الي عنده خبره باسلق يدخل بسرررررررررررعه؟

[الرايق 1400]

بالخير ياخواني بصراحه ابكون بجيح شوي انا راعي سلق وكان عندي لكنما ما وفقن الله بهن..... الزبده الي بيسويلي معروف يدورلي سلقه اوسلوقي بحيث تكون صغيرة ومشكورين.

على فكره الي عند خبره بأي شيء ينصح سلقه او سلوقي

hernandez389@hotmail.com

[رحال]

ياهلا اخوي (( بو قريش )) وحياك الله عضو في المنتدى
وبالنسبه للسلق انا من محبي قنص الارانب بالسلق .

واذا تبي معلومات عن السلق شوف الرابط وان شاء الله راح يفي بالغرض .

اضغط هنا اذا سمحت (http://www.mekshat.com/vb/showthread.php?s=&threadid=6197)

http://www.mekshat.com/pix/gallary/data/images/RAHAAL22.jpg

[الرايق 1400]

كفيت وفيت يارحااااال بس عندي انتقاد بسيط لأن الصور الي عرضتهم ما يكفي بالنسبه لي لأن ماذكرت انوواع السلق وسامحنا على الأنتقاد وسلام:)

[رحال]

ياهلا اخوي (( بو قريش )) وياهلا فيك مره ثانيه
بالنسبه للأنتقاد خذ راحتك لكن الذنب ماهو ذنبي
لكن بالنسبه لقلة الصور للسلق في المنتدى والله ماني عارف ياخي لي فتره طويله في المنتدى ماشفت من يوسع صدري بصور للسلق لكن الله يجازي اخونا مفتون صيد بكل خير ارسل للمنتدى مجموعه من الصور مع الموضوع اللي ارسلته لك في الرابط .
لكن ان شاء الله راح نشوف الكثير يشترك معنا بمواضيع للسلق وانواعه وانا واثق من المشرفين والاعضاء .

وتقبل تحيات الرحاااااااااااال

http://www.mekshat.com/pix/gallary/data/images/RAHAAL22.jpg

[الرايق 1400]

كيف حالك يارحاااال مشكور على الكلمات الحلوه لكن ابسألك علىعدو السلقه ألي هي الأرنب أخبار صيده طبعا"انا من القصيم وصيد حول المدينه القا باليله وحده , ثنتين وأحيانا" ادور ثلاث ليالي وما اشوفها
ابي معلومات عن مغامراتك بالأرنب الأراضي الي تصيد به وأنت من وين وسلام:what:

[رحال]

مساك الله بالخير اخوي (( بوقريش )) وياهلا فيك يالغالي .

بالنسبه لعدو السلقه كما قلت (( الارنب )):) والله السنه طلعنا والحمد لله توفقنا بصيد حلو وكل واحد من الشباب شاف السلق والسلقه حقته . وبعد مارجعنا اللي احتفظ بالسلق حقه وفيه اللي رماه لأنه شافه على حقيقته ومانفع علشان كذا رماه . وطبعاً مثل ما انت عارف صيد الليل ماهو مثل صيد النهار
صيد النهار يبغاله سلق سنع ماهو اي سلق يصيد ارنب النهار .

وليه تقنص قريب المدينه :confused: :confused: ياخي ابعد اشوي عنها وان شاءالله راح تشوف الخير .

