مغرز واكتب لكم من قلب الحدث

[طير ابابيل]

السلام عليكم

اسعد الله صباحكم

اكتب لكم الان من موقع الحدث �� مغرز في سبخه من اول الليل وفي مكاني الى الحين وشكلي ريض بعد .. السيارة هايلكس دبل

هذه صورة السيارة والمعذرة ما قدرت اصورها كاملة لكن جميع الكفرات نفس الصورة.. الموقع طريق الدمام الرياض السريع 50 كيلو من الدمام.. جنب الشبك

تتوقعون بتطلع السيارة بدون سحب ؟ وهل اذا طلعت الشمس بينزل الماء وتقوى الارض ؟ وبماذا تنصحوني جزاكم الله خير

الصورة في الرد التالي لانها كانت كبيرة وقام بتعديلها الاخ dhoomi مشكوراً

[dhoomi]

عليكم السلام وصباح الفُل والرواقه اللي انت به ههههههههه
الله يكون بعــونك! عسى بس مانت لحالك..؟
صبخه وتبيها تنشف ماظنتي يبيلها وقت والحقيقه الكفر غاطس كثير أكثر من نصفه لازم تساعد الموتر بالسحب

ومعذرة منك تم تصغير الصوره ورفعها من جديد :

http://im74.gulfup.com/Mll09D.jpg

[طير ابابيل]

شكراً يا دحومي واسعدتني مشاركتك وتعديلك للصورة لان حجمها مزعج صراحه.. لا زلت في الموقع مقابل سيارتي بجوالي على حالي من 5 ساعات والله يفررررجها

[أبوسعد111]

يا أخي
لازم تحط تحت الكفر شئ يستند عليه
حتى لو قطع فرش السيارة (الدعاسات)

والافضل
إتصل على أمن الطرق 996

الله يفرج كربتك

[مفضخ الشري]

لحالك ولا معك احد ؟

لا تحفر ولا تجهد عمرك دق على امن الطرق 996 الطين اقشر لا قعد الموتر قعد

لا دقيت على امن الطرق قل لهم معي عايله تراي مجربهم قبلك قال معك احد قلت لحالي و سحبو علي الظاهر قالو دامه لحاله يخارج روحه

الله يعيننا وياك

[الدوسري2010]

ياليل الليل اعلومك عساك طلعت ههههههه

[moad3]

الله يكون في عونك يارب

ويسهلها عليك

لكن بشرنا عنك هل طلعت ولا لا

نتمنا لك السلامه يارب

[ahmedok]

السلام عليكم اخوي طلعت او اجيك حدد موقعك وابشر بسعدك

[ابوهايلكس]

االله يعينك ليش المغامرة هذي ما كفتك الطعوس تطب بصبخه ههع الله يعينك بس

[مطر وسم]

السلام عليكم اخوي طلعت او اجيك حدد موقعك وابشر بسعدك


هذي افعال تميم ونعم :good2:

[طحنون]

اقول وش صار طلعت او باقي
قريب من اذا انت قبل كبري صلاصل او عند ابوالدفوف او لمعه

[ahmedok]

هذي افعال تميم ونعم :good2:



نعم بحالك اخوي ماعليك زود

[الشرقيه 03]

توني اشوف موضوعك والامور سهالات ان شاء الله

يالغالي واحد عجمي من ربعنا طالع من عين دار موجة اتجاة الدمام الحين
اذا باقي موترك مغرز
اتمنى ترد علي يا خوي

بانتظارك

[سعود27]

ياخوك بشرنا عنك طلعت عطنا علم

[زيــآدِ]

بشرنا عنك طلعت ولا جيت اطلعك حدد موقعك وازهل الامور

[التعـ King ـديل]

اتمنى ترد علينا

وتحط لنا احداثيات الموقع + رقم جوالك

علشان القريب منك يجيك

[العطاوي a511]

الرجال شكله نايم اكيد انتظرو لين يصحى ويجيب العلوم

[nayf01]

