نبي الشور الطيب المستشار مؤتمن

[محب الجهاد]

هل فيه فرق بين الباترول الفتك القير العادي والتماتيك تكفووووووون ياأحبابي أشيروا علي أخوكم في حيص بيص

[الشمروخي]

الفتك تماتيك مكينة تتحمل ونادر تلقى تماتيك مخبط لانه تمشي 160 والضغط نازل والمكينه مرتاحه والعادي اكثرهن مخبط والدليل ادخل حراج وشف لأنه محشور والضغط مرتفع
والعزم مهنى فرق يذكر

[محب الجهاد]

حبيبنا الشمروخي بيض الله وجهك شرفني مرورك وشكرا لك على هذه المعلومات القيمة

[التعـ King ـديل]

العادي افضل واقوى لحقين النفود لانه موتر مايتعب ولا يبرد عزمه وشاد طول الوقت

التماتيك حلو لحقين الطرد والخطوط ولكنه اضعف من العادي

اخوي الشمروخي انا كل مواتري الباترول قير عادي ولا خبطت الحمدلله من 89 الى 2013

محب الجهاد اذا تبي قير عادي وتبي موتر بطل بطل عليك من موديلات 2002 الى 2009

لان كارونه 2010 وفوق اضعف من 2009 وتحت هالكلام بالنسبه للقير العادي

التماتيك جميع الموديلات نفس القير ونفس الكارونه

[قناص الأشهب]

اذا منت راعي ضلعان ومراقي قويه
فنصيحه خذلك تماتيك

[ابونبيل]

اشوف ان الموتر اذا جاك تبترونك خلاص ماله داعي العادي الا اذا كنت من الناس الي يستمتع فيه بالديره

[مفضخ الشري]

الموتر عزمه طيب ماشاء الله و يجي تبترونك خلاص وش تبي بالعادي
العادي اذا كان الموتر ضعيف مثل اللاندكروزر 6 سلندر اللي معي تماتيك و ودي احوله عادي عشان عزمه لكن هونت و تحملت عزمه عشان الراحه منتب ساكن بالبر ولا النفود

[الشمروخي]

اخوي التعديل مااتكلم من فراغ انا رجال قعدت ادور فتك شهرين قير عادي وماشي فوق 250 الف 60 بالميه مخبطات وموظبه او مغير مكينه من غلات مكينه الفتك التماتيك ماشفت مخبط لاكن شفت بعضهن مغير قير بسبب جهل وعدم عرف بقير التماتيك للفتك
على العموم العادي مايخبط اذا الواحد مايسرع فيه ويحن على المكينه بالغيار
وحراج اكبر دليل شفه فتك 2002 الى اخره ومليان مواضيع بمكشات عن مشاكل مكينه الفتك وتغير مسامير الثلاجه وغيره اللي له دخل بالتخبيط

[محب الجهاد]

مشرفنا القدير الكريم شكرًا على مرورك الكريم وشكرا على معلوماتك الطيبة

[محب الجهاد]

اخي الحبيب قناص الأشهب بيض الله وجهك ورحم والديك شرفني مرورك معلومات مفيدة

[محب الجهاد]

اخي الحبيب ابو نبيل شرفني مرورك الكريم وبيض الله وجهك حفظك الباري

[ابوسند9]

اخوي
انصحك تجرب الاثنين قبل تشتري
لكن عن نفسي تما تيك وبس
بالخط المكينه مريحه وهادئه والديره قيادته ممتعه
وصدقني انا معي اوتو اطرد فيه في اماكن وعره و ضلعان وجروف وبا الطعوس الطويله استخدم الدبل الثقل ومرتاح للاخر
وباذن الله القير الاوتو انسى اعطال القير او كارونه او ما شابه
ومشكله القير العادي انه المكينه شاده بسبب الكوارين
واذا انت في مدينه مزحومه القير العادي متعب وممل

[محب الجهاد]

شكرًا على مرورك اخي الغالي مفضخ الشري ورحم الله والديك وجزاك الله خيرا

[( شميريخ )]

لا والله ياخوي خذ قير تماتيك وانصحك به وبقوة وهذا انا اخذت قبل شهرين فتك 2014 قير عادي وتحسفت الصدز .
اللي هاقيه ان التماتيك اريح للمكينه من القير العادي ولاهو محشور

[Nasser33]

فرق بسيط بين التماتيك والعادي
مثلا العادي تمشي 120 الضغط 3 ونص
والتماتيك يجي اقل من 3 بشوي وتر العادي عزمه اقوى من التماتيك