الرجاء المساعدة لمن يملك جير تيبترونيك وعنده معلومات عن كيفية استخدامه الصحيح

[محمد94]

بسم الله الرحمن الرحيم

السلام عليكم يا شباب الخير

لو سمحتوا ممكن تفيدوني من خبرتكم بكيفية استخدام الجير التيبترونيك يلي هو خلف المقود وأخص الذكر بنوعية السيارة : متسوبيشي لانسر جي تي 2009

سؤالي الاول بالقومه ممكن اخلي جير اول وادوس بدون ما ابدل؟؟
إلى أي رقم في ال RPM لازم ما يتعداه لحتى ما يصير ضرر للسيارة
وهل الضرر عالجير ولا المكينة ؟؟
ما هو افضل رقم Rpm أثناء تحويل التروس

ثانيا لنفرض كنت على 120 وجيت اوقف هل الافضل ادوس بريك واخليه ينزل التروس تلقائيا لوحده أم الأفضل اشوف السرعه وانقص الترس مع العلم أحيانا لما ادوس ناقص والسياره على سرعه معينه اسمع صوت المحرك مع رده خفيفه هل هذا طبيعي ؟؟

خايف ان نزول التروس التلقائي فيها غلط مثل لما تزيد سرعتك ويوصل على ال rpm على 5 وما يحول عالترس المطلوب

آسف على الاسئلة الكثيرة (معليه اخوكم مبتدئ )

أتمنى منكم الافادة وشكرا جزيلا

[الصيادالمليح]

الافضل عند التعشيق يكون مؤشر عدد دورات المكينة ما بين ٢ و ٣ ثم تعشق ولما توصل للاخير فالافضل تخليه على الاوتوماتيك حتى يتغير اذا خفضت سرعة السيارة بشكل فجائي
وهذا يختلف اذا كنت داعس ومنطلق فيكون التعشيقات عند دورات المكينة ما بين ٣ ونص الى ٤
عادة نادرا ما تستخدم خاصية التربترونك اوقات الزحمة

[المميـز]

:

افضل استخدام للتبترونك اذا كنت بزحمه وماتبي القير كل شوي بعشق خامس وسرعتك ماتعدت ٧٠
وحط القير على الثالث

ولراعين البر استخدامه ينوب عن القير العادي

:

[محمد94]

جزاكم الله خيرا على الردود

ليش أحسه أبطأ من الاتوماتيك مع انه المفروض يكون اسرع على حسب ما قريت

عندي سؤال في الاتوماتيك الحين لما ازيد عزم الRPM على4 و5 ينقل النمرة لوحده ولا لازم اشيل رجلي لمدة ثانية وارد ادوس


أرجو ان اعلم المزيد من خبرتكم وشكرا