تحذير لأي واحد بينظف بلف التبخير لمكينه تويوتا 4500EFI

[سقم المعادي 1]

السلام عليكم

بدون ما اطول في المقدمات

انا شفت لي موضوع هنا طريقه تنظيف بلف التبخير و ماقصر العضو ع ـقـاب في موضوعه (تنظيف بلف تبخر الزيت لمكائن لاندكروزر - بالصور (http://www.mekshat.com/vb/showthread.php?t=612315)) شرح الطريقه لكني حبيت اغيره بواحد جديد بما انه رخيص و مكانه يجي فوق غطاء البلوف و اذا جيت تفكه يبي له قوه شوي
المهم اني فكيته بالكماشه لكن فيه جلده تجي ماسكه عليه من تحت انكسرت لاني كنت احركه يمين يسار عشان يطلع .. الشاهد ان الجلده انكسرت و طاحت وسط غطاء البلوف و جتني ام الركب :D

بالبدايه هذا مكان بلف التبخير للفائدة:

http://www.mekshat.com/pix/upload05/images253/mk285337_2014-03-30%2011.41.10.jpg


و هذي الجلده اللي محوطه على البلف تلاحظون انها جديده لاني غيرتها بدال المنكسره

http://www.mekshat.com/pix/upload05/images253/mk285337_2014-03-30%2011.41.06.jpg

و هذا بلف التبخير القديم لاحظو في الجلده اللي فوق فيه كسر صغير :

http://www.mekshat.com/pix/upload05/images253/mk285337_2014-03-30%2011.41.35.jpg

و كذلك الجلده اللي تحت الكبيره منكسره و هي البلا و الجلا لأنها كبيره و سقطت بوسط غطاء البلوف

http://www.mekshat.com/pix/upload05/images253/mk285337_untitled-1.jpg

هذا الجزء من الربله او الجلده هو اللي سقط بالداخل لأن مكانه تحت وانا كنت احرك البلف بالكماشه يمين ويسار لين انكسر وطاح :

http://www.mekshat.com/pix/upload05/images253/mk285337_2014-03-30%2011.42.13.jpg


الحاصل اني فكرت و حاولت اني اطلعها بدون ما افك غطاء البلوف و لأني عليمي منب هكالخبره عشان افك غطاء البلوف و يبي لي وجه غطاء و لازم افك امور واجد قبل لا افك الغطاء يعني مهيب سهله
فـ طرت فكرة جبت سكروب طويل و حطيت عليه شحم على راس السكروب و دخلته مكان البلف لين لمس الشحم الجلده المنكسره و اضغط عليها بالسكروب لين لصقت بالشحم وسحبتها على شوي شوي و طلعت الحمد لله
طبعاً وقتها لو اني شغلت والجلده طايحه عند البلوف فيه ضرر كبير على المحرك

اي واحد يبي ينظف البلف ينتبه لهالنقطه ولا يجيب العيد مثلي و ممكن لو اني حاط موتري في ورشه كان سكت ولا قال لي انه طاح وانا اللي اكلها لكن هذي فائده الشغل بيدك ولو ماكان عندك خلفيه فـ مكشات مايقصر انا ماستفدت الا من المنتدى ولا وش يدريني عن بلف التبخير قبل :)

سعر البلف : 60 ريال
سعر الجلدة بدل اللي انكسرت : 15 ريال

فمان الله

[( شميريخ )]

الله يعطيك العافيه
بس وش شغلته بلف التبخير هذا وش تاثيره

[eameh]

الله يجزاك خير على هالمعلومه والطريقه الفنيه الرائعه اللي بها اخرجة الجلده .
وصدقت فعلا صار مرجع ومصدر معلومه مكشات باعضاءه المخلصين الوفيين مع قلة وضعف المعلومه في الانترنت من بعد الاجهزه الذكية اللي بسببها اصبح صعب طرح مواضيع قيمة ومفيده مثل موضوعك هذا شاكر لك ولجميع الاخوان المشرفين والاعضاء المميزين والمفيدين وجزاهم الله عنا خير الجزاء على مايبذلونه من جهود

