يااهل الخبره ~~ هايلكس 2005 ~~

[Abo saad 503]

السلام عليكم ورحمة الله وبركاته يالربع هذي اول مشاركة لي وان شاء الله تكون بداية موفقه ..
يالربع زي ماانتم شايفين ف العنوان انا عندي هايلكس 2005 غمارره وودي اعدل عليه ماادري بعض الناس نصحني قال سقط عليه مكينه ومدري وش المكينه المناسبه !!
وبعضهم قال لاتغير المكينه بس عدل عليها ..
فجيتكم استشيركم ونسئل اهل الخبره ؟
وش المكاين المناسبه ؟؟ وكم اسعارهن ؟ ووين احصلهن ؟؟ ومن يعرف يطبقها صح ؟
بانتظاركم يالذيابه ..

[Abo saad 503]

ياشباب ٢٠ مشاهده ولا رد ؟؟

[جني صغير]

اول شي تشتري ثلاجه هايلكس زي حقت موترك وتركب عليها لهاثات انفنتي وكمبيوتر << هذا تعديل رقم واحد

طبق تعديل رقم واحد وتركب معه بساتم باترول << تعديل الثاني


طبق التعديل الأول والثاني وتركب كام رياضي >> تعديل الثالث


أخوي معدل بالتعديل الأول لان مكينته ما بعد خبطت


اذا مكينتك نظيفه طبق التعديل الأول

[Abo saad 503]

لا اخوي انا مكينتي قد وضبت ..
وياليت الشباب اللي يعرفون للمكاين يفيدوني ..
مشكور اخوي جني صغير ..

[Abo saad 503]

واخوي جني كم سعر الثلاجه و اللاهات الانفنتي و الكمبيوتر وبستم الباترول والكام الرياضي ؟؟
اعذروني تراني غشيم

[ابو فهد...]

فلتر هدرز مراوح
ثلاجه مع لهات
كام وتكمل شغل الهد
وبساتم
وكمبيوتر

[hilux d4d]

اذا تبي تغير المكينة فعليك با 1jz تيربو.

[Abo saad 503]

انا موتري هاللحين فل هوائيات يعني فلتر وهدرز ومراوح ...
لكن اخوي يقولون ال1jz وين بحصلها فيه !! .
ووش فرق اللي بتيربو ولا بدون ؟

[وسيع الصدرر]

خذ الكلام من واحد كل ويكند مراقا وتطعيس الهايلوكس نشيط خلقه كان تبي طرب زود ونشاط زود فك الشخالات وركب فلتر رياضي ودبل مساعديات قدام يعني يسير اربع مساعديات قدام الحكمه من فك الشخلات ان عزم الموتر مايطيح حصوصآ ب2 الفلتر يدخل هوا زياده ويعطي عزم زياده مع اني ماقد ركبت فلتر ولا عندي نيه اركب مكتفي بفك الشخالات موسعه صدري التدبيل يثبت الوجه لو ترقا جدار عادي جدآ < قويه ههههه وكان تبي موترك يعيش معك . بالبر تسكر على الجيوب وتستخدم السياره بالديره والسفر طبيعي جدآ دبل وفك الشخالات فقط واستمتع الترهيم اكبر غلطه وخرابات حلات الهايلوكس بلد اذا بترهم خذلك كسره باترول واذا ملزم على الترهيم ركب مكينه لكزز تلقاه بالتشليح ب8 الالف لاتفكر بغيره اقله اذا خربت كلن يعرف يصلحه انحش عن LS1 والتوجي غير الكزز لايحوشك اسف على الاطاله حبيت افيدك بالي اعرفه موفق

[جي تي]

شف يا طويل العمر التعديل انواع وعلى حسب الرغبه , وكل تعديل له اسمه ومصطلح خاص

مثل الهيد والستروكر وغيره

&1- تبي تعديل خفيف وله فرق على اليابانيه (الهايلوكس من 5 وتحت) :good2:

1/هدرز بحريني كامل واحرص على البحريني لجودة صناعته ومعدنه
2/ انتيك وفلتر المقصود بالانتيك هو ماصورة الفلتر من اللاهات (وابحث عنه بالتفصيل من قوقل)
3/ مراوح سوبارو توخر عنك حنت المكينه وتنشطه شوي
4/ بواجي كامري راسين ممكن ما تلاحظ فرقها لاكن بتتم عملية حرق البنزبن بشكل افضل وسرعها رخيص ممكن ب 10 او ب5 للواحد وانت تحتاج 4

كذا خلصنا من التعديل الخفيف نجي لتعمق الخفيف

&2- التعديل بعمق ويفرق معك اكثر واكثر طبعا مع اتمام التعديل&1 الاول:good2:

1/ تفك راس المكينه وتمسحه نص ملي مع بورتنق (ابحث عن المصطلحات في قوقل)
2/ تشتري ثلاجه من التشليح وتسويلاها بورتنق مع لاهات انفنتي زي ما قالوا الاخوان
3/ وكمبيوتر هالتك 500 (اختياري) والافضل تركبه عشان الكتمه والحساسات

&3- نجي لتعمق بقوه شوي طبعا مع اتمام التعديل &1 &2 الول والثاني :good2:

1/ تفك الكامات وتركب رياضيه وانصح بستريج 3 ممتاز للخطوط والنفود
2/ بلوف
3/ سبرنقات وتتم عملية الفل هد وبيفرق فرق خيالي
4/ كمبيوتر هالتك اجباري عشان الكامات
&4- التعديل الكامل للياباني تقريبا طبعا مع اتمام التعديل &1 &2 &3 واحد وثنين وثلاثه

نجي الان للستروكر ( ابحث عن المصطلحات في قوقل):good2:

1/ تغير بساتمك ببساتم رياضيه ولك حرية الاختيار فيه انواع كثيره وتتفاوت الاسعار مثل بستم الباترول 4500 وفيه الروس وفيه انوع لاكن منب اثكرها الحين
2/ ذراع بستم وله كذالك عدت انواع لاكن منب اعرف فيها كثير

تقريبا كذا خلصنا من تعديل المكانه كامله (استروكر) طبعا فيه اشياء مرادفه في التعديل والخارجه عن المكينه فثل الطرنبه الرياضيه والقير والدفرنس

وفيه مشروع ممتاز جدا تكمل تعديل &2 او &3 مع شاحن الهواء تيربو بيكلف التيربو 4500 ريال نوعه ماليزي مش ولا بد يعني بس اداءه ممتاز

واذا ناوي مكينة عندك افضل شيء ال1uz مكينة اللكزس v8 عندك افضل واحد جربوه اخوياي هو الحبيب في الرياض ورشته حدود التشليح
يكلفك كامل الشغل هدرز فلتر مكيف شغال حدود 20 الف ;)

طبعا الي بيفيدك اكثر مني الكباتن بثل ممدوح الرشيد مختص يابانيات وموجود في عنيزه :good2:

واذا غلطت في شيء فارجوا من الاخوان تصحيحه:)

ومعليش على البربره :D

[Abo saad 503]

جزاكم الله خير يالذيابه ..
صدقت اخوي انا كلمت ممدوح الرشيد وافادني قالي افضل لك عدل علي مكينة البلد اضمن شغل واقل تكلفه