تحذير وتنبية هااااام بالصور : ناوي تسافر الإمارات على سيارتك ؟ إقرأ القصة كاملة

[دوج رام 98]

السلام عليكم ورحمة الله وبركاته

انا (أعوذ بالله من كلمة أنا ) سافرت دولة الإمارات الشقيقة قبل فترة , وصراحة كانت سيارتي كابرس وكنت متجاوز السرعه القانونية , لأني سألت الشباب وأفادوني أن لوحتي سعوديه وإن مخالفات السرعه ماتطلع , وكانت جميع الكاميرات تصورني سواء داخل المدينة أو على الخط السريع :)

وأنا ولا على باااالي لوحتي سعوديه من قدي

لكن للأسف الشديد طلع كلامهم مغلوط , والحقيقة إن جميع الكاميرات اللي صورتني طلعت علي مخالفات مع صورة لوحة سيارتي

واللي صدمني أكثر أنك لو دخلت الإمارات مره ثانية ومسكوك لازم تسدد المخالفات وقد تسجن وتصادر منك السيارة :eek:

صور بعض المخالفات






http://www2.0zz0.com/2014/04/14/11/483298939.png



http://www2.0zz0.com/2014/04/14/11/954763398.png



رابط الإستعلام إضغط على علامة فئة اللوحة فقط وحاول إدخال رقم اللوحة الأحرف مع مسافه والأرقام بدون مسافه

http://www.dubaipolice.gov.ae/dp/e_services.jsp?Page=5998&dPg=1

[التعـ King ـديل]

غير صحيح اخوي

المخالفات اللي تسجل عليك من قبل رجل الشرطه هي اللي تجيك على السعوديه لانها برقم الهويه

اما مخالفات الرادار غير صحيح انها تتسجل

انا من 6 شهور بنفس اللوحه ولكن بسيارتين مختلفه وكل شهر اروح مرتين الامارات لم اصادف كلامك واخرها قبل يومين

[مفضخ الشري]

كل شيء جايز يمكن نظام جديد تحت التطبيق والله اعلم

[دوج رام 98]

[QUOTE=التعـ King ـديل;10039071]
غير صحيح اخوي

المخالفات اللي تسجل عليك من قبل رجل الشرطه هي اللي تجيك على السعوديه لانها برقم الهويه

اما مخالفات الرادار غير صحيح انها تتسجل

انا من 6 شهور بنفس اللوحه ولكن بسيارتين مختلفه وكل شهر اروح مرتين الامارات لم اصادف كلامك واخرها قبل يومين
[/QUOوش هو اللي غير صحيح هذا موقع شرطة دبي والرقم رقم سيارتي وهذي المخالفه 700 درهم

أما سالفة أنها توصل السعوديه ماأدري عنها

لكن سمعت لو دخلت الإمارات مره ثانيه لابد تسدد المخالفات

[التعـ King ـديل]

[QUOTE=التعـ King ـديل;10039071]
غير صحيح اخوي

المخالفات اللي تسجل عليك من قبل رجل الشرطه هي اللي تجيك على السعوديه لانها برقم الهويه

اما مخالفات الرادار غير صحيح انها تتسجل

انا من 6 شهور بنفس اللوحه ولكن بسيارتين مختلفه وكل شهر اروح مرتين الامارات لم اصادف كلامك واخرها قبل يومين

[/QUOوش هو اللي غير صحيح هذا موقع شرطة دبي والرقم رقم سيارتي وهذي المخالفه 700 درهم

أما سالفة أنها توصل السعوديه ماأدري عنها

لكن سمعت لو دخلت الإمارات مره ثانيه لابد تسدد المخالفات


انا توني جاي من الامارات واكثر من مره تصيدنا الكاميرا واروح واجي وعادي

حط لي الرابط اللي استفسرت منه بشوف وش علي

[الفهيد بدر]

ما اتوقع تنزل لانه فيه اتفاق

[راعي فتان]

(( يا غريب كون أديب ))


المثل هذا يرافقني لأي رحلة سفر خارج المملكة

[راعي السيل]

