إستفسار بسيط

[fffsub]

أمس شريت سوبربان شفر 2011 نظيف. حصلت المالك السابق مركب جلد على أطراف الأبواب والشنطه من الداخل. سألته عنها قال هذي ركبها لي يماني وانا في الغرابي.
السؤال: هل الجلد هذي منها فايده أو أشيلها؟ هل سبق أحد جربها؟ وش إنطباعاتكم عنها؟

[اسبيدر مان]

هذي سلمك الله تفيد اذا كان فيه تنسيم هوى بالباب فهي تخفظ الصوت
لكن النوع الى يركبه اليمنيه الى في الغرابي نوع رخيص
سبق ركبته عند واحد منهم هل يمنيه وصار عندي صوت صفير في احد الابواب فقمت وشلته لكن بقى اثر للغراء وقطع منه عالقه بالباب

اذا مافيه منه اي مشكله خله مع ان الامريكي بيبانه ثقيله ونارد تطلع صوت بالهواء عكس الياباني

[fffsub]

يعطيك العافيه اخوي اسبيدر مان، شكرًا لك

نسمع وجهات نظر أخرى من باقي الأعضاء

[المميـز]

:

ماشاء الله مبروك الموتر الله يعطيك خيره ويكفيك شره
بالنسبه للجلد اللاصق نصيحتي لك لاتشيله لان شيلته صعبه
ولازم يفكونهلك محلات التلميع بمبلغ وقدره
واعتقد ان الباب الان انوزن على هذا الجلد
لو شلته الان راح يطلع عندك صوت هواء ولازم توزن الابواب من جديد

:

[fffsub]

مشكور أخوي المميز، يعطيك ألف عافيه.

[المناعي2]

نصيحة شله و ركب ربل جديد من الوكالة

[fffsub]

شكرًا لك أخوي المناعي٢