افزعوا يالربع اريد تجهيزات فورد اكسبديشن بالكويت

[كشات غربي]

السلام عليكم ، اهل الكويت النشامى ، أين مكان تجهيزات فورد اكسبديشن بالكويت ( تلبيس مقاعد وأي شي تنصحون به للسيارة ) جاي هاليومين ، احتاج االعنوان والمحلات المشهورة الله يحفظكم
وبالمرة وين نحصل سكن نظيف ومعقول لو حول مِشرف لأن لي حاجة هناك اكون ممنون لكم

[أبلج]

حياك الله بين أهلك وربعك

بالنسبة لتلبيس الكشنات (المقاعد) في منطقة شرق عندك محل التورة شغله نظيف وممتاز وعندك محل القطان كذلك

وعندك منطقة الشويخ الصناعية شارع الزينة تحصل فيه كل ماتحتاجه من الكماليات وزينة السيارات

وعندك في منطقة الشويخ ومنطقة الري وهي بجانبها هناك محلات كثيرة موزعة لتجهيز سيارات الدفع الرباعي

أما بالنسبة للسكن ماعندي خبرة لكن عندك منطقة السالمية يوجد فيها فنادق وشقق مفروشة متنوعة وموقع بوكنج تحصل فيه ان شاء الله اللي يناسبك

وأتمنى أكون أفدتك ببعض المعلومات

[كشات غربي]

يا مال
السعد
والهناء
بارك الله فيك
معلومات مفيدة و واضحة
شورك وهداية الله ، وكثّر الله من امثالك يا الطيب