<< شراء الاجهزة اللاسلكية واكسسواراتها من امريكا >>

[aljarboa]

بسم الله الرحمن الرحيم

السلام عليكم ورحمة وبركاته

بعد تجربة ناجحة في شراء عدد 4 اجهزة ايكوم 8000 من امريكا

احب ان اعرض لكم خدمة شراء اجهزة اللاسلكي من امريكا

بحيث انها ارخص من هنا لدرجة ان بعض الاجهزة تكون بنصف سعر السوق واصلية

من اهم الامثلة ثلاث اجهزة وهي :

ايكوم 8000 : ب 1400 ريال
ايكوم 2300 : ب1200 ريال
ياسو 2900 : 1400 ريال

الاسعار شاملة الشحن واتعابي

وايضا يمكن شراء الاكسسوارات ولكن بحكم اني لم اشتري اي من الاكسسوارات فما ادري ان كانت ارخص من السوق بمبلغ يستاهل لكن ما يضر السؤال

مع العلم ان بعض الاكسسوارات تكون هنا صناعة صينية او تايوانية وهناك امريكيه او يابانية بس منب متاكد

وفي الاخير بعض النقاط المهمة قبل ما انهي الموضوع

1- سعر صرف العملة : 1 دولار = 3.86 ريال
2- سعر الشحن = 50 ريال لاول كيلو ثم 25 ريال لكل نص كيلو
3- الشحن ياخذ من اسبوعين الى 4 اسابيع
4- الدفع مقدم او على الاقل تكلفة الجهاز والشحن
5- الاجهزة عليها ضمان لكن حصري على امريكا بالامكان شحنها للصيانة لكن قد يكون مكلف
6- الاجهزة قد :

A ) تصادر من قبل الجمارك < وصلت اربع اجهزة وفي اربع بالطريق
B ) تضيع في الشحن او تتضرر
C ) تتاخر في الوصول
D ) الشركة قد ترسل اجهزة غير اللي طالبينها < نادر لكن ممكن

اي شي يصير من هالاربع نقاط انا غير مسؤول لكن راح احاول اللي اقدر عليه بحل المشكلة

للاستفسار 0505800351( الرجاء ان يكون التواصل عن طريق الواتس اب فقط )

[aljarboa]

احب ان اوضح ان الاجهزة اللي بتوصل وهي 3 ياسو 2900 الببع راح يكون لاعلى سعر

الاسعار اللي فوق راح تكون راح للطلبيات الجديدة عند الدفع المقدم

[aljarboa]

تواصلت اليوم مع هيئة الاتصالات واخبرني الموظف بانه الجمارك ما تصادر الاجهزة لكن تطلب استخراج تصريح للجهاز

بشرط ان الجهاز يكون متوافق مع مقاييسهم والموجوده في موقعهم

ولما قلت اني طلبت ودخلت بدون ما يطلبون تصاريح قالي بذي الحالة الجهاز يكون غير مصرح ولا يمكن استخراج تصريح له في المستقبل

ففي حالة انه الجهاز وقف عند الجمارك الزبون لازم يطلع تصريح عشان يستلم الجهاز من الجمارك او في حالة ان الجمارك تطلب تصريح من اللي طالب الجهاز فقط < اللي هو انا

راح احاول اطلع تصريح واتنازل للجهاز للي طالبه

والله يوفقنا وياكم

[محمد الحبابي]

طيب انا ما عندي تصريح كيف اقدر اطلب ؟؟

[aljarboa]

اطلب لك الجهاز واذا وصل راح يكون واحد من اربع حالات :

1- يوصل الجهاز ويمر من الجمارك بدون ما يوقفونه : في هالحالة تستلم جهازك غير مصرح ولا يمكن تصريحه في المستقبل

2- اذا وقف عند الجمارك يطلبون اصدار تصريح للجهاز : في هالحالة تروح لهيئة الاتصالات وتطلع منهم تصريح وتستلم جهازك مصرح

3- يوقف عند الجمارك ويطلبون تصريح مني انا فقط لاني انا اللي طالب الجهاز : في هالحالة اروح انا اطلع تصريح واسوي تنازل لك وفي حالة طلبوا رسوم للتصريح تدفع رسومها انت بعد ما تستلم الجهاز مني

والموظف قال ان التنازل مغلق الان وراح يفتحونه بعد شهر ان شاء الله وفي هالفترة اذا شريت جهاز ثاني ولا هونت ما تبي الجهاز راح ارجع فلوسك اذا بعد الجهاز بعد ما يسمحون للتنازل

4- يتصادر الجهاز بشكل نهائي وزي ما ذكرت انت تتحمل المسؤولية وما اقدر ارجع لك فلوسك

ادري انها شغلة معقدة بس انا ملزم اني احذرك باي شي ممكن يصير وابري ذمتي

واللي ما وده بالشغلة انا ابجيب على جهازين او ثلاثة من فترة الى فترة بس ما راح تكون بالاسعار المذكورة فوق
راح يكون البيع لاعلى سومة

والله يوفقنا وياكم

[قليقلان]

بيض الله وجهك على خدمة اخوانك
حبيت اسألك عن افضل يدوي المسكتتت على قولتهم وكم سعره

[aljarboa]

وجهك ابيض الله يسلمك

ياليت تعطيني اسم الشركة المصنعه ورقم الموديل

[aljarboa]

عرض للايكوم 8000 فقط

ادفع عربون 500 ريال واطلب لك الجهاز

في حالة ان الجمارك صادرته تسترجع فلوسك

السعر النهائي 1600 ريال

[MaLiK1987]

