استشاره لاصحاب الهايلكسات دبل و بدون

[saleh-14]

السلام عليكم ,اخواني المكشاتيين طبعا هذا اول موضوع لي بالمنتدى وحبيت استشيركم بموضوع بخصوص شراء سياره اللي هي من نوع هايلكس انا جازم عليه بس محتار بشي واحد آخذ دبل ولا بدون دبل
طبعا اللي بدون دبل عارفه زين بس ابغاء رايكم باللي بدبل لاني قريت عنه مواضيع اللي يقول انه ثقيله واللي يقول مستحيل تسرع به ثقيل بالخط واللي يقول انه مناقز بالحيبل بالخط انا جاي استشيركم واخذ رايكم به من واقع تجربه وهل هي تصلح لي مع العلم اني راعي طلعات بر مهب واجد بالحيل ورجلي حاره على السيارة شوي نبي رايكم
#طبعا السيارة خليجي مهب سعودي لفارق السعر والمواصفات

[أبو الوليد 14]

والله يالغالي ماتسوي عليك تروح للبر بموتر بدون دبل وتغرز به وابلش عاد لو يوم بالسنة
انا اقول الدبل ان كانك تقدر عليه فتوكل على الله
انا اشوف اهم شي
الموتر يجيب 160 ...تكييفه ممتاز ...اعطاله بسيطة ...دبل...مريح في الخط ...صرفية معقولة
الهايلكس الجديدة ممتازة
ولو تجرب لك وحدة ايجار يكون افضل
واهم شي الاستخارة
بالتوفيق

[حبل الوريد]

والله كان معي غماره دفرنس حلوه دخلت بها كل نفود صعافيق والثويرات والدهنا وحومة النقيان والصمان
وكل مكان بغيته ما تقول لا ومرات بالنفود الطلوع الطويله اعديها والدفرنسين لا
الدفرنسين ثقيله بالحيل لا خط ولا نفود لكن تمشي ازين بين السيوف والصياهد بس طلوع طويل ما طني بتعجبك

[خبايا انسان]

بوجهة نظري موتر ممتاز وعملي خذه وتوكل على الله ،، الدبل

[هايلكس مدبله]

والله كان معي غماره دفرنس حلوه دخلت بها كل نفود صعافيق والثويرات والدهنا وحومة النقيان والصمان
وكل مكان بغيته ما تقول لا ومرات بالنفود الطلوع الطويله اعديها والدفرنسين لا
الدفرنسين ثقيله بالحيل لا خط ولا نفود لكن تمشي ازين بين السيوف والصياهد بس طلوع طويل ما طني بتعجبك

يالغالي موترك غماره اذا بتقارنه بدبل ﻻ تقارنه بالغمارتين
قارنه بالغماره الي زيه :D

انا معي دبل غماره وامشي مشي الشاص وﻻكنت محمل ازين وازين قنصت عليها بالربع الخالي ركبت بوالين ومعنا شاص مركب بوالين وامشي ممشاه واتعداه في بعض المطالع والدبل يا اخوك افضل حتى تمشي وانت واثق بعد الله وامن اما بدون دبل تكون ع جلعده وسرعه وتحوسك حوس قلق حتى ﻻ دخلت النفد ما تبعد بها خوفن ﻻ تطيح وتبلش :p

[..mgood..]

اخوي انا معي دبل غمارتين مطابه نفس الدفرنس ويجيب في الخط 180 براحه وذا غرزت مايحتاج ترقيص وتتعب حالك دق الدبل وامش

[مفضخ الشري]

والله وانا اخوك مايبي لها اكيد دبل
اللي بدون دبل صحيح انها تمشي في النفود لكن لازم تلعن مترسها على ادنى شيء
ما تاصل مكانك الا و عزبتك متكسره من المطامر
اما الدبل تمشى بها على كيفك و على الراحه و موتر البر لا تدقق بعزمه دامه يمشي بالنفود
ولا اشتر لك بقيمته الهايلكس جديد جكسار 2005 قير عادي انشط من الهايلكس واريح مركب و ازين مواصفات