اعطيك معلومات عن الاراضي اللي نقنص فيها (( إما غضا وإما مهرام )) وهذه هي الاراضي اللي نبحث عنها وبعض المرات تجينا اراضي فيها الاثنين غضا ومهرام لكن تعال وشوف الارنب اللي فيها ماشاء الله نمل .
وبالنسبه للمغامرات على قولك بعطيك قصه مع الارنب :
قبل لا نرجع للديره بيوم واحد قام التحدي عندنا على اللي يصيد اخر ارنب قلنا موافقين وقمنا نتقصص من هنا ومن هناك ولا فيه شي والزين في الجو كان مغيم شوي يعني حرارة الجو كانت حلوه بصراحه تعبنا واحنا نمشي من هنا وهناك لكن كل واحد يبغا يصيد اخر ارنب وصلنا لمكان قلنا نبي نرتاح هنا شوي .
وقال واحد من الشباب شكلها مافيها ارنب هذي الاراضي واللي قال انا بنام هنا واللي قال خلاص مانبي ارنب وهذا من التعب طبعاً قلت انا حق خويي وش رايك نروح بالموتر شوي قدام قال يالله وعطينا المكان احداثيه وقلنا للشباب احنا ترانا رايحيين وجايين لكم وان شاء الله راح نصيدها اللي قال لا تتعبون حالكم مافي شي واللي قال مراح تصيدون شي قلنا معليه منها تسليه ومنها نشوف لنا شي .
اخذت السلوقيه حقتي وخويي اخذ السلوقيه بعد حقته ومشينا ومشينا ومن هنا وهناك اشوي قلت حق خويي شكل السالفه مافيها ارنب سبحان الله ماكملت كلامي إلا بذيك الارنب نافجه من تحت ذيك الغضاه بعد مامرينا عليها ويالله هوا وراها والسلقان تناقزت من الموتر لكن هذي الارنب الوحيده اللي شفتها على حقيقتها مشت صح ممشى غير طبيعي والسلقان وراها يبون يوصلون لها ومثلك عارف اذا السلق وصل حق الارنب تبتدي بس تراوغ ويلقطها السلق بسرعه لكن هذي ماعطت السلقان فرصه حتى يوصلون لها وانا وخويي بين دهشه ووناسه .
وبصراحه ماكنت اتوقع ان السلقان راح يوصلون لكن ولله الحمد وصلوا والحمدلله ان عندهم لياغه كافيه ومره سلقة خويي ومره سلقتي في ظهرها ومره ومره وجلسنا وراها حدود عشر دقايق وحنا نطرد والموتر يطير فينا فوق ومره ينزل تحت انعفسنا وانا شفت كثير طرد ارنب نهار لكن مثل هذي الارنب ماشفت جنيه جنيه
المهم اشوي خلاص بدت تراوغ من هنا ومن هنا شوي بتلقطها سلقتي لكن لفت الجهه الثانيه ومالفت إلا سلقة خويي لا قطتها وفرحنا مافكرنا فمين اللي صادها المهم ان صدناها . قلنا الحين نروح نجنن الشباب يوم رحنا لهم وقلنا السالفه اللي تحسف واللي قال مافي فايده راحت علينا .

هذي سالفه من سوالف الارنب للعام الماضي .
وقلتها لك لأني للحين ماشفت مثل ذيك الارنب بسرعتها علشان كذا قلت السالفه .
وتقبل تحيات الرحااااااااااال
ونسيت اقولك انا من اهالي المنطقة الشرقيه ( الدمام والاصل من الاحساء ).

وخذ الرابط هذا لمقناص السنه ويمكن انك شفته وهو موضوعي انا طرحته في المنتدى .

اضغط هنا وشوف (http://www.mekshat.com/vb/showthread.php?s=&threadid=5741)


http://www.mekshat.com/pix/gallary/data/images/RAHAAL22.jpg

[الرايق 1400]

كفو واللة اخوي رحااااال مغامرة جيدة بس مدري والله وين اروح الأيام ذي حتى الأن انا جالس بالديره متحير ابي ارض ملينا الأراضي الي انروحله ومانلقا الا خمس , ست بسبع ليالي ابي ارض جيده وعلى فكره ترا الأرض بالشمال وما أدري وش قصدك اطلع بعيد:eek:

[طعس99]

الله اعلم؟؟؟؟؟؟؟؟؟؟؟

[ابوحمد 2009]

الله يحيك معنا

[رفيق الأمل]

تسلم على موضوعك ياخوي ابو خليفه