هانكوك - يوكوهاما - بريجستون ... وغيرها (مشاورة)

[المحتطب]

السلام عليكم


حي الله النشامى , كيف حالكم ؟ :)


أعتقد أن الكثير من الناس وبالذات اللي توه يبي يشري الموتر يحتار وش نوع الكفرات اللي تناسب موتره أو وش نوع الكفرات المضمون والأصلي والجيد ..

ياليت لو كل واحد يدخل هنا ويحط نوع الكفرات اللي يستخدمه أو كد استخدمه ويكتب انطباعه عنه بشكل عام (سلبيات وإيجابيات ...)





وبالنهاية : وش تنصحون بنوع كفرات على الهايلوكس 2005 أو نفس الشكل يعني نبي من الكفرات اللي ينفعن لأهل البر والمكشات ! :)



بمان الله , وأبنتظركم !!!! :)



.

[الأسمري 2009]

برجستون

تويو

هانكوك




ولك تحياتي

[Bader-M]

السلام عليكم ورحمة الله وبركاتة
.......

يتم اختيار الكفرات على حسب طريقة الاستخدام

مثلا

اذا كنت راعي مطاعس ونفود
فالمعروف انه كلما كان الكفر الين كان افضل
و اليوكوهما مشهور بهذا

اما اذا كنت راعي شعبان و صيد
عندها تكون الافضليه للكفر ( القاسي )
وبرجستون مشهور بهذا

تحياتي اليك

[خياله]

اخي كانك راعي نفود خذ هانكوك وكانك راعي ضلوعه خذ يوكوهاما او دنلوب

[ابو نوره]

السلام عليكم
انا استعمل النلوب الياباني للجيب الباترول ممتاز بس عذروبه الصوت


وناوي اركب قريب كفرات كوبر الامريكيه مقاس 265/75/16
12 غاط وعليها ضمان سنتين
فياليت من يعرف عن هذي النوعيه يعلمني عن عيوبها وشكراً

[أبوكلبشة]

ياخوان انا قبل فتره شريت شاص

وبغير كفراته وجنوطه الجنوط موجودة بس الكفرات وش تنصحوني اركب عليه علما ان الجنوط
عراض حقت لكزس

[almobd3]

انا معي هايلكس ومركب كفرات بريجستون
بس ماينفعن ابد ابد ابد
لأنهن قاسيات مره ولا ينفعن للبر

[المحتطب]

الشكر موصول لكم جميعا :)

ياليت لو يشاركونا باقي الأعضاء حتى تتكون موسوعة كاملة مكملة !!! :)




.

[GL2006]

احلى شي للنفود دومنيتور <<< من واقع تجربه
لأنه ليه ومريح بالمدينة

[anas]

انا بالنسبة لي معي يوكوهاما لين وممتاز بصراحة للتطعيس اما بالنسبة للخطوط في السفر صوته ظاهر وبالنسبة للبنشر ممتاز بنشر وانا على سرعة 140 كلم والحمد لله السيارة ثابته في الخط ، وكلام اخونا طاير بالعجة على متمه .

[المحتطب]

جميل !! :)

ولا زلنا بانتظار البقية ! :)


.

[@الزيرسالم@]

انا معي هايلكس 2005 ومركب كفرات هانكوك على جنوط مرسيدس ما شاءالله حقات خطوط وبران وضلعان وطعوس اسأل مجرب يوميا بها البران ماشيه زي الحلاوة ولا قالت بممممم وعلى فكره تراها راسيه بالخط لأن الكفر لين مره اريحلك واريح للموتر ابد ما جاك عني خذلك هانكوك صح انه كوري بس والله انه اطلق من الياباني وارخص وارجو اني قد افدتك........

[نايف الدهيمان]

غير الهانكوك لاتدور

وشكراا

[متألق دائما]

كما قالوا الإخوان .... هانكوك ممتازه للنفود .. وذا أنت راعي شعيب وتربات ومسحيات لا تدور غير يوكوهاما ... وخذ مقاس 225/70 ..

[الكوسه]

السلام عليكم

اخوي المحتطب اسمع الكلام اللي على ماقال (تــوب)
الهانكوك على انه كوري الى انه احسن احسن كفر للنفود والتطعيس له مميزاته وعيوبه عيوبه الله يسلمك مايتحمل الحصى على طول رقعه
لاكن انت لاتشري شي الى على نوع استخدامك يعني كانك راعي خط وطلعاتك للبر كل اسبوعين اشر يوكهاما والمعلوميه قوله لين لليوكهاما تراه توليفه صح انه الين من الوكاله بس ماتصير جودته مثل جوده الهانكوك بالنفود اليوكهاما تعطيه واحد همن الثاني ينااااااااااام عزمه لاكن الهانكوك عطي الله يمشي بالنفود بس يبي يشغلك بس اليوكهاما يتحمل اكثر انا اتكلم على الهيلوكس طبعا وانت ابخص
وسلامتكم...,

[الكلاسك]

هانكوك يفي بالغرض رخيص ولين وبدل ما اشتري كفرات واخليها سنتين او ثلاث سنوات اشتري هانكوك واغيره كل سنه او سنه ونص وميزته انه صناعته متقنه يعني لما ترصصه يضبط معك وحتى لو نسمته ما يحبل بسرعه لانه فيه اسلاك صغيره مره خيوط . ومن واقع تجربه طبعا
انا ركبت كفرات تويو الياباني غااالي الواحد ب 500 ريال اكتشفت انه خااااااايس بعد سنه ييبس يصير يزحلق كنك في مطر ويطلع دخنه منه * النوع الثاني كفر ياباني اسمه سوموتومو ياباني ركبته عند زول عطاني ايمان انه افضل كفر واركبه واجيك بعد ثلاث ايام للزول قلت له خذ كفراتك تعبانه والسبب انها مهما ترصصها ترج صناعتها غير متقنه* الكفر الثاني بردجستون هذا عباره عن قلم رصاص بسرعه يتسحل . وموفقين

[شـهـاب]

من واقع تجربتي معي هايلوكس 2003

ركبت سومو تومو طبعاً ولا بقرش
ركبت برجستون - قااسي مره حق خطوط بس

الان مركب هانكوك كوري ورخيص وممتاز : اما بالنسبه لنفود لا تدور غيره ابد ابد ابد ممتاز مره
والان له معي سنه والحمد لله من ابدع ما يكون
لكن مشكلته في الحصى يصعرر واذا ماشفت هالشي الا بعد مامضى عليه سنه

ولخطوط ممتاز مع ان به صوت لكن ما يضر الصوت

واليوكوهاما يمدحونه بس انه اثقل من الهانكوك بالنفود

[جلاد الصحراء]

ياحبيبي خذها مني الهنكوك يطلع صوت بالخط لاتدور غير اليوكوهاما