وش ازين ممشى في النفود كفرات البالون او الشاهين؟

[مفضخ الشري]

السلام عليكم




مثل ماهو موضح في العنوان بغير كفرات ابيها للنفود اكثر
و الموتر اللي معي عزمه متواضع gxr تماتيك ابي شيء يساعده في الممشى
كفرات البلد الدنلوب 275 ماجازت لي يالله يمشي الموتر وانا منزل القير لـ 1 و منسم له 15 ادنى مطلاع يبرد العزم

و ابي اغير له و محتار بين البالون او الشاهين

و وش المقاس اللي يصلح سواءاً للبالون او الشاهين

[ابو ساره العنقري]

دام العزم متواضع البالون ثقيل لكنه بالجلد يبرد الخاطر

مركبه على باترول الهوا 20 وامشي خطوط بالنفود بدون دبل

لكن عيفني به الرجه

الشاهين ماجربته لكن يفيدونك الاخوان

[مفضخ الشري]

دام العزم متواضع البالون ثقيل لكنه بالجلد يبرد الخاطر

مركبه على باترول الهوا 20 وامشي خطوط بالنفود بدون دبل

لكن عيفني به الرجه

الشاهين ماجربته لكن يفيدونك الاخوان

الله يعطيك العافيه يابوسارة
من ناحيه الرجه ماعندي مشكله معها لانه بيصير طقم ثانوي مع وجود طقم للديره
من تجربتك له تقول ثقيل اجل .. اتوقع ان الشاهين اجل اخف منه لكن ننتظر رأي مجربين الشاهين في النفود
انا سبق و جربت الشاهين لكن ماجربت البالون هل هي افضل من الشاهين او لا

[الفين6]

مافيه افظل من كفرات البالون للنفود
حط هواهن 20 وادعلي
اذا الجنط16ركب بالون مقاس825 واذا مقاس الجنط17 مافيه الا 900

[ابو ساره العنقري]

حياك يابعدي

ترا اقولك ثقيل لان موتري باترول 4500 ونت خابر هاالمكينه ردي عزمها ماهي زي الفتك

الموتر انا مخليه للبر لان معي موتر ثاني
عن نفسي والله اني اعاف المطاليع البعيده بسبب رجته وعدم اتزانه بالطريق ولا صار عليك هوا لعب بموترك لعب بالخط

لكن لاطبيت الجلد والحجره والله انك تنسى عناه يطربك بقوه وتقوم تدور الوعر ههههههه

عموما النوع الي مركبه اسمه بريسا مادري عن الانواع الثانيه

ومتابع لموضوعك

[ذيب سايه]

عفوا ع المداخله ،،


معقوله البالون ممتاز فالحجار والشعبان ، احسه ينشق بسرعه ولين ولايصلح الا للبر ؟؟

[راعي الرود]

وعليكم السلام
اذا موترك من الشكل القديم انا معي نفسه وتماتيك بعد و مركب طقم دانلوب نقشه شاهين مقاس 245/85/16 على جنط هلل 16
هذي صورة للطقم راكب:
http://www.mekshat.com/pix/upload05/images253/mk31073_11111.jpg

الكفرات فرقت معي بالنفود فرق ملحوظ لكن لاتحسب انه بيطلع ستروكر الموتر ترا الجكسار بشكل عام لا تماتيك ولا عادي عزمه الله بالخير لكنه يوديك وين ماتبي بالنفود اهم شيء المسايس و اختيار الدرب الزين
كفرات الدانلوب ثقيله بالنفود على السته سلندر وفيها عيب اذا مشيت مع جواد السيارات في النفود يبتل يلعب بك الموتر و تسحبك الجاده يمين يسار بينخض مخك منها عكس الشاهين يشق دربه لكنها تعجبك في الشعبان و الحجره مايردها شيء وعمرها طووووووووووويل تجلس 4 سنين زي الحلاوه اعني الدانلوب البلد
الشاهين يبي لك تحاسب من الشوك و القشع حاول ما تاطاهن جنبه ضعيف نوعاً ما مع العلم اني طبيت به اماكن وعره و لا خالف معي لكن معروف ان جنب الشاهين ضعيف لذلك اذا دخلت مكان وعر يفضل تحط به 40 هواء عشان جنبه ينتهض ولا يصير فارش و يلقط الشوك