[اسبيدر مان]

اذا انت راعي مكاشيت ومالك بتطعيس خذ السياره وانت مغمض
مشكله السيارة عزمه
ممتازه على الخطوط وداخل الديره لكن لما تعشق الدبل ماادري وين يروح العزم لدرجع انك تستخدم الدبل الثقيل في اغلب الاحيان اكثر من الدبل الخفيف

لكن ليه ماتشوف السيرا او السلفرادو غماره ونص او غمارتين اتوقع ابقيمة الهايلوكس راح تجيب لك واحد نظيف

والله يكتب لك الى فيه الخير

[وااضح]

دبل مايبيلها كلام

[مسير عليكم]

من تجربه لي خذ دبل الدبل حتي اريح مركب خصوصن الجديد صراحه يشجع جدا دبل عزمه ممتاز وارتفاعه رايق وانسيابي اكثر من اليابانيه دبل

[جي تي]

من يقول ان الدبل مناقز !!!

جاء معي ثنين دبل واريح من الدفرنس الصدق وبالخط يجيب فصلته

لا تستحقره ترا فيه حقه

[كومبو]

كان معي 2006 7 سنوات بدون دبل بعته وشريت دبل 2013 خليجي
في السرعة واحد يجيب 190 في 33 ثانية والدبل 40 ثانية تقريبًا
بدون دبل أريح / دبل المناقز واضح خاصة في المراتب الخلفية
أريح بالنفود بكثير تتمشى كأنك على الزفلت

[ابونبيل]

خذ العلم مني انا ملكت ولله الحمد ثلاث هليات الاول ٢٠٠٦ بدون دبل كنت احب النصب والبر وما شاء الله كان ممتاز مره لي لان طلعاتي البريه قريبه عقبه شريت ٢٠٠٩ غمارتين ايضاً بدون دبل و طحت بالبران واتعبني وبسبب انه مافيه دبل اضطر اني اسرع بالنفود عشان ما اغرز ومره طبيت مع قص بسبب السرعه لكن الله سلم لولا الله ثم الدعاميه كان رديتر والصدام راحوا فيها
عقبه يعته وخذت دبل ١٣ وقبل ما اشتريها جربت وكشتت مع ٢ معهم دبل وجازلي الموتر مره بالخط اذا هو بحالة الوكالة يجيب الطبلون واموره طيبه بس اذا حملت عليه شد مثلا او كفرات كبار مثل البالون طبيعي يصير حده ١٧٠ او ٠١٦ اذا فيه هوا لكن الحقيقه فرق شاااسع بينه وبين الي بدون دبل الماطور ما استخدمه ادخل واطله والكفرات ٤٠ الحمدلله اذا نسمت فالسبب اني اريح الموتر فقط
بختصار هو الموتر رقم واحد بالنسبه للي للكشات لانه يشيل ٥ ويشيل عفشك بكل اريحية
وسعره بالسعودية هنا رخيص مقارنه بالسعودي الدفرنس يعني تحصل اصفار دبل خليجي بمواصفات الفل السعودي الي بدون دبل بسعر ارخص السعودي يباع ب ٩٤ والدبل البريمي ب ٨٤ واذا تبي نفس مواصفات الدبل السعودي خذ اردنيه ب ٩٣ كمرا وتحكم بالدركسون بعد
اقول لك اذا استعمالك مثل الي قلت لك توكل على الله وادع لي

ملاحظه غالب الي يشرونه ويبيعونه مباشره بسبب كفرات البلد البرجستون تراها سيئه وتظلم الموتر كثير

[فيصل بن مسعود]

الدبل لا يعلى عليه

[عاشق الددسن92]

خذ دبل بحريني شكله ? يعلى عليه وسعرة ارخص من السعودي بواجد

[سقم المعادي 1]