[سقم المعادي 1]

الله يعطيك العافيه
بس وش شغلته بلف التبخير هذا وش تاثيره


هذا اقتباس من العضو صاحب الموضوع الاصلي لطريقه تنظيف البلف يشرح فيه اضراره في حاله انسداده



البعض مايدري أن هذا البلف له دور كبير في نقص الزيت اذا كان خربان
خاصة اذا كانت السيارة لاتدخن ولايوجد فيها تهريب زيت , وهذي بعض الاقتباسات للتعريف ببلف التبخير


وظيفة البلف :
عند حدوث تبخر وتناثر الزيت اثناء التشغيل يقوم البلف بالفتح لسحب هذا الزيت وارجاعه للمكينه مره اخرى
حتى لاتفقد المكينه هذه الزيت


موقعه :


فوق المكينه وموصل فيه انبوب مسحوب من المكينه الى الثروتل



اسباب عطله :


تراكم الشحوم والاوساخ


اضراره :


1- في حالة اقفال البلف يتسبب في أحتراق الزيت .
2- في حالة اقفال البلف يتسبب في خروج الزيت عن طريق وجهه غطاء البلوف وظهورة بكثافة في البواجي او خروجة من احدى الصوف وظهور مشكلة نقص الزيت .
3-ظهور صوت ازيز للمحرك .
4- في حالة عطل البلف ويقوم بسماح كميات الزيت بالمرور فيدخل الزيت في عملية الأحتراق لدرجوة ظهور دخان كثيف من الشكمان وظهور مشكلة نقص زيت .
5- يؤدي لزيادة حرارة البستم نوعآ ما مما يعني يتسبب في تسخين المكينه .
6- في حالة عطل البلف ويضل مفتوح على طول يؤدي لنقص ظغط المكينه مما يظطر الكمبيوتر في التدخل لتغير نسبة الهواء والبنزين .
7- جميح الحالات السابقة تتسبب في تتفتفة المحرك وعدم استقرارة .

[سقم المعادي 1]

الله يجزاك خير على هالمعلومه والطريقه الفنيه الرائعه اللي بها اخرجة الجلده .
وصدقت فعلا صار مرجع ومصدر معلومه مكشات باعضاءه المخلصين الوفيين مع قلة وضعف المعلومه في الانترنت من بعد الاجهزه الذكية اللي بسببها اصبح صعب طرح مواضيع قيمة ومفيده مثل موضوعك هذا شاكر لك ولجميع الاخوان المشرفين والاعضاء المميزين والمفيدين وجزاهم الله عنا خير الجزاء على مايبذلونه من جهود

و يجزاك خير اسعدتني بكلماتك و زي ماتفضلت وقلت مكشات مالنا غناه عنه و المحتوى العربي بشكل عام المختص بالميكانيكا ضعيف لكن في مكشات يعتبر الافضل عربياً و ان شاء الله يتطور اكثر و اكثر بتفاعل الاعضاء و طرحهم للمشاكل و العيوب و اي شيء يخص صيانه وتجهيز السيارة حتى يستفيد اكبر قدر ممكن

و تكفي دعوه شخص في الردود لك هذي تعني لي الكثير :good:

[adel-2014]

الله يعطيك العافيه


هل بلف التبخير يطلع البخار أو يطلع الزيت الزائد ؟؟ لانه الصراحه اشوف حوله بسيارتي زيت يمكن مقفل ومسدود شكلي ابي افكه واشيك عليه مشكور وماقصرت على المعلومه وعلى التنبيه

[محمد 2002]

مشكور وبيض الله وجهك
الجلدة تجي لينة إذا كانت جديدة ولكن بعد فترة تقسى مع الحرارة وضروري ننتبه لها زين وقت التغيير وان قدر الله وطاحت فطريقتك ممتازة جدا بدل فك الغطا والخساير التابعة لها

