شوركم يا أصحاب الخبرة: مشكلة غريبة في طرمبة بنزين اليوكن.....ادخل لتعرف غرابتها!!!!!

[نجر بن محماس]

لدي يوكن 98 ما شاء الله عليه ما فيه عيب إلا طرمبته الخايسة
طبعاً لا يخفى عليكم إن يوكن 98 و99 و97 وحتى من 2000 وفوق تكثر به هذه المشكلة
مشكلتي أنا إن الطرمبة تعطلت علي بمعنى إن البنزين ما عاد صار يوصل من التانكي للمكينة...وتأكدت بذلك بنفسي....والصفاية جديدة.
خليت الموتر واقف يومين ويوم رجعت له اشتغل....
مشى معي حول 5 أشهر ثم تعطلت الطرمبة
جبت مهندس وقال الطرمبة عطلانة وفعلاً أنا عارف إنها الطرمبة...
وجلس اليوكن في الحوش يومين ثم سحبني أخوي بسيارته للورشة..
ووقفته عند الورشة....ومن باب الفضول شغلته واشتغل!!!
استغربت وأخذت لي مشوار ومشى معي تمام...ولم أغير الطرمبة ولا شيء!!!
وله ولله الحمد الآن 4 أشهر من ذيك الساعة ولا هنا أي مشكلة..
لكن في الحقيقة أكشت بالسيارة وأنا على أعصابي...

وش تتوقعون المشكلة فيه يا جماعة؟؟؟؟؟؟

[شبح الصحراء]

طيب وش رايك تأخذ معاك طرمبة بنزين كهربائية ، انا حصلت طرمبة بنزين يابانية ممتازة تشتغل على كهرباء السيارة وسعرها 80 ريال . خذ واحده سبير معاك للحاجة وفصل لها مكان في اقرب ورشة وخلها جاهزة اذا تعطلت الطرمبة الأصلية ركبت الليات على طرمبة الكهرب .

[لبرتي]

طيب ليه ما تركب طرنبة لسيارة أخرى مثل الكابرس أو غيرها

لأن واحد من الشباب معه شروكي وتعطلت وركب طرمبة سيارة يابانية ومشت معه مضبوط
وأنا اتصلت عليه تو لكنه ما يرد لأنه نايم

[قير عادي]

الله يعينك اخوي نجر ،،، فعلاً واحد من الزملاء عنده نفس المشكلة بس المسكينة مهوب مثل يصبر ، غير الطرمبة مرتين .
(((((((((((((

اخوي شبح الصحراء ،،، ياليت تشرح الطريقة اللي تقول على شان نستفيد من هالتجربة

[ذيب ساقان]

نصيحه لك ياخوي نجربن محاس غيرها لاتتشحطط مثل ماصارلي أيام عيد الفطر في نقرة في عرق جهام بالدهنا تعطلت طرمبة البنزين موتر ولد خالي وجبته أسحبه من النقره إلى صناعية العاصمة في الرياض ، والخميس الماضي كاشتين في وادي الجفير وبرضه معنا جمس غماره ونص ونفس المشكله طرمبة البنزين معاد تدفع وحنا المشكلة نسمع صوتها بس ماتدفع بنزين وجبته أسحبه إلى مفرق نساح قبال فيهق .

المشكلة كلهم يقولون نفس الموضوع إنها تعطلت عليهم من فتره وإلى راحو للورشه أشتغل الموتر وخذ ياطناش ، ومن عقبها أطلق واحد من الشباب على موتري الباترول (حمال الأسيه) . :no2:

[الجماجمي]

vxr وريح اعصابك

[شبح الصحراء]

الله يعينك اخوي نجر ،،، فعلاً واحد من الزملاء عنده نفس المشكلة بس المسكينة مهوب مثل يصبر ، غير الطرمبة مرتين .
(((((((((((((

اخوي شبح الصحراء ،،، ياليت تشرح الطريقة اللي تقول على شان نستفيد من هالتجربة

بصراحة لا اعرف طريقة ترهيمها ولكن انا طرحتها كفكرة فقط ، انا شفت الطرمبة الكهربائية وهي صغيرة بحجم راحة اليد وصناعتها يابانية وهناك طرمبة المازدا القديمة والـ 200 ال كلها كهربائية ، يعني الواحد يخلي معاه واحدة جاهزة للضرورة خصوصاً اصحاب اليوكون .

