المساعد الشخصي الرقمي

مشاهدة النسخة كاملة : ايمها اقوى بالسحب قدام او بالريوس


بن مانع التميمي
12/04/2014, 03:43 PM
السلام عليكم ورحمت الله وبركاته

حبيت نشوف ارائكم بالموضوع هذا :)


حيث انا ارى اني لا سحبت احد مغرز او عالق وانا بالريوس افضل واسهل واسلس من الامام !

موتري hd2500

وانتم وش رايكم
أبو شيري
12/04/2014, 05:01 PM
حسب تجربتي السحب بالريوس أقوى

والظاهر الشغله تعتمد على قوة القير والدفرنس وصفاوة المكينه

وأصحاب الخبره بالتروس من الميكانيكيين هم اللي يعطونا العلم الوكاد

ونصيحه أسحب براحتك امام أو خلف وساعد المحتاج للفزعه

لكن لا تنتل نتل لانه فيه ضرر على سيارتك



متابع
زوم
12/04/2014, 05:54 PM
والله الي اعرفه ان الريوس اقوى
ابونبيل
12/04/2014, 06:37 PM
الريوس طبعا لان الموتر كل ماكان اثقل وزن كان افضل سحب وغالبا ثقل المواتر قدام المكينه والقير
sh3ab
12/04/2014, 07:20 PM
مايطيح القير الا السحب بالريوس وانا اخوك
شاق النفد
12/04/2014, 08:01 PM
الريوس نمرته قصيرة ومحشورة فلذلك نسمه يكون قوي في السحب
اما الاول نمرته اطول وممدودة شوي ونسمه اطول فيضيع شوي من قوته للسرعة
GMC79
13/04/2014, 01:35 AM
على حسب السيارة .. اللي ريوسها اطول من الاول بيكون اضعف والعكس بالعكس

لكن السحب بالامام افضل واكثر توازن للسيارة خاصة الونيت

واحرص على الدبل الثقيل دائما اريح للسيارة واحفظ للقير والكلتش
الشيخ الظريف
13/04/2014, 02:49 PM
انا ساحكي لكم موضوعا يختلف ولكنه قريب موضوعكم للأستفاده وكان معي صالون دبل٤٥٤ وسقط في شعيب به باقي ماء وكان بقربي سيارتين لاندكروزر وجاءو فزعين جزاهم الله خير وكل واحدمعه واير حديد طويل وقوي وعقد كل واحد بالصالون وحاولوا سحبه فعجزوا وجاء شخص قد عمل بالجيش وقال اربطوا الصالون بالجيب واربطوا الجيب الآخر بالجيب اي ثلاث سيارات وراء بعض وبسهولة متناهيه سحب الجيب الصالون وسحب الجيب الجيب الآخر وتم السحب
بن مانع التميمي
14/04/2014, 12:36 PM
الله يعطيكم العافيه


و الله ما ندري بالضبط وش افضل السحب من ناحيه الراحه للموتر .. النتل ما يحتاج معروف انه يضر لكن الريوس يطيح القير ؟ اول مره ادري بها
ابو محمد 2222
15/04/2014, 01:14 AM
السؤال السياره المغرزه نخليه بوضعيه الثقيل
في واحد يطفي الدبل ويفضي القير
dhoomi
15/04/2014, 01:36 AM
بالريوس اشوف انها أقوى وجربناه بكذا موتر..
ثاني حاجه لو تلاحظ الشناكر دايم قدام لذلك السحب بالريوس هي الطريقه الصحيحه...