بالنسبه للبالون ماركبته عشان افيدك هل هو خفيف او ثقيل في النفود , البوالين عيبها المعروف الرجه مافيه احد ما يشتكي من الرجه ترصص ولا ماترصص
ميزه البالون في الحجره و الردميات الطويله اللي تصير مليانه بطانيج نسم له شوي بس و ادعس لو تبي 200 ماتحس بشيء ممكن النقطه هذي تخليك تقبل بسلبيات البالون

و الحذر من الانزلاق ترا الشاهين والبالون وقت المطر خطره لازم تراعي الشيء هذا

[الكدن1]

حياك الله
اقدر افيدك عن البالون
تضعف عزم السيارة وخاصة في طلوع النفود (يعني طلوع طويل) اما الذي يسايس المطالع فلا مشكلة
في الاسفلت يراوغ اذا كان الكفر نصف عمر وتحت ماعدا السيام تاير الذي انقطع من 3 سنوات
عمره قليل 6 شهور لراعي المقانيص
مميزاته:
انس قولت غرزت اوثولث الموتر
يتحمل السرعات العالية لكن لابد يكون الهواء 35 او 40 في الصيف
يخفف المطبات بنسبة عالية
لا يتأثر بالتنسيم في النفود 10 يمشي ولا يفصخ الكفر
حل الرجة تدبيل مساعد الدركسون بالاضافة التشييك على الفلنجات في الدفرنس الامامي واحيانا يكفي تشيل الوردات وفيه موضوع بالمنتدى عن هذه المشكلة وحلها بالصور
فيه نوع خفيف على السيارة ممتاز في الرمل (سموتومو) لكنه لايتحمل الاحجار
ملاحظة/تجربتي على فتك فقط

[مجالس الرجال]

لا تقرب البالون اذا مقصدك نفود البالون للوعر والحجرة والحصيان لأن نقشته ناعمه ماتصلح للنفود وثقيل بالحيل اعطيك تجربة تبين لك ثقله على الموتر كان معي اف جي وعليه بالون 900 واخوي معه اف جي شد بلد تقاومت انا واياه لمعرفة مدى ثقل البالون بدون مبالغة يطوف علي بالقومة بفارق كبير ثم يهدي حتى اصير بجنبه وانا حاط رجلي ثم يدوس مره ثانية ويطوف علي لكن بالسرعات العالية بحكم ان الكفر كبير اتقدم عليه لان دورة الكفر اكبر من كفر شد البلد ولعلم الجميع البالون اعلى سرعة له هي 140 حرف N

[abo naser 1]

من تجربة جميع الانواع من دعسة الشاهين

ما رائيت اجود من الهنكوك في جميع الظروف وخفيف على الموتر وبالنفد يتندح بس احط الهواء 10 مايلحق
الوحيد الي يجي 8 غاط والباقي جميعها 6
المقاس 245/85/16

[abo naser 1]

حياك يابعدي

ترا اقولك ثقيل لان موتري باترول 4500 ونت خابر هاالمكينه ردي عزمها ماهي زي الفتك


غير صحيح عزمها ردي

[ابن عكاش]

البالون في النفود لك عليه ثقيل شوي لازم تنسم لكن في الوعر والبطناج ممتاز وفي الزفلت وسط
الدنلوب نقشة شاهين 245/16/85 ممتازه للنفود وإذا نسمت يفرق معك واجد واحياناً ما تحتاج تنسيم يعني بشكل عام للنفود اشوف انها افضل شي

[((ابوملاك))]

انا مجرب هذا وهذا

على شاص

البالون صراحه غثيت ولا هو هاك الممشى بالنفود الشاهين عمدي وافضل ويفرش على طول

مهو زي البالون تنسم ويبقى واقف

[سقم المعادي 1]

باختصار للنفود غير الشاهين مافيه افضل
البالون ماينفع الا لراعين الحره و المناطق ذيك
و افضل شيء بالشاهين الهانكوك لكن يعيبه صوت الصريخ بالزفلت لازم تحط به 40

[مفضخ الشري]

