مبروك لكل السعوديين على مصنع السيارات

[والد سعيد]

تشهد العاصمة السعودية الرياض مساء اليوم إزاحة الستار عن مشروع مصنع للسيارات هو الأول من نوعه في الشرق الأوسط، إذ تقدر تكلفته الإجمالية بـ 7.5 مليار ريال، وتبلغ طاقته الإنتاجية 300 ألف سيارة سنويا.
وقالت صحيفة "عكاظ" اليوم الثلاثاء إن "الإنتاج سيكون بين الحجم الصغير والمتوسط، والدفع الرباعي، في حين أن هذه الإنتاجية قابلة للزيادة بحسب مقتضيات الطلب والعرض الداخلي والخارجي".
ويقع مشروع مصنع السيارات الذي يأتي ضمن شراكة سعودية - ماليزية في الدمام شرق المملكة على مساحة إجمالية قدرها 2.5 مليون متر مربع.
وتعتبر المملكة أكبر مستورد للسيارات وقطع الغيار، وتشهد ازدياد معدلات نمو القطاع سنويا، فيما يعتمد السوق السعودي بشكل كبير على السيارات المشهورة عالميا في ظل عدم وجود مصانع سيارات في المملكة.
ونقلت الصحيفة عن رئيس مجلس إدارة الشركة السعودية - الماليزية لتطوير الصناعة القابضة الدكتور راشد عثمان قوله إن "شركة مركز ماليزيا والشركة السعودية - الماليزية للتنمية الصناعية القابضة مستعدة لتقديم الخبرات، ودعم خاص لإقامة المشروع الجبار لصناعة السيارات".

[ابونبيل]

ان شاء الله انها مو مثل كذبة غزال...

[ذيبان_]

تلوث على غير سنع

[تميم2222]

انت عدلهم في البناء والعمار. بعدين. فكر بسيارات. هج عض ثوبك
مااااااااعااااد فيه ثقه بتاجر المحلي. نقولها وبالصررررريح. عطونا الياباني وعفاك

[GMC79]

هههههههه تونا ما خلصنا من غزال

[خبايا انسان]

عاد وش المواتر الي بينتجونها

[مفضخ الشري]

تفائلوا خير
صحيح ان الانتاج بيكون مش حالك مثل أي شركه سيارات في بدايتها .. لكن لو ننظر الى الجانب المشرق من الموضوع انه بيتوفر وظائف على الاقل وطلع لنا مصنع جديد (ولو اني خابر 70% اجانب) لكن نقول ان شاء الله بدايه خير لصناعه السيارات لكن يلزم العمل بجديه و ترك كثره البهرجه والترزز و النفخ الاعلامي المعهود لدينا

[حبل الوريد]

خلهم يبنون طرق تمش على السيارات زي الناس ثم خلهم يزينون سيارات

[بدوي جنوبي]

هههههههه
وش فيكم غير متفائلين

ما الومكم بعد غزال

[ابوهايلكس]

خلهم يزينون شوارعنا هالمحفره بعدين يحطون مصنع والا المترو اللي نسمع عنه ولاندري وينه

[جموول]

هههههههههه. أخاف راح تكون قطع السيارة الي بيصنعونها أغلي من السيارة ونتوهق وتغبر السيارة جنب البيت بس الأكيد المحركات تكون تجميع

[ابن عكاش]

لا جو يساعد ولا ايدي عاملة رخيصه ومتوفرة = مشروع فاشل

[بدوي جنوبي]

^^^ كلامك صح

المشروع ذا جهزو له مهندسين سعوديين
وارسلوهم دورات وايضا فنيين سعوديين
او بيعتمدو على الاجانب

[mohmad]

الله يعطيك العافيه وهذارابط الخبر فيه نموذج للسياره وسعرها
http://www.aleqt.com/2014/04/17/article_841782.html

[سعود27]

طلع المشروع غير مرخص هههههههههههههه

[Jelly Fish]

صراحة ايوا ويش المانع مايكون عندنا مصنع !!