انا قلت هالحين الرجال بيعطينا نصايح عن الخط والطريق!!!
لو بيدي كان منعتك انت وكل من يتعدى السرعة النظامية من مسكة الدركسون عشان نرتاح منكم
ألله اعلم كم من عائلة فقدت لها ابن او أب بسبب متهور متخطي حد السرعة ويتسبب بحوادث مميته

[شقردي]

انا قلت هالحين الرجال بيعطينا نصايح عن الخط والطريق!!!
لو بيدي كان منعتك انت وكل من يتعدى السرعة النظامية من مسكة الدركسون عشان نرتاح منكم
ألله اعلم كم من عائلة فقدت لها ابن او أب بسبب متهور متخطي حد السرعة ويتسبب بحوادث مميته

فعلا أنا مثلك قلت الرجال جايب علم عن الطريق تحويلات أو حفر
او الشاحنات

وفي الاخير هو اللي جنى على نفسه وقد يضر غيره

سق سياراتك حسب النظام ولا احد جايك ومخالفك
واسلم على عمرك وعمر غيرك

[تساهيل1]

اول شي السرعه ماهي كويسه

ثاني شي فضحتونا باخواننا بالامارات

الواحد اذا ابتعد شوي عن ربعه فسق وقام يتهبد ههههه

المهم انتبهو من السرعه

ترا الحادث والالم واحد سواء بالامارات او في طاجاكستان

الله يستر على المسلمين

شكرا

[أبوهادي]

جزاك الله خير
حاولت ادخل الحروف والارقام زي ماقلت بس يقول اكتب ارقام فقط

[مميز11111]

على طاري السفر
ربعنا لا سافر احد منهم لدولة ثانية تلقاه مايهتم بالأنظمة ولا حتى يحترم الناس في الدول اللي سافر لها
واذكر سافرت مع زملاء لسوريا ثم تركيا عن طريق البر والله ان صاحب السيارة اللي معنا بغى يضيع وتضيع معه سيارته بسبب واحد معنا مستهتر بكل شيء بكل ما تحمله الكلمة من معنى + فيه كبر لدرجة ما يقبل رأي أحد او نصيحته وتسبب في دخول صاحب السيارة اللي معنا في قضية تزوير أوراق سيارة في تركيا ربي نجاه منها بأعجوبة ... وتسبب في فقدان جواز واحد معنا بسبب عجرفته وعنجهيته
وقام هالخبل بمضاربة مع رجل مرور تركي بسبب ان رجل المرور استوقفنا بسبب السرعة الزائدة
وكذلك استهتاره بالناس وضحكه عليهم واستفزازهم (( والمشكلة انه كبير ومتزوج ))
((( فعلا السفر يسفر عن أخلاق الرجال )))
على العموم قاعدة ذهبية معك في كل مكان (( احترم الناس في بلدك والبلدان التي تسافر لها لأنك مسلم فأنت بأخلاقك تعطي صورة للإسلام ))

[zayed98]

جالس اشوف مخالفات طويلين العمر منهم يزيد الراجحي لقيت عليه 24 الف من 2006 خخخ

[الستانس]

الله يستر
على كذا علي مليون درهم

[الستانس]

يالطيب الموقع مايقبل الا اللوح الإماراتيه

[راعي الرود]

جالس اشوف مخالفات طويلين العمر منهم يزيد الراجحي لقيت عليه 24 الف من 2006 خخخ

هههههههههه :D
عليه 24 الف مخالفات و يجيبونه عندنا ببرامج توعيه القيادة ينصح .. يبي له توعيه هو براسه

[البدر 707]

