المساعد الشخصي الرقمي

مشاهدة النسخة كاملة : المواصفات المطلوبه للخروج للبر


miokly
15/07/2001, 01:58 PM
السلام عليكم ورحمه الله وبركاته:


اسعد الله مساء الجميع رغبت طرح اقترح بحيث يكون هناك لمواصفات السياره التى يقصد بها البر وعن افضل انواعها بدون تحييز ومن حيث العدد واللاوازم التى ينبغى ان تكون من موجودات السياره الضروريه (من المسمارالى الرقعه) وامل ان يكون هناك تجاوب غير متحيز

ولكم اطيب تحياتى:D :D :D
أبو نواف
15/07/2001, 11:22 PM
مساك الله بالخيرات ..

كل واحد عنده رأي في طلعة البر من ناحية السيارة أو الأسلحه أو الأشخاص ،،،

فأنا على حسب خبرتي بالبران أقترح ،،

أنه يكون معك جيب أحسن من الوانيتات ، ويكون عدد الأشخاص أربعه فما فوق ( علشان يكون كل واحد عن دريشه ):) ..

وأن يكون عدد المعدات للصيد ما تكفي أربعه أشخاص ، لأن بعض الناس يقلون أقتصد في البر ، علشان إذا أحتجت لشيء يصير كل شيء متوفر عندك ،،

ومن ناحية الأسلحة فأقترح أنه يكون معك أم صتمه و شوزل و ثمنين و ( فرد ) خشيتاً من قطاع الطرق ...طبعاً وسكين وغيرها من المستزمات ..

وأتمنى أنه ما يكون فيه شيء ناقص ،، والي ناقص يكملونه الشباب إنشاء الله وأي أستفسار.. هاته :p :)

تحياتي
----------------------
abu_nawaf20@hotmail.com
راعي الشاص
16/07/2001, 07:08 AM
وعليكم السلام ورحمة الله وبركاته


حي الله ماوكلي:)

شف يالغالي انت دقيت على الوتر الحساس وماقدر ماتحيز غير الحوض لاتدور بالبر :)


اما من ناحية موجودات السيارة فهي معروفه وماتبي عرف:D

اول شي تصير معك 2 استبنه على شان لاصارشي تصير محتاط
ثاني شي العفريته وجربه قبل لاتصير خربانه
ثالث شي ماطور الهواء =======> اهم شي
رابع شي 2 سير للسيارة
خامس شي عده متكامله
ولاتنسى تقص على المفتاح وتاخذ سبير :D
هواوي
17/07/2001, 11:13 AM
سم الله

انا افضل الاتي

من ناحيه السيارات طبعا اي شي تويوتا وخاصه اللاند كروزر او الشاصفهي الافضل بلا منازع

الاصدقاء يا تكون لوحدك او الي معك ما يمكونون ملولين او رعيان مشاكل وفوضى

السلاح __ الشخصي__ يكون مسدس بلجيكي 13 طلقه او روسي 9ملم 45

الصيد شوزن او خرازه ساكتون ناري الماني

وانا افضل اني اطلع البر لوحدي ودائما اطلع لوحدي يكون قمه الهدوء والحريه المطلقه اروح وقت ما ابي وارجع وقت ما ابي واسوي الى ابي بدون قيد او شرط


لو ما فيها الا وانت ماسك خط الصمان زي الي في الصوره المرفقه وتغني او تسبح باعلى صوتك او تصارخ الين تتعب ولا كان فيه احد في كوكب الارض الا انت قمه المتعه والله شي غير طبيعي
http://www.mekshat.com/pix/upload/images/dsc00040.jpg
نجم سهيل
17/07/2001, 11:35 AM
يعطيكم العافية حبيبات ألبي.

ماخليتو شي يالربع, بس انا اقترح بالنسبة للسلاح ام خمس(BRAWNING) بلجيكي او ياباني 32 انش وخرازة نارية (SUPERBRNO) الجديدة وركب عليها دربيل ياباني للي مايشوفون زين.