[كم كيلو باقي]

شكرا لك على هذا الموضوع المفيد

[شهادة مجروحة]

جزاك الله خير افدتنا جميعا

[ذيب النجيل]

انا غيرت البلف وانقطعت الجلده وطاحت جوا

وقال لي العامل ماعليك عادي لانها ماتروح جوا لان فيه شبك يردها

واستخدمت الجيب بعدها حول سنه ولا جاه شي ولله الحمد

[المميـز]

:

الله يجزاك على هذه الافاده الرائعه

:

[بدوي جنوبي]

موضوع ممتاز مزود بالصور

بعض الاحيان نشتغل ويزود مسامير وورد بعد من ننتهى من الشغل
يحتار الواحد ليش زادت :confused: ،،
وينسى وين مكانها :rolleyes:
فمالك حل الا تفتح غطاء الزيت وترميها وسط المحرك :D:D

ههههههههههه دعابه لحد يصدق

المفروض بعد ازاله اللي (الهوز) تحط زيت ليسهل عملية سحبه للأعلى بدون ما تميله لليمين او اليسار
طبعا الجلده بتكون يابسه بسبب الحراره ،، حتى لو أنقطعت الجلده
ليش تجيك ام الركب :p

الشغله بسيطه ،، وفر وجه (قازقيت ) جديد
وفك غطاء البلوف
طلع الجلده اللى طاحت وركب الوجه الجديد والغطاء
وشد المسامير بشكل حرف x ويكون قوة الشد واحده لجميع المسامير
ولا تشد كثير عشان ما تنضغط الجلد وتطلع مع اطراف الغطاء ويسبب تهريب للزيت :good2:

[سقم المعادي 1]

الله يعطيك العافيه


هل بلف التبخير يطلع البخار أو يطلع الزيت الزائد ؟؟ لانه الصراحه اشوف حوله بسيارتي زيت يمكن مقفل ومسدود شكلي ابي افكه واشيك عليه مشكور وماقصرت على المعلومه وعلى التنبيه

اي نعم حسب مافهمت انه يرجع بخار الزيت الى المكينه مرة اخرى و اذا كان مسدود ممكن يتبخر الزيت مع مكان اخر وجه غطاء البلوف - صوفه - غطاء الزيت (وهذي مشكلتي)

العفو و سعيد لمرورك


مشكور وبيض الله وجهك
الجلدة تجي لينة إذا كانت جديدة ولكن بعد فترة تقسى مع الحرارة وضروري ننتبه لها زين وقت التغيير وان قدر الله وطاحت فطريقتك ممتازة جدا بدل فك الغطا والخساير التابعة لها

صحيح الجلده اللي انكسرت كانت قاسيه صارت بلاستيك مقوى اما الجلده الجديده فهي لينه

شاكر لك مرورك


شكرا لك على هذا الموضوع المفيد

العفو و حياك الله


جزاك الله خير افدتنا جميعا

و يجزاك خير .. شاكر لك مرورك

[سقم المعادي 1]

انا غيرت البلف وانقطعت الجلده وطاحت جوا

وقال لي العامل ماعليك عادي لانها ماتروح جوا لان فيه شبك يردها

واستخدمت الجيب بعدها حول سنه ولا جاه شي ولله الحمد

والله وانا اخوك دامك جربته فـ الحمد لله , انا ماكان عندي خلفيه عن هالشيء لكن سقوط جسم غريب داخل غطاء البلوف بيخليني اوسوس و صعبه امشي بالموتر , زد على ذلك من الممكن ان الجلدة اللي خليتها طايحه انت تكون تحت البلف مباشرة و هالشيء يعيق عمل بلف التبخير و على كذا ما استفدنا من تغييره

الافضل انك تطلعه لسلامه المحرك و الطريقه سهله





:

الله يجزاك على هذه الافاده الرائعه

:





و يجزاك خير شاكر لك على مرورك ودعوتك


موضوع ممتاز مزود بالصور

بعض الاحيان نشتغل ويزود مسامير وورد بعد من ننتهى من الشغل
يحتار الواحد ليش زادت :confused: ،،
وينسى وين مكانها :rolleyes:
فمالك حل الا تفتح غطاء الزيت وترميها وسط المحرك :D:D

ههههههههههه دعابه لحد يصدق

المفروض بعد ازاله اللي (الهوز) تحط زيت ليسهل عملية سحبه للأعلى بدون ما تميله لليمين او اليسار
طبعا الجلده بتكون يابسه بسبب الحراره ،، حتى لو أنقطعت الجلده
ليش تجيك ام الركب :p

الشغله بسيطه ،، وفر وجه (قازقيت ) جديد
وفك غطاء البلوف
طلع الجلده اللى طاحت وركب الوجه الجديد والغطاء
وشد المسامير بشكل حرف x ويكون قوة الشد واحده لجميع المسامير
ولا تشد كثير عشان ما تنضغط الجلد وتطلع مع اطراف الغطاء ويسبب تهريب للزيت :good2:

والله ياخوي بدوي جنوبي حنا طلابك و الخطأ وارد مننا نبقى طلاب علم :) , و صحيح مثل ماقلت انت لو اني حطيت عليها زيت كان سهلت المشكله و ممكن ما انكسرت , و المفروض اني سحبتها بشكل عمودي لكني استخدمت معها العنف و حصل اللي حصل ههههه و ام الركب شيء بديهي تخيل تسمع صوت قطعه تسقط وسط مكينه موترك تبدأ تفكر توضب ولا تشتري من التشليح و الحاله الماديه ماااااش و تخرب خططك المستقبليه و تفكر تكنسل السفره في الصيفيه لانك بتشتري بفلوس السفر مكينه و تفكر كم يجيب لك الموتر وهو مخبط هههههههه وسوسه :D:D:D
اما غطاء البلوف لو فكيته بياخذ وقت طويل وصحيح انها ماهي صعبه مع التعلم و القراءة و النت ماخلى شيء خصوصاً مكشات او بعض المواقع الاستراليه لتوفر نفس سياراتنا عندهم خصوصاً اللاندكروزر 6 سلندر منتشر عندهم و فيديواتهم كثيره و استفدت منها الكثير في بعض الامور لكن فكرت بالحل السهل و الحمد لله طلعناها

[بدوي جنوبي]

:no2::no2::no2: يا سقم المعادي
كذا ما راح تتعلم



أذا ما كسرت بوجي داخل الراس
او قطمت صامولة جنط
او بوزت مسمار وزنية الدينمو
او خربت كربريتر :j
لازم لازم تخرب لك حاجه :D:D

[ابوراكان تبوك]

الله يعطيك العافية وجزاك الله خير على التنبيه المهم جدا فأمثالك كنز للمنتدى ولا يهونوا البقية

[ابوراكان تبوك]

جزاك الله خير اخي سقم المعادي لولا الله ثم موضوعك لم انتبه لباقي الجلده قبل فكيتها وحصل معي مثلك تماما وجاري اخراجها

[ناصح]

الله يعطيك العافية لتنبيه إخوانك المسلمين



وبيض الله وجهك

[ابوراكان تبوك]

جزاك الله خير اخي سقم المعادي لولا الله ثم موضوعك لم انتبه لباقي الجلده قبل فكيتها وحصل معي مثلك تماما وجاري اخراجها

انتهيت من اخراجها

وجدت حمايه حوالين الفتحه شبك تحت غطاء البلوف حتى لو طاح مصيره يطلع :good2:




جزاك الله خير اخي

[الصخرة]

بيض الله وجهك على هالمعلومات ....

بس ما قلت لي ما هي فائدة تنظيفها ....؟

[ابومالگ79]

صراحه مووووووضووع مهم جداااااااً
اشكرگ جزيل الشكر