هل تشغيل المكيف اثناء فترة التمرين تضر الموتر

[عاشق الددسن92]

كما في العنوان ?ني سئلت اللي حولي واحد يقول يضر والثاني يقول ? فلخبطوني وقلت اطرح الموضوع هنا لعلي اجد من يفيدني

[ريان2002]

فيه واحد من أهل جده إسمه حسن كتبي خبير سيارات وله مقاطع يوتيوب كثيره عنها وشفت له مقطع أكد فيه إن مافيه ضرر من تشغيل المكيف أثناء تمرين السياره لكن المهم ماتزيد سرعتك عن 100 كم في الساعه

وهذا واحد من المقاطع فيه طريقة التمرين
http://www.youtube.com/results?search_query=%D8%AA%D9%85%D8%B1%D9%8A%D9%8 6+%D8%A7%D9%84%D8%B3%D9%8A%D8%A7%D8%B1%D9%87+%D8%A 7%D9%84%D8%AC%D8%AF%D9%8A%D8%AF%D9%87+%D8%AD%D8%B3 %D9%86+%D9%83%D8%AA%D8%A8%D9%8A

[sgl2002]

ياخوي الناس يفتون من روسهم


مايضر المكيف مع التمرين

[N.m.a]

ما يضر اذا كان مايجي عالموتر جور

لان الناس فاهمه غلط انك ما تتعدى ال ١٠٠ او ١٢٠ في فترة التمرين
الهدف هو انك تخلي كمبريشن الضغط على اقل قدر تقدر عليه

كان معي اوبتما قير عادي فترة التمرين امشي عليها ١٤٠ والسبب بنمرة ٦ الموتر ضغطه كانه واقف ما شاء الله

[ألشاكي]

ياخووي مايضضضر المطيف
اول السيارات القديمه فعلا ماتتتحمل المكيف

الان تطووورت السيارات ولا عاد فكرت في المكيف شغلته ولا طفيته

[عاشق الددسن92]

الله يعطيكم العافية على التفاعل
للمعلوميه الموتر ددسن وما فية عداد ضغط

[((ابوملاك))]

ركب عداد ضغط لو ماكان بالطبلون عدادات تباع لوحده

لكن لا تخلي الموتر يحن لين ١٦٠٠ كيلو مهو ١٠٠٠

لان ١٠٠٠ ميل تمرين المصنع مهو ١٠٠٠ مثل ما يحسبون الناس برا ما يتعاملون بالكيلو يحسبون حساب الميل

يعني تمرن لين ١٦٠٠ كيلو

[التعـ King ـديل]

انا من خبرت نفسي وانا اطق المكيف بالوكاله ولا بالمعرض ماعمري صبرت امرن الموتر ولا فيه ضرر ولا شي

التمرين تسوق الموتر بركاده بس بطرق مختلفه مره تمشي شوي شوي ومره تدعس بس بالمعقول لحد ماتشيك الموتر عند 1000 كيلو وبعدها تكمل 500 كيلو على نفس المنوال وبعدين خذ راحتك اهم شي الموتر يكون مريح بالنمر ولا تشد عليه واجد

[أطلال نجد]

شغل المكيف على رقم 4 عادي أخوي و الله يجعلها داخلة عليك بالبركة

[MANSOR QATAR]

انت متأكد ان السيارة فيها مكيف .؟؟ والا هوى خارجي



ددسن ومافيها عداد ضغط ..؟؟؟

[ع العمرو]

برد على قلبك ولايهمك كلام الناس المكيف مع اول نقرة السلف من عند الوكالة.

[التعـ King ـديل]

انت متأكد ان السيارة فيها مكيف .؟؟ والا هوى خارجي

ددسن ومافيها عداد ضغط ..؟؟؟



اخوي منصور لا تدقق عندنا بالسعوديه كل شي موجود


ددسن بضغط وبدون مكيف وددسن بمكيف وبدون ضغط ،، تدري عندنا شاص قيمته 113الف استاندر موديل 2014 مافيه الا بس مكيف وبدون عداد ضغط

عادي وسع صدرك

[عاشق الددسن92]

الله يعطيكم العافية وما قصرتو اجل من بكره اشغله ونا مرتاح:heart::heart:




انت متأكد ان السيارة فيها مكيف .؟؟ والا هوى خارجي
ددسن ومافيها عداد ضغط ..؟؟؟

بدون عداد ضغط لانه غماره

[بدوي جنوبي]

كما في العنوان ?ني سئلت اللي حولي واحد يقول يضر والثاني يقول ? فلخبطوني وقلت اطرح الموضوع هنا لعلي اجد من يفيدني

شغل مافى ضرر باذن الله

[وسيع الصدرر]

عن نفسي طلعت الموتر يوم الاثنين من الوكاله يوم الاربعاء طلعت لشمال بالبدايه كنت امشي 80 ومشغل المكيف وعقب نص ساعه مليت وقمت امشي 120 والمكيف شغال والى يومك هذا ماجاه شي بفضل ربي لاتفكر كثير اهم شي لايجيه جور كلامي لايشمل الامريكي الامريكي غثيث ويبيله عنايه خاص

[GMC79]

مشكلتنا العرب اننا لا نقرأ

كل سيارة فيها دفتر تعليمات وبالعربي ومذكور فيه كل شي عن فترة التمرين ونوع البنزين وكمية الزيت ولزوجته وزيت القير ومسافة التغيير..الخ

ومع ذلك الأسئلة لاتنقطع ولا تتوقف عن هذه الامور البدهية

[عاشق الددسن92]

مشكلتنا العرب اننا لا نقرأ

كل سيارة فيها دفتر تعليمات وبالعربي ومذكور فيه كل شي عن فترة التمرين ونوع البنزين وكمية الزيت ولزوجته وزيت القير ومسافة التغيير..الخ

ومع ذلك الأسئلة لاتنقطع ولا تتوقف عن هذه الامور البدهية

ما لقيت في الكتيب شي يخص المكيف

[عاشق الددسن92]

مشكورين على الردود شغلناه ولله الحمد
مع ان فيه ناس ما زالو ينصحوني بعدم تشغيله لاكن زين اني طرحت الموضوع هنا ولا كنت بامشي في هالحر بدون المكيف الله يعطيك العافية

[راعي الرود]

اسمع وانا اخوك شغله و تمتع بحلالك
مطلع موتر جديد عام 1427 دقيت سلفه على طول طقيت المكيف على النص و بعته قبل 5 شهور ماقال اح كل هالمده