برادو ديزل .............

[عزوتي نايف]

أخوتي وأحبتي أردت أن أستفسر عن البرادو الديزل ومن لديه خبره فيه أو تجربه معه يفيدنا فيها...

[عزوتي نايف]

معقولة ما فيه أحد جرب البرادو ديزل

والا الشباب ذا اليومين مشغولين بالبر ...

[أبوتركي الخالدي]

أخوي عزوتي نايف

بالنسبة للبرادو ديزل تسأل عنه من اي ناحية

من ناحية الصرف والا العزم والسرعة والا القيمة

والا من ناحية رساوته في الخط والا إذا كان الهواء مقابلك والا في الطلعات

والا تبغى تلفون واحد مجرب آمر أدلك

أنا الي عندي براد 4 سرندل بنزين

[عزوتي نايف]

يا رب تحفظك يا الغالي

سؤالي المختصر عن البرادو

هو عن أبرز العيوب في فئة الديزل

وكما هو معروف فإن فئة الديزل حسب علمي لا يأتي في البرادو الا 4 سرندل

فهل هذا صحيح ؟

ونصائح من جرب هذا النوع هل ينصح باقتنائه ...


ولك تقديري

[أبو حـــمد]

واحد من أقرب الناس لي شرا برادو ديزل طبعا 4 سلندر بقوة 94 حصان (( ما فيه الا ذي المكينة )) موديل 2005 جديد من الوكالة
طبعا أنسى موضوع أنك تسرع عليه , أسرع شيء 160 .
بالديره مهب شين ابد و صرف الديزل ممتاز جدا ...25 ريال 550 كيلو ...
خوينا يمسك خط الرياض الظهران ( من حقين جامعة البترول ) دائما و ما أشتكى من الموتر ..
مشكلة الموتر أنك اذا جيت تغير زيت تتعب تدور محل عنده سيفون و زيت للديزل و تضطر بعض الاحيان تحط زيت غير اللي كنت تستعمله لأنك ما لقيته. و أيضا المشلكة الثانية واجهتنا أيام العيد و هي أن السيارة لازم تغير فلتر الديزل كل 25 ألف كم ,,, طبعا الوكالة مقفلة درنا كل محلات قطع الغيار و ما لقينا فلتر لها ....طبعا لو ما غيرت الفلتر راح تطلع السيارة دخان أسود من الشكمان .
نجي للنقطة الأهم و هي أدائه في البر ... صراحة أحب أنبه على شيء ان السيارة في البر اذا ساقاها واحد يعرف للبر فهي راح تمشي و العكس صحيح حتى لو معك همر . في البر حليو لكن ما يقارن بالجيوب الكبيره يعني أقيمه 7من10 لكن أهم شيء تنسم علشان تعطي الموتر قوة .
أنا جربت الـgxديزل "6سلندر" و طبعا جربت البرادو ..النتيجة الـgxأفضل بكثييييير و صرفيته مهيب بعيده عن البرادو.
هذا و الله أعلم.
فيه ملاحظة ثانية : راعي السيارة أحس بعض الأيام أنه((( متحسف ))) على شراءها لكني دايم أقوله أحمد ربك غيرك ما معهم جيوب .و إذا شفته ما أستانس قلت له : تدري بكم أنا أعبي الـVXR؟ يقولي : بكم ؟ أقوله : بـ60 ريال فيستانس عقبها .....أحس أنه يقول في نفسه ( من رأى مصيبة غيره هانت عليه مصيبته)

[عزوتي نايف]

شكرا من الأعماق أخي الغالي ابو أحمد

معلومات مهمة جدا

جزاك الله خيرا

[أبو حـــمد]

العفو و لا شكر على واجب