يمكن علق شحن الجوال

[مفضخ الشري]

يالذيب وش صار عليك بشرنا طلعت ولا نجيك

[ابو محمد 276]

يا خوك طلعت ولا جيتك بس عطني موقعك وما عليك بالباقي

[اليامي قطر]

اعلووووووومك ياشنب طلعت ولا وش اللي صار عليك ؟؟؟؟

[بن مانع التميمي]

ماشاء الله عليكم ي الربع


الله يقويكم .. ومن طلب اهل مكشات ما خاب


والله يفك اسرك ي راعي الهلي عوافي حمدلله ههههه

واتوقع الرجال بخير وطلع وانشغل مع الموتر والخط

[بدوي جنوبي]

الله يعينك
حدد موقعك ببرنامج خرائط الجوال
والشباب اللى قريب منك ما بيقصرو

[ماقنوم 350]

بشر كيف حالك طلعت وﻻ باقي

[ammamm]

السلام عليكم

طلعت يا راعي الموتر ولا باقي

ارسل موقعك وإن شاء الله نخدمك

[شهادة مجروحة]

الله ييسر امرك ويفك كربك

[اسدهم]

شكلة من مغسلة لمغسلة

[طير ابابيل]

بيض الله وجه كل من رد وكل من قدم فزعته وابشركم طلعت السيارة بعد 12 ساعة من المعاناة والتعب

اتصلت على امن الطرق والدفاع المدني ولم اجد منهم تجاوب وذلك لاني صريح ولم اقل لهم ان معي عايله!!

وقفت سطحه ومن حسن الحظ ان ونشها قوي 12 طن وتم سحبها بكل سهوله ولله الحمد

هذه صورتها في النهار

http://im58.gulfup.com/PSnx23.jpg (http://www.gulfup.com/?NdmJ65)

وهذه صورة المكان بعد خروج السيارة

http://im58.gulfup.com/jim4UG.jpg (http://www.gulfup.com/?dYC99n)ِ

[nissan 93]

الحمدلله على السلامة

[عادل adil]

طير ابابيل الحمدلله على السلامه وتوي قريت الموضوع وتمنيت اني شفته من امس لاكن اللي شد انتباهي وهيضني وزادني حرص على دخول هذا المنتدى الرجال اهل الفزعه اللي ردو عليك وطلبوا تحديد الموقع على رئسهم المشرف وصدق من قال الرجال تعرف في المواقف والله اني اشكرهم واثني عليهم واسئل الله ان يوفقهم وان يكثر من امثالهم

[عادل adil]

السلام عليكم اخوي طلعت او اجيك حدد موقعك وابشر بسعدك

اخوي انت اول من عرض مساعدته للأخ طير ابابيل .ويشهد الله اني دعيتلك ووالله اني تحمست يومن قريت كلامك .كلام رجل:D بماتعنيه الكلمه وليس غريب عليك ياتميمي الفزعه

[Nasser33]

الحمد لله على السلامه
يعني اللي مغرز وما معه عائلة يتركونه
حتى هذي للعوائل فقط لاحول ولاقوة الا بالله

[جديعان]

اول شي اذا معك كريك احفر تحت السياره لين يكون الكفرات هي اللي شايله السياره مهو بطنهاا وبعده جمع رمث او شجر او فرشه او الدعاسات وحطها تحتها وتوكل على الله ان شالله بتطلع

[جني صغير]

الحمد لله على السلامه
يعني اللي مغرز وما معه عائلة يتركونه
حتى هذي للعوائل فقط لاحول ولاقوة الا بالله
ناصر سؤال احد جاب طارئ العائله
انت قريت الموضوع والردود من اول ولا جاي مدرعم

[عادل adil]

الحمد لله على السلامه
يعني اللي مغرز وما معه عائلة يتركونه
حتى هذي للعوائل فقط لاحول ولاقوة الا بالله

نعم اخوي ناصر هذا صحيح وانا كنت اعمل في الرياض لمدة 10 سنوات وساكن في الدمام وياااما حصل لي من الاعطال والله مايجوني ليما انهي مشكلتي بنفسي

[مفضخ الشري]

بيض الله وجه كل من رد وكل من قدم فزعته وابشركم طلعت السيارة بعد 12 ساعة من المعاناة والتعب

اتصلت على امن الطرق والدفاع المدني ولم اجد منهم تجاوب وذلك لاني صريح ولم اقل لهم ان معي عايله!!

