرر شكري لكم جميعا

[الوجيه2]

ما شاء الله مبروك ع السياره



او تشترى تكايات راس يجي فيها شاشات جاهزة بدون تخريم ولا تجريح اسلاك

الله يبارك فيك وعقبالك بنتلي 2015

ولو في من هالنوع يشتغل عالولاعة جدا بيكون حلو

لاني مابي احد يقرب للكهرباء او التخريم او توصيل أسلاك

[المميـز]

الله يبارك فيك وعقبالك بنتلي 2015

ولو في من هالنوع يشتغل عالولاعة جدا بيكون حلو

لاني مابي احد يقرب للكهرباء او التخريم او توصيل أسلاك




ترهيمها على الولاعه اتوقع سهل
اسأل المحلات يفيدونك ان شاء الله
وهو مجرد سلك يوصله لفيوز واحد من فيوزات الموتر

: