افضل طريقة لحماية الأنوار و الصدام

[وقيان]

اخوووووووووووواني ماهي افضل طريقة لحماية انوار اللاند مع الصدام بدون ماتحط غطــاء بلاستك او ماشابه...

واحد نصحني احط تضليلة شفافة على الأنور وعلى الصدام.. و اغيرها كل فترة.... بصراحة فكرة حلوة لكن هل هي عملية... و اذا فيه اقتراحات أخرى ياليت نشوفها...

لأن بصراحة الوجيه تخرب شكل الموتر...نبي شي خفيف وعملي...

بانتظار ردودكم..

[الفردوس]

يقولون شركة زيبر تحط مادة على الوجه للحماية بس ما جربتها

[almobd3]

احسن شي انك تروح لمحل تلميع وتخليه يشمع السيارة...

[لهيب الشوق]

احسن شي انك تروح لمحل تلميع وتخليه يشمع السيارة...



حبذا التوضيح لتعم الفائدة على الجميع

[البيـرق]

فيه عند زيبارت يحطون على وجه السيارة مثل التظليل الاصق بس عريض شوي وشفاف

ضد الخدش مثل الي يحطونه على شاشات جوال الايميت والقارمن..........

وكان معي لاندكروزر قلت له بكم تسوونه لسيارتي قال ب600ريال..........

[الشامخ الشمالي]

أخوي فيه طريقه سهله ورخيصه جداً التجليد الشفاف

حق الكتب مجرب على الأنوار وفعال ضد الترميل

[فتى الدهناء]

فيه سؤال :

- لو فكر الواحد بالتجليد الشفاف سواء عند زيبارت أو هو زينها من نفسه .. هل لها أضرار ؟

يعني هل تؤثر حرارة السيارة والشمس على هذه المادة البلاستيكية ..وتؤثر لاحقا على وجه السيارة والبويه واللمعة ؟!

وهل عليها ضمان لو حطيتها عند زيبارت ؟

[ابوعزيزm]

بالنسبة للأنوار فيه بلاستك شفاف تباع عند محلات الزينة

أما البودي سألت ميجويز يقولووون فيه شحم أبيض يوضع على البودي ويرووح مع الغسيل بسرعة

[وقيان]

فيه عند زيبارت يحطون على وجه السيارة مثل التظليل الاصق بس عريض شوي وشفاف

ضد الخدش مثل الي يحطونه على شاشات جوال الايميت والقارمن..........

وكان معي لاندكروزر قلت له بكم تسوونه لسيارتي قال ب600ريال..........

بصراحة غالي ب 600... ماحد يخبر لنا نفس هالطريقة لكن ارخص شوي...

[دبوس]

السلام عليكم
اخواني اذا كانت السياره واجهتها غاليه
يعني اذا لا سمح الله جاها ترميل نشوف كم
قيمه الانوار والصدام ... اذا والله غاليه احط التظليل ولا اقول غالي:no2: ... ما دام المحلات تظمن هذا الشئ ...
انا بصراحه ماجربت ولاكن فيه محل مشهور ما اعرف اسمه المهم
هو بنهاية شارع الستين بالملز بعد جسر الخليج..
عندهم هذا التظليل مع الضمااااان واهم شي الضمان..(الله لايحيجك له)..
قارن السعر والتلفيات لو حصلت وانت تقدر تحكم:rolleyes:

والله يدلك لما هو خير لك...احترااامي.

[GL2006]

حبذا التوضيح لتعم الفائدة على الجميعيعني محلات التلمي يحطون طبقة شمعية على السيارة تلخي السيارة تلمع وتكون طبقة عازلة للتراب... وعوامل التعرية

[قــنّــاص]

السلام عليكم
اخواني اذا كانت السياره واجهتها غاليه
يعني اذا لا سمح الله جاها ترميل نشوف كم
قيمه الانوار والصدام ... اذا والله غاليه احط التظليل ولا اقول غالي:no2: ... ما دام المحلات تظمن هذا الشئ ...
انا بصراحه ماجربت ولاكن فيه محل مشهور ما اعرف اسمه المهم
هو بنهاية شارع الستين بالملز بعد جسر الخليج..
عندهم هذا التظليل مع الضمااااان واهم شي الضمان..(الله لايحيجك له)..
قارن السعر والتلفيات لو حصلت وانت تقدر تحكم:rolleyes:

والله يدلك لما هو خير لك...احترااامي.
اسم الشركة Llumar

[capricorn99]

السلام عليكم

انا جربت تظليل زيبارت. وهو مثل ما قال الاخوان على الكبوت-اللمبات بس!

ما في لا صدام ولا وجه ولا غيره والسبب ان هذي الاجزاء بلاستيك او فيبر. لكن على التركيب والقطع ضمان سنة.

في رأيي الموضوع يستاهل ولا تخاف من ترميل ولا غيره.

[باب هداج]

شف ياخوي من ناحية الشمعات في الغرابي يبيعون غطيان انوار الي يجي لونها اسود انكانك قد شفتها الي طاحو فيها الشباب من فتره

ياطويل العمر يجي منها شفاااااف تنحط على الشمعات

[لهيب الشوق]

شكرا للجميع

[باثفندر]

اخوي الرومانسي انا عندي باث 2004 من يوم طلعته من الوكالة حطيت حق زيبارت التظليل الشفاف متين وقوي ولا يتكسر إلى يومك لاتغير لونه ولا صفر ولا تغير منه شي زي الحلاوة وهو صحيح ما يحطون إلا على الانوار لانه الظاهر انه يخرب البدي على العموم خذو على 250 ريال والضمان سنه .

[تيتشر]

مسألة التجليد الشفاف حق الكتب ما اعتقد انه بينفع لانه ما يستحمل حرارة السياره
فيه شركه حقة تظليل ,, ركبت تظليليه بسيارتي يوم شريتها من فورد بس والله غاليه ب 2500 بس عليها ضمانات وفيها ميزات كثيره بنزلها بموضوع متكامل انشالله قريبا
وعندهم شي مثل التجليده يحطونه بوجه السياره ينفع للخطوط
موقعهم لما تكون بشاررع الستين بالملز ويكون وجهك شمال تمشي لين تجيك الاشاره اللي عند كوبري الخليج تروح مع الاشاره على طول يعني من تحت الكوبري تلاقي المحل على يسار Umar مو متأكد من الاسم لكن موضوعي قريب انشالله
تحياتي

[هويدي]

مشكور اخي على طرحك المميز

ونشكر مداخلات وآراء الاعضاء


وبالنسبه للطبقه اللي عند زيبارت والتلميع الساطع فيه محل على طريق خريص قبل المعارض

اسمه الليزر يلمع تلميع صح ويحط الطبقه الشفافه على البدي كامل وسعر معقول مقارنه بالمحلات الثانيه

واللي يعرفله معرض او شريطي يدخل الموتر عن طريقهم لهم خصم خاص

[وقيان]

مشكوووورين جميعآ على مداخلاتكم... و ماقصرتوا

[ابو خطاب]

ماتلاحظون ان الاسعار مرتفعة شوي فجميع الخيارت تتراوح مابين 250 الى 600 وقد لا يشمل ذلك حماية النيكل والصدامات من الاحتكاك والترميل !!! وبالنهاية الضمان او العمر الافتراضي لا يتجاوز سنه !!!!!

طيب وش رايكم بماده شمعية عديمة اللون وحتى يمكن وضعها على الزجاج الامامي للسيارة وهي بعلبة بلاستيكية برتقالية ومعها سفنجه للتوزيع على البدي ويمكن استخدام رشاش ماء يدوي للتوزيع وقيمتها لا تتجاوز 25 خمسة وعشرون ريالا فقط لا غير ... ويمكن ازالتها باالموية .. وسبق تجربتها لعدد 4 سيارات مرورا بالرمال المتحركة لطريق حرض ثم طرف الربع الخالي وصولا الى صلالة .
تجدونها لدى العليان لزينة السيارات وله عدة فروع في الرياض .

[باثفندر]

اخوي ابوخطاب اهم شي في الوحهية الانوار وهي اغلى شي اما الوجهية تصبغها وتتعالج بالتلميع والانوار المرملة مزعجة .

[ابو خطاب]

وانت صادق اخوي باثفندر.. ولا يهونون الاخوان .. المادة الشمعية المذكورة تصلح للبدي والانوار والشبك والصدام.
وحتى الزجاج الامامي شرط توزيعها بكميات متساويةعلى الزجاج .

[بعيد الهقاوي!]

عفاكم الله

[راشد الحربي]

الله يعين .. على التصاليح ..