[نجر بن محماس]

أخواني شبح الصحراء...آخر لفة....قير عادي....الدخيل....الجماجمي
أشكر لكم مداخلاتكم واقتراحاتكم
وجزاكم الله كل خير
لكن لاحظوا إن الطرمبة تعطلت واشتغلت.....يعني يمكن الخلل ما هو منها

[أبوكلبشة]

يا خوي المشكله ذي صارت معي
والحل
شفت الواير الي يشبك بالطرمبه غيروه وانتهى الموضوع يعني طرمبتك سليمه ياخوي الواير هو الي لاذع غيره
وقلي وش صار معك بعده

[راعي ال 8100]

يا خوي المشكله ذي صارت معي
والحل
شفت الواير الي يشبك بالطرمبه غيروه وانتهى الموضوع يعني طرمبتك سليمه ياخوي الواير هو الي لاذع غيره
وقلي وش صار معك بعده

اضم كلامي مع اخوي ابو كلبشة .,.,.,.,.,.,.,.,.,

[بدوي جنوبي]

اكثر الناس تشتكي من طرمبه الجمس 1500 واليوكن من 94/ 99

والكابرس من 94 / 96

عموما حتي لو طرمبة البنزين سليمه انصحك تاخذ معك وحده احتياط لا سمح الله تعطلت في بر تقدر تغيرها وتغييرها بسيط



او كنت مسافر اقرب ورشه او بنشري

[عريدان]

أقول وين الأساتذه اليابانيين ما يفزعون للخواجه. إتفو عليهم إن كانهم متعنيين الخيابه وإتفو ثانيه عليهم إن كان يصنعون سيارات من عشرات السنين ولا يحكمونها.حتى أككالة الكلاب الصينيين بيسبقون ذا الحمررر العطرررر. سبحان الله ما يربحون ولا يجي شغلهم متوافق أبد.:p

[علي الشهري]

أخوي :نجر بن محماس
أنا ممن عانى الأمرين في طرمبة اليوكن
وودي أسألك هل ذهبت بها للوكالة لأن الخلل واضح إنه كهربائي

[الماحي]

السلام عليكم ورحمة اللة تعالى جميعآ والصلاة والسلام على سيدالخلق اجمعين واله وصحبه الي يوم الدين *(فسبحان من ثبت الجبال وحرك امواج البحار وجعل رحمته لكل غفار::::اخي نجر ان اكثر سبب لخراب طرنبة البنزين الكهربئية في اليوكن هو عدم تغيير فلتر البنزين الموجود اسفل السياره فيجب تغيره كل 6 او8 اشهر وانت عارف محطات البنزين كيف نظيفة هدا سبب والسبب الأخر هو فيش الطرنبه الكهربائي (هناك طرنبه دات ضغط عالي مثل محرك 454 تختلف عن 350 ركز في الجوده دائمآ ) والله اعلم الأفضل للبر السيارت القديمه دات الطرنبه الميكانيكيه تستطيع تغيرها وانت في البر << والسلام عليكم اخوكم )))الماحي((( عاشق بليزر81

[سداااااح]

راجع الرابط
http://www.mekshat.com/vb/showthread.php?t=39329

[تنوم]

ركب طرمبة لاند كروزر ونم دورلك كهربائي شاطر

[ابا السدر]

يمكن ان التانكي يكون مكتوم جرب افتح الغطاء وخله شوي

[كبسولة2]

مشكلة الطرنمبات من فيش الكهرباء وليس الطرمنبة نفسها

يجب تنظيف الفيش بعد الأمطار ووضع عليه سيلكون شفاف يمنع دخول الأتربة والماء