مثل كذا
واهداء لعشاق الشاص :D
http://im75.gulfup.com/FqOyP5.jpg
بطاقة شحن
15/04/2014, 02:24 AM
السلام عليكم
في موضوع في هذا الرابط للفايده

http://www.toyota4arab.com/forum/t240967.html
زياد فارس
15/04/2014, 10:00 AM
اعتقد بالريوس السحب افضل
بحكم ان الثقل كله قدام
بن مانع التميمي
15/04/2014, 11:08 AM
الله يعافيكم مشكورين ..
العطاوي a511
15/04/2014, 06:29 PM
سحب الريوس افضل بالقير التماتيك القير العادي الاحظ الواحد افضل من الريوس
حمزةعبدالمطلب
15/04/2014, 07:03 PM
السحب بالريوس اقوي لان اكبر ترس بالقير ترس الريوس
بن مانع التميمي
16/04/2014, 01:11 AM
طيب الريوس ما يضر بالسحب ؟؟؟؟


خوينا يقول يضر ويطيح القير !


وش قولكم
الهواوي 1
16/04/2014, 01:30 AM
والله كلها متعبة والي يسمع الشور ويحب موترة يركب ونش راس مالة 3000 او 4000 ولا تخرب قير يكلف من 10000 الى 20000 الف كلنا راعيان فزعة لكن الواحد يعرف خراجة الونش اقوى من القير الف مرة واريح لك وللموتر تحياتي لعقول ذهينة دمتم بود
حبل الوريد
16/04/2014, 02:02 AM
وعلى نياتكم ترزقون يبناخي الواحد اذا سحب واحتسب الاجر واعانه مسلم ربي ما يخيبه
اضافه الى انه اكثر ما يدمر القير هو النتل
بن مانع التميمي
16/04/2014, 07:09 AM
^^


مافيه شك يبناخي

والنتل خالصين منه من ناحيه انه مضر
بن مانع التميمي
16/04/2014, 07:10 AM
والله كلها متعبة والي يسمع الشور ويحب موترة يركب ونش راس مالة 3000 او 4000 ولا تخرب قير يكلف من 10000 الى 20000 الف كلنا راعيان فزعة لكن الواحد يعرف خراجة الونش اقوى من القير الف مرة واريح لك وللموتر تحياتي لعقول ذهينة دمتم بود


والله الونش طيب حيل ويفيد كثير


ودي اركبه لكن مدري كيف بيكون شكل الموتر ! :eek:
GMC 111
16/04/2014, 07:37 PM
والله الونش طيب حيل ويفيد كثير


ودي اركبه لكن مدري كيف بيكون شكل الموتر ! :eek:


انا كنت مركبه على نفس موترك وشكل الموتر هو هو كنت مركبه مخفي ورا الصدام موب شرط تركبه بارز السييرا فيه مساحه عند الصدام
اسدهم
16/04/2014, 07:59 PM
كنت مسافر علا طريق القصيم المهم سقط علا فور شنر 6 سلندر ونا بلحالي في تالي اليل المهم وحارشة لين اقبلنا علا المجمعه المهم وقف عند محطة ونا وراة وشوف صدامة الخلفي مو مضبوط لمهم ولبق وراة وبحر في الموتر الا حاط مكينة سحب خلفي وامامي وبصراحة اعجبتني طريقتة لا تقول وين الواير او تقول وين وايرك
حايز الصيد
16/04/2014, 08:44 PM
بالنسبة للقير وتحديدا الجمس
قير الريوس نفس نمرة 1

وبالنسبة للسحب
الريوس افضل والسبب ماهو عشان حجم القير
لانه اذا سحب بالريوس الواير يشد مقدمة السياره ويرفعها عن الارض شوي ويصير الحمل على الكفرات الخلفيه وتكون نتيجة السحب اقوى


اما السحب الامامي
الواير يشد خلفية السياره ويرفع الكفرات الخلفيه عن الارض وتكون النتيجه شد اضعف

اما اذا كان الدبل شغال تصير الكفه متساويه لان الكفرات كللها تدور
مع افضليه بسيطه للسحب الامامي لان وزن جسم السياره يتركز فالامام
بن مانع التميمي
18/04/2014, 10:52 AM
الله يعطيكم العافيه ي الغالين

مشاركاتكم جميله
بن مانع التميمي
22/04/2014, 08:05 PM
الي عنده صور جمس اتش دي 2500 عليه ونش ينزلها لاهنتوا