مافيه افظل من كفرات البالون للنفود
حط هواهن 20 وادعلي
اذا الجنط16ركب بالون مقاس825 واذا مقاس الجنط17 مافيه الا 900





كم غاط يجي مقاس 825 هل يجي 8 ولا فقط 6

[مفضخ الشري]

حياك يابعدي

ترا اقولك ثقيل لان موتري باترول 4500 ونت خابر هاالمكينه ردي عزمها ماهي زي الفتك

الموتر انا مخليه للبر لان معي موتر ثاني
عن نفسي والله اني اعاف المطاليع البعيده بسبب رجته وعدم اتزانه بالطريق ولا صار عليك هوا لعب بموترك لعب بالخط

لكن لاطبيت الجلد والحجره والله انك تنسى عناه يطربك بقوه وتقوم تدور الوعر ههههههه

عموما النوع الي مركبه اسمه بريسا مادري عن الانواع الثانيه

ومتابع لموضوعك


الله يحيييييك يابوسارة شاكر لك افدتني بالشيء الكثير

[مفضخ الشري]

عفوا ع المداخله ،،


معقوله البالون ممتاز فالحجار والشعبان ، احسه ينشق بسرعه ولين ولايصلح الا للبر ؟؟

يفيدونك الشباب اكثر بالبالون


وعليكم السلام
اذا موترك من الشكل القديم انا معي نفسه وتماتيك بعد و مركب طقم دانلوب نقشه شاهين مقاس 245/85/16 على جنط هلل 16
هذي صورة للطقم راكب:
http://www.mekshat.com/pix/upload05/images253/mk31073_11111.jpg

الكفرات فرقت معي بالنفود فرق ملحوظ لكن لاتحسب انه بيطلع ستروكر الموتر ترا الجكسار بشكل عام لا تماتيك ولا عادي عزمه الله بالخير لكنه يوديك وين ماتبي بالنفود اهم شيء المسايس و اختيار الدرب الزين
كفرات الدانلوب ثقيله بالنفود على السته سلندر وفيها عيب اذا مشيت مع جواد السيارات في النفود يبتل يلعب بك الموتر و تسحبك الجاده يمين يسار بينخض مخك منها عكس الشاهين يشق دربه لكنها تعجبك في الشعبان و الحجره مايردها شيء وعمرها طووووووووووويل تجلس 4 سنين زي الحلاوه اعني الدانلوب البلد
الشاهين يبي لك تحاسب من الشوك و القشع حاول ما تاطاهن جنبه ضعيف نوعاً ما مع العلم اني طبيت به اماكن وعره و لا خالف معي لكن معروف ان جنب الشاهين ضعيف لذلك اذا دخلت مكان وعر يفضل تحط به 40 هواء عشان جنبه ينتهض ولا يصير فارش و يلقط الشوك

بالنسبه للبالون ماركبته عشان افيدك هل هو خفيف او ثقيل في النفود , البوالين عيبها المعروف الرجه مافيه احد ما يشتكي من الرجه ترصص ولا ماترصص
ميزه البالون في الحجره و الردميات الطويله اللي تصير مليانه بطانيج نسم له شوي بس و ادعس لو تبي 200 ماتحس بشيء ممكن النقطه هذي تخليك تقبل بسلبيات البالون

و الحذر من الانزلاق ترا الشاهين والبالون وقت المطر خطره لازم تراعي الشيء هذا

الله يعطيك العافيه رد كافي و وافي ماقصرت والله يبارك لك في حلالك

[مفضخ الشري]

حياك الله
اقدر افيدك عن البالون
تضعف عزم السيارة وخاصة في طلوع النفود (يعني طلوع طويل) اما الذي يسايس المطالع فلا مشكلة
في الاسفلت يراوغ اذا كان الكفر نصف عمر وتحت ماعدا السيام تاير الذي انقطع من 3 سنوات
عمره قليل 6 شهور لراعي المقانيص
مميزاته:
انس قولت غرزت اوثولث الموتر
يتحمل السرعات العالية لكن لابد يكون الهواء 35 او 40 في الصيف
يخفف المطبات بنسبة عالية
لا يتأثر بالتنسيم في النفود 10 يمشي ولا يفصخ الكفر
حل الرجة تدبيل مساعد الدركسون بالاضافة التشييك على الفلنجات في الدفرنس الامامي واحيانا يكفي تشيل الوردات وفيه موضوع بالمنتدى عن هذه المشكلة وحلها بالصور
فيه نوع خفيف على السيارة ممتاز في الرمل (سموتومو) لكنه لايتحمل الاحجار
ملاحظة/تجربتي على فتك فقط

الله يعطيك العافيه ردك شافي و كافي و وافي عن البالون و اتضح لي من كلامك انها ثقيله يعني ماتصلح لي دامك مجربها على فتك الله يبارك لك في حلالك


لا تقرب البالون اذا مقصدك نفود البالون للوعر والحجرة والحصيان لأن نقشته ناعمه ماتصلح للنفود وثقيل بالحيل اعطيك تجربة تبين لك ثقله على الموتر كان معي اف جي وعليه بالون 900 واخوي معه اف جي شد بلد تقاومت انا واياه لمعرفة مدى ثقل البالون بدون مبالغة يطوف علي بالقومة بفارق كبير ثم يهدي حتى اصير بجنبه وانا حاط رجلي ثم يدوس مره ثانية ويطوف علي لكن بالسرعات العالية بحكم ان الكفر كبير اتقدم عليه لان دورة الكفر اكبر من كفر شد البلد ولعلم الجميع البالون اعلى سرعة له هي 140 حرف N

الله يعطيك العافيه بمعنى كلامك انه ثقيل اجل نفس كلام الاغلبيه ماقصرت بارك الله لك في مالك وحلالك



من تجربة جميع الانواع من دعسة الشاهين

ما رائيت اجود من الهنكوك في جميع الظروف وخفيف على الموتر وبالنفد يتندح بس احط الهواء 10 مايلحق
الوحيد الي يجي 8 غاط والباقي جميعها 6
المقاس 245/85/16




بارك الله فيك لكن عشره مايفصخ اذا كسرت بشكل مفاجئ ؟

[مفضخ الشري]

البالون في النفود لك عليه ثقيل شوي لازم تنسم لكن في الوعر والبطناج ممتاز وفي الزفلت وسط
الدنلوب نقشة شاهين 245/16/85 ممتازه للنفود وإذا نسمت يفرق معك واجد واحياناً ما تحتاج تنسيم يعني بشكل عام للنفود اشوف انها افضل شي

الله يعطيك العافيه مثل رأي الاغلبيه يقولون ثقيل و الشاهين افضل منه بالنفد
ماقصرت و بارك الله فيك


انا مجرب هذا وهذا

على شاص

البالون صراحه غثيت ولا هو هاك الممشى بالنفود الشاهين عمدي وافضل ويفرش على طول

مهو زي البالون تنسم ويبقى واقف

الله يعطيك العافيه بارك الله لك في حلالك و مالك دامك جربتهن جميع فأنت اللي جبت العلم الوكاد ولا يهونون الاخوان جزاك الله خير


باختصار للنفود غير الشاهين مافيه افضل
البالون ماينفع الا لراعين الحره و المناطق ذيك
و افضل شيء بالشاهين الهانكوك لكن يعيبه صوت الصريخ بالزفلت لازم تحط به 40

الله يعطيك العافيه ماقصرت ردك مختصر و واضح

[abo naser 1]

بارك الله فيك لكن عشره مايفصخ اذا كسرت بشكل مفاجئ ؟

ابد ولله الحمد ما يفصخ كنك راكب يخت ماشاء الله

[أبوغيث 2003]

عن تجربه الشاهين افضل من البالون بالنفود

البالون ممتاز بالجلد والشعبان

[ماء نوفا]

اخوي كفراتك الحاليه افضل شئ للنفود لانه عريض البالون والشاهين للجلد

[قطب 999]

شيك على المكينه يمكن البواجي تعبانه ولا يبين الا وقت التغاريز خذلك NGK

[بومالك]

فيه نقطه سلبيه في البالون ماذكره الاخوان الا وهيا عمره عمر ذباب وأنتم بكرامه 10.000كيلو وهن ملس خاصة الي ورى

