أرجو من لديه معلومات عن جيب الربع 2014

[ابوطارق]

السلام عليكم
ناوي ان شاء الله أشتري جيب ربع ايهم أفضل الخليجي او السعودي معلوماتي صفر عن الربع أرجو من لديه معلومات عن الربع يفيدني ولكم تحياتي

[عادل adil]

خذ الخليجي اكسسواراته ممتازه وشكله وذف من داخل اما السعودي مخييس .والبريمي اللي هو الخليجي له جركل وقاعده ورا اما السعودي لااا

[مفضخ الشري]

الأفضل البريمي
السعودي محد ياخذه شين لكن ميزته سعره ارخص من البريمي لذلك تشوف بعض النصابين يشتري سعودي و يقلبه بريمي ويتكسب فيه

و ان كانك تبي الشور و عارف اني بشطح بك لأنك تنشد عن مواصفات ولا شاورت احد لكن موتر بـ 130 الف لا فيه ثلاجه و مكيفه نفس مكيف الكراسيدا ولا ياخذ عفش ولا ياخذ اخوياء و سست و حتى عداد ضغط مافيه و تانكي واحد و قلبته ماتبي شيء ابد و سمعه الموتر شينه خصوصاً من تالي موتر مراهقين بحت .. لو تصرف النظر عنه و السوق مليان بدائل اوجه و افضل مركب

[اتجاه السحاب]

سعرة غالي ولافيه مميزات ابد وقلبته سريعة
والبدائل موجودة ولله الحمد..

[صدى الاطلال]

للاسف مكينته ضعيفة كعزم

[قاعس]

عليك بربع الفتك نشاط وامان وسمعتن طيبة وإذا خذت صالون الصلاة خير من النوم

[( شميريخ )]

عليك بربع الفتك وارد اليابان :good2:

[ابو فهد...]

الخليجي احسن ولا بفرق جركل ورى وسلم وديكوراته احسن

[منتدى مكشات1]

مثل ماقالوا الشباب الربع الخليجي افضل بكل شي من ناحيه الديكور والخارجي وحتى بالبيع

[ابونبيل]

بريمي السعودي يجي رفارف شكله ماش

[سحب ممطرة]

يمدحون الخليجي وانا اشوف حتى السعودي زين ورخيص

بس ترى الربع مطبه اقشر اذا ديارك حرات عز الله بيتعبك ام بالنفوذ زين

[جديعان]

خذ بررريمي اكسسوارات وثلاجه تبريد والدفعه الثانيه ٢٠١٤ فيه شاااشه ومدلعينه من الداخليه وكمره خلفيه وموتر يهقويك وين ماتبي والمكينه اشوفها فوق الممتاز وسعره بدوون ونش ١١٠ او ١١٤ حولها حوليهااا واذا انت رجال راااكد انا استخدمه لي سنتين والله موووتر للبر مااابعده متتتتعه

[dhoomi]

بما اني مجرب الربع ومعلوماتك صفر عنه راح اقول كل اللي عندي مدعم بالصور...والله يعينك على القرائه

اذا بتخليه سيارتك الأساسيه ف مانصحك لازم يكون سياره ثانويه لانه مايصلح للمشاوير .. موتر قاسي ..
ومايصلح إلا للبر
واذا تقول والله انا شباب واتحمل ومايضر .. هذا شي ثاني وادعوك للتجربته قبل شراااااءه لان سعره مهوب هين ...


بالنسبه للخليجي والسعودي .. المرغوب والأفضل عند الناس هو الخليجي تحديداً البريمي
السبب : جمال الخط حقه واكسسواراته ودايم ينزل ميزات حصريه قبل الكل هذا الفرق فقـط
فيه وارد الفطيم (الاماراتي) هذا ماعمري شفته بالسعوديه لانه يختلف بالخط فقـط

الربع يجي فئتين فقـط فل .. ونص فل (هالشي ينطبق على الشاص ايضاً )
الفل يجي ونش....والعادي بدون ونش هذا الفرق فقـط ... والشاص يزيد عليه بالدفلوك بالفل

=====

انواعه نوع يجيك رفارف وجنط المنيوم مع كفر عريض (للشيبان لانه ليّن شوي :D وتستخدمه الحكومه اكثر شي مثل المرور)

http://im82.gulfup.com/2m7fZi.jpg

والثاني سلق وجنط شنبر حديد هذا للوعر .. (اذا تبيه بالرمل ضروري تغير كفراته تخليهم أعرض )

http://im82.gulfup.com/Mt1Fna.jpg


البريمي اغلب اكسسواراته من الوكيل نفسه ويجي
بـ تخشيبه بالديكور والطاره والقير/ شاشه (جديده بموديل 2014 فقـط) / كاميره / بلوتوث /ثلاجه عند درج الراكب/ جركل بنزين اضافي /انوار ليد اماميه

هذي صورة الثلاجه اللي اشغلونا به (تقريبا هوايه مهيب ثلاجه لانه تشتغل مع المكيف وتبريده مب ذلك الزود )

http://im68.gulfup.com/lda6mw.jpg



اما السعودي يجي تخشيبه مب كامله فقط حول الديكور ...تقريبا خالي من الاكسسوارات



صور البريمي 2014 :

http://im75.gulfup.com/T6eTpC.jpg
http://im84.gulfup.com/SXlprT.jpg
http://im76.gulfup.com/Ci3ha6.jpeg

مع تركيب جنوط يطلع بـطل

http://im83.gulfup.com/vpEHdH.png


صور السعودي 2014 :

http://im84.gulfup.com/TOhPbV.jpeg
http://im84.gulfup.com/fWvK4k.jpeg


الأختلافات بالشكل الخارجي مكان اللوحه فيه تغير واضح
و اشاراة ضوئيه على المرايات الجانبيه + انوار ليد للبريمي

وكعموم اذا ماتهمك الأكسسوارات خذ اي واحد لانه نفس المحرك والميكانيكا ماتغير شي ...


اي سؤال انا متواجد ،

[ابوطارق]

حبايبي جمل الله حالكم جميعا على رايكم وانا اشكركم جميعا ونورتوني الله ينور وجوهكم بنعمة الايمان

[ابوطارق]

الاخ / دحومي شكرا على شرحك المفصل تحياتي

[ابوطارق]

الاخ / دحومي الف شكر لشرحك المفصل تحياتي لك

[حبل الوريد]

والله وناخوك سالفة انك تشري موتر مثل هذا ب ١٣٠ الف غبينه
وعموما شغل المطيره مع هالبريمي لا تغرك الان فرق اكسسوارات فقط لا تتعدى الفطيمي والسعودي والبازعي
الفرق كله نوع تخشيب ونيكل وجيك ما

واذا انت ملزم على ابو مكينه راسين تلقى ٢٠١٠ النظيف في بحر ال ٧٠