دبل مافيها كلام اي موتر دبل عز لراعيه و تمشى على رواقتك اما راعين الدفرنس شف سواقتهم بالنفود شلون تقل مطرود
وانا اشوف ان الهايلكس عزمه واحد دبل ولا بدون مالاحظت فرق اكشت مع اخوياي اغلبهم هايلكسات فيه دبل وفيه بدون عني انا اميل للدبل اكثر سعره مناسب (الخليجي) + دبل عصا و دفرنس امامي و يشيل خمس ركاب ويشيل عفشك وعفش من يعز عليك خخخ لكن اذا حملت الموتر اكيد بيطيح عزمه زيه زي اي موتر الشاص وهو شاص اذا كان محمل بيفرق عزمه

[محب شبة النار ـــ بريدة ـــ]

السلام عليكم
والله أنصحك تشري هايلوكس دبل وأنا استخدمه ومازلت استخدمه والهايلوكس الدبل هو عشقي
كان معي هايلوكس دبل لكن اخوي احتاج سيارة وعطيته سيارتي وكنت مقرر أشري هايلوكس دبل إلا واحد من زملائي لعب علي ولف مخي وشريت هايلوكس بدون دبل مع أني عشقي للبر المهم شريت هايلوكس بدون دبل ورحت عليه للبر عدت مرات لكن بلشت ولا ارتحت إلى للدبل فرحت وشريت هايلوكس دبل يعني رجعت عليه

فلذلك نصحية خذ هايلوكس دبل

[ابوهايلكس]

انا كنت مثلك محتار بين دفرنس او دبل شفت الاس بعد المشورة والاستخارة يايدون الدبل قررت شريت سعودي دبل من ابو جميل 102 الف بس بصراحه مركب وشيخ ما توقعته كذا كنك راكب جيب ماشاء الله والراي لك

[أنصر نبيك]

ممتاز بس عزمه ضعيف عندي 2014 تماتيك عزمه سيء جداً جداً جداً جداً وأنا رجال راعي مكاشيت وكان عني لاند لكن ضعف عزمه ماشجعني اروح به البر مع ان فيه دبل

[ابونبيل]

تماتيك طبيعي يطلع تعبان بالعزم لان اذا جاز لك بلديره مراح يجوز لك بالبر لانك بتحمله وبيطيح العزم

[أحمد الدهمشي]

دبل ولا تفكر



خذ العلم مني انا ملكت ولله الحمد ثلاث هليات الاول 2006 بدون دبل كنت احب النصب والبر وما شاء الله كان ممتاز مره لي لان طلعاتي البريه قريبه عقبه شريت 2009 غمارتين ايضاً بدون دبل و طحت بالبران واتعبني وبسبب انه مافيه دبل اضطر اني اسرع بالنفود عشان ما اغرز ومره طبيت مع قص بسبب السرعه لكن الله سلم لولا الله ثم الدعاميه كان رديتر والصدام راحوا فيها
عقبه يعته وخذت دبل 13 وقبل ما اشتريها جربت وكشتت مع 2 معهم دبل وجازلي الموتر مره بالخط اذا هو بحالة الوكالة يجيب الطبلون واموره طيبه بس اذا حملت عليه شد مثلا او كفرات كبار مثل البالون طبيعي يصير حده 170 او 016 اذا فيه هوا لكن الحقيقه فرق شاااسع بينه وبين الي بدون دبل الماطور ما استخدمه ادخل واطله والكفرات 40 الحمدلله اذا نسمت فالسبب اني اريح الموتر فقط
بختصار هو الموتر رقم واحد بالنسبه للي للكشات لانه يشيل 5 ويشيل عفشك بكل اريحية
وسعره بالسعودية هنا رخيص مقارنه بالسعودي الدفرنس يعني تحصل اصفار دبل خليجي بمواصفات الفل السعودي الي بدون دبل بسعر ارخص السعودي يباع ب 94 والدبل البريمي ب 84 واذا تبي نفس مواصفات الدبل السعودي خذ اردنيه ب 93 كمرا وتحكم بالدركسون بعد
اقول لك اذا استعمالك مثل الي قلت لك توكل على الله وادع لي