بالنسبة للسياره اضافة للي ذكروة الاخوان, يمكن تزويد السيارة ببطارية اضافية مع جهاز تنظيم الشحن والتفريغ للبطاريتين وتركيب كشافات ليلية لزوم الي ناوي يتقنص الغزز.

ظني بعد ان شنطة اسعافات اولية مهمة.

وسلامي للجميع
miokly
17/07/2001, 01:47 PM
راعى الــــــــــــــشاص وانا وابو نواف ونجم سهيل مساكم الله بالخيرات والمسرات والفول واليدامات

الله يسلمكم وش هو له كل الاسلحه يالربع الشوزن تكفى عن الجميع الله الله فى الترخيص وبعدين يالربع وش المسدس اللى انتم طايحين فيه ابو13 طلقه ،،،،،

نجم سهيل انت شكللك فنى كهرباء بس لا تبخل علينا من بعض التمديدات الله يسلمك ونبى نتظر منك المزيد

انا اه يا انا ولله انك توسع الصدر انت وراعى الشاص من غير قصور لابونواف

احترامى لرايكم وش رايكم بصريح العباره
لاصرت بالصمان والقيض حاديك الباترول السفارى ولا الفكس ار يالجماعه
امل ان اجد تعليق على المنتجين الرائعين ولكم اطيب تحياتى
أبو نواف
17/07/2001, 11:23 PM
أيه شباب نسيت شيء ما قلتلكم مهم جداً جداً بالبران وخاصه للي يحبون يصيرون لحالهم أنه يوسع صدورهم : حزرو فزرو وشو الشيء :)

أنا أقولكم : إذا صار معك آيكم 2800 أبو شاشتين آه ياهو رهيب ، وستيشن نقال ثلا وصل

كذا تحلو الطلعه ، إنشاء الله أنك منتب ضايع ولاهوب ضايقن صدرك ....

وفيه الماجلان والقارمن الشائعه أيضاً عند الناس :)

عذراً إذا كاني نسيت شيء ، لأن الأجهزه في حالة تطور في كل شهر :)

تحياتي..
----------------------
للمراسله أو المساجره
abu_nawaf20@hotmail.com
هواوي
18/07/2001, 12:44 AM
ماوكلي اليك بعض المعلومات عن المسدس البلجيكي 13 طلقه

اولا هو مسدس كامل الحجم

رصاصه 9 ملم

قوي جدا جدا

بطيئ السخونه وه\ه من اهم ميزاته

والاهم من هذا كله انه يستوعب 13 رصاصه

ومقبضه يسهل عمليه استخدامه

ونصدقني انه فعال جدا جدا جدا وشكله له هيبه تحس انك ماسك الموت في يدك
نجم سهيل
18/07/2001, 03:20 PM
اخوي ماوكلي, عز اللة صدق خوينا انا ما قال عن المسدس البلجيكي التسعة ملي.

اللي بيصرح حمل سلاح فرد لا يتعداة.

أضافة للمعلومات الممتازة من اخونا انا, مرفق صورة للسلاح, وانتبهوا ترى موجود في السوق مقلد والفارق هو الحلقة في كعب المخزن. المسدس متعارف علية عند بعض اهل السلاح باسم ابو حلقة.

وسلامي لكم جميعاً.
http://www.mekshat.com/pix/upload/images/1254.jpg
فتى البراري
19/07/2001, 05:41 PM
وعليكم السلام ورحمة الله وبركاته..

الشباب ما قصروا ..
وذكروا جميع المواصفات المهمة للسيارات وعدد الصيد..
وبدون تحيز كما اوصيت..
الا اني ارى ان هذه اشياء فرعية مقارنة..
بالرفقة الطيبة ..
حيث انها وان كانت السيارة (عراوي):p
وعدة الصيد (نباط)
الا انه مع الوجيه السفرة ..
تكمل الرحلة بإذن الله..
وهذا يا خوي ..miokly..
بعد خبرة عشرين سنه في الصمان والدهناء..
وبعض مناطق القصيم ..
والدليل..
(عاشق البر..والهيلع);)

أخوك..
نهاش فتى البــــــــ حكيم ـــــــــــراري والقفار..
برق 81
10/05/2010, 01:34 AM
موضوع رائع