من يساعدني بوزن النور !!!!

[عود رمث]

السلام عليكم ورحمة الله وبركاته

أخواني الأعزاء تحية طيبة

احب آزن نور السيارة بحيث إنه يخدمني في الطريق دون إيذاء للمقابل ( طبعا النور الواطي )
كذلك ما أبيه منتشر يمين وشمال ..

وش الطريقة العملية العلمية ؟؟

طبعا أعرف آزنه بالتجربة خارج أنوار المدينة .. لكن أنا ابي آزنه داخل البيت ...
يعني قريب من جدار !! فهل أحد عنده خبرة بالمسافات والزوايا المطلوب مراعاتها !!

شاكرا ومقدرا للجميع

والسلام عليكم

عود رمث

[zaizoom]

( عود رمث )

هلابك يالغلا ..

أسهل طريقة لوزن النور :

هي تضع وجه السيارة مقابل جدار مستو ( بحيث تكون وجهية الموتر عمودية بالضبط على الجدار )

ويكون الجدار مستو ( ليس به بروزات أو حفر ) ..

وتكون المسافة قرابة مترين ..

بعد ذلك، تأتي بسكروب وتفتح الكبوت وتبدأ بحل أو ربط المسامير المثبتة على جرم النور

( مسامير صغيرة ) .. مع مراقبتك لتأثير النور ( على الجدار ) ..

حيث ( الحل ) يخفض النور .. و ( الربط ) يرفع النور ..

وبهذا تكون قد وزنت النور بالتمام ان شاء الله ..
.
.
ملاحظة:

بعض السيارات الجديدة يأتي لها زر داخلي يتحكم بالنور ( ارتفاعا وانخفاضا ) .. فانتبه
.
.
الوزن يكون في المنزل وليس على جبال القشيع :D :D :D

شكرا لك

[خالد777]

ليتك اخوي ذكرت السيارة علشان طريقة الوزن تجيك من واحد من عدلاك بالسيارة
طيب رح لليزر والا الرمال ونم

[snnar]

انتبة ان انوار السيارات بالخليج تجي الواطي منحرف لليمين قليلا حتى لا تعمي المقابل لك واذا وزنت النور الواطي على ها الاساس العالي يجي بخط مستقيم اي عدال بدون اي انحراف واحسن طريقة اذا كان الموتر شمعة واحدة للعالي والواطي انك توزن العالي تلقاياً يازن الواطي ويكون منحرف يمين قليلا

[عود رمث]

السلام عليكم

أشكر لكما اخواني
zaizoom (http://www.mekshat.com/vb/member.php?u=33400) و خالد777

استجابتكما ..

لكن أنا قلت إني
أعرف آزنه بالتجربة خارج أنوار المدينة .. لكن أنا ابي آزنه داخل البيت

فمسألة رفع النور وخفضه ويمين وشمال أعرفها

أنا أبي أعرف وش المسافة اللي تصير بين السيارة والجدار .. ووين يكون تركيز النور على الجدار ..

اما نوع السيارة فأي سيارة ممكن نطبق عليها بدون تحديد نوع

وفقكما الله وجزاكما عني خيرا


((( مشكلة القشيع إنه منور هالحين مايصلح للشغلة :) )))

والمحلات ماودي أروح لهم لأنهم مايبردون الكبد .. يعني عمال يتعلمون إن صابت ولا ( ما فيه مشكل ) بعدين وأنا أخوك أنا ودي أعتمد على نفسي قدر الإمكان

vbmenu_register("postmenu_567175", true);

[2bo_klod]

السلام عليكم ورحمة الله وبركاته


الله يعطيك العافيه يالغالي

الله يعافيك في طريقه انا قاريها في كتلوج السياره "فورد" و كنت دائما امشي عليها و ان شا لله انها بتريح زي ما ريحتني في الخطوط


الطريقه هي " انك توقف موترك على بعد سبع امتار بالضبط عن جدار مستوي وتكبس العالي وتقيس المسافه بين الأرض واللمبه ونفرض انها 70 سم "وليست الشمعه" وتوزن النور لين ما يصير تركيز النور على نفس المسافه بين الارض واللمبه 70 سم ...

وهذي الطريقه يالغالي ما تصلح الا اذا كان النور الواطي يتحرك مع العالي.


وان شا لله اكون افدتك ولا اكون طولت عليك ولا يهونون الرجال

والسلام خير الختام

[مروق]

السلام عليكم ..

حسب علمي انها عمليه بسيطه .. تعتمد على نفس الشخص وطريقة قيادته

وممكن نضع لها افترضيات علميه بشكل مبسط ..

1- المسافه بين السيارة والجدار يجب ان لاتزيد 9 متر ( غالبا السيارت يأتي تركيز النور الواطي في حدود هذهي المسافه )

2 - وزن كل شمعه على حده اولا ( مع مرعاة ان اسفل نقطه بالجدار هي خط التوازن )

3- الشمعه اليمين مستقيمة الاشعاع

4- الشمعه اليسار منحرفه قليل لليمين

.....


قبل التجربه على الطبيعه ... يستحسن وضع علامات بالجدار .. لكي يسهل الوزن مرة اخرى



وبالتوفيق ...

[عود رمث]

السلام عليكم

المعذرة أخي snnar لم أرى ردك إلا هذه الساعة .. لأني على مايبدو كنت أكتب ردي السابق وأنت تضيف ردك ... جزاك الله خيرا وقد أجدت وأفدت

عزيزي 2bo_klod ومروق

أشكر لكما إفادتكما

والتجربة سهلة وميسورة

أجرب ونشوف النتيجة

وعافاكم الله


عود رمث