عن تجربه ماكسس 825 وغثيث بطلعات الطعوس وغيره زي ماذكرو الاخوان مميزات وعيوب

فيه كفر اشوف عليه طلب وهو ماكسس نقشه شياهين تيلندي وسعره معقول 430

[مفضخ الشري]

عن تجربه الشاهين افضل من البالون بالنفود

البالون ممتاز بالجلد والشعبان

الله يعطيك العافيه دامك مجربهن كلهن ناخذ بنصيحتك انت والاخوان اللي يشورون بالشاهين


اخوي كفراتك الحاليه افضل شئ للنفود لانه عريض البالون والشاهين للجلد

بالعكس كل ماصار الكفر اسخف افضل و أخف على الموتر لكن اقل رساوة لأن العريض يجهد ويبي له موتر نشيط في النفود


شيك على المكينه يمكن البواجي تعبانه ولا يبين الا وقت التغاريز خذلك NGK

توني مغير له مكينه 2009 نظيفه بالحيل بس التماتيك ضعيف على وزن الجيب و 6 سرندل

[الفين6]

كم غاط يجي مقاس 825 هل يجي 8 ولا فقط 6

يجي 8 غاط ماكسز ابو جمل او برسّا صناعه فيتنام

تراني مجرّب واقضب علمي ومسّه وانا بلادي نفود وحرّه وجلد
وأسأل الله ان يكتب لنا ولك الاصلح

[ابوصالح77]

من واقع تجربتي المتواضعة مع البوالين والشاهين والمضلع
أنصحك بالمضلع زين بالنفود إذا نسمت له ١٥
ويكد مكدة
بالتوفيق

[مفضخ الشري]

يجي 8 غاط ماكسز ابو جمل او برسّا صناعه فيتنام

تراني مجرّب واقضب علمي ومسّه وانا بلادي نفود وحرّه وجلد
وأسأل الله ان يكتب لنا ولك الاصلح

البالون مانختلف عليه كفر المهمات الصعبه بس خوفك يصير ثقيل و الموتر ثقيل بليا



من واقع تجربتي المتواضعة مع البوالين والشاهين والمضلع
أنصحك بالمضلع زين بالنفود إذا نسمت له ١٥
ويكد مكدة
بالتوفيق



لي تجربه مع الحجري كانت فاشله بجميع المقاييس على 15 يفصخ بالنفود

[الدبل الثقيل]

وعليكم السلام ورحمة الله وبركاته
نصيحتي لك يا أخ مفضخ الشري لاتشتري شيء الان ولاتغير؛ الصيف على الابواب
بعد الاستشارة والاستخارة؛ اشتري في نهاية شهر تسعه ميلادي

[باترول مغرز]

طقلك طقم بوالين والحل ل الرجه مساعد اضافي للدركسون معي سوبر سفاري 2013 مركبها عليه ومركب مساعد ل الدركسون والحمد لله خط طعوس كلاها 20 ولو صارت الرمله ناعمه 15 الى11
ونحم الله ونشكره

[مفضخ الشري]

وعليكم السلام ورحمة الله وبركاته
نصيحتي لك يا أخ مفضخ الشري لاتشتري شيء الان ولاتغير؛ الصيف على الابواب
بعد الاستشارة والاستخارة؛ اشتري في نهاية شهر تسعه ميلادي

صحيح صدقت اظن لو اشتريها بشهر 9 على دخله سهيل افضل لأني ما اكشت بالصيف نصيحتك على الراس و العين تشكر عليها :good:

[مفضخ الشري]

طقلك طقم بوالين والحل ل الرجه مساعد اضافي للدركسون معي سوبر سفاري 2013 مركبها عليه ومركب مساعد ل الدركسون والحمد لله خط طعوس كلاها 20 ولو صارت الرمله ناعمه 15 الى11
ونحم الله ونشكره

اللاندكروزر مافيه مساعد دركسون مع الاسف

ملاحظه : متأكد سوبر سفاري 2013 اخبره منقطع ؟؟؟؟؟؟؟؟

[بن مانع التميمي]

البوالين زينه للاماكن المحفره والتمشي بس

لكن طلوع ؟ دمار شوي


ركب له حجري يقضب النفود قضب

والجيب فك شخلاته وحاول تحسن عزمه بأشياء بسيطة