يازين دنحنا نولد البترول من رحم الارض يعني ما نقدر نولد سيارات من رحم المصانع !!

من جد مامزح مع النية نقدر على كل شي

بس مثل ما قال البعض فعلا ساعات تطلع فلسفات من بعض الجهات مثلا تقول مشروع بدون ترخيص او ممكن مافي اعتماد من وزرة الصناعة هعع وزارة الصناعة اللي تشجع فقط على صناعة الحليب والعصير والورق المقوى

[مغلي]

http://www.mekshat.com/pix/upload06/images/2014/04/mk50190_9eb2acffc151e9a68ff5cc5ec0e62b63_w570_h300 .jpg

http://www.mekshat.com/pix/upload06/images/2014/04/mk50190_293109f40641bc99f7d02524a3ea0e32_w570_h0.j pg

http://www.mekshat.com/pix/upload06/images/2014/04/mk50190_d8e2b17098aa16c4265655a0718f68c4_w570_h300 .jpg

http://www.mekshat.com/pix/upload06/images/2014/04/mk50190_9769e40295866bf6f75496183964b805_w570_h300 .jpg



هذي السياره الي بيسوونها

100% تقليد للتورس الجديد ... والسعر تقريبا ب 55 الف للسياره ... والجوده بتكون اقل من الجلي الصينيه :D:D:D


عموما مسألة التصنيع ترجع للتاجر ... اذا راى انه بيكسب بيواصل المشروع ... واذا ماحسبها صح وطلعت اقل جوده من الجلي .... بيخسر وبيقفل مشروعه

[تميم2222]

ولله. شكلها فخم. اهم شي عمليييييييه. هذا اللي يتطلب له للسوق

[مطر وسم]

بدري ؟


فيه بلدان مجاوره لنا فقيره من زمان يصنعون سيارات يعني ربعنا توهم يفكرون !!!


صدق تخلف في كل شي

[م/عبدالمنعم]

مشوار ال1000 ميل يبدا بخطوة تفاءلو يا شباب

[تميم2222]

تويوتا ياباني. ويعلق. اجل هذي. وش يبيصير :j:j
تقفل الابواب وتنفجر في محلها :alarm::alarm:

[((ابوملاك))]

^^^

هذا شكله الليبيصير وانت ماشي تعلق وتقفل الابواب والنوافذ وتنفجر

[عطيب الظرايب]

ههههههههههههههههه
ياكبر طمعتهم تصنيع سيارات مره وحده

[sameer_1798]

اقول خلهم يسون قطع غيار اول وثم يفكرون يصنعون سياره

[مسير عليكم]

ههههههههه انا من شفت الصوره غسلت يدي من اولها قص ولصق حتي وهم يهايطون جابو تصميم سياره امريكيه ههههههههههههههه شي طيب يارب ماتكون نهايته مصنع بلاستيك

[أبو زيد ...]

والله ياخوفي يرتفع سعر الجمرك للسيارات المستورده ثم تدبل أسعار السيارات علشان يمشون بضاعتهم علينا

[we2]

طيب النموذج شكله ستاندر

وين الفل ابشن فتحة سقف

ههههههههههههههه

[ميكا مكشات]

كل شي عندنا أفضل في الشرق الأوسط وآخر شي يطلع اليمن عندهم أحسن من اللي عندنا

سيارة عاد؟؟؟؟؟
المثل يقول لاتكبر اللقمة تغص
الثقة معدومة بين المسئول والمواطن

[sulaiman.fj40]

هذا مشروع توظيف لباقي عمالة شرق اسيا /التصنيع بالابتكار وانتاج شي مختلف ويناسب اجواء المملكه اما استيراد قطع وتجميعها وتركيبها بعماله اجنبيه فقد سبقهم بها الجفالي في جده من 40 سنه يجمع شاحنات المرسيدس/