السلام عليكم مساكم الله بالخير
كلام اخوي صاحب الموضوع صحيح ميه بالميه المخالفات الي عن طريق كميرات الامارات تنزل عليك اذا تم القبض عليك من قبل مرور الامارات فقط وقتها يلزمونك بالسداد وحجز سيارتك لكن ماتنزل عليك بالسعوديه اطلاقا انا صارت لي شخصيا ولا اقول صارت لفلان او علان قبل سنتين تقريبا رحت دبي وع سرعه 170 وعلى طريق الشيخ زايد بعد ماتعديت البرشا الا والمرور وراي سيارتين ووقفوني على جنب وقالوا الحقنا المهم رحت لقسم البرشا وحجزوا السياره ع طول وقالوا راجعنا الصباح جيتهم الصباح قالوا استعلم عن المخالفات المصيبه جت هنا بعد الاستعلام علي مخالفات 40 الف درهم وكلها مسجله ومصوره حاولت بشتى الطرق ان اطلع سيارتي مافيه امل وبالاخير رحت للواء الزفن بوحدة المرور وشرحت له وضعي قال عشانك ضيف علينا ادفع عشرين الف درهم واسقط الباقي ودفعت عشرين عشان اطلع سيارتي وهذي صارت لي الله يخلف علي ماخسرته وشكرا للجميع وعذرا ع الاطاله .

[البدر 707]

وللمعلوميه فائده استفدتها من ملازم اول بمرور دبي عن كيفية اسقاط المخالفات الي على سيارتك لمن عليه مخالفات قديمه الحل بسيط هو تغيير لوحة السياره لان مخالفات السعوديين تنزل على اللوحه فقط .

[وضاح القمر]

اللي أعرفه.. ﻷني ماخذ العلم من عسكري إماراتي بالجمارك

يقول تصوير الكاميرات "عادي".. ((لكن)) في حال حصول حادث وإﻻ حجزت السيارة فماتقدر تطلع السيارة وﻻ تنهي إجراءات الحادث إﻻ ﻻزم تسدد..

والحقيقة إنه صورتنا الكاميرات أكثر من 10 مرات وطلعنا وﻻ سددنا.. اللهم فقط سددنا مخالفة واحدة.. تم تحريرها على ورقة.. (وقوف خاطئ)..

وألزمونا نسدده عند المنفذ.. وسلامتكم

إﻻ عاد إذا جد جديد.. فما أدري

[sgl2002]

والله لقيت علي 1220 درهم

[مظلووم]

يا اخوان دخلت من الجوال ماضبط الاستعلام دخلت من اللاب توب حصلت 3 مخالفات علي

[مسير عليكم]

وين الرابط الي تستعلمون منه

[دوج رام 98]

وين الرابط الي تستعلمون منه

http://www.dubaipolice.gov.ae/dp/e_services.jsp?Page=5998&dPg=1

[كاشت بالبر]

هذا شرح وتوضيح للي ما يعرف الطريقه

دخل رقم وحروف لوحتك .. ثم أضغط بحث وراح يطلع لك

http://store2.up-00.com/2014-05/1400583087321.png

[حان الرحيل]

السلام عليكم...
فيه طريقه دايم نقع فيها.....يوم تصيدك الكاميرا وترجع ثاني مره للامارات ...بنفس السياره لازم تدفع مخالفاتك ..وصارت على احد الزملاء ...واخبروه بتجاوز السرعه عندما كان بالامارات قبل 5 اشهر تقريبا...وحددوا له السياره ورقمها ومكان وقوع المخالفات..وطلعت 1800 درهم ...وسووا له تخفيض ودفع نصف الرسوم...وهذا مثبوت يا جماعه ...لا احد يتوهق ...واذا فيه احد سوا مخالفه ولم يتم مطالبته بالسداد ...فهذا من حظه ...وليس دليل على انها ما تتسجل....والسلام عليكم

[abahal]

سمعت ان مخالفات السيارات السعوديه بالبحرين تسددها عند دخولك

[ابوهايلكس]

انا كنت ما ارتاح لين اشوف الامبير 200 وتحت بس عقب الحوادث اللي نشوفها بصراحه خفت واتعضت الواحد وراه اهله واعياله ووالديه ينتظرونه والحين ما صرت اتعدى 120 لو امشي يومين بالخط عادي اهم شي السلامة بعد الله واتمنى كل واحد يفكر بمن وراءه ينتظر رجوعه من سفره ساالم

[أطلال نجد]

و الله حرام هالأموال تروح للمرور و للشركات المستفيدة عندنا وعند غيرنا

يا أهل السرعة اعتبروا يكفي و الله يكفي إلى متى هذا الاستهتار ؟؟!