وقفت سطحه ومن حسن الحظ ان ونشها قوي 12 طن وتم سحبها بكل سهوله ولله الحمد

هذه صورتها في النهار

http://im58.gulfup.com/PSnx23.jpg (http://www.gulfup.com/?NdmJ65)

وهذه صورة المكان بعد خروج السيارة

http://im58.gulfup.com/jim4UG.jpg (http://www.gulfup.com/?dYC99n)ِ

الحمد لله على السلامه

مثل ماقلت لك بردي بدايه الموضوع قل لهم معك عايله عشان يجونك وانا والله ماهو قصدي احرض على الكذب بالعكس لكن في وضعك الواحد محتد لأني مريت في الموقف نفسه كان معي اكسنت اجار وماشي على الفجر و كان وقتها رمضان دخلت على جال الخط ابي اصلي وامشي وابتلش بالموتر ويغرز ولا فيها دبل و الخط شبه خالي تقريباً كان وقت دوامات على بدايه رمضان و في الفجر من اللي بيمشي مع الخط و أأشر لراعين التريلات و احاول ماش محد وقف لي و ادق على امن الطرق قالو خلاص بنجيك و قعدت انتظر حول الساعتين اقول يمكن هم بالمركز حق جودة ولا اقول بمركز سعد لأني منتصف تقريباً بالخط و طال الانتظار وصلت 3 ساعات قد يمدي اللي ماش من الرياض وصل الدمام .. دقيت ثانيه وقلت لهم انا معي عايله و معي رجال كبير بالسن و مغرز بعد ساعه جاني لاندكروزر امن الطرق وسحبني ولا قال حرف

[sgl2002]

اخوي التغريزه ذي بنفود


طيب ماحاولت تاخذ من التراب الجاف وتدفن

[أبوسعد111]

الحمد لله على سلامتك

[ammamm]

الحمد لله على السلامة

[ahmedok]

اخوي انت اول من عرض مساعدته للأخ طير ابابيل .ويشهد الله اني دعيتلك ووالله اني تحمست يومن قريت كلامك .كلام رجل:D بماتعنيه الكلمه وليس غريب عليك ياتميمي الفزعه
جزاك الله خير وماعليك زود اخوي

[Nasser33]

ناصر سؤال احد جاب طارئ العائله
انت قريت الموضوع والردود من اول ولا جاي مدرعم

رح اقرا الردود زين
وتعرف مين المدرعم هههههه

[Jelly Fish]

يا ساتر سترك

يا عساك طلعت سالم يارب

تغريزة بعظم الجبل !!

[أطلال نجد]

الحمدلله على السلامة أخوي

طريق الرياض الدمام كله تغاريز من الجال للجال أنا صارت لي سالفة قبل عشر سنين تقريباً وقفت أصلي المغرب بعد الرياض ب ١٠٠ كيلو

و لا مشيت إلا بعد صلاة العشاء ساعتين أحفر و ادفن واحترق الكلتش و حالتي حالة

[أبوشريدح]

الحمد لله على السلامة

[((ابوملاك))]

ناصر سؤال احد جاب طارئ العائله
انت قريت الموضوع والردود من اول ولا جاي مدرعم

السؤال هذا اسال به نفسك انت اللي جاي مدرعم

[المتزن]

ناصر سؤال احد جاب طارئ العائله
انت قريت الموضوع والردود من اول ولا جاي مدرعم



اقرأ الرد رقم 5 و رقم 35 و 36 وتبي تعرف من جاب طاري العايله ومن اللي مدرعم

والحمدلله على السلامه ياطير ابابيل