اخوي ايش الشركه اللي تستخدمها بالشحن

عندي شوب اند شيب & وورلد شيب

وش تنصحنا فيه ونجرب حظنا

وشكرا

[قليقلان]

اخوي الجربوع
اذا تقدر تدبر لي icom v82
يدوي وكم سعره

[aljarboa]

اخوي الجربوع
اذا تقدر تدبر لي icom v82
يدوي وكم سعره

للاسف اخوي ما قدرت احصله لك

ما ادري اذا هو منقطع او لا

[MaLiK1987]

اخوي اتمنى ترد علينا وشكرا

[ابوبحه القصيم]

مطلوب ايكوم ٧١٠٠

[aljarboa]

مطلوب ايكوم 7100

اجيبه لك ب 6100

لكن فيه احتمال كبير انه ما يدخل لانه يدعم ال uhf

[الدبلوماسي 2]

اخوي انا ابي جهاز يدوي
ايكوم r1 موجود في اي بي
وامزون اذا تقدر تدخله احسب لي اتعابك وانا صامل
ودراهمي جاهزه واتمنى الرد سريعا

[aljarboa]

حياك الله اخوي
ان كنت تقصد ال ic-r1 فهذا مكتوب انه موقف تصنيعه
اتمنى ترسل الرابط اللي لقيت فيه الجهاز

[ابو كشتة]

ايكوم 8000
ياسو 2900
لايمكن تصريحها لانها غير مطابقة للمواصفات لابد المشتري يكون على بينه

[رويلي]

http://www.m5zn.com/newuploads/2014/04/18/png//21e59345d1ffeeb.png

اخوي بعد التحية

دام انك مجرد وسيط, ولا تستطيع ادخال الاجهزة الا اذا دخلت بالحظ

ما انصحك انك تورط نفسك مع الجمارك ومع الاخوان اللي بالمنتدى

وخصوصا ان اسعارك مشابهة للاسعار اللي هنا

دمت بود

[aljarboa]

http://www.m5zn.com/newuploads/2014/04/18/png//21e59345d1ffeeb.png

اخوي بعد التحية

دام انك مجرد وسيط, ولا تستطيع ادخال الاجهزة الا اذا دخلت بالحظ

ما انصحك انك تورط نفسك مع الجمارك ومع الاخوان اللي بالمنتدى

وخصوصا ان اسعارك مشابهة للاسعار اللي هنا

دمت بود


حياك الله اخوي

بالنسبة للاسعار ال 8000 يباع في السوق على 2000 واكثر وانا اجيبه ب 1400

اما بخصوص مسالة الجمارك فانا محذر ومبري ذمتي ولا يطلب مني احد شي الا واعيد عليه جميع النقاط المذكورة فان شاء شرا
او مثل البعض ما يقرا الموضوع ولما اعيد عليه النقاط يقول اني ما ذكرت هالشي ويهون

واحد الاخوان طلب مني الايكوم 8000 والحمد لله سلمته له قبل كم يوم


ايكوم 8000
ياسو 2900
لايمكن تصريحها لانها غير مطابقة للمواصفات لابد المشتري يكون على بينه

اشكرك على مرورك اخي الكريم

وهل بامكانك افادتنا بالمواصفات الغير مطابقة للنظر ان كان يمكن تصحيحها

[سرمدان]

السلام عليكم

الله يعطيك العافيه يااخي تقدر توفر الجهاز هذا وهل تنصحني فيه شكرآ لجهدك وو قتك ....


Tecsun PL880 Portable Digital PLL Dual Conversion AM/FM, Longwave & Shortwave Radio with SSB (Single Side Band) Reception


رد مع اقتباس إقتباس متعدد لهذه المشاركة الرد السريع على هذه المشاركة

[aljarboa]

حياك الله اخوي سرمدان

اللي اقدر افيدك بالجهاز انه شركة صينية وغير كذا ما اعرف عنه اي شي

اجيبه لك الله يطول بعمرك ب 750

قارن سعره بالسوق والله يوفقنا وياك

[سرمدان]

الله يسعدك واصلني على الخاص او على هذا الرقم بعد اذن الاداره \ 0509799638

دمت في ود

[يوزر نيم]

Tecsun PL880
-----------------------
Frequency Range
FM: 64-108 MHz
SW: 1711-29999 KHz
AM: 520-1710 KHz
LW: 100-519 KHz

[ابووافي]

اخوي والله انا جبت اجهزة icom v82 ولاكن راحت عند المباحث على طول
وحاولت اطلع تصريح من هئية الاتصالات لاكن دوم جدوى ولا فيه امر تصريح الا بواسطه
وحاولت ارجاعها من حيث المصدر ورفض طلبي
ولاكن ممكن تعدي من موظف طيب هذى ممكن واحتمال 5% فقط

[قناص الحوى]

حسبنا الله ونعم الوكيل هلى هالنظام الظالم كل شيئ ممنوع بيع وإستيراد
وش هالحجر والتسلط هذا

[المدفع313]

اخوي صاحب الموضوع السلام عليكم ورحمة الله وبركاته

ممكن اذا سمحت تتواصل معاي على الجوال رقم 0507228758 لاني لااستطيع استخدام خاصية الرسائل الخاصة وشكر

[_AboNaif_]

طيب اخوي الاجهزه اللي تتصادر وش يسوون
يستدعونك ؟
او تقدر تقول خلاص مابيها اتلفوها ؟