سوال لخبراء السيارات

[عاشق خلا]

السلام عليكم
تحيه لجميع اعضاء مكشات الافاضل
عندي قراند شروكي 8 سلندر موديل 96 وعندما تصل السرعه الى 100 احس ان السياره تهتز هز كانها مساج كهربائي وعندما نزلت عمود الدبل ذهب الاهتزاز فقالوا لي ان المشكله بعمود الدبل فذهبت به الى المخرطه فقالوا ان العمود سليم ولكني لم اقتنع بكلامهم فاخذت 3 اعمده من محلات تشليح السيارات وركبتها واحدا بعد الاخر ولكن لم تذهب المشكله ثم استنجدت بصديق لي معه نفس السياره واستعرت منه عمود الدبل حق سيارته وركبته على سيارتي ولكن المشكلة لازالت على حالها فاين الخلل؟ علما اني ركبت دبل شيروكي عادي بدل الاول لان السابق كان الدبل مشبوك على طول اما الان فانا استطيع التحكم بالدبل متى شئت .
واذا لم تستطيعوا حل المشكله فما هي الورشات المتخصصه بالشروكي في منطقة القصيم حتى اسافر لهم واصلح سيارتي علما اني ساكن حايل ولكم الشكر الجزيل .

[أبو أسامة]

السلام عليكم ورحمة الله وبركاته

أخي الكريم :


أعانك الله على مشكلة سيارتك ........ وياليت أني كنت أعرف كان مابخلت عليك ......... لكن أن شاء الله أن الشباب ماراح يقصرون معك ........ وإذا كنت تبي تروح للقصيم ...... رح لعنيزة في واحد سعودي فاتح له ورشه للشروكيات يعني متخصص فيها ........ أسمه ناسية ووصف المكان صعب بس إذا رحت لعنيزة راح تدله إن شاء الله لأنه مشهور عند أهل القصيم بشكل عام ........

والسلام عليكم ورحمة الله وبركاته

[هاوي الله]

الحل بسيط وانا اخوك وترى أكثر الناس مايدرون إن العمود يحتاج ترصيص
الحل = العمود بحاجه إلى ترصيص
ولاتنسى تشيك على الصليب
الظاهر عند الوكاله يوجد ترصيص للعمود يعني وزن أو بعض الورش &

[تــــوني]

حسب ما ذكرت يا عم

وانك غيرت العمود اكثر من مرة وجربته ومانفع معك

على فكرة فيه تحكم يفصل الدبل على السرعات من فوق 80كم/س يمكن ما يشتغل معك الحساس(يسمى دفاش) بشد حرف الفاء. ويكون في الدفرنس الأمامي وليس في الدبل ..
والدبل معروف اذا كان مشبوك على سرعات عالية يرج حتى لو مافيه شي ...
بس متى ما رجعت الدبل الأول رح لشالنجر ويشبكون لك الكمبيوتر وتمشي بالسيارة ويشيكون لك عليها وهي تمشي
فيه واحد شامي طويل القامة هو المظبوط ويشوفون الدفاش يفصل والا لا...
وإذا كان يرج تحت سرعة 80كم/س تكون المشكلة في الكرونه بس قبل لا تغيرها غير زيتها فوكس 140
واذا خفت الرجة المشكلة بها ..

ويظهر لي إنك حليت مشكلتك بتغيير الدبل

وبالتوفيق...

[مهراس]

السلام عليكم ورحمة الله وبركاته


الأخ هاوي خلا: صبحك الله بالخير

المشكله عندك في عمود الدبل يبغاله ترصيص عند المحلات المتخصصه في ترصيص اعمدة الكردان
مع انك غيرت عمود الدبل بواحد من عند خويك وهو ما عنده أي مشكله.

ولكن قبل ان ترصص عمود الدبل خل المهندس يشوفلك الرمان بلى حق الكفرات الأماميه والأفضل انك تغيره، وبعدين شوف الرمان بلي حق عمود الدبل اللي على الصلبان، وشيك على المساكات والمسامير.

المحل اللي في عنيزه اسمه الصمعاني.

اتمنى لك التوفيق.

[نمر بن حثلين]

صبحك بالخير اخوي مهراس

يبدو انه حصل عندك لبس بين الصمعاني وبين الثويني :p

الصمعاني عهذا طال عمرك في بريدة ومتخصص في التزويد وترهيم جيوب التطعيس بمكاين 8 سلندر والتيربو وخلافه

اما الثويني هو الي في عنيزة وهو صاحب ورشة الشروكي ومتخصص في اصلاحها ومعرفة مشاكلها

[عاشق خلا]

الاخ ابو اسامه شاكر لك المرور والافاده

الاخ فتى البران شاكر مرورك ولكن يبدوا انك لم تقرأ السؤال جيدا العمود لايوجد به مشكله والدليل اني غيرته 3 مرات وزياده للتاكيد استعرت عمود دبل من احد اصدقائي ولكت المشكلة لازالت على حالها اما الصليب فبدلته بجديد للمعلوميه
الاخ توني شاكر مرورك ولكن انا غيرت الدبل القديم باخر من سيارات الشروكي العاديه لكي استطيع التحكم في الدبل للمعلوميه
الاخ مهراس شاكر مرورك وسوف اقوم بالتشييك على الرمانات اما الصلبان فهي جديده
الاخ نمر بن حثلين شاكر مرورك وشاكر الافاده عن الورشه المتخصصه بعنيزه
الاخوة الاعزاء لازلت بانتظار تعليقات جديده ولكم الشكر

[نمر بن حثلين]

تفضل اخوي هذا رقم ورشة الثويني
063623160
اتصل وخذ جوال ابو علي واستفسر منه
تراه حليل ويعطيك العلم ويقولك وش خراب موترك

[هاوي الله]

الظاهر إنهم يرصصون العمود وهو مركب في محله = أتوقع هاذدي طريقة الترصيص ويمكن أنا غلطان
يعني لو تركب وتجرب 1000 عمود ماينفع إذا كانت طريقة الترصيص المذكورة صحيحه والله أعلم

[مناحى55]

اخوى شيك على مساعد الدركسيون