يعني و ش استفدنا من السرعة غير الخساير الفادحة في الأرواح و الحوادث و كثرة الأعطال و المشاكل

و يا أخوان ترى ما كل مرة الواحد يسلم عسى الله يبعد عنا وعنكم الشر

كل مطرود ملحوق

و الوقت الطويل اللي تبي تقطعه بالسرعة لو تحسبه في حسبة بسيطة

تجده والله ما يسوى كل هذا أبداً

السرعة و ضعت في سياراتنا لحالات الطوارئ و الإسعافات فقط فقط فقط

[مستربوب]

ههههههههههههههههه لقيت علي مخالفات بقيمة 5040 درهم بس الغريب انها مابين ثلاث رحلات لدبي ولا مره وقفوني الجمارك وقالوا سدد هذا من غير طريق الحدود الى أبوطبي

[Abdullah Fo.m]

الحين الرجال نصحكم وش فيكم قلبتو عليه !
يسرع ما يسرع شي راجع له مصيرة بيدفع هالقسايم


و على فكرة كلامك اخوي صحيح .. اي قسيمة تأخذها بالإمارات تتسجل عليك وتنزل في دولة الإمارات فقط
مالهم دخل فيك إذا جيت المره الثانيه ما يقولون لك سدد
لكن لو شريت سياره من هناك .. او مسكوك وحجزو سيارتك ما تطلع إلا بعد السداد

[مسير عليهم]

قبل كم سنه اخذت مخالفتين مواقف في ابو ظبي ولم تسجل علي واستفسرت من الرابط وماعلي اي مخالفه وحتى سيارتي الثانية سبق ان كاميراتهم صورتني وصار لي حادث في ابو ظبي والخطاء علي 100% والمفروض ادفع مخالفه وعلى الحدود استفسرو مني عن ورقه الحادث بس ولم تسجل علي كمخالفه حتى الان

[ابوشاهه]

انا قلت هالحين الرجال بيعطينا نصايح عن الخط والطريق!!!
لو بيدي كان منعتك انت وكل من يتعدى السرعة النظامية من مسكة الدركسون عشان نرتاح منكم
ألله اعلم كم من عائلة فقدت لها ابن او أب بسبب متهور متخطي حد السرعة ويتسبب بحوادث مميته

صدقت اخي الغالي ... من قرات العنوان ظنيت انها نصايح هامة يقدمها لنا ..طلع العكس :eek:

[الستانس]

بعد تجارب احسب الموقع لازم حروف وأرقام

طلع علي 1500 مسوين خصم على وحدة من المخالفات طلع علي 1200 ريال ماقصروا

ولكن ما اتوقع لازم التسديد لان عندي مخالفات من 2011 وعندي مخالفه عام 2014 محد قالي شي

[SHUGE]

المسافة ÷ السرعة = الوقت لقطع المسافة .
1000÷ 160 = 6:15 لقطع المسافة
1000 ÷ 140 =7:08لقطع المسافة وفرق السرعة عن 160 فقط 00:53 دقيقية
1000÷120= 8:20 لقطع المسافة وفرق السرعة عن 140فقط 01:12 ساعة واثناعشر دقيقة
فرق السرعة بين 160 و 120 02:05 ساعاتان وخمس دقائق
اجتهاد شخصي

تيحاتي للجميع .
ربي يسلمكم من كل شر

كما جاء في الحديث (لا يرد القضاء إلا الدعاء) والله عز وجل يقضي الشيء ثم يجعل له موانع فيكون قاضيا بالشيء وقاضيا بأن هذا الرجل يدعو فيرد القضاء والذي يرد القضاء هو الله عز وجل

وهذا مدعاة للحمد والشكر لله اننا ولدنا في ام واب مسليمن وان الدين الاسلامي ملائم لكل ناحيه من نواحي الحياة اليومية في الماضي والحاضر والمستقبل