ملاحظه غالب الي يشرونه ويبيعونه مباشره بسبب كفرات البلد البرجستون تراها سيئه وتظلم الموتر كثير

وش افضل الكفرات لو سمحت من خلال تجربتك
وياليت تذكر اكثر من نوع حتى اذا ما لقيت نوع القى الثاني
ويعطيك العافية

[أنصر نبيك]

تماتيك طبيعي يطلع تعبان بالعزم لان اذا جاز لك بلديره مراح يجوز لك بالبر لانك بتحمله وبيطيح العزم

بعته اليوم بناقص 10 آلاف الدراهم تتعوض ولا انكد على نفسي

[أبوهلي2008]

دبل لاتدور غيره بس اهم شيء حرب الموتر يكفيك انك ابغيت النفود باليل عشق الدبل وادخل اذا منتب فاضي تنسم معي هلي 13 دبل كنت اباخذ بدون دبل لاكن استشرت ثمن استخرت وتوكلت على الله

[ابوهايلكس]

ممتاز بس عزمه ضعيف عندي 2014 تماتيك عزمه سيء جداً جداً جداً جداً وأنا رجال راعي مكاشيت وكان عني لاند لكن ضعف عزمه ماشجعني اروح به البر مع ان فيه دبل

الحمد لله اني ما خذيت تماتيك فيه ناس ازعجوووني تماتيك احسن وقوي ومريح مثل الجيب بس سحبت عليهم خذيت قير عايدي هعهع بعض الناس ما ودك تستشيره

[مرابع الربيع]

اخي الله يبارك لك فيه واختيار موفق انا معي 2011 دبل جير عادي..اخي اتماتيك ستة سندر فاشل وضعيف فما بالك 4 سندر ..قير عادي افضل لان الونيت لتحميل انت حملها وجرب القوة بطلوع للاماكن المرتفعة اقصد طرق جبلية يالله تمشي كيف اتماتيك والنحدرات خاصة ان القير غير مزود بتحكم اليدوي ....علما في المجمل السيارة ممتازة ومجربة حتى في الطرق الطويلة لاباس مقبولها بحكم فئتها ...وفقك الله

[ابونبيل]

دبل ولا تفكر




وش افضل الكفرات لو سمحت من خلال تجربتك
وياليت تذكر اكثر من نوع حتى اذا ما لقيت نوع القى الثاني
ويعطيك العافية

الدنلوب ممتازه جدا اذا تبي نفس مقاس الوكاله بالضبط
واذا يهمك الشكل فيه مكسس بريزا ممتاز على جنط الوكالة مقاس 10 على 15 عريض ومرتفع
ورخيص الطقم ب 1680 تقريباً مشيت عليه الى الان اكثر من 25 الف كيلو خلال 6شهور شعبان وعر بالصمان نفود وخطوط والصراحه انه طيب
ونقشته ناعمه رمليه تشبه البالون

[sharrar]

السلام انا عندى 2007 دبل غماره ماشاء الله زى الحلاوه وهو معى حتى الان

[متقاعد ومرتاح]

السلام عليكم ورحمة الله وبركاته
خذدبل معي دبل غمارتين ممتاز أمشي به 180 ولوأزيدالسرعه رايح يزيد. الموديل٢٠١١

[أحمد الدهمشي]

الدنلوب ممتازه جدا اذا تبي نفس مقاس الوكاله بالضبط
واذا يهمك الشكل فيه مكسس بريزا ممتاز على جنط الوكالة مقاس 10 على 15 عريض ومرتفع
ورخيص الطقم ب 1680 تقريباً مشيت عليه الى الان اكثر من 25 الف كيلو خلال 6شهور شعبان وعر بالصمان نفود وخطوط والصراحه انه طيب
ونقشته ناعمه رمليه تشبه البالون

بارك الله فيك يابو نبيل
مشكور وممتن لك.